11/06/2026
❝ ဒဂုန်တာရာ ဝတ္ထုတိုပေါင်းချုပ် ❞
ကဗျာဆရာ၊ စာရေးဆရာကြီး
ဒဂုန်တာရာ(၁၉၁၉ - ၂၀၁၃)ရေးသားခဲ့သော
ဝတ္ထုတိုပေါင်းချုပ်ဖြစ်သည်၊ အသက် ၉၄ နှစ်ထိတိုင်
ရှင်သန်နေထိုင်ခဲ့သော စာရေးဆရာကြီးတစ်ဦး၏
ပင်ကိုရေး ဝတ္ထုများ ဖြစ်ရာ စာပေရနံ့
ကြိုင်သင်းလှိုင်လျက်ရှိပါသည်။
ငယ်စဥ် ကျောင်းသား ဘဝကတည်းက
ရေးခဲ့သောဝတ္ထုများ၊ တာရာမဂ္ဂဇင်းပါဝတ္ထုများ၊
စာပေသစ်အယူအဆအရှိန်မြင့်နေစဥ် ဝတ္ထုများ၊
ထိန်းသိမ်းခံဘဝမှ လွတ်မြောက် လာချိန်
ရေးဖွဲ့သောဝတ္ထုများ၊ မြန်မာ့ ဆိုရှယ်လစ် လမ်းစဥ်
ပါတီအစိုးရလက်ထက်ဝတ္ထုများ၊ နှောင်းပိုင်းကာလ
ဝတ္ထုများ စသည့် ဘဝ တစ်လျှောက် ရေးသားခဲ့သော
ဝတ္ထုအပုဒ်ရေ စုစုပေါင်း ၁၀၇ ပုဒ် ပါရှိ၏။
ခေတ်သမိုင်းအမျိုးမျိုး ဖြတ်သန်းခဲ့သော
ဝတ္ထုတိုများဖြစ်ပေရာ ခေတ်၏ ရိုက်ခတ်မှုများ
ရောင်စုံဖြာထွက်လျက်ရှိပါသည်။
အထူးသဖြင့် ယနေ့ခေတ် ဝတ္ထုရေးဖွဲ့မှုတွင်
အလွန်ရှားပါးနေပြီဖြစ်သော သဘာဝတရား၏
လှပသောမြင်ကွင်း၊ ရှုခင်းများ၊ ခရီးသွားလာမှု
ဝတ္ထုများတွင် ခံစားရသော မြင်ကွင်းကျယ်
ကားချပ်များသည် စာဖတ်သူအဖို့ ကွင်းပြင်ကျယ်ကြီးထဲ
ခေါ်ဆောင်ခြင်းခံရပြီး လေကောင်းလေသန့်များ
ဝဝဖီးဖီး ရှုရှိုက်ခွင့်ရသလို ကျေနပ်နှစ်သိမ့်မှု
ခံစားရပါမည်။
ဝတ္ထုတိုများနှင့် ပတ်သက်၍
ဆရာဒဂုန်တာရာ၏ အမှာတစ်နေရာတွင်
" ယခု အနှစ် ၃၀ ကြာသော် သူ၏ဝတ္ထုတိုစုပေါင်းများ
ပြန်ဖတ်မိသောအခါ သူတို့ဝေဖန်တာ ဘယ်ဆိုးလို့လဲ ဟု အောက်မေ့မိသည်။ ထိုခေတ်အခါက စကားလုံးဖြင့်
အတွေးသမား၊ အငေးသမား ဟု တင်စားခေါ်ခဲ့ကြခြင်း ဖြစ်သည်။ ယနေ့ စာပေဝေါဟာရဖြင့် ပြောရပါမူ
စိတ်ကူးသမား၊ ခံစားမှုသမား၊ အာရုံမက်သမားဟု
ပြောရပေမည်။ သာမန်ပြောရမူ အလှသမားဟု
ဆိုရပေမည်။ အလှဟူရာ၌ အမြင်အလှသာမက
အကြား၊ အတွေ့အထိ၊ရနံ့ အာရုံအားလုံး၏ အလှ၊
သူသည် အလှကို တပ်မက်သည်။ မေ့မေ့မောမော ခံစားသည်။ အထိန်းသိမ်းခံရစဥ် နံနက်တိုင်းထကာ
သံတိုင်ကြားမှ မြင်ရသော အရုဏ်သစ်၏ အလှကို ခံစားသည်။ ... အချို့သော ဝတ္ထုများ၌ နိုင်ငံရေး
အဘိဓမ္မာနှင့် ပတ်သက်၍ သော်လည်းကောင်း၊
အနုပညာ ပုံသဏ္ဌာန်နှင့်ပတ်သက်၍သော်လည်းကောင်း ဝေဖန်စရာများ တွေ့လာရသည်။ သို့သော် ပြင်ဆင်
မတည်းဖြတ်ဘဲ အရှိအတိုင်းပင် ဖော်ပြလိုက်သည်။
သမိုင်းခေတ်နှင့် အရွယ်တို့ကို မှတ်သားအပ်သည်ဟု
ယူဆသောကြောင့်ဖြစ်သည်။
မိမိ ဖြတ်သန်းလျက်ရှိသော သမိုင်းခေတ်ကို
သရုပ်ဖော်ရမည် ဟူသောခေတ်ပြိုင်ခံစားမှု
စာပေနည်းနာကို သူသည် မစွန့်လွှတ်ခဲ့။
ပို၍ပင် မြဲမြံစွာ ဆုပ်ကိုင်ခဲ့ပေသည် " ဟူ၍
မိမိကိုယ်ကို ခွာ၍ ရေးထားသည့် စာပေအပေါ်
ထားရှိသော ဆရာကြီးဒဂုန်တာရာ၏
ယုံကြည်စွဲမြဲချက်ကို ဖတ်ရှုရပါမည်။
ယခု စာအုပ်သည် ယခင် ထုတ်ဝေခဲ့သော
စံပယ်ဦးဝတ္ထုတိုများ၊ ဝတ္ထုတိုပေါင်းချုပ်(၁၉၃၇ - ၆၇)၊
ကြယ်ရိပ်ပန်းနု၊ မိုးနှင့်မြေ ရေနှင့်ကြာ ဝတ္ထုတို
စုစည်းမှုများကို တပေါင်းတစည်းတည်း
ဖော်ပြထားရုံမက နောက်ပိုင်းတွေ့ရှိသော
သုံးပုဒ်ကို ထပ်မံဖြည့်စွက်ကာ အသစ်တွေ့ရှိပါက
ဖြည့်ဆည်းနိုင်ရန် လုပ်ဆောင်ကြရဦးမည်ဟု
စီစဥ်သူကဆိုပါသည်။
စာညွှန်း - အပါးတော်မြဲ / မှ
#ဒဂုန်တာရာ
#ဝတ္ထုတိုပေါင်းချုပ်
#30000ကျပ်
မှာယူနိုင်ပါပြီ
