UBTs хямд бараа

24/02/2026

16/02/2026

29/01/2026

🔴 | Яллагдагчдыг зорчих эрхийг хязгаарлах ЯЛААР ШИЙТГЭЛЭЭ

Дэлгэрэнгүй: https://news.zindaa.mn/585v

🔻 Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхээс Ц.Санжаачойпэлийг нэг жил, Б.Амарсайхан, Э.Тэмүүлэн, Л.Алтан-Очир нарыг найман сарын хугацаагаар зорчих эрхийг хязгаарлах ялаар шийтгэлээ.

🔻 Харин яллагдагч болон хохирогчоор татагдсан Д.Саяннямбууд нэг сая төгрөгийн торгох ял оноолоо

29/01/2026

📌Б.Бат-Орших арбитрын шүүхэд ялж Улсын ХАРЦАГА ЦОЛОО ЭРГҮҮЛЭН авах боллоо‼️

Аймгийн арслан Б.Бат-Оршихтой холбоотой маргааныг хянан хэлэлцэх Арбитрын шүүх хурал болжээ.

Б.Бат-Орших Ардын хувьсгалын 99 жилийн ойн баяр наадамд зургаа давж, Монгол Улсын харцага цол хүртсэн юм. Гэвч баяр наадмын дараа түүний шинжилгээнд хориотой бодис илэрсэн тул Монголын үндэсний бөхийн холбооноос тухайн үед авсан цолыг нь хүчингүй болгож, хураах шийдвэр гаргасан байдаг.

Харин уг асуудлыг Арбитрын шүүхэд хянан хэлэлцэхээр болсон бөгөөд холбооны зүгээс мэдээлснээр, Хэрэв тэрбээр шүүхэд ялбал, Монгол Улсын харцага цолоо эргэн авах эрх зүйн үндэслэл бүрдэх тухай мэдээлж байсан.

Б.Бат-Орших нь баяр наадамд тавын даваанд улсын начин Ц.Сандагдоржийг, зургаагийн даваанд улсын арслан Б.Орхонбаярыг давж, долоогийн даваанд Монгол Улсын аварга П.Бүрэнтөгсөд өвдөг шороодсон ажээ. Б.Бат-Оршихын шинжилгээнд хориотой бодис илэрсний дараа Монголын үндэсний бөхийн холбоо шийдвэр гарган, Ц.Сандагдоржийг тав давсанд тооцож, Монгол Улсын начин цол нөхөн олгосон байдаг.
Харин Б.Бат-Орших арбитрын шүүхэд ялж Улсын харцага цолоо эргүүлэн авах нөхцөл ийн бүрдэж байгаа юм.

29/01/2026

АРХАНГАЙ АЙМГААС УЛСЫН АВАРГА МАЛЧИН 8, АВАРГА СААЛЬЧИН 2 ТОДОРЧЭЭ

Улсын аварга малчин шагналыг 1962 оноос олгож эхэлсэн бөгөөд улсын аварга малчин нь шагналынхаа дагалдах урамшуулалд уламжлалт улаан халз бүхий гэрээс гадна хөдөлмөр хөнгөвчилсөн дэвшилтэт тоног төхөөрөмж, ашиг шим өндөртэй эцэг мал зэргээс сонголт хийх боломжтой аж.

Энэ жил Хүнс, хөдөө аж ахуй, хөнгөн үйлдвэрийн сайд М.Бадамсүрэнгийн санаачилгын дагуу “Улсын аварга малчин, улсын хошой аварга малчин шалгаруулах журам”-д нэмэлт, өөрчлөлт оруулж, малын ашиг шим, үүлдэр угсааг сайжруулсан байдал, мал аж ахуйн үйлдвэрлэлээс олсон орлого, улсад төлсөн татварын хэмжээг голлох үзүүлэлт болгон тодруулж буйгаараа онцлог юм.

Энэ удаад Архангай аймгаас дараах эрхмүүд шалгарсан байна.

🇲🇳 Монгол Улсын аварга малчин:
1. Цэцэрлэг сумын Хонгорж багийн малчин Цэрэндоржийн Ганбат
2. Батцэнгэл сумын Дэл багийн малчин Дашдондогийн Цогтбаатар
3. Өндөр-Улаан сумын Донгой багийн малчин Машийн Пүрэв
4. Ихтамир сумын Хан-Өндөр багийн малчин Түвдэннямын Мөнххишиг
5. Жаргалант сумын Хоолт багийн малчин Цэдэвийн Ганболд
6. Эрдэнэмандал сумын Эрдэнэ-Уул багийн малчин Сосорын Тогтохжаргал
7. Хайрхан сумын Могой багийн малчин Хашцамбын Баянболд
8. Хотонт сумын Өндөрсант багийн малчин Чүлтэмийн Ширзагд

🥛 Монгол Улсын аварга саальчин:
1. Өндөр-Улаан сумын Хануй багийн саальчин Мижигийн Минжиймаа
2. Чулуут сумын Хайрхан багийн саальчин Мягмарын Энхтүвшин нар тодорчээ.

29/01/2026

Хархориноос Архангай чиглэлийн агаарын шугамд гэмтэл гарсан. Гэмтлийг засварлахаар ажиллаж байна. Цахилгаан хэзээ ирэх нь одоогоор тодорхойгүй байна.
ЭБЦТС ТӨХК Архангай салбар

02/01/2026

УИХ-ын гишүүн С.Эрдэнэбат: Тэтгэврийн зээл авахад бүх хүүг урьдчилаад авчихдаг нь шудрага бус... Зээлээ ашиглаж ч амжаагүй, хэрэглээгүй байхад бүх хүүг нь урьдчилаад авчихдаг зээл байж боломгүй.
Манай улсын банк, санхүүгийн олигархи гэж болмоор тогтолцоог шинэчлэхгүй бол иргэд ААНБ ууд нар үзэхгүй бололтой.
Зээлдэгчидтэй нөхцөлөө тохирдог хэлэлцдэг байх зарчим биш шууд нэг талын эрх ашигт нийцсэн гэрээн дээр зуруулдаг жишиг тогтож... Хуулиар шудрага зарчимд нийцүүлж зохих хязгаарлалт тогтоохгүй бол зах зээлийн тохиролцох зарчим үйлчлэхгүй нь...

30/12/2025

МОНГОЛ УЛСЫН ОНЫ ОНЦЛОХ ХҮҮХЭД БОЛЛОО

Зуун буудалт даамын өсвөр залуучуудын Дэлхийн хошой аварга Архангай аймгийн лаборатори 1-р сургуулийн 5-р ангийн сурагч Баянмөнхийн Эрмүүнзаяа оны онцлох хүүхдээр шалгарлаа.