![မျက်နှာဖုံးအသစ်နှင့် အညွှန်း။[ ပြုံး၍လည်း ကန်တော့ခံတော်မူပါရယ်၍လည်း ကန်တော့ခံတော်မူပါ ]"သက်ဆိုင်သူရေ မေ့အသံအား မှတ်မိပါရ...](https://img5.shops1000.com/572/960/134639945729602.jpg)
21/02/2022
မျက်နှာဖုံးအသစ်နှင့် အညွှန်း။
[ ပြုံး၍လည်း ကန်တော့ခံတော်မူပါ
ရယ်၍လည်း ကန်တော့ခံတော်မူပါ ]
"သက်ဆိုင်သူရေ မေ့အသံအား မှတ်မိပါရဲ့လားလေ..."
ဒီသီချင်းကြားတိုင်း ရင်နင့်စရာ တွဲမြင်တဲ့ ဆရာမနုနုရည်အင်းဝရဲ့ ဇာတ်လမ်းတစ်ခုပေါ့။ ကျွန်တော်စဖတ်ဖူးချိန်က LGBTQ community ရဲ့ ခံစားချက်တွေ၊ တကယ့်အပြင်လက်တွေ့ဘဝနဲ့ ရှင်သန်နေပုံတွေ ကွက်ကွက်ကွင်းကွင်းသိချင် ဒါလေးဖတ်ကြည့်ဆိုပြီး အမတစ်ယောက်ညွှန်းပေးခဲ့တာ။
ဇာတ်လမ်းက တောင်ပြုန်းပွဲက နတ်ကတော်မိန်းမလျာ ဒေစီဂျိန်း ( ဦးဘစီ ) သူ့ရည်ညွှန်း ဂျိန်းစ်ဘွန်းမကြီးကို ဇာတ်ကောင်ယူထားတယ်။
နတ်ကနားပွဲတစ်ခုမှာ ၁၆ နှစ်အရွယ် မင်းမင်းဆိုတဲ့ကောင်လေးတစ်ယောက်ကိုတွေ့ပြီး ငွေ ၅၀၀ နဲ့ သူ့အမေဆီကနေလို့ ဒေစီဂျိန်း ငွေပေးဝယ်ခဲ့တယ်။ "သင်းလေးကိုဂျိန်းပိုင်တယ်၊ မင်းမင်းကို ဂျိန်းပိုင်တယ်၊ သင်းလေးနဲ့ ကိုယ်က အသက်အများကြီးကွာတာ၊ ဆုံးမစရာရှိ ဆုံးမမယ်၊ ရိုက်စရာရှိလည်းရိုက်မှာပဲ"
သူပြောခဲ့တဲ့အတိုင်းပဲ နှုတ်စွာပြီး ချစ်သူကို ကာကွယ်တယ်အထင်နဲ့ လူသူရှေ့မရှောင် အရှက်ခွဲတဲ့နေရာမှာတစ်ဖက်ကမ်းခတ်တော်တဲ့ ဒေစီဂျိန်းအပြုအကျင့်တွေက တစ်ဖက်ကမင်းမင်းစိတ်ထဲမှာ နာစရာတွေဖြစ်နေတယ်။
"အပူ့တကာ အပူတွေထဲ ဒီအပူဟာ အဆိုးဆုံးပေါ့"
အသက်နှစ်ဆယ်ကျော်လာတဲ့အခါ ယောကျာ်းလေးတို့ လိင်စိတ်တိမ်းညွှတ်ရာအတိုင်း ဆန့်ကျင်ဘက်လိင် ပန်းညိုဆိုတဲ့ ကောင်မလေးကို မင်းမင်းတစ်ယောက် ချစ်ကြိုက်ခဲ့တယ်။ "အစ်ကိုနဲ့ နတ်ကတော်ကြီးနဲ့ ဘာတော်လဲဟင်" လို့ ပန်းညို မေးတိုင်း ဂျိန်းစ်ဘွန်းမကြီးအပေါ်များ မရိပ်မလုံစိတ်လေးရှိမလား ကျွန်တော်တော့ ဖတ်နေတိုင်း မျှော်လင့်ခဲ့ဖူးတာပဲ။
သုံးပွင့်ဆိုင်ဇာတ်လမ်းတွေက ဆရာမနုနုရည်(အင်းဝ) ရဲ့ ကလောင်စွမ်းနဲ့စပ်လိုက်တဲ့အခါ ဘယ်ဇာတ်ကောင်ကို ပြေးသနားရမှန်းမသိရလောက်အောင် ကရုဏာသက်စရာအပြည့်ပါပဲ။
"ဟဲ့ ငါ့အရင်းက ငွေငါးရာမဟုတ်ဘူး။ ငါ့အရင်းက ငါ့နှလုံးသား။ ဟောဒီ့နှလုံးသားတစ်ခုလုံးနဲ့ ရင်းထားရတာ။ ဒီအရင်းရှုံးမှတော့ ငါ့ဘဝ ဘာအဓိပ္ပါယ်ရှိမှာလဲ။ ငါသေလိုက်ဖို့ပဲ ရှိတော့တယ်"
လိင်စိတ်တိမ်းညွှတ်မှုတွေ၊ နေရာဒေသအကျင့်စရိုက်တွေနဲ့ လူ့သဘာဝတွေ၊ နတ်ကိုးကွယ်မှုတွေအကြောင်း စိတ်ဝင်စားတယ်ဆိုရင် ပြစ်ချက်ရှာစရာမရှိတဲ့ ဆရာမရဲ့ ဒီစာအုပ်က Highly recommend ပါ။ ဒါဖတ်ပြီးရင် တောင်ပြုန်းနတ်ပွဲကို တစ်ခေါက်တစ်ခါတော့ သေချာပေါက်အရောက်သွားချင်မိမှာပါ။
"ငါ့ကိုယ်ငါတော့ ငါဟာ မိန်းမပဲ"
"ငါ့မှာဘာအပြစ်ရှိလို့လဲ၊ ငါနင့်ကို ဘာတွေများလုပ်ခဲ့မိလို့လဲ"
-ဒီဇာတ်လမ်းရဲ့ အဆုံးသတ်ကို စာအုပ်ထဲမှာ ကိုယ်တိုင်ဖတ်ကြည့်ချင်တယ်ဆိုရင် ငွေကျပ် 5000( ပုံနှိပ်အသစ်) နဲ့ page chat box မှာ order တင်ပြီး ဝယ်ယူဖတ်ရှုလို့ရပါပြီဗျ။ Surprise gift အတွက်လည်း လာရောက်မှာယူပေးနိုင်ပါတယ်။
| 2014 ခုနှစ်မှာ ဒီဝတ္ထုကို "Smile As They Bow" အမည်နဲ့ အင်္ဂလိပ်ဘာသာနဲ့လည်း ထုတ်ဝေခဲ့ပါသေးတယ် ]
ကောင်းသောညလေးဖြစ်ကြပါစေ ။
မှာယူရရှိနိုင်သော ဆရာမနုနုရည်ရဲ့ အခြားစာအုပ်များ 👇❤
https://www.facebook.com/104799812046949/posts/109611228232474/
