23/01/2026
Christians no really understand wetin dem dey tell dem.
Dem like live life as if Jesus promise say no wahala go dey at all.
Many Christians don already draw plan for how dem life go be,
dem believe say na God go fund everything.
But that no be Christian life.
How you go explain say Peter wey fit raise person from dead,
na him still die on cross, upside down?
How you go explain am?
Na the same Peter wey angel come release from prison.
Why angel no come save am that time?
God say, “I fit do am make you no die,”
but no — the way I choose take show my power be say
I dey worth dying for.
I dey worth am.
I dey worth make you share testimony,
and I still dey worth am even when you talk say
“He no do am, but I still dey here.”
Faith na “in spite of.”
That mean say I go ask for car, God no give me —
in spite of that, I still go ask for house.
The idea be say with faith,
I dey trust God for the need of this person.
The person later die.
If you still come church,
if you still pray after that thing,
you dey faith.
You full of faith.
Faith no be only when e work out.
