17/07/2026
🧚♀️အိမ်ခြံမြေ အကျိုးဆောင်/ ပွဲစားကြီးတွေ အတွက် ဖတ်မိတဲ့ စာစုလေးတစ်ခု ရေးပေးချင်ပါတယ်---/🧚♀️
🧚♀️အရောင်းအဝယ်တစ်ခုဖြစ်ပြီဆိုရင် စရန်ကြီးချတယ်။ စာချုပ်ချုပ်တယ်။ ပွဲခယူကြရတဲ့အချိန်လေးမှစလို့ စာချုပ်ရေးကြတဲ့အချိန်အထိ ပွဲစားကောင်းမှန်ရင် စကားမမှားအောင် ထိန်းကြရပါတယ်။
🧚♀️အဲဒီအချိန်မျိုးမှာ စကားတစ်လုံးပဲ မှားသွား... ပွဲပျက်သွားနိုင်တယ်။ ပွဲခနဲ့ ဝေးသွားနိုင်တာမို့ပါ။ ကျွန်တော့် အိမ်ပွဲစားအုပ်စုက လက်ရင်းတပည့်တွေဆိုရင် ခုလို အရေးကြီးဆုံးအချိန်မှာ-
🧚♀️
၁။ ဖြစ်နိုင်ရင် စကားလုံးဝ မပြောကြရ။
၂။ မဖြစ်တဲ့အဆုံးစကားပြောလျှင် (အချိန်ခေတ္တစောင့်ကြရလျှင်) အရောင်းအဝယ်နဲ့ ဘာမှမဆိုင်တဲ့ အကြောင်းတို့ပဲ စိတ်ပါလက်ပါပြောကြရပါတယ်။
ဒီလို ထိန်းလိုက်နိုင်မှ တည်ပြီးသားဇာတ် ပြန်မပျက်နိုင်ဘူးပေါ့။
🧚♀️နောက်တစ်ဆင့် အရေးကြီးသထက် ကြီးလာတာက စာချုပ်ဖြစ်ပါတယ်။
ရောင်းသူ၊ ဝယ်သူတွေက ပြောလာနိုင်ပါတယ်။
"စာချုပ်ကိုလျှော့ချုပ်မယ်" "တစ်မျိုးတည်းချုပ်မယ်" "အမှန်တစ်မျိုး၊ လျှော့တာတစ်မျိုးချုပ်မယ်"" သူတို့စိတ်ကြိုက် စုံနေအောင်ပြောကြမှာပါ။ ရှေ့နေပါလာရင်တော့ နောက်တစ်မျိုး အကြံတွေထွက်လာဦးမှာပါ။
🧚♀️ကျွန်တော်တို့က အိမ်ပွဲစားကြီးတွေလေ။ နံပတ်(၁) ပွဲအပျက်မခံနိုင်ဘူး။ နံပတ်(၂) ကပြဿနာအဖြစ်မခံနိုင်ပါဘူး။ (ရေရှည်လုပ်စားရမှာပါ။)
🧚♀️သူတို့ကြိုက်တာတွေလုပ်ကြပါစေ။ ပွဲစားကြောင့် စိတ်မညစ်ကြပါစေနဲ့။ ဒါပေမဲ့ သိန်း ၁၀၀၀ နဲ့အရောင်းအဝယ်ဖြစ်တဲ့ မြေကွက်ကို သိန်း ၆၀၀ နဲ့ချုပ်မယ်၊ တစ်စောင်က သိန်း ၁၀၀၀ နဲ့လည်းချုပ်မယ်။ ရပါတယ်၊အားလုံးကို ရတယ်သာပြောပါ။
🧚♀️သူတို့ကငွေထုတ်ကြရတာပါ။ အမှားအယွင်းမရှိအောင် ကြည့်လုပ်သွားမှာပါ။
🧚♀️ကိုပွဲစားကြီးက သက်သေလက်မှတ်ထိုးရမယ်ဆိုရင် သိန်း ၁၀၀၀ မှာကိုယ့်လက်မှတ်ပါသွားပြီး တစ်ရက်တည်း စာချုပ်နောက်တစ်မျိုး သိန်း ၆၀၀ မှာကိုယ့်လက်မှတ် ပါမသွားဖို့သာ သတိကြီးစွာ ထားပါ။
🧚♀️အဲ့ဒီလို သိန်း ၁၀၀၀ နဲ့ သိန်း ၆၀၀ စာချုပ်နှစ်စောင် ပူးလိုက်တော့ နှစ်စောင်စလုံးမှာ ကိုပွဲစားကြီး
လက်မှတ်ပါနေမယ်ဆိုရင် ပြဿနာမပေါ်ဖို့ ကံတရားကိုပဲ အကူအညီတောင်းရတော့မှာပါ။
🧚♀️အဲ့ဒီတစ်ချက်ကိုသာ သတိထားလိုက်နိုင်တယ်ဆိုရင် ကိုယ်ကပြုံးပြုံးကြီး နေနိုင်တာပေါ့။ရောင်းသူ ဝယ်သူတွေဆိုတာ ဘယ်သူကမှ ပြဿနာပေါ်အောင် မလုပ်ကြပါဘူး။ မိုးပြိုခဲ့ရင် ရှောင်ရခက်တာမျိုးမို့ စာချုပ်နှစ်မျိုး ချုပ်ကြမယ်ဆိုရင် တစ်မျိုးပဲ သက်သေလိုက်ကြပါလို့ အကြံပြုသတိပေးလိုက်ပါတယ်။
ဆရာကြည်စိုး(IC) စာအုပ်ထဲမှ ထုတ်နုတ်ဖော်ပြပါတယ်။
===================/=================
🧚♀️🧚♀️🧚♀️
အရောင်းအဝယ်တစ်ခုမှာ ပွဲစားတွေအနေနဲ့ အပြောမတတ်ရင် အရောင်းအဝယ်တွေပျက်တာကြုံဖူးကြမှာပါ။ ကျွန်မကိုယ်တိုင်လည်းကြုံဖူးပါတယ်။ စာရွက်စာတမ်းအဆင်ပြေနေသည့်တိုင်အောင် စကားအပြောမတတ်ရင် အာ့ပွဲကို အရောင်းအဝယ်ဆက်မလုပ်ပဲ ဖျက်ခဲ့ဖူးပါတယ်။ ပွဲတစ်ပွဲဖြစ်ဖို့ဆိုတာ ရှေ့နေနဲ့အများကြီးသက်ဆိုင်ပါတယ်။
ပွဲတစ်ပွဲကိုထိန်းထားသည့် ပဲ့ကိုင်ရှင်ဟာ ရှေ့နေဘဲ ဖြစ်ပါတယ်။ (ရှေ့နေမပါသည့် ပွဲများကိုတော့ မရည်ရွယ်ပါ။)
🧚♀️အချို့ပွဲစားတွေဆိုလည်း လိမ္မာပါးနပ်တဲ့ ပွဲစားကြီးတွေမြင်ဖူး၊ ကြုံဖူးပါတယ်။ ရှေ့နေပါလာရင် ဝင်မပြောတော့ပဲ ပါးနပ်စွာ ပွဲကို ကိုင်တွယ်တတ်ကြတာတွေလည်းမြင်ဖူးပါတယ်။ မည်သို့ပင်ဆိုစေ ကိုယ်ပါဝင်ပတ်သက်ရတဲ့ ပွဲတိုင်းကို ကိုင်တွယ်တတ်တဲ့ ပွဲစားကြီးတွေဖြစ်ကြပါစေ အကြံပြုရင်း.....
