23/04/2026
ग्यास बचाउने तरिका
१. ग्यास चुलो बाल्नु अघि एवं बन्द गरिसकेपछि सम्बन्धीत प्रत्येक उपकरणहरुको आवश्यक जाँच गर्नुहोस्।
२. खाना पकाउनलाई चाहिने आवश्यक वस्तु तथा भाँडाहरु चुलो बाल्नु अघि ठीक पारेर राख्नुहोस। ठिक मात्रामा पानी राखेर पकाउनुहोस् तथा सकभर सबै परिवार सँगै खाने बानी बसाल्नुहोस्।
३. अटोमेटीक चुलो नभएमा ग्यास बाल्नु भन्दा पहिले लाइटर तथा सलाई ठीक पारेर राख्नुहोस।
४. बर्नरलाई सफा राख्नुहोस तथा हावा जाने प्वाललाई बन्द हुन नदिनुहोस्।
५. ग्यास बलिरहेको बेलामा यसको रंग नीलो नभई पहेलो वा रातो छ भने चुल्होको बर्नर सफा गर्नुहोस वा सम्बन्धीत डिलरमा सम्पर्क गर्नुहोस ।
६. पकाउने सामान वा पानी उम्लिन थालेपछि हाई फ्लेम (High Flame) बाट लो-फ्लेमा (Low Flame) राख्नुहोस। सामान्यतया आधुनिक पकाउने उपकरणहरु प्रयोग गर्नुहोस्।
७. तपाईको पकाउने पदार्थको परिमाण अनुसार चुलोको बर्नर (साने/ठूलो) बाल्नुहोस्। र भाडाको आकार अनुसार आगोको ज्वाला (Flame Height) निर्धारण गर्नुहोस्।
८. सधै सफा तथा तापको सुचालक भएको धातुबाट बनेको भाँडा प्रयोग गर्नुहोस्।
