Golden Crown Liquor House

Golden Crown Liquor House ဘီယာအေးအေးလေး သောက်ချင်ရင်
Golden Crown Liquor Ho

မြန်မာဈေးကွက်မှာ ပရိတ်သတ်အခိုင်အမာရှိပြီးသားဖြစ်တဲ့ Ballantine’s က သူ့ရဲ့ အရောင်းရဆုံး ’s Finest ကို ၂၀၂၀ အကုန်မှာ အထူး...
22/09/2021

မြန်မာဈေးကွက်မှာ ပရိတ်သတ်အခိုင်အမာရှိပြီးသားဖြစ်တဲ့ Ballantine’s က သူ့ရဲ့ အရောင်းရဆုံး ’s Finest ကို ၂၀၂၀ အကုန်မှာ အထူးထုတ်အဖြစ် Joshua Vides Limited Edition (ဂျှော့ရွှာ ဗိုဒ်စ်) အနေနဲ့ ပွဲထုတ်လာခဲ့တဲ့အကြောင်းလေးရေးပါဦးမယ်။ Joshua Vides ကိုမသိသေးတဲ့ ပရိတ်သတ်တွေအတွက်လဲ သူ့အကြောင်းလေး ဦးဆုံး နည်းနည်းမိတ်ဆက်ပေးဦးမှ။ ပုဂ္ဂိုလ်လေးက အမေရိကန် လော့စ်အိန်ဂျယ်လိစ်မှာနေတဲ့ လူငယ် graphic အနုပညာရှင်။ သူ့ရဲ့အမြင်ဆန်း အသွင်ဆန်းလက်ရာတွေက monochromatic လို့ခေါ်တဲ့ အခြားအရောင်တွေကိုလုံးဝမသုံးပဲ အဖြူနဲ့ အမည်းကိုသာ သီးသန့်သုံးပြီး လက်နဲ့ရေးတာမျိုး။ အဲလိုရေးရင်လဲ ပန်းချီကားတွေဆွဲသလို အောက်ခံကားချပ်အလွတ်တွေပေါ်မှာဆွဲတာမျိုးမဟုတ်ပဲ တစ်ကယ့်ရှိရင်းဆွဲ ဝတ္ထုတွေဖြစ်တဲ့ ကား၊ လက်ကိုင်အိပ်၊ ထိုင်ခုံ၊ စားပွဲ၊ အိမ်အတွင်းပိုင်း စတဲ့အရာတွေအပေါ်မှာ အဖြူ အမည်းနဲ့ခြယ်ပြီး ဒီဇိုင်းဆွဲတာမျိုး။ ခုလဲ Ballantine’s Finest ပုလင်းကို သူကိုယ်တိုင် အဖြူအမည်းနဲ့ပဲ (လက်နဲ့)ဆွဲပေးပြီး Joshua Vides Limited Edition လို့ ဖန်တီးပေးထားလေရဲ့..။

Ballantine’s ကိုတော့ အားလုံးသိကြပြီးသား… သမိုင်းကြောင်း နည်းနည်းပြန်ကောက်ရရင် အဲ့တုန်းက အသက် ၁၉နှစ်ပဲရှိခဲ့သေးတဲ့ George Ballantine ဆိုတဲ့ စွန့်ဦးတီထွင်ငတိလေးက စကော့တလန် Edinburg မြို့မှာ ၁၈၂၇ ခုနှစ်မှာ သူ့နာမည်ပါအောင်မှည့်ထားတဲ့ Ballantine’s ဝီစကီကို စရောင်းခဲ့တာ။ ၁၈၉၅ လောက်ရောက်တော့ Ballantine’s ကို ဗြိတိန်ဘုရင်မကြီး Queen Victoria ကခေါ်ပြီး အစားအသောက်နဲ့ပတ်သတ်တဲ့ တော်ဝင်အသိအမှတ်ပြုလက်မှတ်ပေးရတဲ့အထိ အကြီးအကျယ် အောင်မြင်ပါလေရော။ (*IWSR volume 2015) စာရင်းအရတော့ Scotch Whisky တွေထဲမှာ Ballantine’s က ဥရောပမှာ ရောင်းအားအကောင်းဆုံး နံပါတ် ၁ နဲ့ တစ်ကမ္ဘာလုံးမှာဆိုရင်တော့ ဒုတိယအရောင်းရဆုံး နံပါတ် ၂ ချိတ်ပါသတဲ့။

ခုရေးမယ့် Ballantine’s Finest ကို ၁၉၁၀ လောက်မှာ စမိတ်ဆက်ခဲ့ပြီး အမောင်တို့ အားပေးကြမ်းချက်က လက်ရှိမှာ ဒင်း တစ်မျိုးတည်းနဲ့တင် နေ့စဉ် ကမ္ဘာနဲ့အဝှမ်း ပုလင်းပေါင်း ၂ သိန်းကျော် (ခွက်ရေ ၆.၆ သန်း) ရောင်းနေရသတဲ့။ သူ့ကို စကော့တလန်ရဲ့ နာမည်ကျော် ဝီစကီဒေသကြီး ၄ ခုကနေထွက်ရှိတဲ့ Malt နဲ့ Grain အရက်တွေထဲက သေချာစီစစ်ရွေးထားတဲ့ အမျိုးပေါင်း ၄ဝကျော်နဲ့ရောစပ်ထုတ်လုပ်ထားလို့ အနံ့ပိုင်းအထူးကောင်းပြီး နမ်းကြည့်လိုက်တဲ့အခါမှာ ပျားရည် နဲ့ ဟင်းခတ်အမွှေးအကြိုင်ရနံ့တစ်ချို့ သိသိသာသာရနိုင်မှာဖြစ်သလို အရသာကလဲ ညင်သာ၊ ညက်ညောမှု အပြည့်ရှိပြီး သောက်လိုက်ရင် နို့ချောကလက်၊ အခွံနီပန်းသီးမှည့် နဲ့ Vanilla အရသာတို့ကို ခံတွင်းတစ်လျှောက်မှာ ပူနွေးနွေးခံစားချက်နဲ့အတူ တွေ့ရလိမ့်မယ်။ ချိုတိုတို၊ မွှေးတေးတေး၊ ညက်တက်တက်ကလေးဆိုပေမယ့် ခပ်ပျော့ပျော့လို့တော့ မမှတ်လေနဲ့။ Scotch ဝီစကီပီပီ ကျပ်ခိုးနံ့သင်းသင်းလေးနဲ့ ဝီဆရာတို့ အာသာပြေ side kick ကလေးနဲ့ စိတ်ကြိုက်ဖြစ်စေရပါလိမ့်မယ်။ နောက်ထပ်ပြောစရာတစ်ခုက တစ်ခြားအရက်ပုလင်းတွေက လုံးရင်လုံးပြီး မလုံးရင် လေးထောင့် (square) ဖြစ်တတ်ကြပေမယ့် သူ့ပုလင်းကျတော့မှ မြင်ကြတဲ့အတိုင်းပဲ ပြားချပ်ချပ်။ ဘာလို့ဒီလိုဖြစ်ရသလဲ ကြည့်တော့ ၁၉၂၀ တစ်ဝိုက် ဥရောပမှာ ယမကာရောင်းချတာ၊ သောက်သုံးတာတွေကို ကန့်သတ်မိန့်တွေ ဘာတွေထုတ်သေးတော့ ပုလင်းတွေကို ခုနေခါလို ပေါ်တင်ကြီးသယ်မရလို့ အဲ့ခေတ်ကဆရာသမားတို့ ခွကျခဲ့ကြရသေးတယ်။ အဲ့တော့ လူမမြင်အောင် ဘိလပ်မှာ အလုပ်သွားရင်ဆွဲတတ်ကြတဲ့ briefcase တွေထဲ ထည့်ယူသွားလို့ရမယ့် ပုလင်းပုံစံ ထုတ်ရာကနေ ခုလို ပုလင်းပုံစံ ဖြစ်လာတော့တာပဲ။

နှောင်းခေတ်မှာ Ballantine’s ဘယ်လောက် အောင်မြင်နေသလဲ တစ်ချက်ကြည့်ကြဦးစို့။ ၂၀၀၂ ကစလို့ နိုင်ငံတကာ ဆုတံဆိပ်ပေါင်း ၂၅ ခုကို Whisky Bible, IWSC and ISC စတဲ့ ယမကာဥသျှောင်အဖွဲ့တွေက ပေးခဲ့ပါ့။
ဒီလိုကောင်းတဲ့ဝီစကီမျိုးကို ဘယ်လိုသောက်ရမလဲ မေးတတ်သူတစ်ချို့အတွက် Ballantine’s ကို လက်ရှိဦးဆောင်နေတဲ့ SANDY HYSLOP ပြောသွားတာကတော့့ “ဘယ်လိုသောက်ရင် အကောင်းဆုံးဖြစ်မလဲဆိုတော့ ခင်ဗျားတို့အနှစ်သက်ဆုံးနည်းလမ်း (On the rocks, ရေနဲ့၊ mixer နဲ့ စသည်ဖြင့်) နဲ့သာ သောက်ကြပါ၊ ကိုယ်အကြိုက်ဆုံးနည်းက ကိုယ့်အတွက် အကောင်းဆုံး အရသာကိုပေးပါလိမ့်မယ်”။

ခု မြန်မာပြည်ဈေးကွက်ကို Ballantine’s စက်ရုံကနေတိုက်ရိုက်သွင်းလာတဲ့ Official အလုံးတွေကို Million Mart က ဖြန့်ချီရေးကိုယ်စားလှယ်တစ်ဦးအဖြစ် တာဝန်ခံဖြန့်ပေးနေလေတော့ ရန်ကုန်နဲ့ မန္တလေးက ဆိုင်တွေတော်တော်များများမှာ Ballantine’s Finest Joshua Vides ကိုမေးဝယ်လို့ ရနေပါပြီ။ ဈေးက ၃ သောင်း ၃ ထောင် ပတ်ချာလည်လောက်ဆိုတော့ Limited Edition ဖြစ်တဲ့အပြင် Official အလုံးလဲဖြစ်လေတော့ ပေးရတာတန်ပါ့။ စာရှူသူအပေါင်းလဲ နီးစပ်ရာဆိုင်တွေကနေ Ballantine’s Finest ကုမ္ပဏီတိုက်ရိုက်အလုံးလို့ပြောဝယ်ပြီး မြည်းကြည့်ကြပါဦး။ သောက်ပြီးရင်လဲ Joshua Vides ရဲ့ graphic လက်ရာကိုအမှတ်တရ သိမ်းထားကြဦး…။

References
Ballantine's Website
Whisky Bible
Forbes

crd:org

Aberlour (အဘာလဝါ) ကို မြန်မာပရိတ်သတ်တွေထဲမှာ သိတဲ့သူ ဘယ်လောက်များနိုင်မလဲ တွေးကြည့်မိပါတယ်။ သူ့ရဲ့ ပြိုင်ဘက် Balvenie ကိ...
20/07/2021

Aberlour (အဘာလဝါ) ကို မြန်မာပရိတ်သတ်တွေထဲမှာ သိတဲ့သူ ဘယ်လောက်များနိုင်မလဲ တွေးကြည့်မိပါတယ်။ သူ့ရဲ့ ပြိုင်ဘက် Balvenie ကို ဈေးကွက်ထဲမှာ လွယ်လွယ်ကူကူတွေ့နိုင်ပေမယ့် Aberlour ကို မြန်မာမှာ တွေ့ရခဲပါတယ်။ ခုလအနည်းငယ်အတွင်းမှာတော့ ရောက်နေကျ ဆိုင်တွေမှာ တွေ့လိုက်ရလို့ သူလဲ မြန်မာပြည်ဈေးကွက်ထဲ ဝင်လာပြီဆိုတာ သတိထားလိုက်မိပါတယ်။

Aberlour ဘာလဲ?
စကော့ထ်လန် Speyside ဒေသထွက် နှစ်ပေါင်း ၁၂၀ ကျော်သက်တမ်းရှိတဲ့ အောင်မြင်မှုနဲ့ လက်ရာမြောက် Crafted Single Malt အမှတ်တံဆိပ်တစ်ခုပါ။ အကောင်းဆုံးနဲ့ အညက်ညောဆုံး Single Malt တွေထဲက တစ်ခုလို့ နိုင်ငံတကာဈေးကွက်မှာ သတ်မှတ်ခံထားရတဲ့ Aberlour ကို နှစ်စဉ်အရေအတွက် သိပ်များများစားစား မထုတ်လုပ်ပါဘူး။ သူ့ကိုထုတ်လုပ်တဲ့ စက်ရုံကလဲ အခြားသော စီးပွားဖြစ်ထုတ်တဲ့ရုံတွေလို အကြီးကြီးမျိုးမဟုတ်ပဲ အရည်အသွေးကို အထူးအဓိကထားပြီး စိစစ်ထုတ်လုပ်ပါတယ်။ ဒီဝီစကီကို သူ့စက်ရုံတည်ရှိရာ မြို့ငယ်လေး Aberlour ကို အစွဲပြုမှည့်ခေါ်ထားတာလဲဖြစ်ပါတယ်။ ရုံကို ကမ္ဘာကျော် Spey မြစ် နဲ့ အခြားမြစ်တစ်ခုဖြစ်တဲ့ Lour Burn ကနေစီးဆင်းလာတဲ့ ရေတွေ ပတ်လည်ဝန်းရံနေတဲ့ ပတ်ဝန်းကျင် အင်မတန်လှပတဲ့ မြေနေရာမှာ တည်ဆောက်ထားပြီး ၀ိစကီချက်လုပ်ဖို့ရေကိုလဲ ကြည်လင်လတ်ဆပ်လှတဲ့ အဆိုပါမြစ်များဆီကပဲ ရယူပါတယ်။

Aberlour စက်ရုံကို James Fleming က 1879 မှာ စတင် တည်ထောင်ခဲ့ပါတယ်။ ဒီလိုတည်ထောင်ရာမှာ စက်ရုံရဲ့နေရာကိုရွေးချယ်တဲ့အခါ အေးမြကြည်လင်တဲ့ ရေများပေါပေါများများ ရနိုင်ရုံတင်မကပဲ စိတ်ဝင်စားဖွယ်ရာ ရှေးဟောင်းဒဏ္ဍာရီ များနဲ့ ကျော်ကြားလူသိများတဲ့ ခရီးသွားများစိတ်ဝင်စားဖွယ် အရပ်ဒေသအဖြစ်နဲ့ပါ ရွေးချယ်တည်ဆောက်ခဲ့တာ ဖြစ်ပါတယ်။ James ဟာ Aberlour မှာ စီးပွားရေးသက်သက်လုပ်ခဲ့တာမဟုတ်ပဲ ဒေသရဲ့ဖွံ့ဖြိုးမှုကိုကူညီ အထောက်အပံ့ပေးတဲ့အနေနဲ့ ဆေးရုံ၊ တံတား နဲ့ အဆောက်အဦအချို့ကို တည်ဆောက်လှူဒါန်းပေးခဲ့ပြီး ယနေ့ထက်တိုင် ထိန်းသိမ်းပြုပြင် အသုံးပြုနေကြဆဲပဲဖြစ်ပါတယ်။

Aberlour ကို ၁၀ နှစ်၊ ၁၂ နှစ်၊ ၁၅ နှစ်၊ ၁၆ နှစ်၊ ၁၈ နှစ် နဲ့ အင်မတန်ရှားပါးတဲ့ နှစ် ၃၀ ဆိုပြီး ထုတ်လုပ်ပေမယ့် အဓိကထုတ်လုပ်တာကတော့ ၁၂ နှစ်၊ ၁၆ နှစ်၊ နဲ့ ၁၈ နှစ် တို့ပဲ ဖြစ်ပါတယ်။ ဒီထဲကမှ ၁၂ နှစ်ကိုပဲစတင်တွေ့လာရတာဖြစ်ပြီး ၁၆ နဲ့ ၁၈ နှစ် တို့တောင် မြန်မာနိုင်ငံကို ရောက်တာမတွေ့ရသေးပါဘူး။

Aberlour ၁၂ - ပြည့်ဝပျစ်နှစ်မှု နဲ့ ချိုမြ လပ်ဆပ်မှုတို့ပေါင်းစပ်ခြင်းရဲ့ သင်္ကေတ
Aberlour ဝီစကီတွေကို နှစ်ချို့အရသာရရှိအာင် ဘယ်လိုလုပ်ယူတယ်ဆိုတာကို အကောင်းဆုံးသရုပ်ဖော်ပေးနိုင်တဲ့ ၁၂ နှစ်သက်တမ်းရှိ ဝီစကီဖြစ်ပါတယ်။ မူလသိမ်မွေ့ငြင်သာမှုကို Sherry သစ်သားစည်တွင်း ထည့်စိမ်ထားခဲ့လို့ ရရှိတဲ့အရသာနဲ့ ထိန်းညှိဖန်တီးထားပြီး သောက်လိုက်တဲ့အခါ ချိုတိုတို ချဉ်တင်တင် အရသာလေးကို သတိထားမိစေပါတယ်။ Sherry ၀ိုင်တွေစိမ်ထားခဲ့တဲ့စည်များကို ပြန်လည်အသုံးပြုကာ နှစ်ချို့အောင် စိမ်ခဲ့တာဖြစ်လို့လည်း ရရှိတဲ့ ရနံ့တွေမှာ Sherry နံ့ သင်းပျံ့ပျံ့လေးပါဝင်လို့နေပါတယ်။ စည်အသေးများနဲ့ အရေအတွက်ကို ကန့်သတ်ထုတ်လုပ်တာဖြစ်ပြီး Sherry တစ်စည်ချင်းစီကို ဖျော်စပ်မှုကျွမ်းကျင်သူများက အထူးကြည့်ရှုစစ်ဆေးပြီးမှ Aberlour ဝီစကီကို ထည့်စိမ်ဖို့ စိတ်တိုင်းကျ ရွေးချယ်ရယူပါတယ်။

တန်းမြင့် Craft ဝီစကီပီပီ ၇၀ မီလီလီတာ ပုလင်းနဲ့သာလာပြီး ၁လီတာပုလင်းထုတ်လုပ်တာမရှိပါဘူး။ Alcohol ပါဝင်မှုကတော့ စကော့ထ်ဝီစကီတို့ရဲ့ စည်းမျဉ်းအတိုင်း ၄၀% ပါရှိပါတယ်။ လက်ရှိ မြန်မာဈေးကွက်ထဲမှာ ၈ သောင်းစွန်းစွန်းခန့်ပေးရလို့ ခပ်ရှားရှား Brand တစ်ခုအတွက် သင့်တော်တဲ့ဈေးနှုန်း တစ်ခုပါပဲ။

ဒီ ၁၂ နှစ်သား Aberlour ဝီကီကို ခွက်ထဲထည့်ပြီး သဘာဝအလင်းရောင်နဲ့ ကြည့်မယ်ဆိုရင် မဟော်ဂနီ နဲ့လိမ္မော်ခွံရောင်တို့ ရောစပ်ထားသလို တွေ့ရပါမယ်။ ခွက်ကို အသာမွှေ့ယမ်းပြီး အနံ့ခံမယ်ဆိုရင် ကြွတက်လာမယ့်ရနံ့တွေဖြစ်တဲ့ vanilla၊ သစ်ကြမ်းပိုး၊ ထောပတ်၊ စပျစ်သီးခြောက်နံ့တို့နဲ့အတူ အထက်ဖော်ပြပါ Sherry ၀ိုင်ခပ်သင်းသင်းရနံ့များက နှာခေါင်းဝဆီကို ဝဲပျံ ရောက်ရှိလာမှာဖြစ်ပါတယ်။

တစ်ချိုက်ခန့်ငုံအပြီး အသာအယာမြိုချလိုက်တဲ့အခါမှာတော့ Speyside ဝီစကီတို့ရဲ့ ထုံးစံအတိုင်း သိမ်မွေ့ညက်ညောမှုကို ဝက်သစ်ချစည်၊ vanilla၊ သစ်သီးခြောက် နဲ့ ဇာတိပ္ဖိုလ်သီးတို့ရဲ့ အနံ့အရသာများထုံမွှန်းနေတဲ့ ခံစားမှုမျိုးရရှိစေနိုင်မှာဖြစ်ပါတယ်။ သောက်သုံးတဲ့အခါမှာ ဆိုဒါအပါအဝင် အခြားသော carbonated အချိုရည်များနဲ့ ရောစပ်ဖို့ အားမပေးချင်ပဲ ရေအနည်းငယ်နဲ့ ရေခဲ ၂တုံးခန့်သာထည့်ပြီး ခပ်ဖြည်းဖြည်းချင်း အရသာခံသောက်သုံးသင့်ပါတယ်။

ရှည်ကြာလှပြီဖြစ်တဲ့ သမိုင်းကြောင်းနဲ့ Aberlour ဟာ ၁၉၈၆ ခုနှစ်မှ စတင်ကာ ပေါက်ဖွားတည်ရှိခဲ့တဲ့ နိုင်ငံတကာပြိုင်ပွဲကြီးများဖြစ်တဲ့ International Wine and Spirits Competition (IWSC) နဲ့ International Spirits Challenge (ISC) တို့ရဲ့ အသိအမှတ်ပြုပေးအပ်တဲ့ ဆုတံဆိပ်ပေါင်း ၆၆ ခုကို ရရှိခဲ့ပြီးဖြစ်ပြီး အောက်ဖော်ပြပါ ဆုတံဆိပ်များကတော့ Aberlour ၁၂ နှစ် အမှတ်တံဆိပ်တစ်ခုထဲနဲ့တင် ဝင်ရောက် ယှဉ်ပြိုင်အနိုင်ယူရရှိထားတာဖြစ်ပါတယ်။
Gold
Speyside Single Malts up to 12yo - 2018
The Scotch Whisky Masters (The Spirits Business)

Gold
Scotch Single Malt - Speyside - 2017
International Wine & Spirit Competition

Gold
Speyside Single Malts up to 12yo - 2015
The Scotch Whisky Masters (The Spirits Business)

Gold
Distillers' Single Malts 12 years and under - 2014
International Spirits Challenge

Silver
Speyside Single Malts up to 12yo - 2014
The Scotch Whisky Masters (The Spirits Business)

Silver Outstanding
Scotch Single Malt - Speyside - 2013
International Wine & Spirit Competition

Silver
Scotch Single Malt - Speyside - 2014
International Wine & Spirit Competition

ဖြတ်သန်းလာခဲ့တဲ့ နှစ်ပေါင်း ၁၂၀ ကျော် အတွေ့အကြုံတွေကို အကောင်းဆုံးသင်ယူအသုံးချခဲ့ပြီး ကမ္ဘာ့ဈေးကွက်မှာ ခိုင်မာတဲ့ နေရာတစ်ခုကို သိမ်းပိုက်ထားပြီးဖြစ်လို့ မြန်မာပြည်စားသုံးသူထုကြီးအနေနဲ့လဲ Aberlour Single Malt ဘယ်လိုကောင်းလို့ အောင်မြင်နေခဲ့တာလဲဆိုတာ မြည်းစမ်းကြည့်သင့်ပါကြောင်း…။
--------------------------------------------------------------------------

Aberlour (အဘာလဝါ) ကို မြန်မာပရိတ်သတ်တွေထဲမှာ သိတဲ့သူ ဘယ်လောက်များနိုင်မလဲ တွေးကြည့်မိပါတယ်။ သူ့ရဲ့ ပြိုင်ဘက် Balvenie ကို ဈေးကွက်ထဲမှာ လွယ်လွယ်ကူကူတွေ့နိုင်ပေမယ့် Aberlour ကို မြန်မာမှာ တွေ့ရခဲပါတယ်။ ခုလအနည်းငယ်အတွင်းမှာတော့ ရောက်နေကျ ဆိုင်တွေမှာ တွေ့လိုက်ရလို့ သူလဲ မြန်မာပြည်ဈေးကွက်ထဲ ဝင်လာပြီဆိုတာ သတိထားလိုက်မိပါတယ်။

Aberlour ဘာလဲ?
စကော့ထ်လန် Speyside ဒေသထွက် နှစ်ပေါင်း ၁၂၀ ကျော်သက်တမ်းရှိတဲ့ အောင်မြင်မှုနဲ့ လက်ရာမြောက် Crafted Single Malt အမှတ်တံဆိပ်တစ်ခုပါ။ အကောင်းဆုံးနဲ့ အညက်ညောဆုံး Single Malt တွေထဲက တစ်ခုလို့ နိုင်ငံတကာဈေးကွက်မှာ သတ်မှတ်ခံထားရတဲ့ Aberlour ကို နှစ်စဉ်အရေအတွက် သိပ်များများစားစား မထုတ်လုပ်ပါဘူး။ သူ့ကိုထုတ်လုပ်တဲ့ စက်ရုံကလဲ အခြားသော စီးပွားဖြစ်ထုတ်တဲ့ရုံတွေလို အကြီးကြီးမျိုးမဟုတ်ပဲ အရည်အသွေးကို အထူးအဓိကထားပြီး စိစစ်ထုတ်လုပ်ပါတယ်။ ဒီဝီစကီကို သူ့စက်ရုံတည်ရှိရာ မြို့ငယ်လေး Aberlour ကို အစွဲပြုမှည့်ခေါ်ထားတာလဲဖြစ်ပါတယ်။ ရုံကို ကမ္ဘာကျော် Spey မြစ် နဲ့ အခြားမြစ်တစ်ခုဖြစ်တဲ့ Lour Burn ကနေစီးဆင်းလာတဲ့ ရေတွေ ပတ်လည်ဝန်းရံနေတဲ့ ပတ်ဝန်းကျင် အင်မတန်လှပတဲ့ မြေနေရာမှာ တည်ဆောက်ထားပြီး ဝိစကီချက်လုပ်ဖို့ရေကိုလဲ ကြည်လင်လတ်ဆပ်လှတဲ့ အဆိုပါမြစ်များဆီကပဲ ရယူပါတယ်။

Aberlour စက်ရုံကို James Fleming က 1879 မှာ စတင် တည်ထောင်ခဲ့ပါတယ်။ ဒီလိုတည်ထောင်ရာမှာ စက်ရုံရဲ့နေရာကိုရွေးချယ်တဲ့အခါ အေးမြကြည်လင်တဲ့ ရေများပေါပေါများများ ရနိုင်ရုံတင်မကပဲ စိတ်ဝင်စားဖွယ်ရာ ရှေးဟောင်းဒဏ္ဍာရီ များနဲ့ ကျော်ကြားလူသိများတဲ့ ခရီးသွားများစိတ်ဝင်စားဖွယ် အရပ်ဒေသအဖြစ်နဲ့ပါ ရွေးချယ်တည်ဆောက်ခဲ့တာ ဖြစ်ပါတယ်။ James ဟာ Aberlour မှာ စီးပွားရေးသက်သက်လုပ်ခဲ့တာမဟုတ်ပဲ ဒေသရဲ့ဖွံ့ဖြိုးမှုကိုကူညီ အထောက်အပံ့ပေးတဲ့အနေနဲ့ ဆေးရုံ၊ တံတား နဲ့ အဆောက်အဦအချို့ကို တည်ဆောက်လှူဒါန်းပေးခဲ့ပြီး ယနေ့ထက်တိုင် ထိန်းသိမ်းပြုပြင် အသုံးပြုနေကြဆဲပဲဖြစ်ပါတယ်။

Aberlour ကို ၁၀ နှစ်၊ ၁၂ နှစ်၊ ၁၅ နှစ်၊ ၁၆ နှစ်၊ ၁၈ နှစ် နဲ့ အင်မတန်ရှားပါးတဲ့ နှစ် ၃၀ ဆိုပြီး ထုတ်လုပ်ပေမယ့် အဓိကထုတ်လုပ်တာကတော့ ၁၂ နှစ်၊ ၁၆ နှစ်၊ နဲ့ ၁၈ နှစ် တို့ပဲ ဖြစ်ပါတယ်။ ဒီထဲကမှ ၁၂ နှစ်ကိုပဲစတင်တွေ့လာရတာဖြစ်ပြီး ၁၆ နဲ့ ၁၈ နှစ် တို့တောင် မြန်မာနိုင်ငံကို ရောက်တာမတွေ့ရသေးပါဘူး။

Aberlour ၁၂ - ပြည့်ဝပျစ်နှစ်မှု နဲ့ ချိုမြ လပ်ဆပ်မှုတို့ပေါင်းစပ်ခြင်းရဲ့ သင်္ကေတ
Aberlour ဝီစကီတွေကို နှစ်ချို့အရသာရရှိအာင် ဘယ်လိုလုပ်ယူတယ်ဆိုတာကို အကောင်းဆုံးသရုပ်ဖော်ပေးနိုင်တဲ့ ၁၂ နှစ်သက်တမ်းရှိ ဝီစကီဖြစ်ပါတယ်။ မူလသိမ်မွေ့ငြင်သာမှုကို Sherry သစ်သားစည်တွင်း ထည့်စိမ်ထားခဲ့လို့ ရရှိတဲ့အရသာနဲ့ ထိန်းညှိဖန်တီးထားပြီး သောက်လိုက်တဲ့အခါ ချိုတိုတို ချဉ်တင်တင် အရသာလေးကို သတိထားမိစေပါတယ်။ Sherry ဝိုင်တွေစိမ်ထားခဲ့တဲ့စည်များကို ပြန်လည်အသုံးပြုကာ နှစ်ချို့အောင် စိမ်ခဲ့တာဖြစ်လို့လည်း ရရှိတဲ့ ရနံ့တွေမှာ Sherry နံ့ သင်းပျံ့ပျံ့လေးပါဝင်လို့နေပါတယ်။ စည်အသေးများနဲ့ အရေအတွက်ကို ကန့်သတ်ထုတ်လုပ်တာဖြစ်ပြီး Sherry တစ်စည်ချင်းစီကို ဖျော်စပ်မှုကျွမ်းကျင်သူများက အထူးကြည့်ရှုစစ်ဆေးပြီးမှ Aberlour ဝီစကီကို ထည့်စိမ်ဖို့ စိတ်တိုင်းကျ ရွေးချယ်ရယူပါတယ်။

တန်းမြင့် Craft ဝီစကီပီပီ ၇၀ မီလီလီတာ ပုလင်းနဲ့သာလာပြီး ၁လီတာပုလင်းထုတ်လုပ်တာမရှိပါဘူး။ Alcohol ပါဝင်မှုကတော့ စကော့ထ်ဝီစကီတို့ရဲ့ စည်းမျဉ်းအတိုင်း ၄၀% ပါရှိပါတယ်။ လက်ရှိ မြန်မာဈေးကွက်ထဲမှာ ၈ သောင်းစွန်းစွန်းခန့်ပေးရလို့ ခပ်ရှားရှား Brand တစ်ခုအတွက် သင့်တော်တဲ့ဈေးနှုန်း တစ်ခုပါပဲ။

ဒီ ၁၂ နှစ်သား Aberlour ဝီကီကို ခွက်ထဲထည့်ပြီး သဘာဝအလင်းရောင်နဲ့ ကြည့်မယ်ဆိုရင် မဟော်ဂနီ နဲ့လိမ္မော်ခွံရောင်တို့ ရောစပ်ထားသလို တွေ့ရပါမယ်။ ခွက်ကို အသာမွှေ့ယမ်းပြီး အနံ့ခံမယ်ဆိုရင် ကြွတက်လာမယ့်ရနံ့တွေဖြစ်တဲ့ vanilla၊ သစ်ကြမ်းပိုး၊ ထောပတ်၊ စပျစ်သီးခြောက်နံ့တို့နဲ့အတူ အထက်ဖော်ပြပါ Sherry ဝိုင်ခပ်သင်းသင်းရနံ့များက နှာခေါင်းဝဆီကို ဝဲပျံ ရောက်ရှိလာမှာဖြစ်ပါတယ်။

တစ်ချိုက်ခန့်ငုံအပြီး အသာအယာမြိုချလိုက်တဲ့အခါမှာတော့ Speyside ဝီစကီတို့ရဲ့ ထုံးစံအတိုင်း သိမ်မွေ့ညက်ညောမှုကို ဝက်သစ်ချစည်၊ vanilla၊ သစ်သီးခြောက် နဲ့ ဇာတိပ္ဖိုလ်သီးတို့ရဲ့ အနံ့အရသာများထုံမွှန်းနေတဲ့ ခံစားမှုမျိုးရရှိစေနိုင်မှာဖြစ်ပါတယ်။ သောက်သုံးတဲ့အခါမှာ ဆိုဒါအပါအဝင် အခြားသော carbonated အချိုရည်များနဲ့ ရောစပ်ဖို့ အားမပေးချင်ပဲ ရေအနည်းငယ်နဲ့ ရေခဲ ၂တုံးခန့်သာထည့်ပြီး ခပ်ဖြည်းဖြည်းချင်း အရသာခံသောက်သုံးသင့်ပါတယ်။

ရှည်ကြာလှပြီဖြစ်တဲ့ သမိုင်းကြောင်းနဲ့ Aberlour ဟာ ၁၉၈၆ ခုနှစ်မှ စတင်ကာ ပေါက်ဖွားတည်ရှိခဲ့တဲ့ နိုင်ငံတကာပြိုင်ပွဲကြီးများဖြစ်တဲ့ International Wine and Spirits Competition (IWSC) နဲ့ International Spirits Challenge (ISC) တို့ရဲ့ အသိအမှတ်ပြုပေးအပ်တဲ့ ဆုတံဆိပ်ပေါင်း ၆၆ ခုကို ရရှိခဲ့ပြီးဖြစ်ပြီး အောက်ဖော်ပြပါ ဆုတံဆိပ်များကတော့ Aberlour ၁၂ နှစ် အမှတ်တံဆိပ်တစ်ခုထဲနဲ့တင် ဝင်ရောက် ယှဉ်ပြိုင်အနိုင်ယူရရှိထားတာဖြစ်ပါတယ်။

Gold
Speyside Single Malts up to 12yo - 2018
The Scotch Whisky Masters (The Spirits Business)

Gold
Scotch Single Malt - Speyside - 2017
International Wine & Spirit Competition

Gold
Speyside Single Malts up to 12yo - 2015
The Scotch Whisky Masters (The Spirits Business)

Gold
Distillers' Single Malts 12 years and under - 2014
International Spirits Challenge

Silver
Speyside Single Malts up to 12yo - 2014
The Scotch Whisky Masters (The Spirits Business)

Silver Outstanding
Scotch Single Malt - Speyside - 2013
International Wine & Spirit Competition

Silver
Scotch Single Malt - Speyside - 2014
International Wine & Spirit Competition

ဖြတ်သန်းလာခဲ့တဲ့ နှစ်ပေါင်း ၁၂၀ ကျော် အတွေ့အကြုံတွေကို အကောင်းဆုံးသင်ယူအသုံးချခဲ့ပြီး ကမ္ဘာ့ဈေးကွက်မှာ ခိုင်မာတဲ့ နေရာတစ်ခုကို သိမ်းပိုက်ထားပြီးဖြစ်လို့ မြန်မာပြည်စားသုံးသူထုကြီးအနေနဲ့လဲ Aberlour Single Malt ဘယ်လိုကောင်းလို့ အောင်မြင်နေခဲ့တာလဲဆိုတာ မြည်းစမ်းကြည့်သင့်ပါကြောင်း…။

References
Flaviar
The Whisky Exchange
Master of Malts
Aberlour Official Website
Crd: .Org

🍾🥃🍺မဝယ်ရသေးရင် Golden Crown ကိုကြွခဲ့ပါနော်😁😁😁ဘူတာလမ်း (ဗိုလ်ချုပ်ကြေးရုပ်ထောင့်)ဆူးလေကုန်းရပ်photo crd
07/07/2021

🍾🥃🍺မဝယ်ရသေးရင် Golden Crown ကိုကြွခဲ့ပါနော်😁😁😁

ဘူတာလမ်း (ဗိုလ်ချုပ်ကြေးရုပ်ထောင့်)
ဆူးလေကုန်းရပ်

photo crd

ထန်းဋီကာ ————- By Connchan Pa Paပင်ကျရေ ဆိုတာ ထန်းပင်က ချစဆို ချို တာကြီးပဲ။အလျင်(အနယ်) လေးထည့်လိုက်မှ ကဇော်ပေါက်ပြီး မူ...
07/07/2021

ထန်းဋီကာ
————-
By Connchan Pa Pa

ပင်ကျရေ ဆိုတာ ထန်းပင်က ချစဆို ချို တာကြီးပဲ။

အလျင်(အနယ်) လေးထည့်လိုက်မှ ကဇော်ပေါက်ပြီး မူးတာ။ တချို့က ထန်းမတက်ခင် ထန်းရေခံမယ့် မြူအိုး ဒါမှမဟုတ် ဝါးကျည်မှာ တခါတည်း အလျင်ကို ထည့်လိုက်တယ်။

တချို့က အောက်ရောက်မှ အလျင်ထည့်တယ်။အလျင်ဆိုတာ ထန်းရေအနည်အနှစ်ကိုပြောတာ။ ထန်းရေခံတာများလာရင် အောက်ခြေမှာ အနည်တွေစုလာပြီး အဲ့အနည်ကို သိမ်းထားလိုက်တယ်။ ထန်းရေချိုထဲကို အလျင်နည်းနည်းလေးထည့်လိုက်ပြီး အချိန်တစ်ခုရောက်ရင် ထန်းရေ ကချဉ်ခါးလာတာ။ ကြာလေ ပြင်းလာလေပေါ့။ ဒါကြောင့် နေကျော် ထန်းရေ က ပြင်းတာ။ တချို့က ထန်းအလျင်ကို နေပူလှန်း ထားတယ်။ မိုးတွင်းလို ထန်းရေခံ လို့မရရင် ထန်းအလျင်ကို ရေနွေးထဲ ထည့်ဖျော်သောက်တယ်တဲ့။ အာသာပြေ ပေါ့။

မြူအိုးမှာ အလျင်ခံပြီး ထန်းရေ ခံတဲ့ အရေကို ပင်ကျရေလို့ခေါ်တယ်။ အရသာလည်း ဖောက်တဲ့ထန်းရေ ထက် ပိုကောင်းတယ်။ ထန်းရေ ထဲ ကဖော်ထည့်လိုက်ရင် အမြုတ်တွေ ထလာပြီး စိမ်းပြာရောင်လေးသန်းလာရင် ငှက်ခါးတောင်အရေပေါ့။

ထန်းရေဆိုတာက သကြားရေထက် ပိုချိုတယ်။ ဒါကြောင့် ထန်းရေချပြီဆို အိုးမှာ ပုရွက်တို့ ပျားတို့ ပါလာတတ်တယ်။
တကယ့်ထန်းရေသမားတွေက ပုရွက်တို့ ပျားတို့ကို ဖယ်မနေဘူး။ အုန်းမုတ်ခွက်ထဲ့ ထည့် သောက်ခါနီး ပုရွက် ပျား တို့ ပါးစပ်ထဲ မဝင်အောင် ဖူး ဖူး ဆိုမှုတ်ပြီး သောက်ကြတယ်။ ထန်းအမှုန်အနှစ် တွေ ပါတာမို့ အရသာ ပိုလေး ပိုကောင်းတယ်တဲ့။ ရေစစ် ပိတ်ပါးတွေ နဲ့ စစ်ပြီးသောက်ရင် အရသာပေါ့တယ်တဲ့။

ထန်းပင် မှာ အဖိုပင် အမပင် ရှိတယ်တဲ့။ အဖိုပင် က အရသာ ပိုကောင်းတယ်။ ထန်းသီးကို မှောက်စိုက်ရင် အဖို ပက်လက်စိုက်ရင် အမ ပင်ရတယ်တဲ့။

ထန်းရေ ကောင်း မကောင်းက ထန်းနို့ ကိုင်တဲ့ လူပေါ်မှာလည်းမူတည်တယ်။ ထန်းတက်သမားက ထန်းနို့ကို ထုရတယ် လှီးရတယ် ။ ထုချက်ညီ မှလည်း ထန်းရေက ကောင်းမှာ။ ထန်းနို့ တစ်စတည်း က ခံတဲ့အရည်ကို တစ်စရည်။

ထန်းနို့ကို လှီးလိုက် ထုလိုက် လုပ်တော့ ထန်းနို့က တို တိုလာပြီး အငုတ်ပဲကျန်တော့တယ်။ အငုတ်က ထွက်တဲ့ အရေကို လက်ငုတ်ရည်။ သူလည်း လေးပြီးကောင်းတယ်တဲ့။

ထန်းရေ ပေါ်ဦးပေါ်ဖျားဆို အတီရေ။ ဟိုးရှေးရှေးတုန်း အတီတေအသီတ တုန်း ဗရာဏသီပြည်မှာ ဆိုပြီး ပုံပြင်တွေ မှာကြားဖူးတယ်မှတ်လား။ အဲ့ဒါကို စွဲပြီးခေါ်တာ။

ပြီးတော့ အမြုပ်လေး တစီစီဖြစ်နေတဲ့ အရေကို ပုဇွန်ဆိပ်ခုန်။ တချို့က အဲ့လို အမြုပ်တစီစီလေးဖြစ်နေမှ ပိုကြိုက်ကြတယ်။

ထန်းပင်ပေါ်ရောက်ခါနီး gas အသံတရူးရူးကြားရင် မြွေဟောက်ပင် ။ သူခါ ရှတတ လေး။

တပို့တွဲလ ဆိုတာ ထန်းပို့တွဲ ကဖြစ်လာတာ။ ထန်းသီးတွေ တွဲ နေတဲ့ လမို့။

ပြီးတော့ အောက်ပြည်ကထန်းရေ နဲ့ အညာက ထန်းရေ မတူဘူး။ အောက်ပြည်က ထန်းရေက ရေနဲ့နီးလို ပေါ့တယ်။ အညာက ရေနဲ့ဝေးလို့ ပိုပြင်းတယ်။

ထန်းရေ က လေတိုက်လေမူးလေ။ မူးရင်လည်း ဘယ်တော့မှ မှောက်လဲမလဲဘူး။ ပက်လက်ပဲ။ ထန်းရေသောက်ရင် ဂေ့ ဆို လေချဉ်တက်တုန်း ထန်းရေအရသာပါ ပြန်ခံစားရတာ ဇိမ်ပဲ မဟုတ်လား။

ယောဖက်မှာဆို ထန်းပင်ပေါ်မှာပဲ လင့်ထိုးပြီး ထန်းရေသောက်ကြတယ်။သောက်ပြီး ဘယ်လိုပြန်ဆင်းလဲ မသိ။
ထန်းပင်ပေါ်က မူးပြီးပြုတ်ကျ တာမရှိလားမေးတော့။
ရှိတော့ရှိတယ် ရှားတယ်တဲ့။

ထန်းရေကို ကျိုချက်ပြီး ပွက်လာတဲ့ရေ ကို ပွက်ရေလို့ခေါ်တယ်။ တင်လဲရည်လို့လည်းခေါ်တယ်။ အရက်ချက်တဲ့ နေရာမှာသုံးတာပေါ့။

ထန်းရေ ကို ကျို ။ ဒယ်မှာ မတူးရအောင်မွှေ ကြွက်မြီးတန်းလားရင် မီးဖိုကချ မအေးခင် လက်နဲ့ ဆုပ်ဆုပ်ပြီး လုံး ။ အအေးခံလိုက်ရင် ထန်းလျက်ရပြီ။

ထန်းပင်တက်ရင် ပင်စည်က ထောင်ထားတဲ့ ဝါးကို ရင်းထောင် အပင်တစ်ဝက်မှာ ထန်းပင်ပေါ်က တွဲလဲ ချထားတာကို ရင်းဆွဲ ။ ထန်းတက်သမားက ရင်းထောင်ကို ထန်းပင်နားကပ် နှီးချောင်းကြီးနဲ့ ပင်စည်ကို ချည်တုပ်။ ပြီးရင် တစ်လှမ်းတက် နှီးချောင်းကြီးနဲ့ ထပ်ချည်တုတ် ။ ပြီးမှ ရင်းစွဲ ကို လှမ်းကိုင်ပြီး ထန်းပင်ပေါ်တက် ထန်းလက် ထန်းကိုင်းတွေ ကို နင်း ပြီးမှ ထန်းနို့လှီး ထန်းရေခံ။

ပင်ပန်းသလောက် ဝင်ငွေကနည်းတယ်။ ဒါကြောင့်ထန်းတက်သမားတွေရှား။ ထန်းတက်သမားမရှိတော့ ထန်းပင်ကို သောင်းဂဏန်း နဲ့ရောင်း တရုတ်ပြည်ပို့။ တရုတ်က နည်းပညာ နဲ့ ထုတ်လိုက်တဲ့ ထန်းပရိဘောဂတွေကို စျေးကြီးနဲ့ပြန်ဝယ် ။ မိအေးက ၂ခါ မကနာ။ ထန်းပင်တစ်ပင်ဖြစ်ဖို့ကမလွယ်။ နှစ်ပေါင်း ၂၀လောက် အချိန်ပေးရတာ။
မလေယိုး ပြည်ကြီးတရုတ်တွေ စောက်ကောင်းကျိုးမပေးဘူး။

အညာမှာ ထန်းပင်ရှိရင် အိမ်ဆောက်လို့ရတယ်။ ထန်းရွက်နဲ့ မိုးမယ်။ ထန်းလက်ရိုးတွေနဲ့ ခြံစည်းရိုးကာမယ်။ ထန်းလုံးတွေ နဲ့ ကြမ်းခင်း တိုင်ထောင် ထုတ်တန်းတွေ လုပ်လို့ရတယ်။

ထန်းပင်က သဘာဝက ပေးတဲ့လက်ဆောင်။ ကျွန်တော်ကတော့ ထန်းပင်တွေကိုချစ်တယ်။

💙ကဲ မုံရွာက အမျိုးတွေရေ💙💥ကား/ဆိုင်ကယ်စီးရင် 💥ကား/ဆိုင်ကယ်လိုင်စင်ရယ် 💥ယာဉ်မောင်းလိုင်စင် ပါရပါမယ်💢လိုင်စင်မပါ/မရှိရင်💣ဒဏ...
26/06/2021

💙ကဲ မုံရွာက အမျိုးတွေရေ💙

💥ကား/ဆိုင်ကယ်စီးရင်

💥ကား/ဆိုင်ကယ်လိုင်စင်ရယ်

💥ယာဉ်မောင်းလိုင်စင် ပါရပါမယ်

💢လိုင်စင်မပါ/မရှိရင်

💣ဒဏ်ငွေ/ သိမ်းခံရပါမယ်တဲ့

❤️သတိလေးထားကျပါဗျ❤️

Edit : ((( 26.6.2021ရက်နေ့ မနက်ပိုင်း မုံရွာမြို့တွင် ကား ၊ ဆိုင်ကယ် စစ်ဆေးနေသော နေရာများ

( ၁ ) ဘုရားနီလမ်းဆုံ ၊ ပြည်‌ထောင်စုလမ်း ၊ အလယ်ရပ်
( ၂ ) အမြင့်လမ်းခွဲ ( ယခင် ကျောက်စိမ်းဟိုတယ် အနီး )
ဗိုလ်ချုပ်လမ်း ၊ နတ်လူထိပ္ပန်ရပ်
( ၃ ) မအူ ဆီတန်း ၊ မုံရွာ - မန္တလေးလမ်း
( ၄ ) သာစည်လမ်းမီးပွိုင့် ၊ ပြည်ထောင်စုလမ်း
( ၅ ) တင်ဝင်းထွန်း ဓမ္မာရုံရှေ့ ၊ ရွှေစည်းခုံဘုရား
( ၆ ) လှည်းဆိပ်အနီး ၊ ကမ်းနားလမ်း
( ၇ ) မိုးကောင်းဘုရား ကျောင်္ကာလမ်း

ငါမလုပ်ဘူး ငါနဲ့မဆိုင်ဘူးဆိုပြီး
သွားလာကြတဲ့ မိဘပြည်သူများ
သတိလေးတော့ ထားကြပါဗျ

မူရင်း Crd; ပါဗျ။ )))

♦️Red Army Kalashnikov Vodka ♦️ ========================♦️Red Army Vodka သည် Poland နိုင်ငံမှ ထုတ်လုပ်​သော Vodka ဖြစ်...
19/06/2021

♦️Red Army Kalashnikov Vodka ♦️
========================

♦️Red Army Vodka သည် Poland နိုင်ငံမှ ထုတ်လုပ်​သော Vodka ဖြစ်ပြီး ထူးကဲ​သော အရသာနဲ့ ထူးခြား​သော ထုတ်ပိုးမှု​ကြောင့် ကမ္ဘာ့နိုင်ငံ အသီးသီးတွင်ထင်ရှားလှပါတယ်။

♦️AK 47 ရိုင်ဖယ်​သေနတ်ရဲ့ အရွယ်အစားအတိုင်းတာ အတိကျတူ​အောင် ဖန်တီးထားတဲ့ Vodka ပုလင်းရဲ့ဆွဲ​ဆောင်မှုက​တော့ အထဲက အရည်ထက်​တောင်ပိုပြီး စိတ်ဝင်စားမိ​စေပါတယ်။ ​သေနတ်ပုံစံ အရာဝတ္ထုကို ​ဆောင်ထားရင် ​ဘေးအန္တရာယ်ကင်းပြီး လာဘ်လာဘပွင့်​စေတယ်ဆိုတဲ့
အ​နောက်တိုင်း ဒဏ္ဏာရီ တစ်ခုကို ရည်ရွယ်ပြီး ထုတ်လုပ်ထားတယ်လို့လည်း သိရပါတယ် ခင်ဗျာ။

♦️​နောက်ထပ် စိတ်ဝင်စားစရာတစ်ခုက သူ့မှာပါတဲ့ လက်ပစ်ဗုံးပုံစံ Herbal Vodka ​လေးပါပဲ။ ​ဂျင်ဆင်းကဲ့သို့ ဆေးဖက်ဝင် သစ်ဥ၊ သစ်မြစ်​တွေနဲ့ အထူးစီမံချက်လုပ်ထားတာ​ကြောင့် ကျန်းမာ​ရေးအတွက်​တော်​တော်​လေး အ​ထောက်အကူဖြစ်​စေတယ်လို့ Reviewer ​တွေက Recommend ​ပေးထားတာကိုလည်း လေ့လာမိပါတယ် ခင်ဗျာ။

♦️ ဒီ Herbal Vodka ​လေးက သူ့ချည်းသက်သက် ​​သုံး​ဆောင်ဖို့ထက် ​သေနတ်ထဲက Vodka နှင့် လိုအပ်သ​လို ရော​စပ်သောက်သုံးဖို့အတွက် အဓိက ထည့်​ပေးထားတာပဲ ဖြစ်ပါတယ်။ Vodka ​နှစ်မျိုးရောစပ်​လိုက်ခြင်း​ကြောင့် ​သေနတ်ထဲက Vodka ရဲ့ အနံ့ အရသာကလည်း ပိုမို​ကောင်းမွန်​လာပြီး ထူးခြားကွဲပြားတဲ့အရသာကို ခံစားရမှာပဲ ဖြစ်ပါတယ်။

♦️ဒီ ​Vodka ပုလင်းရဲ့ သေနတ်ပုံစံဟာ စစ်မက်နဲ့ အကြမ်းဖက်မှုကို အား​ပေး​နေတယ်ဆိုတဲ့ စွပ်စွဲချက် အချို့ရယ်၊ ယမကာနဲ့ ​သေနတ်ဟာ လုံးဝဆက်စပ်မှု မရှိဘူးလို့ သတ်မှတ်မှုတွေ​ကြောင့် အချို့​သောနိုင်ငံ​တွေမှာ တင်သွင်းခွင့် ပိတ်ထားခံရတာ​တွေလည်း ရှိပါတယ် ။ ဒါ​ကြောင့် Red Army Vodka ဟာ နိုင်ငံတကာ ​လေဆိပ်​တွေမှာ လိုက်ရှာမယ်ဆိုရင်​တောင် ​တွေ့ရဖို့ မ​သေချာတဲ့ ရှားပါးယမကာကြီး တစ်ခုပါခင်ဗျာ။

♦️Red Army ရဲ့ ​သေနတ်ပုံပုလင်းထဲမှာ​တော့ အ​ကောင်းဆုံးအရည်အ​သွေးနဲ့ ဖန်သားကဲ့သို့ ကြည်လင်ပြတ်သားတဲ့ Vodka 1lire ပါဝင်ပြီး Vodka ချက်လုပ်ရာတွင် ပျားရည်ကို အ​ခြေခံပြီး သဘာဝစိမ့်စမ်း​ရေနှင့်သာချက်လုပ်ထားခြင်း​ဖြစ်တာကြောင့် ယမကာရဲ့ ​ဘေးထွက်ဆိုးကျိုးအနည်းဆုံး Oraganic Liquor တစ်ခုအဖြစ် ကမ္ဘာအနှံ့အပြားမှာ​​ကျော်ကြားလှပါတယ်။

♦️Red Army Vodka Box က ​စျေးတန်းမြင့် Vodka ဖြစ်တာ​ကြောင့် လက်​ဆောင်ပေးဖို့လည်း အထူးသင့်​​လျော်ပါတယ်။ ​ဆေးဖက်ဝင် vodka ဖြစ်တဲ့ အပြင် ထူးခြားဆန်းပြားတဲ့ ပုလင်းပုံစံ၊ ကြီးမားခန့်ငြားတဲ့ ထုပ်ပိုးမှု​ကြောင့် အမျိုးသားတိုင်း နှစ်သက်မယ့် လက်​ဆောင်တစ်ခုဆိုတာလည်း ​သိပ်ကို သေချာလှပါတယ် ခင်ဗျာ။

♦️ မိမိတို့ရဲ့ အထိမ်းအမှတ်ပွဲတစ်ခုခုမှာ ဧည့်ခံဖို့ ​ရွေးချယ်ခဲ့မယ်ဆိုရင်လည်း ဒီဧည့်ခံပွဲက Red Army Vodka ​ကြောင့်ကို အမြဲတမ်း အမှတ်တရဖြစ်​နေ​စေမှာပါ။ ​သေနတ်တစ်လက်၊ လက်ပစ်ဗုံးတစ်လုံး နဲ့ ကျည်စံပုံစံ Shot ခွက် 6 ခွက်ပါဝင်တဲ့ အစိမ်း​ရောင် Box ကြီး ကို ဖွင့်လိုက်တာနဲ့တင် လုံးဝ Surprise ဖြစ်သွားကြတာကို ​တွေ့မြင်ရမှာပါ။

♦️အမျိုးအစား ........ Vodka

♦️Alc .......... 40%

♦️Size ........... 1.2 Litres

♦️Style ........... AK 47 gun bottle

♦️Colour ........... ဖန်သားကဲ့သို့ ကြည်လင်ရှင်းသန့်​သော အ​ရောင်။

♦️Nose ............ သိမ်​မွေ့နူးညံ့​သော Herbal ရနံ့နှင့် လတ်ဆတ်​သော သစ်သီး ရနံ့တို့​ပေါင်းစပ်မှု​နောက်က ပျားရည်ပါဝင်တဲ့ သံပုရာရနံ့သင်းသင်း။

♦️Taste ............ စ​သောက်ကြည့်လိုက်ချိန်မှာပဲ သံပုရာနဲ့ပျားရည်ရဲ့ ချဥ်ချိုချို အရသာ​ကြောင့် စိတ်ကိုကြည်လင်လန်းဆန်း​စေပြီး ထပ်မံထွက်​ပေါ်လာတဲ့ Vanilla ရဲ့ ချိုအီ​​မွှေး အရသာ​လေး​​ကြောင့် စိတ်​ကြေနပ်မှု ပိုမိုရ​စေပါတယ်။

♦️After Taste ......... After Taste မှာ​တော့ သလဲသီး အရသာ​လေး ပြန်​ပေါ်လာပြီး Vodka ​တွေရဲ့ ထုံးစံအတိုင်း ရှတတ​လေးနှင့် အဆုံးသတ်သွားတာပဲ ဖြစ်ပါတယ် ခင်ဗျာ။

Price ♦️
US $ ..... 199 $
MMK ..... 320,000ks

Crd: KanTet Liquor

ကျွန်တော်တို့ပတ်ဝန်းကျင်မှာ တစ်စုံတစ်ယောက်က ဝီစကီ စသောက်တော့မယ်လို့ စဉ်းစားမိပြီဆိုရင် သူ့အတွက်ကိုက်ညီမှုရှိမယ့် ဝီစကီအမ...
30/04/2021

ကျွန်တော်တို့ပတ်ဝန်းကျင်မှာ တစ်စုံတစ်ယောက်က ဝီစကီ စသောက်တော့မယ်လို့ စဉ်းစားမိပြီဆိုရင် သူ့အတွက်ကိုက်ညီမှုရှိမယ့် ဝီစကီအမျိုးအစားကို ရွေးချယ်နိုင်ဖို့ လိုပါတယ်။ ခံတွင်းထဲက အရသာခံတဲ့ အစိတ်အပိုင်းလေးတွေမှတစ်ဆင့် ဝီစကီရဲ့အနံ့နဲ့အရသာကို ထိတွေ့ မြည်းစမ်းပြီး စိတ်ကြိုက်ဖြစ်၊ မဖြစ် ဆုံးဖြတ်သွားမှာ ဖြစ်တဲ့အတွက် စသောက်ခါစသူတွေအနေနဲ့ ညက်ညော၊ ညင်သာတဲ့ ဝီစကီမျိုးကိုရွေးချယ်မိဖို့ အလွန်အရေးကြီးပါတယ်။ ဒီကွက်လပ်ကို ဖြည့်ဆည်းပေးမယ်ဆိုတဲ့စိတ်ကူးနဲ့ Chivas Brothers က ၁၈၄၀ မှာ Chivas blended whisky ကို စတင်ထုတ်လုပ်ခဲ့တာဖြစ်တယ်လို့ Chivas House က ဆိုပါတယ်။ အဲ့ခေတ်ကာလတုန်းက single malt တွေသာ ကြီးစိုးနေခဲ့တာဖြစ်ပြီး စိတ်တိုင်းကျလက်စွမ်းပြနိုင်မယ့် ရောစပ် အရသာမျိုးကိုရရှိစေဖို့ Chivas brothers က Chivas blended scotch ကို တစ်ခေတ်ဆန်း မိတ်ဆက်ပွဲထုတ်ခဲ့တာပါ။ ထိုအစဉ်အလာကောင်းကို Chivas Regal က ယနေ့ထက်တိုင်နှစ်ပေါင်း ရာနဲ့ချီပြီး လက်ဆင့်ကမ်းထိန်းသိမ်းလာခဲ့ပါတယ်။ နူးညံ့ညင်သာတဲ့ အရသာ၊ ခံတွင်းထဲသင်းပျံတဲ့ ရနံ့မျိုးရရှိစေတဲ့ Chivas Regal 12 years ကို စကော့ထ်လန်နိုင်ငံရဲ့ ရှေးအကျဆုံး ဝီစကီချက်ရုံကြီးဖြစ်တဲ့ စထျာသိုင်စလာ မှာချက်လုပ်ပြီး နိုင်ငံပေါင်း ၁၅၀ ကျော်ကို တင်ပို့ရောင်းချပေးလျှက်ရှိပါတယ်။ ယနေ့ တကမ္ဘာလုံးမှာ Chivas 12 years ကို ၁ မိနစ်မှာ ပျှမ်းမျှ ၁၀၃ ပုလင်းနှုန်း ရောင်းချရလျှက်ရှိနေပါတယ်။

၂၀၂၁ ရဲ့ နွေဦးကာလ၊ မြူတွေထတဲ့ ဧပြီလအစ မှာတော့ အရှေ့တောင်အာရှမှာ ဝီစကီအားပေးသူ ပရိတ်သတ် မြင့်မားလှတဲ့ မြန်မာနိုင်ငံဈေးကွက်ထဲကို Chivas Regal ရဲ့ အထူးသီးသန့် ထုတ်လုပ်ထားတဲ့ Chivas 12 years, Mancherster United, Andy Cole Version ရောက်ရှိလာတာတွေ့ရပါတယ်။ ဒါကြောင့် ဒီတစ်ခေါက်မှာတော့ မြန်မာကလွဲလို့ ကျန်တစ်ကမ္ဘာလုံးဘယ်မှာမှ မတွေ့နိုင်တဲ့ ဒီ Chivas 12 Special Edition ကို Myanmar Drinks Lovers တို့အတွက် review လုပ်ပေးလိုက်ပါတယ်။

ထုပ်ပိုးပုံကတော့ သာမန် Chivas 12 ရဲ့ ငွေမှင်ရောင်ဗူးခွံနဲ့အတော်လေးကွာခြားပါတယ်။ ဗူးခွံတစ်ခုလုံးရဲ့ ၇၅% လောက်ကို Burgundy အရောင်ကကြီးစိုးထားပြီး မန်ယူရဲ့ ဂန္ဓဝင်တိုင်စစ်မှုး Andy Cole ရဲ့ ပုံရိပ်လွှာကို အလည်တည့်တည့်မှာ ထင်ထင်ရှားရှား ထည့်သွင်းထားပါတယ်။ We Love United နဲ့ Andy Cole ဆိုတဲ့ အဖြူရောင်စာသားတွေကိုလဲ ဗူးခွံအနှံ့အပြား ရေးထားပါတယ်။ ဗူးခွံအောက်ဆုံးမှာတော့ Mancherster United Limited Edition ဆိုတဲ့ စာသားကို ပုံနှပ်ထားပြီး အထူးထုတ် ဆိုတဲ့အချက်ကို ပေါ်လွင်စေပါတယ်။ ပုလင်းဆိုဒ်ကတော့ အထူးထုတ်ပီပီ ၇၀၀ မီလီဖြစ်ပြီး ၁ လီတာ မလာပါဘူး။ လက်လီဈေးကတော့ ၃ သောင်း ၃ ထောင်ဝန်းကျင်ပါ။ တရားဝင်ဈေးကွက်ကနေ တင်သွင်းလာတဲ့ပစ္စည်းမို့ အပြင်ဈေးကွက်ရဲ့ ဈေး ၂ ဆလောက်ရှိမယ်ထင်ခဲ့ပေမယ့် border ကတစ်ဆင့်လာတဲ့အလုံးတွေနဲ့ ဈေးသိပ်မကွာပဲ ပစ္စည်းအစစ်အမှန်ကို ဒီဈေးနဲ့ဝယ်ရလို့ စိတ်ချမ်းသာရပါတယ်။

Old Fashion ခွက်ထဲမှာ ရွှေရောင်အဆင်းနဲ့ ကြည်လင်တောက်ပနေတဲ့ ဒီဝီစကီကို အပေါ်ယံ ခပ်မြန်မြန်လေး အနံ့ခံကြည့်လိုက်တော့ တစ်ခြား စကောထ့် ဝီစကီတံဆိပ်တွေလို ကျပ်ခိုးနံ့တွေ အရမ်းကြီးမပြင်းပဲ သင်းပျံ့သိမ်မွေ့တဲ့အနံ့ ရှိတာကိုတွေ့ရပါတယ်။ ခပ်ပြင်းပြင်းလေး ထပ်ပြီး ရှုကြည့်လိုက်တဲ့အခါ ကပ်လိုက်လာတဲ့ ရနံ့တွေကတော့ ဗနီလာ၊ ရှောက်ခွံ၊ သစ်ကျပိုး နဲ့ စမုန်စပါးတို့ပါပဲ။ ဝက်သစ်ချစည်ရဲ့ သစ်သားရနံ့တစ်ချို့ကလဲ သောက်ချင်စဖွယ် ဆွဲဆောင်မှုပေးနေပါတယ်။

တစ်ကျိုက်စာလောက် မနည်းမများလေး ငုံပြီး ဖြေးဖြေးချင်းမျိုချလိုက်တဲ့အခါမှာတော့ အနံ့ခံစဉ်ကရရှိခဲ့တဲ့အနံ့တစ်ချို့ကို ပိုပြီးအားကောင်းစွာနဲ့ခံစားရမယ့်အပြင် ငရုတ်စေ့လှော်ကိုဝါးလိုက်သလို မွှေးကြိုင်ပူရှိန်းတဲ့အရသာ၊ အခွံမာသီးများရဲ့ “သက်”တဲ့အရသာ နဲ့ နို့ဘီစကွတ်ရဲ့ ချိုစိမ့်တဲ့အရသာတို့ကိုလည်း ရရှိခံစားရပါလိမ့်မယ်။ လည်ချောင်းတစ်လျှောက် ပူနွေးသွားစေတဲ့ ခံစားမှုကတော့ ၄၀ ရာခိုင်နှုုန်းပါဝဝ်တဲ့ alcohol ကြောင့်ပဲဖြစ်ပါတယ်။
Chivas 12 Andy Cole ကို ရေသန့် ဆိုဒါ ရေခဲများနဲ့သောက်သုံးနိင်သလို Gingerale, 100 Plus တို့နဲ့ အနည်းငယ်ရောနှောသောက်ကြည့်ရာမှာလဲ အဆင်ပြေတာကိုတွေ့ရပါတယ်။ သူငယ်ချင်းတွေဆုံတဲ့အခါ Jug ထဲမှာ ဝီစကီ တစ်ဆ၊ ဆိုဒါ တစ်ဆ၊ Tonic တစ်ဆ နဲ့ ရေခဲများ ထည့်ပြီးတော့လဲ Chivas Sonic (Soda+Tonic) လုပ်သောက်လို့လဲ အဆင်ပြေပါတယ်။

Chivas အထူးထုတ် Andy Cole Version ရဲ့ အရသာက ဘယ်လိုနေမလဲ မြည်းစမ်းသောက်သုံးကြည့်ရင်း မိမိအတွေ့အကြုံကို လက်ဆင့်ကမ်း ဆွေးနွေးပေးသွားကြဖို့ ဖိတ်ခေါ်လိုက်ပါတယ်။







🔹Rio Cocktail ရဲ့ အရောင်နဲ့ အနံ့ အရသာ ကွဲပြားမှုကို Customer ကြီးတွေက ခဏခဏ မေးကြတဲ့ အတွက် ​ဖြေကြားပေးပါရစေ ခင်ဗျာ။🍑Rio P...
18/01/2021

🔹Rio Cocktail ရဲ့
အရောင်နဲ့ အနံ့ အရသာ ကွဲပြားမှုကို
Customer ကြီးတွေက ခဏခဏ မေးကြတဲ့ အတွက် ​ဖြေကြားပေးပါရစေ ခင်ဗျာ။

🍑Rio Pink
မက်မွန်သီး နဲ့ brandy (ဘရန်ဒီ) အရက်ပါဝင်ပါတယ်။
သောက်ကြည့်လိုက်ရင် မက်မွန်သီးရဲ့ နူးညံ့ချိုမြိန်တဲ့ အနံ့နဲ့ အရသာနောက်က ဘရန်ဒီရဲ့ နွေးထွေးမှုကို ခံစားရရှိမှာဖြစ်ပြီး မက်မွန်သီးရနံ့ကို မကြိုက်ဘူးဆိုရင်တော့ သူ့ထက် အနည်းငယ်ပိုပြင်းပြီး စပျစ်သီး အနံ့ အရသာနဲ့ (ခရမ်းရောင်) ကိုလည်း ရွေးချယ်လို့ရပါသေးတယ် ။

🥒Rio Green
သံပုရာသီး + သခွားသီး နဲ့ Rum (ရမ်) အရက် ပါဝင်ပါတယ်။
သောက်ကြည့်လိုက်ရင် သံပုရာရနံ့ မွှေးမွှေးလေးနဲ့ သခွားသီးရဲ့အအေးဓာတ်လေးကို ရရှိမှာဖြစ်ပြီး မျိုချလိုက်တဲ့ အခါမှာ Rum ရဲ့ နွေးထွေးမှုကို ခံစားရရှိစေပါတယ်။ သံပရာပါဝင်တဲ့ အတွက် Cocktail ကို အချဥ်အရသာလေးပါမှ ကြိုက်တယ်ဆိုရင် ရွေးချယ်ပါခင်ဗျာ။

🍇Rio Purple
စပျစ်သီး နဲ့ brandy (ဘရန်ဒီ) အရက်ပါဝင်ပါတယ်။
သောက်ကြည့်လိုက်ရင် စပျစ်သီးရဲ့ ချိုမြန်တဲ့ အရသာနောက်က ဘရန်ဒီရဲ့ နွေးထွေးမှုကိုခံစားရရှိစေမှာဖြစ်ပြီး မက်မွန်သီးပါဝင်တဲ့ (ပန်းရောင်) ထက် Alc ပါဝင်မှု ပိုများတာကြောင့် ဘရန်ဒီ အရသာ ခပ်ပြင်းပြင်း Cocktail လေးတွေ ကြိုက်တယ်ဆိုရင် ရွေးချယ်သင့်ပါတယ်။

🍧Rio Light Blue
သီးစုံ အရသာနဲ့ Vodka (ဗော်ကာ) အရက် ပါဝင်ပါတယ်။
သီးစုံရနံ့ မွှေးမွှေးလေးနောက်က ဗော်ကာ ရဲ့ ခပ်ရှရှ အရသာလေးကို ခံစားကြည့်ပါ ခင်ဗျာ။ မြိုချလိုက်ရင် ဗော်ကာသောက်ရသလို ခပ်ရှရှ ခပ်ကြမ်းကြမ်းလေးမှ ကြိုက်တယ်ဆိုရင် သီးစုံ Cocktail လေးကို ရွေးချယ်လို့ရပါတယ်။

🍊Rio Yellow
အမဲရောင် စပျစ်သီး နဲ့ လိမ္မော်သီး တို့ အချိုးကျပါဝင်ထားပြီး Vodka (ဗော်ကာ) အရက်နဲ့ ဖျော်စပ်ထားပါတယ်။ စပျစ်သီးရဲ့ အချိုဓာတ်နဲ့ လိမ္မော်ရဲ့ အချဥ်ဓာတ်တို့ပေါင်းစပ်ပြီး ဗော်ကာပါဝင်တာကြောင့် ချိုချဥ်ရှတလေး ကြိုက်တယ်ဆိုရင် ရွေးချယ်ပါ ခင်ဗျာ။

🌹Vodka Blue
နှင်းဆီပန်း နဲ့ Whisky (ဝီစကီ) အရက်ပါဝင်ပါတယ်။
သူကတော့ အသီးတွေမပါဝင်ပဲ ထူးထူးခြားခြား နှင်းဆီပန်းနဲ့ ဖျော်စပ်ထားတာပါ။ နှင်းဆီပန်းကနေ အရသာထက် အနံ့ကိုသာ အဓိကယူပြီး ဖော်စပ်ထားတာမို့လို့ နှင်းဆီရနံ့ သင်းပျံ့လှတဲ့ ဝီစကီ ချိုချိုလေး ကြိုက်တယ်ဆိုရင် ရွေးချယ်ပါ ခင်ဗျာ။

Rio Cocktail အားလုံးက အချိုရည်လေးတွေလို သောက်လို့ကောင်းပေမယ့် Alc 4.2% မှ Alc 4.5% ပါဝင်တာကြောင့် Coctail တလုံးကို ဘီယာ ၁ဗူးစာနီးပါး မူးတတ်ပါတယ်ခင်ဗျာ။ ဒါကြောင့် အသက် 18 နှစ်မပြည့်သေးတဲ့ ညီငယ် ညီမငယ်များ မသောက်သုံးသင့်ပါဘူးလို့လည်း အသိပေးပါရစေ ခင်ဗျာ။ 🙏

RIO Cocktail ပါ ။ Rio နဲ့ ပုံစံတူအောင် ထုတ်လုပ်ထားတဲ့ RrQ မဟုတ်ပါဘူး ခင်ဗျာ။

Crd: OriginalWritters & Photos

🎈Golden Crown Liquor House 🎈
🍾ဘူတာလမ်း (ဗိုလ်ချုပ်ကြေးရုပ်ဒေါင့်)
🍷ဆူးလေကုန်ရပ်

𝗣𝗼𝗿𝘁𝗲𝗿 (ပေါ်တာ) ဟာ မြန်မာပြည်ဈေးကွက်အတွင်း သိပ်ပြီးရင်းနှီးမှုမရှိသေးတဲ့ ဘီယာစတိုင်ပါ။ ဒါပေမဲ့ နိုင်ငံတကာဘီယာသမိုင်းမှာတ...
07/01/2021

𝗣𝗼𝗿𝘁𝗲𝗿 (ပေါ်တာ) ဟာ မြန်မာပြည်ဈေးကွက်အတွင်း သိပ်ပြီးရင်းနှီးမှုမရှိသေးတဲ့ ဘီယာစတိုင်ပါ။ ဒါပေမဲ့ နိုင်ငံတကာဘီယာသမိုင်းမှာတော့ ပေါ်တာရဲ့ကျော်ကြားမှုနဲ့ သက်တမ်းဟာ နှစ်ပေါင်းသုံးရာခန့် ရှိခဲ့ပါပြီ။ ဒါကြောင့် ပေါ်တာဘီယာအကြောင်း စိတ်ဝင်စားဖွယ်ကောင်းတဲ့ အချက်တွေကို ဖော်ပြပေးလိုက်ပါတယ်။

👉(၁)
ပေါ်တာဘီယာဟာ ၁၈ ရာစုတုန်းက အင်္ဂလန်နိုင်ငံမှာ စတင်ပေါ်ပေါက်ခဲ့တဲ့ အမည်းရောင်ဘီယာဖြစ်ပါတယ်။ လန်ဒန်မြို့ရဲ့ အထမ်းသမား (Porter) တွေအကြား အထူးရေပန်းစားခဲ့တာကြောင့် ‘ပေါ်တာဘီယာ’ ဆိုပြီး အမည်တွင်ခဲ့တာပါ။ နောက်ပိုင်းမှာတော့ နိုင်ငံဒေသအစုံစုံ၊ လူတန်းစားအဖုံဖုံအထိ ကျော်ကြားတဲ့ ဘီယာစတိုင် ဖြစ်လာခဲ့ပါတယ်။

👉(၂)
ဒီကနေ့ ကျနော်တို့သိတဲ့ စတောက်ဘီယာဟာ ပေါ်တာက ဆင်းသက်လာတဲ့မျိုးဆက်ပါ။ အပြင်းစားပေါ်တာတွေကို Stout Porter လို့ ခေါ်ရာကနေ နောက်ပိုင်းမှာ စတောက် (Stout) ရယ်လို့ အတိုကောက်အမည်တွင်သွားခဲ့တာ ဖြစ်ပါတယ်။

👉(၃)
ပေါ်တာဘီယာတွေကို နှစ်ခြိုက်သူအထူးများပြားလာတာကြောင့် ၁၈ ရာစုအကုန်မှာ အင်္ဂလန်အပြင် အမေရိကား၊ အိုင်ယာလန်နဲ့ ရုရှားနိုင်ငံတို့အထိ ရေပန်းစားရောက်ရှိခဲ့တယ်။ ပေါ်တာဟာ နိုင်ငံတကာအထိ ကျော်ကြားပေါက်ရောက်ခဲ့တဲ့ ပထမဆုံးသောဘီယာလို့ ဆိုနိုင်ပါတယ်။

👉(၄)
မြန်မာ့မြေပေါ်ကို အစောဆုံးကုန်သွယ်ရောက်ရှိခဲ့တဲ့ ဘီယာက ပေါ်တာဖြစ်ပါတယ်။ အင်္ဂလိပ်အုပ်ချုပ်ရေးခေတ်မှာ ကိုလိုနီလက်အောက်ခံနိုင်ငံတွေဖြစ်တဲ့ မြန်မာနဲ့အိန္ဒိယတို့ဆီကို အင်္ဂလန်ကနေ ဘီယာတွေ သင်္ဘောနဲ့တင်ပို့ခဲ့တယ်။ ဒါကြောင့် အင်္ဂလန်နိုင်ငံမှာ ရေပန်းအစားဆုံး ပေါ်တာဘီယာဟာ ကိုလိုနီခေတ်ကုန်သွယ်ရေးကြောင့် ကျနော်တို့မြန်မာပြည်အထိ ခရီးဆန့်ရောက်ခဲ့ရှိပါတယ်။

👉(၅)
ကျနော်တို့ရဲ့ 𝗣𝗲𝗮𝗰𝗼𝗰𝗸 𝗣𝗼𝗿𝘁𝗲𝗿 ဟာ တစ်ချိန်က ကမ္ဘာကျော်စတိုင်ဖြစ်တဲ့ ပေါ်တာဘီယာကို ပြန်လည်ဆန်းသစ်မှုဖြစ်ပါတယ်။ 𝗣𝗲𝗮𝗰𝗼𝗰𝗸 𝗣𝗼𝗿𝘁𝗲𝗿 မှာ မြန်မာ့အငွေ့အသက် ထုံမွမ်းဖို့ ဒေသထွက်ထန်းလျက်ကို အသုံးပြုထားပြီး ထူးခြားတဲ့ရနံ့နဲ့ အချိုလေးပင်တဲ့ အရသာကို ခံစားရမှာပါ။ တစ်ချိန်က မြန်မာအပါအဝင် ကမ္ဘာ့နိုင်ငံအများအပြားအထိ ရေပန်းစားခဲ့ဖူးတဲ့ ပေါ်တာဘီယာကို စိတ်ဝင်စားတယ်ဆိုရင် 𝗣𝗲𝗮𝗰𝗼𝗰𝗸 𝗣𝗼𝗿𝘁𝗲𝗿 ကို မြည်းစမ်းကြည့်ဖို့ တိုက်တွန်းလိုက်ပါတယ်။



all : crd

Address

ဘူတာလမ်း ( ဗိုလ်ချုပ်ကြေးရုပ် အရှေ့ဘက်ထောင့် )
Monywa
007

Opening Hours

Monday 11:00 - 23:00
Tuesday 11:00 - 23:00
Wednesday 11:00 - 23:00
Thursday 11:00 - 23:00
Friday 11:00 - 23:00
Saturday 11:00 - 23:00
Sunday 11:00 - 23:00

Telephone

+959692590700

Website

Alerts

Be the first to know and let us send you an email when Golden Crown Liquor House posts news and promotions. Your email address will not be used for any other purpose, and you can unsubscribe at any time.

Shortcuts

Share

Category