13/06/2026
Вьетнамд очих гэж байгаа бол анхаар!
Нисэх онгоцны буудал дээрээ жижиг өрөөнд оруулж байгаад шууд дээрэмддэг газар байна шүү.
Бүх төрлийн цахилгаан тамхийг хориглосон улс гэж байна. *Засгийн газрын тушаалын дугаар: 371/2025/ND-CP)
Маш нарийн зохион байгуулалттайгаар сүрдүүлж байгаад, дээрэмддэг юм байна. Дараах дарааллын дагуу бүлэглэн дээрэмдлэгээ зохион байгуулна. (Хочимин хотын ОУНОБ-ын терминал 2 дээр 2026 оны 06-р сарын 12-ны 22:10-22:30 цагийн хооронд ийм хөгийн үйл явдал болж өнгөрлөө).
1.Цүнхэнд ганц байсан "vape"-ийг эхлээд шалганы жижиг албаных нь илрүүлнэ (эмэгтэй ажилтнууд нь).
2. Ээлжийн даргаа дуудахад хар формтой, өндөр нуруутай, нүдний шил зүүсэн, харахын л яргачин царайтай нөхөр камергүй жижиг өрөөнд дагуулж оруулна.
3. Гар утсан дээрээ дээрх тушаал гарсан талаар орчуулж харуулаад, шууд мөнгө нэхнэ. (5 сая дон = 200 ам.доллар гэж тайлбарлаж өгнө)
4. Мөнгө байхгүй гэвэл мөнгөө төлтөл онгоцонд суулгахгүй, цагдаад өгнө гэнэ.
5. Элчин сайдын яамтайгаа холбоо барья гэхээр тэгвэл чи онгоцондоо суухгүй шүү дээ. Шөнөжингөө л цагдаагийн хэлтсийн сандал дээр сууж ЭСЯ руугаа залгах болно доо гэж сүрдүүлнэ.
6. За яах вэ, мөнгөтэй харагддаг нь 5 сая дон, зарим нь 3 сая дон дээрэмдүүлдэг юм байна лээ. Зарахаар авч ирсэн биш, хувийн хэрэглээний эд зүйл нь бусдын эрүүл мэндэд хор хөнөөлгүй бол хурааж аваад явуулж болно доо. Тэр нэг газрын мухарт буй Вьетнамд нь ийм тушаал гарсныг мэдээгүй миний буруу л даа.
Бугуйндаа Ролекс цаг зүүсэн төрийн албан хаагчийн дүрэмт хувцастай дээрэмчин залуу бол бүр мэргэшчихсэн байна лээ. Торгуулийн мөнгө авч байж баримт өгөхгүй гэж байна лээ.
7. Мөнгөө бэлнээр 200 ам.доллар авсныхаа дараа өрөөнөөс гар гэнэ. Баримт нэхтэл ирэх Даваа гарагт өглөө баримт нь гарах тул чи онгоцондоо суухгүй, чамайг цагдаагийн хэлтэс рүү шилжүүлнэ гэнэ. Мөнгөө төлчөөд онгоцондоо суухгүй болов...
8. Бараг 100 удаа уучлалт гуйж байж онгоцондоо суулаа. Хүний нутагт хууль дүрмийг нь санамсаргүй байдлаар зөрчсөн ч хариуцлага хүлээхэд гомдлоод байх зүйл бол алга. Гол нь нөхөр бол мэргэшсэн рекит, шууд мөнгөө тулгаж нэхээд, бэлнээр өгвөл өөрийн шүүгэндээ хийгээд дараагийн ангаа хийгээр гардаг юм билээ. 10 минутад 200 ам.доллар олдог тул Ролекс бол зүүхээр л тооцоо гарч байна лээ.
Хэдэн төлгүүдийн нутагт нь баахан бөхөлзөж, уучлалт гуйж байж арай гэж өөрийн онгоцондоо суулаа. Торгуулийг нь төлж болно. Баримтаа өгөх хэрэгтэй юм. Баримтгүй мөнгө бол авлига бөгөөд хуулийг нь яалташгүй зөрчих болсондоо гомдолтой байгаа юм.
Вьенам руу бол зүглээд байх онцын газар ч биш байна лээ.
Францын колончлолын үед баригдсан хэдэн байшин л нүдэнд тусна. Бусдаар бол жоом, хулгантайгаа хамтдаа газраар хөглөрөөд л хоолоо идээд сууж байдаг, заваан соёлтой нөхөд байна лээ.
Бүгд наймаачин сэтгэлгээтэй, их хулхи хүмүүс байна лээ шүү. 100 грам нь 200,000 дон гэсэн кофегоо сүүлд нь 500 грамыг нь 200,000 донд өгч байна лээ. Тэгсэн ч нөхөд надад нугалаад л зарсан байх даа. Итгэхэд бэрх, 5 хятадтай 1 вьетнам тэнцэнэ гэдэг үнэн үг байна лээ шүү.
Манай 12 дэх жилдээ хамтран ажилладаг БНСУ-ын байгууллага Хочиминд урьж, Азийн бүс нутгийн хуурлаа зохиолах болоод л энд ирлээ. Тэгснээс бол угаасаа ирж үзэх зүйл гэж бараг байхгүй гэдгийг нь бол эртнээс судалж үзэхэд ойлгомжтой байсан газар юм. Дахиж хэзээ ч энэ зүгт зүглэхээргүй хөгийн үндэстэн байна шүү. Вьетнам засваруудыг бүгдийг хөөж гаргах хэрэгтэй юм байна!
Copy
