28/08/2022
I've found it worth sharing. Copied
YADDA AKE TOSHE (BLOCKING) NA HARAMTATTUN WEBSITE NA BATSA A WAYA
Idan baku manta ba, na sanar muku cewa, zan Koya Muku Hanyar Magance Wannan Matsala Ta Yadda Wayar Ku Bazata Taɓa Bude Shafukan Batsa Ba Na Internet.
Lallai yana da kyau mu haɗu mu yaƙi kallace-kallacen Fina-Finan Batsa a tsakanin mu, domin Allah subhanahu wata'ala ya haramta, kuma yin hakan na jazawa ƙasa fitina da bala'i.
A addinance dai kowa yasan kallon video na batsa haramunne, haka kuma kallonsu yana cutar da lafiyar idanu da kuma gurɓata zuciya tare da saka raunin imani da tsoron Allah a zukatan al'umma.
Muna cikin wani zamani wanda yahudawa suke amfani da cigaban da aka samu na amfani da yanar gizo suna gurɓata mana tarbiyar ƙanne da yara dama mu kanmu ɗin baki ɗaya, ta hanyar buɗe website masu ɗauke da bidiyoyi na batsa wanda mu addininmu ya haramta mana kallansu, su kuma suna samun maƙudan ƙuɗaɗe ta haka.
Ba'a iya maza kallon bidiyoyin batsa ya tsaya ba, harda mata kuma hakan yana 'daya daga cikin abubuwan da suke bada gudunmuwa sosai wajen lalata mana tarbiya. Wa'iya-zubillah, Allah ka ƙara tsare mu, Amin.
Ni Salisu Magaji Fandalla'fih, Zan faɗa muku hanyar da za ku bi domin ku toshe hanyar da dan uwan ka, ko yar uwar ka, da wayar ka, shiga shafukan finafinan da basu dace ba ta kafar Internet.
Shin Kana da ƙani ko ƙanwa da ke hawa kafafen Sada Zumunta, ?
Kuma kana tsoron kada su rinƙa zuwa shafukan Batsa na kafar Internet suna kallon Fina-Finan Banza ba tare da kai ka sani ba, ga hanyar da zaka hana su ko hana wayar ka shiga waɗancan lalatattun shafukan.
Hanyar da zaka iya bi domin haramta ma wayarka ko wayar ƙaninka kota ƙanwarka, kota yaranka samun damar kamo wa'dannan website ɗin shine.
1. Da farko zaka shiga cikin (Settings) na wayar ka.
2. A cikin settings ɗin akwai wajan Searching (Bincike) a sama saika shiga.
3. Idan ka shiga saika rubuta wannan kalma (Private DNS) Zaka ga ya fito a ƙasa saika shiga.
4. Idan ka shiga zai nuna maka wasu rubutu guda uku a jere
Na farko an rubuta
✅ Off
🔘 Automatic
🔘 Private DNS provider hostname
Idan kaga haka saika cire waccan alamar ✅ dake kan Off saika kamayar dashi kan, ma'ana ka danna kan wannan kalma 👇
✅ Private DNS provider hostname
Saika duba ƙasa waje mai alamar wajan rubutu, a wajan zaka ga an rubuta, enter hostname of DNS provider
4. Saika shiga wajan ka rubuta wannan kalamar kamar haka 👉 adult-filter-dns.cleanbrowsing.org👈
Idan ka rubuta haka a ciki, saika duba ƙasa zaka ga an rubuta
👇
SAVE
Ka danna wajan kana dannawa insha Allahu ka rigada ka gama rufe, duk wani website dake sanya Videon Batsa a internet, insha Ko kaje kayi searching ka shiga zaka ga bazai buɗe ba.
Kuma koda a Facebook ka rubuta kalmar da take nufi da batsa a harshen turanci, to saidai kaga Facebook ɗin ka sunce ka koma baya.
Sannan ina bamu shawara wannan saitin mu saita shi a wayar duk wanda muka san wayar sa zata iya zuwa hannun mu, hakan ba laifi bane illa ma ka taimaki wanda kaiwa hakan.
Dan Allah ku tayamu da sharing, domin duk wanda ya sanar da wani shima yana da lada.
Zamu kulle wayoyin mu daga buɗe Fina-Finan Batsa a kafar Internet, kuma zamu kulle wa ƙannen mu, da duk wanda wayar sa tazo hannun mu, ba tare da ya sani ba, domin tsira daga azabar uban giji.
Allah ya ƙara tsaremu damu da ƴan uwan mu, tare da dukkanin musulmi daga faɗawa tarkon sheɗan da she'danun mutane, Allah ka tsare mana imaninmu aduk inda muke, ka nesanta mu daga aikata dukkan wani aiki wanda baka so. Amin.
Daga Salisu Magaji Fandalla'fih
27-08-2022
