20/03/2024
"ဉာဏ်ရည်မြင့်တာ စွဲမက်စရာ"
Intelligence is sexy
▪️လှပတဲ့မျက်နှာဟာ အိုမင်းလာမယ်၊ ပြည့်စုံတဲ့ခန္ဓာကိုယ်ဟာ ပြောင်းလဲယိုယွင်းသွားလိမ့်မယ်။ ဒါပေမယ့် မြင့်မားတဲ့အသိဉာဏ်ကတော့ အမြဲတမ်းအမိုက်စားဖြစ်နေမှာပါပဲ။ 🔥
တချို့လူတွေက ချစ်ရမယ့်လူတစ်ယောက်ကို ရှာတဲ့အခါ "ချောပေ့.. လှပေ့ ချမ်းသာပေ့.." ဆိုတာတွေကို ရွေးတတ်ကြတယ်။ တချို့တွေကျတော့ ရုပ်ရည်ပုံပန်းတွေကို ပဓာနမထားဘူး၊ ဉာဏ်ရည်ဉာဏ်သွေးကိုပဲ ကြည့်ကြတယ်။
ဉာဏ်ရည်မြင့်တဲ့သူတွေအပေါ် စွဲလမ်းလေ့ရှိတဲ့သူတွေကို Sapiosexual လို့ ခေါ်ပါတယ်။ Sapiosexual တွေက ရုပ်ရည်၊ ပုံစံ၊ အသွင်အပြင်ကို သိပ်အလေးထားလေ့မရှိပါဘူး။ သူတို့အတွက်က Intelligence is sexy. ဉာဏ်ရည်မြင့်တာကသာ စွဲမက်စရာပါပဲ။
ဂျပန်စာရေးဆရာ 'ဟာရူကီမူရာကာမိ' (Haruki Murakami) က ပြောတယ်။ " သင်ကြိုက်တဲ့ စာအုပ်တစ်အုပ်အကြောင်းကို သင်ချစ်တဲ့လူတစ်ယောက်နဲ့ မျှဝေပြောဆိုနိုင်ခြင်းဟာ ဘဝကပေးစွမ်းနိုင်တဲ့ အကြီးမားဆုံးပျော်ရွှင်မှုတွေထဲက တစ်ခုပါ"တဲ့။
Sapiosexual တွေဟာ အဲဒီလို ခံယူချက်မျိုးနဲ့ လူတွေပေါ့။ ကိုယ်နဲ့ပတ်သက်မယ့်လူတစ်ယောက် ဘာဝတ်ထားလဲ၊ ဘာအိတ်ကိုင်လဲ၊ ဘာကားစီးလဲ"ဆိုတာတွေထက် "သူ့မှာ ဘာအိုင်ဒီယာတွေ ရှိလဲ၊.."ဘာစာအုပ်မျိုး ဖတ်နေတာလဲ.."ဆိုတာမျိုးကိုပဲ စူးစမ်းလေ့ရှိကြပါတယ်။
📌"အချောအလှတွေထက် ပိုမိုက်တဲ့ဉာဏ်ရည် "
Sapiosexual တစ်ယောက်ဟာ ခပ်လန်းလန်းဘော်ဒီမိုက်မိုက်တွေကို တွေ့ရင် "ဪ.. လှတယ်" ဒီလောက်ပဲ။ ဘယ်သူတွေ ဘယ်လိုချောတယ်၊ ဘယ်လိုဟော့တယ်ဆိုလည်း စိတ်မဝင်စားဘူး။ ကိုယ့်ကို ချဉ်းကပ်လာတဲ့သူက ဘယ်လောက်ချမ်းသာသာ၊ ဘယ်လိုအသိုင်းအဝိုင်းကဖြစ်ဖြစ်.. အဲဒါတွေက အပေါ်ယံတွေလို့ မြင်လာတယ်။
တဖက်လူက "ဘယ်လောက် ဉာဏ်ရည်မြင့်လဲ၊ ဘယ်လောက် တော်လဲ၊ ထက်လဲ၊ ဘယ်လောက် Talent ရှိသလဲ၊ ကိုယ်နဲ့ ဘယ်လောက် အပေးအယူမျှမျှ စကားပြောလို့ ရသလဲ" ဆိုတာကသာ အရေးကြီးသွားတော့တာ။
ဥပမာ.. ကိုယ်စိတ်ဝင်စားနိုင်လောက်တဲ့ လူနှစ်ယောက်ရှိတယ်။ တစ်ယောက်က ခပ်ချောချောလေးပေါ့။ ဒါပေမယ့် သူက "ဒီနေ့ ရာသီဥတုပူတယ်နော်၊ နေကောင်းလား၊ စားပြီးပြီလား.." ဆိုတဲ့ အပေါ်ယံ ပျင်းစရာကောင်းတဲ့ စကားတွေကိုပဲ ပြောနေတယ်။
ကိုယ်က လူမှုရေး၊ စီးပွားရေး၊ စိတ်ပညာ၊ ဒဿနတွေကို စိတ်ဝင်တစား တက်တက်ကြွကြွ ဆွေးနွေးချင်တယ်။ အဲဒီအခါ သူက ဘာမှမပြောနိုင်၊ ဘာတစ်လုံးမှ နားမလည်တဲ့ ခပ်တုံးတုံး ဖြစ်နေမယ်ဆိုပါစို့။ ဘယ်လို Key ကိုက်နိုင်ပါတော့မလဲ။
အဲလိုဆို တဖက်လူမှာ ဘယ်လိုအားသာချက်တွေပဲရှိရှိ.. အပေးအယူမျှမျှ စကားပြောလို့မရတာ တစ်ချက်နဲ့တင် စိတ်ပျက်သွားမိမှာပဲ။ အဲဒီလူက ဘာမှ ရင်ခုန်စရာမကောင်းတော့ဘူး။ ထပ်လည်း မတွေ့ချင်တော့ဘူး။
📌" စကားပြောလို့ လေပေးဖြောင့်သူ "
ဆိုပါတော့.. နောက်ထပ်တစ်ယောက်က ရုပ်မချောပေမယ့် စိတ်ဝင်စားစရာ အကြောင်းအရာတွေကို ချက်ကျလက်ကျ ဆွေးနွေးနိုင်တယ်။ မကြာခင်က သူဖတ်ခဲ့တဲ့ စာအုပ်တစ်အုပ်၊ သူဖြေရှင်းနိုင်ခဲ့တဲ့ပြဿနာ၊ သူစဉ်းစားနေတဲ့ အတွေးတစ်ခုအကြောင်း စသဖြင့် စိတ်ဝင်စားစရာဆွေးနွေးမှုတစ်ခုမှာ ကိုယ့်ကို ပါဝင်စေတယ်။ လေးလေးနက်နက်မေးခွန်းတွေ မေးပြီး အဖြေတွေကို ဂရုတစိုက်နားထောင်တယ်။
တစ်ခုခုကို ပြောပြနေတဲ့အခါ သူ့မျက်လုံးတွေရဲ့တောက်ပမှုက ငေးမောကြည့်ချင်စရာ..။ သူ့ရဲ့စိတ်အားထက်သန်မှုက ရင်ခုန်စရာ.. ။ စိန်တစ်ပွင့် တဖျတ်ဖျတ်လက်သလို..သူ့ဦးနှောက်ကဖြာထွက်လာတဲ့ အသိပညာတွေက ကိုယ့်ဦးနှောက်ဆီကို ရောင်ပြန်ဟပ်လာစေတယ်။
သူ့ရဲ့ဉာဏ်ပညာကြောင့် သူ့ကို "ဝိုးကနဲ" မျက်စိကျသွားနိုင်တယ်။ အဲဒီလို သဘောကျပြီးနောက် ချစ်မိသွားရင်ဒါ"Sapiosexual" ပဲ။
📌 " လမ်းလျှောက်နေတဲ့ စွယ်စုံကျမ်း"
စဉ်းစားကြည့်ပါ။ လေးနက်တဲ့အမိုက်စားအကြောင်းအရာပေါင်းများစွာကို သိတဲ့လူတစ်ယောက်နဲ့ စကားပြောနေရတာ ဘယ်လောက် စိတ်ကျေနပ်ဖို့ ကောင်းသလဲ ဆိုတာ..။
You know that person who's a walking encyclopedia of fun facts? ပျော်စရာအချက်တွေ
ပါဝင်တဲ့ လမ်းလျှောက်နေတဲ့ စွယ်စုံကျမ်းတစ်ခုဆိုတာ သိလား။ အဲဒါ Intelligent person တွေပဲ။
သူတို့လျှာဖျားမှာ ပြောစရာတွေ တပုံကြီးရှိတယ်။ ထွေရာလေးပါးဟာသတွေ ရှိတယ်။ လေးနက်တဲ့ဒဿနတွေ ရှိတယ်။ Flirt နည်းတွေ အများကြီးထဲမှာ ပေါ့ပေါ့ပါးပါးစကားပြောရင်းကနေ နက်ရှိုင်းတဲ့ ဒဿနတွေ ငြင်းခုံရတဲ့ "Philosophical Flirt"အဖြစ် ပြောင်းနိုင်သေးတယ်။ you're dancing cheek to cheek with ideas. စိတ်ကူးတွေနဲ့ ပါးချင်းယှဉ်ပြီး ကနေရတာမျိုးပေါ့။ ချက်ချင်းပဲ ကြည်နူးသွားအောင် ပြောနိုင်တယ်။ ဦးနှောက်ကို အလုပ်တွေများ၊ တဝီဝီမြည်သွားစေပြီး Edutainment လုပ်နိုင်တယ်။
ပန်းချီဆိုလည်း ဆွဲတတ်လိုက်တာပဲ။ ပီယာနိုဆိုလည်း တီးတတ်လိုက်တာပဲ။ ဂီတဆိုရင် Beethovenရဲ့"moonlight sonata" ကနေစလို့ မဟာဂီတ"တံတျာတေရှင်"အထိ နှံ့စပ်နေတာမျိုးပေါ့။ "Wow..အရမ်းမိုက်တယ်ကွာ.. " ငါ ရှာနေတာ.. ဒါမျိုးလူ" ဆိုပြီး Amazing ဖြစ်မိသွားတာမျိုး။
"သူဘာလို့ အဲလောက်တောင် သိနေရတာလဲ..၊ ဘာကြောင့် အဲလောက် စွယ်စုံရနေရတာလဲ၊ သူ မသိတာ ရှိပါဦးမလား.." တွေးမိရတဲ့အထိ သိပ်တော်နေတာမျိုးဆို Sapiosexual တစ်ယောက်ရဲ့နှလုံးသားတွေ အရည်ပျော်ကျသွားရတယ်။
📌" အကန့်အသတ်မရှိတဲ့ ဆွဲဆောင်မှု "
တကယ်တော့ Sapiosexuality ရဲ့အလှတရားဆိုတာ ပိန်ပိန်..၀၀၊ ဖြူဖြူ..မည်းမည်း၊ အသက်ကြီးကြီး..ငယ်ငယ်.. Age, Gender, Physical characteristics (ရုပ်ပိုင်းဆိုင်ရာ စရိုက်လက္ခဏာ) တွေနဲ့ ချည်နှောင်မထားတဲ့ ဆွဲဆောင်မှုတစ်ခု ဖြစ်ပါတယ်။
ကိုယ့်ချစ်သူက ကိုယ့်ထက် အသက်ငယ်ချင်လည်း ငယ်မယ်။ အသက်ကြီးချင်လည်း ကြီးမယ်။ ပိန်ချင်လည်း ပိန်မယ်၊ ဝချင်လည်း ဝမယ်။ ဉာဏ်ပညာနဲ့ ချည်နှောင်ထားမှုဟာ ပြင်ပအခြေအနေတွေအပေါ် မမူတည်ပါဘူး။ အရေးကြီးတာက ဉာဏ်ရည် Level တူညီဖို့သာ အဓိက ဖြစ်ပါတယ်။
လေ့လာအားကောင်းတဲ့၊ အမြင်ကျယ်တဲ့၊ သိမြင်နှံ့စပ်တဲ့၊
သူ့ရဲ့သက်ဆိုင်ရာနယ်ပယ်မှာ Professional ဖြစ်တဲ့သူတွေက Sapiosexual တစ်ယောက်ရဲ့မျက်လုံးထဲမှာ အင်မတန် လှတယ်။ အိမ်နေရင်းဝတ်စုံနဲ့ ခေါင်းစုတ်ဖွားဖြစ်နေပါစေ၊ မျက်မှန်ကြီးတကားကားနဲ့ဖြစ်နေပါစေ.. ဆွဲဆောင်မှုရှိနေတာ အမှန်ပဲ။
Relationship တစ်ခု စပြီဆိုမှတော့ လူတစ်ဦးနဲ့တစ်ဦးကြားမှာ မတူညီကြတဲ့ ကွာဟမှု (Gap) တွေ အများကြီးရှိပါတယ်။ လူတော်တော်များများ အဲဒီလို ကွာဟမှုတွေကြောင့် ပြဿနာတက်နေချိန်မှာ Sapiosexual partner တွေက နှစ်ဦးကြားက Gaps (ကွာဟမှု) တွေကို ညှိယူနိုင်ကြပါတယ်။
ကိုယ်က Sapiosexual ဖြစ်ပြီး ကိုယ့်ချစ်သူက ကိုယ့်လိုမျိုး မဟုတ်ရင်တော့.. ဆက်ဆံရေးက ခိုင်မြဲဖို့ မလွယ်နိုင်ပေမယ့်.. နှစ်ယောက်လုံးက Sapiosexual ဖြစ်နေရင်တော့ အဲဒီ Relationship ဟာ နတ်ရေးတဲ့ဖူးစာလို့ ဆိုရမှာပါပဲ။
#ဉာဏ
December 2, 2023
