07/08/2025
#ရွှေမြင်းမိုရ်ပြိုမှာစိုးတယ်
#လယ်တွင်းသားစောချစ်
ဒီစာအုပ်လေးက တာ၀န်ကျေပွန်လွန်းသော မိဘနှစ်ပါးနဲ့ လိမ္မာသိတတ်လွန်းသော သားသမီးသုံးယောက်တို့ကြောင့် ဖတ်ရတာ မျက်ရည်မဆည်နိုင်အောင်ပါပဲ။
ရန်ကုန်တက္ကသိုလ်ရဲ့ မောင်မယ်သစ်လွင်ကြိုဆိုပွဲမှာ တွေ့ဆုံပြီး မေတ္တာမျှခဲ့ကြတဲ့ ကိုကျော်ခိုင်နဲ့ မြမြသက်တို့ဟာ သီတင်းကျွတ်လပြည့်နေ့ညမှာ ခိုးရာလိုက်ပြေးခဲ့ကြပါတယ်။
ဇာတ်လမ်းအစမှာတော့ အငယ်ဆုံး
သမီးလေးပိုးအိရဲ့ စကားတတ်မှုတွေကြောင့်
နည်းနည်းပြုံးမိရပါသေးတယ်။
လင်ယောကျာ်းနဲ့ သားသမီးတွေအပေါ်တာ၀န်ကျေပွန်ပြီး ကိုယ့်ကိုယ်ကိုယ် ဂရုမစိုက်နိုင်ခဲ့တဲ့ မြမြသက်တစ်ယောက် ဗုန်းဗုန်းလဲခဲ့ရပါတယ်။မြမြသက်ဆေးရုံတက်တဲ့အခန်းကစပြီး ကိုယ့်မှာစငိုရတာပါပဲ💔
အရင်က မိသားစု စုံစုံလင်လင်စားခဲ့တဲ့ထမင်းစားပွဲဝိုင်းမှာ တစ်ယောက်လိုနေတဲ့ ခံစားချက်ကို ကလေးတွေက အတော်ခံစားကြရပါတယ်။သွေးကင်ဆာရောဂါက မြမြသက်ကို အနည်းဆုံးတစ်လသာခံတော့မယ်လို့ သူငယ်ချင်းဆရာ၀န်ကကိုကျော်ခိုင်ကိုပြောတဲ့အခါ ကိုကျော်ခိုင်ခံစားရသလို ကိုယ်လည်း ငိုမိပြန်ပါတယ်။မြမြသက်ရဲ့ နောက်ဆုံးထွက်သက်ကို ကြည့်နေရရပြီး တရားသဘောနဲ့ ဆင်ခြင်နေရရှာတဲ့ ကိုကျော်ခိုင်ရဲ့ဘ၀ဟာ သနားစရာကောင်းလွန်းပါတယ်။
မြမြသက်ဆုံးပြီးတဲ့နောက် အဖေကို နောက်အိမ်ထောင်မပြုဖို့ ခြေထောက်ဖက်ပြီးတောင်းပန်နေတဲ့ကလေးတွေကိုသနားလွန်းလို့ ငိုရပါတယ်။
-အရင်က နှစ်ယောက်စာ၀င်ငွေရှိပြီး အခုတော့မိမိတစ်ယောက်တည်းရဲ့ လစာနဲ့ ကလေးသုံးယောက်ကို ပြုစုပျိုးထောင်နေရတဲ့ ကိုကျော်ခိုင် ....
-ရုံးက ရိုးသားဖြူစင်တဲ့ လုပ်ဖော်ကိုင်ဖက် ဝေဝေကို သဘောကျမိတဲ့ကိုကျော်ခိုင်....
-သမီးမိန်းကလေးတွေရဲ့ အစစအရာရာကို မသိနိုင်လို့ သားသမီးတွေအတွက် မိထွေးကောင်းရှာပေးချင်တဲ့ ကိုကျော်ခိုင်...
-နောက်ဆုံးမှာ သူတစ်ယောက်တည်းအနစ်နာခံပေးလိုက်ရင် လူခြောက်ယောက်ရဲ့ဘ၀ကောင်းမွန်သွားမယ်ဆိုပြီး အမှန်ကို ဆုံးဖြတ်နိုင်ခဲ့တဲ့ကိုကျော်ခိုင်....
ဖခင်တစ်ယောက်ရဲ့ အမေလိုတစ်မျိုးအဖေလိုတစ်မျိုး စေတနာ၊မေတ္တာတွေနဲ့ အနစ်နာခံပေးမှုတွေကို ဒီစာအုပ်လေးထဲမှာ တွေ့နိုင်ပါတယ်။
အစ်မကြီးအမိရာ ဆိုတဲ့အတိုင်း မြမြသက်မရှိတဲ့နောက်ပိုင်း အဖေအပေါ်မှာရော
မောင်နှမတွေအပေါ်မှာပါ ဂရုစိုက်လွန်းတဲ့ သီတာ
အစ်မရဲ့ တိုင်ပင်ဖော် တိုင်ပင်ဖက်မောင်ကလေး အောင်အောင်
အငယ်ဆုံးညီမလေး ပိုးအိ
မိဘစိတ်ဆင်းရဲရင် သားသမီးအတွက် မကောင်းဘူး။ဖေဖေစိတ်ချမ်းသာသလို လုပ်ပါစေ လို့ သီတာက သူ့ရဲ့ မောင်နှမတွေကို ပြောတဲ့အခန်းမှာ အတော်ငိုခဲ့ရပါတယ်...
------------------
စာအုပ်ကောင်းကောင်းကို ဖတ်ဖို့ရှာနေရင် ဆရာလယ်တွင်းသားစောချစ်ရဲ့ ဒီစာအုပ်ကိုဖတ်ဖို့ အကြံပေးပါရစေ📖 ရင်ထဲမှာလှိုက်ပြီးခံစားမှုရသကို အစွမ်းကုန်ပေးတဲ့စာအုပ်လေးပါ တချို့ဇာတ်ကွက်ဆို ခုချိန်ထိ မျက်လုံးထဲမှာ မြင်နေဆဲ။ ❤
Review by- Cho Tun
(ခွင့်ပြုချက်ယူပြီး)🌿📖
--------------------
စာအုပ်တန်ဖိုး-13000ကျပ်
#ရွှေမြင်းမိုရ်ပြိုမှာစိုးတယ်
#လယ်တွင်းသားစောချစ်
စာအုပ်ကိုသဘောကျဖတ်ရှုလို၍မှာယူလိုပါက
Page cbတွင် မှာယူနိုင်ပါတယ််🌸💕
