Publications et Esprit de Prophétie IOUC

01/05/2026

Advisory publishing IOUC.

Fivoriana niarahana tamin'ny talen'ny SID ary ireo avy eo anivon'ny Fédération eto Madagasikara sy ny nosy manodidina.

Tokony ho lohaharana amin'ny famitana ny asa ny fampielezamboky satria avy amin'ilay Tompon'ny Boky sy nampijoro ny fiangonana tamin'ny alalan'ny Boky.

Tompon'andraikitra mafonja amin'ny tetikasa ONE VOICE 27 ihany koa izany sampana izany.

22/04/2026

Miarahaba antsika rehetra.

Rehefa nahita ny fanamarihana nataonareo izahay dia nahatsapa fa Hendry kokoa ny hevitra avy aminareo.

Misaotra ny Federasiona rehetra isika amin'ny fanamarihana.

Mety ho mafy amin'ny fiangonana ny hanaraka boky 2.

Koa na eo azy ny fahamaizana hamita ny asa dia aleo mampitovy tadindokanga ny fiangonana manontolo eo anivon'ny UNION.

Amporisihana koa isika hanaraka hatrany ny fanambarana ofisialy mivoaka avy any amin'ny Federasiona satria ny tambazotra serasera dia fanamoràna fifandraisana fotsiny ihany fa tsy mahasolo ny "circulaire" mahazatra hatrizay.

Indro ary ny TETIANDRO TENA IZY ARAHAN'NY REHETRA.

FANOMPOANA KRISTIANA
19 Avril Toko 1 – 2
26 Avril – 02 Mai Toko 3 – 4
03 Mai Toko 5 – 6
10 Mai Toko 7 – 8
17 Mai Toko 9 – 10
24 Mai Toko 11 – 12
31 Mai – 06 Juin Toko 13 – 14
07 Juin Toko 15 – 16
14 Juin Toko 17 – 18
21 Juin Toko 19 – 20
28 Juin – 04 Juillet Toko 21 – 22
05 – 11 Juillet Toko 23 – 24
12 – 18 Juillet Toko 25 – 26
19 – 25 Juillet Toko 27
MPAMINANY SY MPANJAKA

JOLAY 2026- Boky : Mpaminany sy Mpanjaka
• 26 Jolay: Toko 1-2
AOGOSITRA 2026 – Boky: Mpaminany sy Mpanjaka
• 2 Aogositra: Toko 3-4
• 9 Aogositra: Toko 5-6
• 16 Aogositra: Toko 7-8
• 23 Aogositra: Toko 9-10
• 30 Aogositra: Toko 11-12
SEPTAMBRA 2026 – Boky: Mpaminany sy Mpanjaka
• 6 Septambra: Toko 13-14
• 13 Septambra: Toko 15-16
• 20 Septambra: Toko 17-18
• 27 Septambra: Toko 19-20
OKTOBRA 2026 – Boky: Mpaminany sy Mpanjaka
• 4 Oktobra: Toko 21-22
• 11 Oktobra: Toko 23-24
• 18 Oktobra: Toko 25-26
• 25 Oktobra: Toko 27-28
NOVAMBRA 2026 – Boky: Mpaminany sy Mpanjaka
• 1 Novambra: Toko 29-30
• 8 Novambra: Toko 31-32
• 15 Novambra: Toko 33-34
• 22 Novambra: Toko 35-36
• 29 Novambra: Toko 37
DESAMBRA 2026 – Boky: Mpaminany sy Mpanjaka
• 6 Desambra: Toko 38
• 13 Desambra: Toko 39
• 20 Desambra: Toko 40
• 27 Desambra: Toko 41–42

SAMIA TAHIANA,

20/04/2026

Miarahaba antsika amin'ny anaran'Ilay Tia antsika.

Araka ny efa nolazaina tamintsika dia vantany vao mampidina ny boky FF ny avy eo anivon'ny foibe manerantany dia ho zaraina amintsika izany.

Noho izany dia tianay ny milaza amintsika fa ny boky ho vakiana ny taona 2026 dia "MPAMINANY SY MPANJAKA"
Manomboka ny toko 2 voalohany isika izao.

Resy lahatra koa anefa izahay fa tena ilain'ny fiangonana tokoa ny boky " FANOMPOANA KRISTIANINA" koa mamporisika ny mambra rehetra hamaky izany isan'andro, ny fiangonana kosa hamintina toko 1 isantsabata mba ho fianantsika ny fiainampanompoana.

Koa alao hery ary ry mpiray fanantenana malala.

Samia Tahiana.

09/04/2026

Miarahaba antsika rehetra.

Indro atolotra ho antsika ny boky vakian'ny fiangonana ny Alarobia sy sabata ary vakian'ny isampianakaviana andavan'andro manomboka ny 19 Aprily ho avy izao.

FANOMPOANA KRISTIANINA

Toko iray isan-kerinandro no vakiana.

Boky tena ilain'ny fiangonana ankehitriny izany boky izany koa dia Mirary antsika rehetra mba hazoto hamaky ary ho feno ny fanahin'ny Iraka mba hiavian'Ilay nandrasana tsy ho ela intsony.

Ps: raha misy taridalana vaovao avy any amin'ny Foibe manerantany dia mampilaza ihany izahay.

16/02/2026

FAMINTINANA PATRIARIKA SY MPAMINANY

Toko 62 — Ny fanosorana an’i Davida (1 Samoela 16:1-13)

Rehefa nolavin’Andriamanitra i Saoly dia nalefany tany Betlehema ny mpaminany Samoela mba hanosotra mpanjaka vaovao avy amin’ny zanak’i Jese. Raha nahita an’i Eliaba, izay zokiny tsara bika , i Samoela dia nihevitra fa izy no nofidin’Andriamanitra. Kanefa nampahatsiahy azy Andriamanitra hoe :

“Ny olona mijery ny tarehy, fa Jehovah mijery ny fo.”

Tsy nisy tamin’ireo aseho teo no voafidy. Farany, nantsoina i Davida, ilay faralahy, mpiandry ondry teny an-tsaha. Izy no nofidin’Andriamanitra, ka nohosoran’i Samoela mangingina. Hatramin’io andro io dia tonga tao aminy ny Fanahin’i Jehovah.

Na dia efa voatendry ho mpanjaka aza izy, dia nijanona ho manetry tena ka niverina niandry ondry. Teny an-tsaha, tao anatin’ny fahanginana sy ny natiora, no namolavolana ny toetrany. Tao no nianarany nino sy natoky an’Andriamanitra, nihira sy nisaintsaina.

Mampiseho ity toko ity fa Andriamanitra manomana ny mpanompony any amin’ny miafina, alohan’ny hanandratany azy eo imason’ny olona.

Toko 63 — Davida sy Goliata (1 Samoela 16:14–23 ; 17)

Rehefa nolavina i Saoly dia nanjary kivy sy sahirana tao an-tsainy. Nantsoina tany an-dapany i Davida mba hitendry harpa sy hampionona azy. Na izany aza dia mbola niverina niandry ondry ihany izy, ka tany no niadiany tamin’ny liona sy bera, izay nampitombo ny finoany sy ny herim-pony.

Nandritra ny ady tamin’ny Filistina dia nisy lehilahy goavam-be atao hoe Goliata nanamby an’i Israely nandritra ny efapolo andro. Natahotra ny miaramila rehetra. Davida, izay nitondra sakafo ho an’ny rahalahiny, dia tezitra fa misy manaratsy Ilay Andriamanitra velona.

Na dia mbola tanora aza izy ary noesoina , dia nilaza tamim-pahatokiana hoe :

“Jehovah izay namonjy ahy tamin’ny liona sy ny bera no hamonjy ahy amin’ity Filistina ity koa.”

Nandà ny fiadian’i Saoly izy, ka nandeha niady tamin’ny tsorakazo sy vato dimy. Nambarany fa tsy amin’ny sabatra na lefona no andresena, fa amin’ny anaran’i Jehovah. Vato iray monja no namely an’i Goliata ka lavo izy. Nahazo fandresena lehibe i Israely.

Mampiseho ity toko ity fa ny finoana no tena hery, ary Andriamanitra mampiasa izay matoky Azy, na dia toa malemy eo imason’ny olona aza.

Hevitra fototra amin’ireo toko roa
1. Andriamanitra mijery ny fo fa tsy ny bika ivelany.
2. Ny toetra tsara dia miorina amin’ny fahatokiana sy fanetren-tena amin’ny zavatra madinika.
3. Ny ady any amin'ny tsy hita maso no manomana amin’ny fandresena lehibe.
4. An’Andriamanitra ny fandresena.

03/02/2026

FAMINTINANA PATRIARIKA SY MPAMINANY TOKO-60

Taorian’ny fandreseny ny Amonita dia nanao hadisoana stratejika i Saoly satria nampihena ny tafiny izy, fa tsy nanararaotra ny fandresena mba hampahalemy tanteraka ny Filistina. Nanangona tafika lehibe ireo Filistina ka niteraka tahotra teo amin’ny Isiraely: maro no nandositra, ary ny sasany niafina. Efa nasain’i Samoela niandry fito andro tao Gilgala i Saoly alohan’ny hanolorana fanatitra sy handraisana toromarika avy amin’Andriamanitra. Saingy noho ny fahataran’ilay mpaminany sy ny tahotra niparitaka teo amin’ny vahoaka dia tsy nahandry i Saoly. Izy tenany no nanolotra ny fanatitra dorana, ka nandika mivantana ny didin’Andriamanitra. Noho izany tsy fankatoavana izany dia nilazan’i Samoela izy fa tsy haharitra ny fanjakany, satria Andriamanitra dia hifidy mpanjaka hafa, izay hanaraka ny sitrapony.

Mandritra izany fotoana izany kosa, i Jonatana zanak’i Saoly dia naneho finoana lalina. Niaraka tamin’ny mpitondra fiadiany izy nanafika tobin’ny Filistina, satria nino fa afaka mamonjy Andriamanitra na amin’ny maro na amin’ny vitsy. Niditra an-tsehatra Andriamanitra ka niteraka fikorontanana teo amin’ny tobin’ny fahavalo, ary resin’ny Isiraely ny Filistina.

Na izany aza dia nanao fahadisoana indray i Saoly tamin’ny nametrahany fitsipika henjana loatra tsy hi sakafo ho an’ny miaramilany mandra-paharivan’ny andro, noho ny faniriany hanome voninahitra ny tenany fa tsy Andriamanitra. Nahatonga fahalemena teo amin’ny tafika izany. I Jonatana, tsy nahalala ilay didy, dia nihinana tantely kely ka voaheloka ho faty araka ny tenin-drainy. Saingy niaro azy ny vahoaka, satria fantany fa Andriamanitra no tena nanome ny fandresena fa tsy ny mpanjaka.

Lesona lehibe: asehon’ity toko ity fa ny tsy faharetana, ny fireharehana ary ny fitokisana amin’ny tena manokana dia mety hahavery ny mpitarika. Ny fankatoavana sy ny finoana feno fanetren-tena, tahaka an’i Jonatana, no tena mitondra fandresena sy faharetan’ny fitondrana.

28/01/2026

FAMINTINANA NY TOKO 59.

Ny Toko faha-59 (1 Samoela 8–12) dia manazava ny antony nifindran’i Israely avy amin’ny fitondrana teo ambany fahefan’Andriamanitra mivantana ho amin’ny fanjakana tantanan'ny Mpanjaka, ny fomba nifidianana an’i Saoly ho mpanjaka, ary ny lesona ara-panahy nampitain’i Samoela ny amin'ny vokatry ny faniriana ho “tahaka ny firenena hafa”.

Tamin’ny voalohany, i Israely dia notantanan’Andriamanitra mivantana: ny mpitsara sy ny mpitarika dia tsy nanao lalàna vaovao fa nampihatra ny lalàn’Andriamanitra fotsiny. Rehefa nandeha anefa ny fotoana, dia naka tahaka ny fomba fiainan’ny firenena manodidina azy i Israely, nisy fisarahana teo amin’ny samy foko, ary nihena ny fahatokisany an’Andriamanitra. Rehefa antitra i Samoela ary hita fa nanao kolikoly sy nanao fitsarana tsy ara-drariny ny zanany lahy, dia noararaotin’ny loholona ho antony hangatahana mpanjaka izany. Takatr’i Samoela anefa fa tsy fanovana ara-pitantanana fotsiny no tadiavin’ny vahoaka, fa fandavana ny fitondran’Andriamanitra mivantana.

Nandidy an’i Samoela Andriamanitra hanaiky ny fangatahan’ny vahoaka, nefa hananatra azy ireo mialoha. Nasehon’i Samoela mazava ny vokatry ny fanjakana mpanjaka: fanangonana miaramila an-tery, asa an-terivozona, fakàna ny fananan’ny olona, hetra mavesatra, ary farany, faneriterena izay tsy ho mora foanana intsony. Na teo aza izany rehetra izany, mbola nikiry ny vahoaka satria te hanana mpanjaka izy mba ho hita ho matanjaka sy hitovy amin’ny firenena hafa, maneho ny fiantraikan’ny fireharehana sy ny fitiavana hanaraka izao tontolo izao amin’ny fanapahan-kevitra politika.

Andriamanitra dia nifidy an’i Saoly, izay nety tamin'ny mason’ny olona noho ny bika aman’endriny, na dia mbola marefo aza ny fahamatorany ara-panahy. Ny fiantsoana azy dia naseho tamin’ny zava-nitranga voalahatra mialoha (ny fitadiavana ny biby very), ny fanosorana azy mangingina nataon’i Samoela, ary famantarana maromaro nanaporofo fa niasa taminy ny Fanahin’Andriamanitra. Nambara ampahibemaso tamin’ny antsapaka i Saoly, na dia mbola nisy aza ny fanoherana. Tsy nanery ny fahefany izy fa niverina niaina fiainana tsotra, niandry an’Andriamanitra hampiorina ny toerany.

Nohamafisina ny maha-mpanjaka an’i Saoly nandritra ny krizy lehibe iray: ny fanafihan’ny Amonita an’i Jabesy-Gileada. Rehefa feno ny Fanahin’Andriamanitra i Saoly, dia nanangona ny vahoaka izy, nandresy tamin-kery, ary naneho fanetren-tena tamin’ny fanomezam-boninahitra an’Andriamanitra sy ny fandavana hamaly faty ireo nanohitra azy. Tao Gilgala no nanamafisana ofisialy ny fanjakana, tamin’ny alalan’ny fanompoam-pivavahana sy fifaliana lehibe.

Farany, nanao lahateny famaranana i Samoela. Nambarany ny fahamarinany manokana, notantarainy indray ny tantaran’i Israely sy ny famonjen’Andriamanitra tany aloha, ary nasehony fa fahotana lehibe ny fangatahana mpanjaka. Nohamafisin’Andriamanitra izany tamin’ny alalan’ny orana sy kotro-baratra tsy nampoizina tamin’ny fotoam-pijinjana, ka natahotra sy niaiky ny fahotany ny vahoaka. Nampahery azy ireo anefa i Samoela fa vonona hamela heloka Andriamanitra raha mibebaka amin’ny fo manontolo izy ireo. Nampanantena izy fa mbola hivavaka sy hampianatra azy hatrany, nefa nampitandrina fa raha mitoetra amin’ny ratsy ny vahoaka dia ho ringana miaraka amin’ny mpanjakany.

28/01/2026

28/01/2026

Fijoroana vavolombelona nataon'ny Rahalahy Andriamparany CD distrika Ambohidroa.

Testimony from our LE Brother Stephan.

21/01/2026

Famintinana vaky boky FF natao hanampiana ireo mpandrindra ny alarobia sy sabata maraina

Toko faha-58 : Ny sekolin’ny mpaminany

Andriamanitra mihitsy no Mpampianatra voalohany. Ny fandaharan’Asany momba ny fanabeazana dia nikendry ny fivoaran’ny tena manontolo : vatana, saina ary fanahy, mifamatotra tanteraka amin’ny lalàn’Andriamanitra. Ny fanabeazana ara-panahy dia andraikitra voalohany nankinin’Andriamanitra tamin’ny ray aman-dreny, nampidirina tao anatin’ny fiainana andavanandro, nampifandray ny zavaboary, ny tantara masina ary ny fanantenana momba ny Mesia. Tao anatin’izany no nanofanana an’i Mosesy, Samoela, Davida, Daniela, Timoty eny fa na dia Jesosy aza.

Ny sekolin’ny mpaminany, naorin’i Samoela, dia natao hiarovana ny tanora amin’ny fahasimban’ny fitondran-tena sy hanomanana mpitarika ara-panahy matahotra an’Andriamanitra. Tao no nampiraisina ny fandalinana ny Tenin’Andriamanitra, ny vavaka, ny asa tanana, ny mozika masina ary ny fitsipipifehezana momba ny fianinana. Tsy noheverina ho fihetrena ny asa fa singa ilaina amin’ny fanabeazana sy ny fananganana toetra, foto-kevitra mifanaraka tanteraka amin’ny fomba fijery advantista momba ny fanabeazana.

Ny tanjona ambony indrindra amin’ny fanabeazana dia ny famerenana ny endrik’Andriamanitra ao amin’ny olombelona, izay ivon’ny hafatra advantista. Ny Baiboly no fototra iorenan’izany satria izy no manefy ny toetra, mampivelatra ny faharanitan-tsaina ary manambara ny drafi-pamonjena mifantoka amin’i Kristy, Zanak’ondrin’Andriamanitra. Ny fanabeazana marina dia miala amin’ny fireharehana sy ny fifaninanana, ka mitarika ny olona ho amin’ny fitoviana amin’i Kristy.

Ny fivavahana marina dia manampy amin’ny fahasalamana ara-batana, ara-tsaina ary ara-panahy, mampianatra fahifehezantena sy fahaiza-mandanjalanja, ary mitondra fifaliana maharitra. Ny siansa, ny zavaboary ary ny Soratra Masina dia mifameno amin’ny fanehoana an’Andriamanitra ho feno fitiavana. Ny fanofanana ny tanora araka io modely io dia manomana azy ireo tsy ho amin’ny fiainana mahasoa eto an-tany ihany, fa indrindra ho amin’ny fiainana mandrakizay, izay fanantenana fototra ho an'ny fiangonana advantista.