01/11/2022
🙏🙏🙏
PANALANGIN PARA SA KALULUWA NG MGA YUMAO
Panginoon naming Diyos, Ama namin, Ikaw po ang dahilan ng aming pagsilang, Ikaw po ang dahilan ng aming pag-iral,At sa iyo galing ang aming hiram na buhay, kaya sa alabok kami’y nanggaling at sa alabok din naman kami babalik.
Buong kababaang loob po kaming nananalangin sa iyo, at nagmamakaawa, kalugdan mo po kaluluwa ng aming mga Mahal na kapatid na pumanaw sa mundong ito at nananatiling nasa sa iyong mga kamay.
Kunin mo sila at bigyan ng katahimikan sa iyong kaharian at palisin mo ang anumang mga karumihan upang sila’y maging
karapat-dapat sa iyong walang hanggang
kalinisan. Nasa sa iyong mga kamay,
Panginoon, ang kanilang kaligtasan, iahon mo sila mula sa apoy ng impiyerno at bigyan ng puwang sa iyong Kaharian.
Magkaroon nawa ng katahimikan, ang kanilang kaluluwa gayundin ang kanilang espiritu at makapiling sana nila ang iyong kaluwalhatian at kadakilaan at pag-ibig na wagas. Amen.
