103.3 Radyo Bandera Bislig

103.3 Radyo Bandera Bislig RADIO BANDERA BISLIG, OLD BOWLING ALLEY , ESTRELLA BUILDING, BOGAC DISTRICT, MANGAGOY, BISLIG CITY.

BCNHS, NANGIBABAW SA 2026 DIVISION SCHOOLS PRESS CONFERENCENangibabaw ang mga campus journalist sa Bislig City National ...
08/09/2026

BCNHS, NANGIBABAW SA 2026 DIVISION SCHOOLS PRESS CONFERENCE

Nangibabaw ang mga campus journalist sa Bislig City National High School o BCNHS sa bag-ohay lang nga 2026 Division Schools Press Conference nga gipahigayon niadtong September 2 hangtod 4 sa Mangagoy Barangay Gym ug Mangagoy 1 District Event Center sa Bislig City

Sa kinatibuk-an, 72 ka campus journalists gikan sa BCNHS ang nakadaog sa nagkalain-laing mga kategoriya, nga nagpakita sa ilang talento sa pagsulat, pagbalita, pagkuha og litrato ug broadcasting

Lakip sa mga nag-una sa ilang tagsa-tagsa ka kategoriya sila Paula Mae Balansag sa News Writing, Samantha Faith Suazo sa Editorial Writing, Precious Julia Gula sa Sports Writing, Toby Travis Cuarez sa Mobile Journalism, Remaelyn Otaza sa Pagsulat ng AgTek, ug Kent Jairus Dyre San Jose sa Photojournalism

Sila ang nakakuha og first place ug kwalipikado sa 2026 Regional Schools Press Conference, uban usab ni Mary Anika Ailah Tayong, nga nag-una isip Best News Presenter sa Radio Scriptwriting and Broadcasting

Gawas sa individual awards, nakakuha usab og mga podium finish ang mga grupo sa Online Publishing, Collaborative Desktop Publishing, ug Radio Broadcasting

Sa Radio Broadcasting, nakuha sa English team ang first place sa Best Infomercial, third place sa Best Script, ug second place sa Overall Radio Production. Ang Filipino team usab nakakuha og second place sa Best Infomercial ug Best in Scriptwriting

Dako kining kalampusan dili lamang alang sa mga estudyante, kundili alang usab sa ilang mga coach ug sa tibuok BCNHS community

Karong paingon sila sa regional level, dala ang usa ka mensahe—nga ang pluma ug tingog sa kabatan-onan mahimong gamhanang instrumento sa kamatuoran ug responsableng pamamahayag.

ROMUALDEZ, GI-DECLARE NGA PDL HUMAN SA PAG-SERVE SA WARRANT OF ARRESTGideklarar nang Person Deprived of Liberty o PDL an...
08/09/2026

ROMUALDEZ, GI-DECLARE NGA PDL HUMAN SA PAG-SERVE SA WARRANT OF ARREST

Gideklarar nang Person Deprived of Liberty o PDL ang kanhi House Speaker nga si Martin Romualdez, human masilbihan og warrant of arrest may kalabotan sa kasong plunder

Sumala kang Interior Secretary Jonvic Remulla, personal nga gisilbihan ang warrant kang Romualdez sulod sa Cardinal Santos Medical Center, diin siya karon nagpabilin tungod sa iyang kondisyon sa panglawas

Gikatahong nag-atubang siya og cardiovascular event, dili stable nga blood pressure ug anxiety attack

Atol sa pag-serve sa warrant, gipahibalo usab kaniya ang iyang mga katungod, atubangan sa iyang pamilya, mga abogado ug mga doktor

May kalabotan ang kaso sa giingong P7.4 bilyong kickback scheme ug anomalous budget insertions sa mga flood control project, lakip ang mga gi-report nga “ghost” infrastructure projects

Samtang, nangayo ang kampo ni Romualdez sa Sandiganbayan nga tugotan siyang magpabilin sa ospital hangtod nga ma-medically safe na siya nga ibalhin sa detention facility

Matud sa DILG, padayon siyang susihon sa mga doktor sa DILG ug PNP. Kung mahatagan na siya og medical clearance, ibalhin siya sa detention facility sa Payatas

Gipasiugda usab sa iyang abogado nga dili sila naglikay sa arresto, kundili nangayo lamang og patas nga proseso ug pagsunod sa tambag sa mga doktor

SDSPPO, NAKAKUMPISKA UH BALOR ₱103K NGA SHABU; 5 KA DRUG PERSONALITIES, NADAKPANPadayon ang kampanya sa kapulisan bato...
08/09/2026

SDSPPO, NAKAKUMPISKA UH BALOR ₱103K NGA SHABU; 5 KA DRUG PERSONALITIES, NADAKPAN

Padayon ang kampanya sa kapulisan batok sa illegal nga druga sa Surigao del Sur human lima ka drug personalities ang nadakpan sa nagkadaiyang operasyon sa kapulisan sa probinsya

Base sa report sa Surigao del Sur Police Provincial Office o SDSPPO, kapin ₱103,000 ang gibana-banang kantidad sa shabu ang nakumpiska sa mga operasyon nga gihimo niadtong Septiyembre 5 hangtod 7, 2026

Lakip sa mga operasyon ang mga pagdakop sa mga kapulisan ubos sa nagkadaiyang police stations sa probinsya, diin gilangkuban sa Lanuza ug Madrid Municipal Police Stations

Ang mga nadakpan mag-atubang sa kaso sa kalapasan sa Republic Act 9165 o Comprehensive Dangerous Drugs Act of 2002

Matud ni PCOL Jeffrey Lawrence D. Mauricio, Provincial Director sa SDSPPO, padayon sila sa paglimpyo sa probinsya batok sa illegal nga druga ug pagpanalipod sa seguridad sa mga lumulupyo

Gipasalamatan usab niya ang mga police personnel tungod sa ilang paspas nga aksyon ug komitado sa katungdanan.

BARANGAY UG SK ELECTIONS, GIKATAKDA SA NOVEMBER 2, 2026Padayon sa pagkakaron ang preparasyon alang sa 2026 Barangay ug ...
04/09/2026

BARANGAY UG SK ELECTIONS, GIKATAKDA SA NOVEMBER 2, 2026

Padayon sa pagkakaron ang preparasyon alang sa 2026 Barangay ug Sangguniang Kabataan Elections o BSKE, nga gikatakdang ipahigayon sa Nobyembre 2, 2026

Sumala sa iskedyul sa COMELEC, ang filing sa Certificate of Candidacy o COC alang sa mga mokandidato sa barangay ug SK posisyon gikatakda sa Setyembre 28 hangtod Oktubre 5

Apan, adunay mga sugyot sa Kongreso nga ipostpone ang BSKE, diin gisugyot nga ibalhin ang eleksyon sa Oktubre 2027

Sa kasamtangan, naghulat pa ang publiko ug ang COMELEC sa pinal nga aksyon sa Kongreso bahin niini

Hangtod nga walay bag-ong balaod nga mopostpone sa eleksyon, November 2, 2026 pa gihapon ang kasamtangang schedule sa Barangay ug SK Elections

LALAKI, NASIKOP SA BUY-BUST OPERATION SA MANGAGOY; 4 KA PAKETE SA GIDUDAHANG SHABU, NAKUHANasikop sa buy-bust operation ...
02/09/2026

LALAKI, NASIKOP SA BUY-BUST OPERATION SA MANGAGOY; 4 KA PAKETE SA GIDUDAHANG SHABU, NAKUHA

Nasikop sa buy-bust operation ang usa ka lalaki sa Caramcam, Purok 2, Barangay Mangagoy, Bislig City karong September 2, 2026

Nakuha gikan sa suspek ang upat ka pakete sa gituohang shabu ug ₱500 nga buy-bust money nga gigamit sa operasyon

Padayon pang gihimo sa kapulisan ang hustong pagproseso ug pag-dokumento sa mga nakuhang ebidensya, samtang ang suspek posibleng atubangon ang tukmang kaso ubos sa Republic Act No. 9165 o Comprehensive Dangerous Drugs Act of 2002

Samtang ang kapulisan padayon sa ilang aksyon batok sa ilegal nga druga sa Bislig City, diin gipasaligan ang publiko sa tinguha nga mapugngan ang pagkatag sa ilegal nga druga ug mapanalipdan ang komunidad.

BISLIG CITY DIVISION, GISAULOG ANG 23RD FOUNDING ANNIVERSARYGisaulog kagahapong adlawa Agosto 31, 2026 ang 23rd Foundi...
31/08/2026

BISLIG CITY DIVISION, GISAULOG ANG 23RD FOUNDING ANNIVERSARY

Gisaulog kagahapong adlawa Agosto 31, 2026 ang 23rd Founding Anniversary sa Bislig City Division nga gipahigayon sa Bislig City Cultural and Sports Center.

Gisentro sa selebrasyon ang tema nga “23 Years of Unity and Resilience in Delivery of Quality Basic Education,” nga nagpakita sa padayong panaghiusa ug kalig-on sa mga magtutudlo, school heads, personnel, ginikanan ug mga partner sa edukasyon.

Sulod sa 23 ka tuig, padayon nga gipaninguha sa Bislig City Division ang paghatag ug de-kalidad, inklusibo ug responsive nga basic education alang sa mga batang Bisliganon.

Dili lamang kini selebrasyon sa anibersaryo, kundili usa usab ka higayon sa pag-ila sa mga tawo nga walay hunong nga nag-alagad alang sa edukasyon, ilabi na sa mga magtutudlo nga nangunay sa paghulma sa kaugmaon sa mga kabataan.

Sa pagpadayon sa ilang misyon, nagpabilin ang panawagan sa panaghiusa, resilience ug pakigtambayayong aron masiguro nga bisan unsa pa ang mga hagit, magpadayon ang paghatod ug de-kalidad nga edukasyon sa matag batang Bisliganon.

MAG-INAHAN, NAHOLD SA KAPULISAN HUMAN GIDALAAN UG PAGKAON UG SININA ANG NAPRISO NGA ANAK UG IGSOONIgo na lang sa paghila...
29/08/2026

MAG-INAHAN, NAHOLD SA KAPULISAN HUMAN GIDALAAN UG PAGKAON UG SININA ANG NAPRISO NGA ANAK UG IGSOON

Igo na lang sa paghilak nga naangin sa pagdakop sa kapulisan sa Bislig karong adlawa, Agosto 29 ang usa ka mag-inahan human kini magdala unta ug pagkaon ug sinina alang sa iyang anak ug igsoon nga napriso

Base sa inisyal nga impormasyon, nakaplagan sa kapulisan ang usa ka sachet nga gituohang shabu nga gitago sulod sa bulsa sa short nga gidala sa mag-inahan alang sa iyang napriso nga anak

Nasuta ang maong butang atol sa pag-inspeksyon sa mga police personnel sa entrance sa estasyon paingon sa detention facility

Sa karon, ang mag-inahan gipabilin sa kustodiya sa kapulisan alang sa tukmang imbestigasyon ug legal nga disposisyon

USA KA LALAKI, NADAKPAN SA GIALEGAR NGA DRUG POT SESSION SA BISLIGNadakpan sa mga operatiba sa Bislig City Police Statio...
29/08/2026

USA KA LALAKI, NADAKPAN SA GIALEGAR NGA DRUG POT SESSION SA BISLIG

Nadakpan sa mga operatiba sa Bislig City Police Station ang usa ka 24-anyos nga lalaki atol sa pagresponde sa sumbong sa giingong drug pot session sa Purok 3, Gamaon District, Barangay Mangagoy, sakop ning syudad sa Bislig kagahapon, Agosto 28

Giila sa kapulisan ang nadakpan residente sa Barangay Tabon, nasakpan sa mga operatiba ang suspek ug tulo pa ka mga kauban sulod sa usa ka kwarto, apan nakaikyas ang tulo samtang nadakpan ang maong 24 anyos

Narekober sa operasyon ang lima ka sachet ug usa ka open sachet nga adunay puti nga crystalline substance nga gituohang shabu, uban sa mga gamit nga giingong may kalambigitan sa paggamit sa ilegal nga druga

Human sa inventory ang dinakpan gidala ug gikustodiya sa Bislig City Police Station samtang giandam ang kaso batok kaniya tungod sa gituohang paglapas sa Republic Act 9165 o Comprehensive Dangerous Drugs Act

HINATUAN, MAGSAULOG KARONG ADLAWA SA ARAW UG PATRONAL FIESTAKarong adlawa Agosto 28, anaa sa kasadya ang lungsod sa Hi...
27/08/2026

HINATUAN, MAGSAULOG KARONG ADLAWA SA ARAW UG PATRONAL FIESTA

Karong adlawa Agosto 28, anaa sa kasadya ang lungsod sa Hinatuan samtang gisaulog ang Araw ng Hinatuan ug Patronal Fiesta.

Gipakita panaghiusa sa mga Hinatuanons sa pagpasidungog sa ilang lungsod, kultura ug mga tradisyon, uban sa nagkadaiyang kalihokan nga gipahigayon isip kabahin sa selebrasyon

Dili lang kini panahon sa kalingawan, kundili higayon usab alang sa mga residente nga magtapok, magpasalamat ug ipakita ang ilang garbo isip mga Hinatuanons

Gilauman nga magpadayon ang mga kalihokan karong adlawa, lakip ang mga kalihokang may kalabotan sa Araw ng Hinatuan, Patronal Fiesta ug Paladong Festival

Malipayong Araw ng Hinatuan ug Patronal Fiesta, Hinatuan!

Address

Bislig
8311

Website

Alerts

Be the first to know and let us send you an email when 103.3 Radyo Bandera Bislig posts news and promotions. Your email address will not be used for any other purpose, and you can unsubscribe at any time.

Shortcuts

Share