Rehan Shah Dunyapuri

23/08/2026

بہت کڑوی اور سچی بات
ہمارے معاشرے میں اکثر ایسا ہوتا ہے کہ مہمان کی دل جوئی کے لیے دسترخوان پر کھانے کے ساتھ ساتھ اپنے ہی گھر کے کسی فرد کی برائی پیش کر دی جاتی ہے۔ جیسے اس کے بغیر محفل مکمل ہی نہیں ہوتی۔
رشتہ دار سنتے ہیں، سر ہلاتے ہیں، ہنستے ہیں اور چلے جاتے ہیں، لیکن اس کے بعد دو نقصان ہوتے ہیں:
1. جو باہر سے آیا تھا وہ آپ کے گھر کی کمزوری لے کر جاتا ہے، اور کل وہی بات دس جگہوں پر آپ ہی کے نام سے بیان ہوتی ہے۔ 2. اور جس گھر والے کی برائی آپ نے دوسروں کو خوش کرنے کے لیے کی، اس کے دل میں آپ کے لیے فاصلہ آ جاتا ہے۔
اصل میں یہ خوش کرنا نہیں ہے، یہ اپنی ہی دیواروں کو کمزور کرنا ہے۔ لوگوں کو خوش کرنے کے لیے اپنوں کی برائی کرنا پڑے تو سمجھ لیں کہ وہ لوگ آپ سے محبت کرنے والے رشتہ دار نہیں، بس تماشا دیکھنے والے ہیں۔

اس کا بہترین حل یہ ہے کہ جب کوئی آپ سے آپ کے گھر والوں کی برائی سننا چاہے تو بات کا رخ نرمی سے بدل دیں۔ "بس جی گھر کی باتیں گھر میں ہی اچھی لگتی ہیں" جیسا ایک جملہ بہت سی عزتیں بچا لیتا ہے۔ جو رشتہ دار واقعی مخلص ہوگا وہ آپ کی اس بات کی عزت کرے گا، اور جو ناراض ہو جائے گا اس نے ویسے بھی صرف غیبت ہی کرنی تھی۔

اپنا گھر، اپنے لوگ، اپنے پردے - یہی ہماری اصل دولت ہیں۔
از قلم بندہ ناچیز
حاجی ریحان شاہ دُنیا پوری

22/08/2026

کوئ فرق نہیں پڑتا بحثیت پاکستانی قوم ڈنڈا پیرِ ھے ھم سب کا راول پنڈی کی بجائے پورے مُلک میں فوج نظام سنبھال لے ہمیں آپ جیسے تمام سیاست دانوں حکمرانوں کی ضرورت ہی نہیں

21/08/2026

الحمد للّٰہ ماشاء اللّٰہ
2011 تا 2021 قیام سعودی عرب
میری زندگی کے سب سے سنہرے 10 سال لائف کی سب آسائشیں میسر تھیں سب سے بڑی خاصیت یہ تھی کہ جب چاہا مکہ مکرمہ مدینہ منورہ کی حاضری کا شرف حاصل ہوجاتا تھا

21/08/2026

20/08/2026

جو اکیلا شخص جب بازار میں دوسروں کی خواتین کو بد نظری سے گھورتا ہے
اور پھر وہی شخص جب اپنی فیملی کے ساتھ بازار میں ہوتا ہے تو اِسکی نظر دُوسرے مردوں پر ھوتی ہے کہ کوئی اِسکی فیملی کو تو بدنظری سے نہیں گھور رہا
لیکن ضمیر کے جھنجھوڑنے پر بھی ہم راہ راست پر نہیں آتے
از قلم بندہ ناچیز
حاجی ریحان شاہ

18/08/2026

بیگم ! شوہر کو ہیلمٹ دیتے ہوئے بولی!
موٹر سائیکل کے کاغذات ،ڈرائیونگ لائسنس سب پاس ہیں نا؟

بائک کے اشارے ٹھیک ہیں کوئی شیشہ ٹوٹا ہوا تو نہیں

اور ہاں ٹرپل سواری نہیں بیٹھا نا

شوہر! او بیگم چھوڑو انہوں نے کوئی نہ کوئی نقطہ نکال ہی لینا ہے جرمانہ کرنے کے لئے جیسا کہ وہ یہ بھی کہہ سکتے ہیں

موٹر سائیکل کو ٹاکی شاکی کیوں نہیں ماری 😂

17/08/2026

یاد رکھیں کہ
اگر غبارہ آپکے منہ پر پھٹ جائے تو غصہ نا ہوں کیوں کہ یہ آپ ہی تھے جس نے اسے اُسکی اوقات سے زیادہ پھلا کر بڑا کیا تھا
کُچھ اِنسانوں کے ساتھ بھی ہم ایسا ہی کرتے ھیں
اور نتیجہ وہی نقصان کی صورت میں نکلتا ہے

16/08/2026

بھادوں ساون کا وہ گہرا، کالا بھائی ہے جو آتے ہی آسمان پر اپنی حکمرانی قائم کر دیتا ہے۔

صبح اٹھو تو آسمان نیلا نہیں، سلیٹی چادر اوڑھے ہوئے لگتا ہے۔ کالے، گھنے بادل ایسے امڈے ہوئے ہوتے ہیں جیسے پہاڑ چل کر آ گئے ہوں۔ ہوا میں ایک عجیب سی حبس اور مٹی کی سوندھی مہک گھلی ہوتی ہے۔ کبھی ہلکی پھوار، کبھی یکدم موسلادھار بارش۔ نہ وقت کا پتہ، نہ رکنے کا۔

کھیتوں کا منظر سب سے سہانا ہو جاتا ہے۔ کپاس، مکئی اور جوار کے کھیت نکھر جاتے ہیں۔ جوہڑ، ٹوبھے لبالب بھر جاتے ہیں۔ کچی گلیوں میں کیچڑ، اس کیچڑ میں ننگے پاؤں دوڑتے بچے، اور چھتوں پر نالیوں سے گرتا پانی۔ پیپل اور نیم کے پتے دھل کر اتنے سبز ہو جاتے ہیں کہ آنکھوں کو ٹھنڈک دے دیں۔

شام بھادوں کی سب سے اداس اور سب سے حسین ہوتی ہے۔ مینڈکوں کی ٹر ٹر، جھینگر کی جھنکار، کہیں دور سے کسی کسان کی آواز۔ چولہے پر پکتی مکئی کی روٹی، ساتھ سرسوں کا ساگ اور بارش کے ساتھ چائے کی چسکی۔ گاؤں کی چھتوں پر دھواں اٹھتا ہے اور بادلوں میں گم ہو جاتا ہے۔

بھادوں صرف موسم نہیں، ایک کیفیت ہے۔۔۔ انتظار کی، صبر کی، اور رحمت کی۔ زمین پیاسی ہو تو یہی بادل اسے سیراب کرتے ہیں، اور دل اداس ہو تو یہی رم جھم اسے جگا دیتی ہے۔
از طرف بندہ ناچیز
حاجی ریحان شاہ
#بھادوں

15/08/2026

آئیے اِس ویڈیو میں جانتے ھیں کہ
What is the meaning of kundamar
یہ کوندا مار کا کیا مطلب ہے اور اِس گانے کا مفہوم کیا ہے
#باچاخان