09/08/2021
ပြင်သစ်တွင် NUG အစိုးရ ထောက်ခံပွဲ ကျင်းပ
ရန်ကုန်၊ သြဂုတ် ၉
၃၃ နှစ်မြောက် ၈ လေးလုံး အရေးတော်ပုံ အထိမ်းအမှတ် နှင့် NUG ထောက်ခံပွဲကို ပါရီမြို့ Bastille အထိမ်းအမှတ် ကျောက်တိုင်၌ ယနေ့ ပြင်သစ်ရောက် မြန်မာများက ဦးဆောင် ကျင်းပကြသည်။
အခမ်းအနားတွင် ပြင်သစ်ရောက် မြန်မာများ အဖွဲ့ ဥက္ကဋ္ဌ မှ မြန်မာနိုင်ငံသည် အကြိမ်ကြိမ် အခါအခါ အာဏာသိမ်းခြင်း၊ စစ်တပ်မှ နိုင်ငံရေးပိုင်းဝင်စွက်မှုကို နှစ်ပေါင်းများစွာ ခံစားခဲ့ကြောင်း၊ ၂၀၂၁ တွင် ၁၉၈၈ သံသရာ တပတ် ပြန်လည်ရခြင်းမှာ အလွန်ပင် လက်မခံနိုင်စရာ ဖြစ်ကြောင်း နှင့် မြန်မာနိုင်ငံ၏ အနာဂတ် သည် လွှတ်လပ် တရားမျှတသော လူမျိုး ဘာသာမရွေးတန်းတူ ညီမျှ သော ဖယ်ဒရယ် ဒီမိုကရေစီ နိုင်ငံတော်သာ ဖြစ်ဖို့ အားလုံးဝိုင်းဝန်းဆောင်ရွက်ကြမည် ဖြစ်ကြောင်းပြောကြားသည်။
ထို့နောက် တက်ရောက်လာကြသော ပြင်သစ်အဖွဲ့အစည်း Info-Birmanie၊ မြန်မာတိုင်းရင်းသားတို့နှင့် ရိုဟင်ဂျာ ကိုယ်စားလှယ် ပြင်သစ်လူမျိုးတို့က မြန်မာပြည်သူလူထုနှင့် အတူရပ်တည်ကြောင်း၊ NUG အစိုးရကို အပြည့်အဝ ထောက်ခံကြောင်းများ ပြောကြားကြသည်။
ခေတ်သစ် -
