12/04/2026
မဟာရန်ကုန်...အထူးသတိပေးပြီ
နွေဦးရဲ့ အပူဒဏ်က အခုမှ အစပဲ ရှိပါသေးတယ်။ အခုလက်ရှိမှာ လာနီညာ (La Niña) အားပျော့သွားတာနဲ့အမျှ မြန်မာနိုင်ငံအပါအဝင် အရှေ့တောင်အာရှနိုင်ငံတွေမှာ အပူချိန်က ပုံမှန်ထက် သိသိသာသာကို မြင့်တက်နေပါတယ်။
အထူးသဖြင့် အပူပိုင်းဇုန်ထဲမှာ တိုက်ရိုက်ကျရောက်နေတဲ့ ကျွန်တော်တို့ မြန်မာနိုင်ငံရဲ့ အောက်ပိုင်းဒေသတွေဖြစ်တဲ့ -
📍 ပဲခူး၊ ဧရာဝတီ၊ ရန်ကုန်၊ တနင်္သာရီ၊ မွန်နဲ့ ကရင်ပြည်နယ် တို့မှာ လာမယ့် ဧပြီလ (၁၇) ရက်နေ့အထိ နေ့ရောညပါ အပူရှိန် အတော်လေး ပြင်းနေဦးမှာပါ။
အိမ်နီးချင်း ထိုင်း၊ လာအို၊ ဗီယက်နမ်နဲ့ စင်္ကာပူတို့မှာလည်း ဒီလိုပဲ အပူဒဏ်ကို အလူးအလဲ ခံစားနေရပါတယ်။ ဒါကြောင့် မိဘပြည်သူများအနေနဲ့ အပူဒဏ်ကြောင့်ဖြစ်တဲ့ ဘေးထွက်ဆိုးကျိုးတွေကို သတိထားနိုင်ဖို့ အခုကတည်းက ကြိုတင်ပြင်ဆင်ထားကြရအောင်ပါ။
✅ မိမိကိုယ်ကို ဘယ်လိုကာကွယ်မလဲ?
ရေများများသောက်ပါ: ရေငတ်မှသောက်တာမျိုးမဟုတ်ဘဲ ခန္ဓာကိုယ် ရေဓာတ်မခမ်းခြောက်အောင် မကြာခဏ သောက်ပေးပါ။
အရိပ်ထဲမှာနေပါ: အပူချိန်အမြင့်ဆုံးအချိန် (မွန်းတည့် ၁၁ နာရီကနေ ညနေ ၄ နာရီ) အတွင်း အပြင်ထွက်ခြင်းကို တတ်နိုင်သလောက် ရှောင်ကြဉ်ပါ။
လမ်းညွှန်ချက်များလိုက်နာပါ: ကျန်းမာရေးဝန်ကြီးဌာနက ထုတ်ပြန်ထားတဲ့ အပူဒဏ်ကာကွယ်ရေး နည်းလမ်းတွေကို အလေးအနက်ထား လိုက်နာကြဖို့ တိုက်တွန်းပါရစေ။
ဒီသတင်းကို မိမိတို့ ချစ်ခင်ရတဲ့သူတွေ သိရှိပြီး သတိထားနိုင်အောင် Share လုပ်ပြီး ဝေမျှပေးလိုက်ကြပါဦး။ အားလုံးပဲ အပူဒဏ်အန္တရာယ်မှ ကင်းဝေးကြပါစေ။ 🙏
