Bømla Garn

10/09/2026

NYHEIT! 🧶 Bømla Garn kjem til Stord!

Eg er veldig glad for å kunne fortelja at Bømla Garn no blir å få kjøpt hos Miriams Gard og Hav på Stord! ❤️

Her kan du finne eit utval av garnet mitt:

🐑 Ull
🌿 Merinoull
🦙 Alpakka

I tillegg kjem det råull og fiber frå Bømlo – mellom anna handkarda ull frå sauer på Bømlo og flotte ullfellar. 🐑🤍

Og for deg som likar det vesle ekstra til strikkeprosjektet ditt, blir det også maskemarkørar og garnboller i ulike tresortar. 🌳🧶

Det er ekstra kjekt at Bømla Garn no får ein plass på Stord, og eg håpar de vil ta turen innom Miriams Gard og Hav og sjå på alt det fine dei har å by på. ❤️

Bømla Garn – frå sauen på Bømlo til garn og handarbeidsglede. 🐑🧶

Velkomen til ein ny forhandlar av Bømla Garn! 🌿

07/09/2026

Tusen takk for nokre fine dagar under Kanaldagane! 🧶❤️

Takk til alle de som tok turen innom Bømla Garn – for gode samtalar, spørsmål, interesse og ikkje minst alle dei kjekke møta. Det set eg stor pris på! 🥰

Og ein ekstra stor takk til de som hjelpte meg med å rigge opp og rigge ned. Det hadde vore mykje tyngre å få alt på plass utan dykk! ❤️

Eg reiser heim med mange gode inntrykk og mykje å ta med meg vidare. Tusen takk til alle som gjorde Kanaldagane så fine! 🌿🧶

05/09/2026

04/09/2026

✨ Då er dagen komen! ✨

I dag startar Kanaldagane, og Bømla Garn er på plass 🧶🤩

Eg har fått med meg eit godt utval av Bømla Garn, og eg gler meg til å vise fram garnet, fargane og det du kan lage av lokal ull frå Bømlo ❤️

Kom gjerne innom standen for ein prat – anten du allereie kjenner Bømla Garn, eller du er nysgjerrig på kva dette garnet er for noko.

Eg hjelper deg gjerne med spørsmål om garnet, kva du kan strikke eller hekle, og kva som kan passe til akkurat ditt prosjekt 🧶😊

📍 Kanaldagane
📅 4.–6. september

Kven kjem innom? 😃

02/09/2026

No er det snart klart for Kanaldagane! 🧶🐑❤️

Eg er i gong med å pakka med meg Bømla Garn til Bømlo, og då kom eg på noko:

Er det noko spesielt de håpar eg tek med? 🤔

Kanskje du har sett eit garn, ein farge eller eit ullprodukt frå Bømla Garn som du har hatt lyst på – men som du ikkje veit om eg får med meg?

Skriv gjerne i kommentarfeltet kva du ynskjer at eg skal ta med! 👇🥰

Då kan eg sjekke lageret og sjå om eg får plass til akkurat ditt ynskje i bilen. 😅🚗🧶

Eg gler meg til Kanaldagane 4-6 september og til å møte dykk på Bømlo! ❤️

31/08/2026

Bømla Garn kjem heim til Bømlo! 🐑🧶❤️

4.–6. september finn du meg på Kanaldagane på Bømlo!

Eg pakkar med meg både garn og ullprodukt – og eg gler meg skikkeleg til å møte både gamle kjende og nye garn- og ullinteresserte. 🥰

Hos meg kan du finne handfarga garn, redningsgarn, garn frå lokale råvarer og ulike ullprodukt – og sjølvsagt mykje forskjellig frå sauene som er ein viktig del av historia bak Bømla Garn.

For meg handlar Bømla Garn om meir enn det som ligg ferdig i ei hespe. Det handlar om ulla, dyra, handverket og alt arbeidet som skjer før ulla blir til noko du kan strikke, hekle, spinne eller tove med. 🌿🐑

Kom gjerne innom for ein prat!
Har du spørsmål om garnet, ullkvalitetar, farging eller kva du kan lage av dei ulike typane, så er det berre å spørje. ❤️

Kanskje finn du akkurat den ulla eller den fargen du har leita etter? 🧶😍

📍 Kanaldagane, Bømlo
📅 4.–6. september

Eg håpar me sjåast! ❤️

30/08/2026

🌿🧶 Tusen takk til alle som kom innom Garn og Hygge på Os i går, i samband med Bondens dag! 🧶🌿

Det var så kjekt å få møta så mange strikke- og garninteresserte, og ikkje minst få så mange gode spørsmål om Bømla Garn. ❤️

Eg synest det er ekstra kjekt å få fortelja om det som ligg bak garnet – ulla, fargane, dei ulike garnkvalitetane og korleis eg jobbar med farging og fargespel. 🌿🐑

Og så var det veldig kjekt å kunne visa fram litt av det garnet kan bli til! 😍
Her ser de mellom anna Bømlalubbene – små og gode labbar for born, strikka i Bømla Garn. 🧶❤️

Tusen takk for alle dei gode samtalane, fine orda og nysgjerrigheita rundt garnet mitt. Det set eg stor pris på! 🥰

Og ein stor takk til Garn og Hygge for at eg fekk vera hos dykk på Bondens dag! 🌿

26/08/2026

🌿🧶 Velkomen til Bømla Garn sitt utekjøkken!

Her tørkast rødrandkjuke, johannesurt kokast i gryta 🌿 – og i hyllene står mitt vesle naturfargelager og ventar på tur.

Gjennom sommaren har eg samla plantar og sopp frå naturen på Bømlo. ☀️🌺🍀 Det meste får eit oppkok, før det kan få bli med vidare inn i fargegryta.

Eg synest det er så kjekt å sjå kor mykje naturen faktisk har å by på – og kor mange ulike fargar som kan gøymast i plantar og sopp. 💛

Så dette er altså ein liten kikk bak kulissane hos Bømla Garn – der utekjøkkenet er ein viktig del av vegen frå naturen til ferdig garn. 🧶✨

25/08/2026

🌾🐑 Bondens dag hos Garn og Hygge!🧶💚

Laurdag 29. august er det Bondens dag på Os Sentrum, og denne dagen finn du meg hos Garn og Hygge – som forhandlar Bømla Garn 🧶😃

Eg er til stades i butikken frå kl. 10.00–15.00, og eg gler meg til å møte både gamle og nye garnvener! 🥰

Har du spørsmål om Bømla Garn, lurer du på kva garn som passar til prosjektet ditt, eller vil du rett og slett sjå og kjenne på garnet? Då er dette ein fin dag å stikke innom. 💚

Og kanskje finn du noko anna kjekt i butikken også – Garn og Hygge har mykje fint å by på! 🧶✨

Velkomen innom – eg håpar vi sjåast! 😃🐑