11/11/2021
ဆောင်းစဝင်လာပြီဆိုတော့ စက်ဘီးစစီးမယ့်သူတွေ မေးလာကြတယ် ဘာဝယ်ရမလဲ? လေ့လာနိုင်အောင်လို့ တင်ပေးလိုက်ပါတယ်
ကျွန်တော် ဒီတခါတော့ စက်ဘီးစဝယ်ပြီး စီးမဲ့သူအတွက် စဥ်းစားရမဲ့အချက်လေးတွေ ပြောပြပေးချင်ပါတယ်။ စက်ဘီးတစ်စီးဝယ်ဖို့ စဥ်းစားတာနဲ့ အသစ်စီးမှာလား? ဂျပန်ကွန်တိန်နာကျစီးမှာလား? ဆိုပြီး နှစ်ခုရွေးချယ်စရာ ထွက်လာပါမယ်။
အသစ်ဝယ်စီးကြမယ်။
အသစ်ဝယ်စီးမယ်လို့ ဆုံးဖြတ်လိုက်ရင်တော့ ခေါင်းစားစရာတွေ သိပ်မရှိပါဘူး။ စဥ်းစားရွေးချယ်ရမဲ့ ကိစ္စလေးတွေတော့ရှိတာပေါ့။ ပထမဆုံးရွေးချယ်ရမှာက ကိုယ်ဝယ်မဲ့ ဆိုင်ပါပဲ။ Brand New ရောင်းတဲ့ဆိုင်တွေကတော့ အများကြီးရှိပါတယ် ဒါပေမဲ့ စိတ်ချရမဲ့ဆိုင်ကိုပဲရွေးဝယ်ပါ။ ပြီးရင်တော့ ကိုယ်စီးမဲ့ Brand ကိုရွေးရပါမယ်။နောက် အရေးကြီးတဲ့ အချက်က Frame Size ပါ။ Frame Size အရွေးမှားရင်တော့ နင်းရတာ သက်တောင့်သက်သာရှိမှာ မဟုတ်ပါဘူး။ (Frame size ကိုတော့ ကိုယ်ဝယ်မဲ့ ဘီး Brand ရဲ့ offical website နဲ့ရှာလို့ရပါတယ်) နောက်ပီးတော့ ဂွေ size. Road Bike ဝယ်မယ်ဆိုရင်တော့ ဂွေ size ထည့်တွက်စရာမလိုပါဘူး (တစ်မျိုးပဲလာလို့ပါ။) Mountain Bike မှာတော့ 26" 27.5" & 29" ဆိုပြီး ၃မျိုးရှိပါတယ်။ ဂွေ size ပေါ်လိုက်ပီး အားနည်းချက် အားသာချက်လေးတွေတော့ရှိကြတာပေါ့။ ဂွေ size သေးရင် အချိုးအကွေ့တွေမှာ သွက်ပြီး ဂွေ size ကြီးတော့ ခရီးဝေးတွေမှာသာတာပေါ့။ နောက် အဓိကကျတဲ့တစ်ချက်ကတော့ Group set ခေါ် Gear Set ပါ။ Road Bike တွေမှာဆိုရင် (2x7) ကနေစပြီး (2x10) ထိရှိကြပါတယ် တော်တော်များများတော့ Shimano Group Set တွေ့ရပါတယ်။ Mountain Bike တွေမှာဆိုရင် ရှေ့သုံးချက် နှစ်ချက် တစ်ချက် နဲ့ နောက်က ၇ချက်ကနေပြီး Power ချက်တွေဖြစ်တဲ့ ၁၁ချက် ၁၂ချက် အထိလာကြပါတယ်။ နာမည်ကြီးတဲ့ Group Set တွေဖြစ်တဲ့ Shimano, Sram တို့ ပါကြပါတယ်။ နောက်ပိုင်း သာကော Group Set ဖြစ်တဲ့ L-TWoo လဲတွေ့လာရပါတယ်။နောက်ပီး Hub တို့ Bottom Bracket တို့က ကားဘောတို့ Hollow BB ဆိုပိုကောင်းတာပေါ့။ နောက်ပြီး Fork ကို တစ်ချက်စဥ်းစားသင့်ပါတယ်။ Mountain တွေမှာ Fork Suspension တွေနဲ Oil, Air ဆိုပြီလာပါတယ်။ကြိုက်တာရွေးလို့ရပါတယ်။ အဲ့ဒါလေးတွေသိထားရင်တော့ အသစ်တွေ ရွေးဝယ်နိုင်မယ် ထင်ပါတယ်။ အာရုံနောက်သက်သာချင်ရင်တော့ ကိုယ်သုံးမဲ့ Budget နဲ့ချိန်ပြီး Complete Bike တစ်စီးဝယ်ဖို့ အကြံပေးပါတယ်။ Beginner တွေကိုတော့ စိတ်ကြိုက်တစ်ခုချင်း ဝယ်ဆင်ဖို့ ကျွန်တော်အားမပေးပါဘူး။ Complete Bike မှာပါတဲ့ဟာတွေမကြိုက်လို့ Upgrade လုပ်ရင်တော့ နားလည်တဲ့သူတွေရဲ့ အကြံဥာဏ်ယူပြီး စိတ်ချရတဲ့ဆိုင်မှာရွေးဝယ်ပါလို့ အကြံပေးချင်ပါတယ်။
ဂျပန်ကွန်တိန်နာကျပဲစီးမယ်။
ဂျပန်ကွန်တိန်နာကျဘီးပဲ စီးမယ်လို့ ဆုံးဖြတ်လိုက်ရင်တော့ နည်းနည်းစိတ်ရှည်သည်းခံပြီး ရှာပါလို့ အကြံပေးချင်ပါတယ်။ ဂျပန်ကျဘီးတွေထဲမှာ စောက်ရမ်းတန်ပြီး သန့်တဲ့ဘီးတွေ အများကြီးရှိကြပါတယ်။ ဒါပေမဲ့ရှာရမှာပါ။ ဘယ်လိုရှာရမလဲဆိုရင်တော့ ဂျပန်ကျဘီးတွေရောင်းတဲ့ဆိုင်မှာရှာပါ။ Line ပေါ်မှာရှာပါ။ နံသာကုန်းစက်ဘီးဝန်းမှာရှာပါ။ (ဂျင်းတွေတော့ သတိပြုပါ။) ကြိုက်တဲ့ဘီးတွေ့ပြီဆိုရင်တော့ မဝယ်ခင်စစ်ရမဲ့ အချက်လေးတွေရှိပါတယ်။ ပထမဆုံး Frame size စစ်ပါ ကိုယ်နဲ့အဆင်ပြေမပြေပေါ့။နောက်ပြီး Frame ရဲ့ အနာအဆာ ဆေးတွေကို သေချာစစ်ပါ။ နောက်ပြီး Break System ကို စစ်ပါ။ (ဂျပန်ကျ ဘီးတွေမှာက Disc Break မဟုတ်တာတွေရှိကြတော့ Break တုံးတွေကို သေချာစစ်သင့်ပါတယ်။) Break တုံး စစ်ရင်းနဲ့ တခါထဲ ဂွေမှာရှိတဲ့ Break Line ကိုလဲကြည့်ပါ။ နောက်ပြီး တခါထဲ ဂွေရဲ့ Hub ကိုစစ်ပါ (Hub ရမ်း/မရမ်း ကားဘောလား? ဆီဘောလား? ဘာညာပေါ့။) နောက်ပြီးတော့ Cassette (နောက်ဂီယာပြား) အသွားတွေ Jockey Wheel အသွားတွေ Crank (ရှေ့ဂီယာပြား) အသွားတွေ ချွန်နေလား ဘာညာစစ်သင့်ပါတယ်။ နောက်ပြီးတော့ Group Set ပါ။ အဲ့ကောင်တွေက Model, ဒီဇိုင်းကာလာ အနေအထား နဲ့လိုက်ပြီး စျေးကွာကြပါတယ်။ Road တွေမှာဆို Shimano ရဲ့ Tournay, Claris ပုတ်တွေက Basic level ပုတ်တွေပါ။ အခြား Brand တွေလဲရှိကြပါတယ်။ Shimano ရဲ့ Sora, 105, Tiagra တွေကတော့ Mid Range Level တွေပေါ့။ ( အဓိကတော့ ကိုယ်ရဲ့ ပုတ်က ဘယ်နှစ်ချက်ပါလဲ ဂီယာချက် ကိုက်/မကိုက် စစ်ရမှာပါ။) Mountain ဘီးတွေမှာတော့ Shimano Series တွေအပြင် ဂျောက်ဂျက်တွေ လက်လှည့်တွေပါ လာတက်ကြပါတယ် ဘယ်လိုပဲဖြစ်ဖြစ် ကိုယ်ဝယ်မဲ့ဘီးရဲ့ ဂီယာအတိုင်း ချိန်းပေးနိုင်တဲ့ဟာတော့ ဖြစ်ရပါမယ်။ နောက်တချက်က ရှေ့ Fork ပါ။ Road တွေမှာဆိုရင် Iron, Alloy, Carbon ဆိုပြီး သုံးမျိုးရှိကြပါတယ်။ ကျွန်တော်ကတော့ Iron, Alloy ကိုပဲရွေးစေချင်ပါတယ်။ Carbon တွေက စျေးကြီးပြီး ဘယ်လို အနေအထားနဲ့ ရောက်လာလဲ မသိတော့ စဥ်းစားစေချင်ပါတယ်။ Mountain Fork တွေမှာတော့ Coil, Oil, Air ဆိုပြီး သုံးမျိုးရှိပါတယ်။ အဲ့ကောင်တွေက ဘာမှထွေထွေထူးထူး ပြောစရာမလိုဘူးလို့ထင်ပါတယ် ( ဒီဇိုင်း ကာလာ ဘာညာ အလုပ် လုပ်/မလုပ် ဆိုတာလေးတွေတော့ စစ်ဆေးပေါ့။) ဒီလောက်ဆိုရင် ဂျပန်ကျဘီးကို ဘယ်လိုစစ်ဆေးပြီးဝယ်ရမလဲဆိုတာ စဥ်းစားလို့ရလောက်မယ်ထင်ပါတယ်။ နောက်ပြီးတော့ ဂျပန်ကျဘီးဝယ်မယ်ဆိုရင် ကြည့်တက်တဲ့သူ နားလည်တဲ့သူတွေကို အကူအညီတောင်းယူပါ။ (ဂျင်းတွေ စောက်ရမ်းများလို့ပါ။)
(ကျွန်တော် စီးဖူးတဲ့ ဘီးတွေကိုပဲ အသားပေးပြောပြသွားတာဖြစ်ပါတယ်။ နောက်ပြီး တစ်ဦးတစ်ယောက်ထဲ အမြင်ဖြစ်လို့ သဘောထားကွဲလွဲ နိုင်ပါတယ်။ အဆင်မပြေတာများရှိရင် ပြောပြပေးနိုင်ပါတယ်။)
"စက်ဘီးနင်းပြီဆိုတာနဲ့ ဦးထုပ်ဆောင်းဖို့ မမေ့ပါနဲ့ ရှေ့မီး နောက်မီးတပ်ပါ။
Safety First"
