03/09/2026
📢 چاولا مارکیٹ سے تاجروں کا اہم پیغام
آج چاولا مارکیٹ کا منظر اس بات کا واضح ثبوت ہے کہ تاجر برادری کس قدر پریشان اور مشکلات کا شکار ہے۔
یہ وہ مارکیٹ ہے جو برے سے برے حالات میں بھی بند نہیں ہوتی تھی۔ عید کے دن اور جمعہ کی نماز کے وقت کے علاوہ یہاں کاروبار کا سلسلہ کبھی نہیں رکتا تھا۔ لیکن آج اگر چاولا مارکیٹ سمیت اطراف کی مارکیٹیں مکمل طور پر بند ہیں تو اس کے پیچھے تاجروں کی شدید پریشانی اور احتجاج کی ایک بڑی وجہ ہے۔
پٹرولیم مصنوعات کی قیمتیں، ناجائز اور بے تحاشا ٹیکسز، بجلی کے بھاری بل اور ٹیکس، اور مہنگائی کے طوفان نے کاروبار کو بری طرح متاثر کیا ہے۔ کاروبار نہ ہونے کے برابر رہ گیا ہے، گاہک کم ہو گئے ہیں اور تاجر مسلسل مشکلات کا سامنا کر رہے ہیں۔
چاولا مارکیٹ کراچی کی قدیم مارکیٹوں میں شمار ہوتی ہے، جہاں کبھی گاہکوں کا رش ہوا کرتا تھا، مگر آج مہنگائی اور پٹرولیم لیوی جیسے اضافی بوجھ نے عوام کی قوتِ خرید کو شدید متاثر کیا ہے۔
ہم جماعتِ اسلامی کا شکریہ ادا کرتے ہیں کہ انہوں نے ہڑتال کی کال دے کر کراچی بلکہ پورے پاکستان کی تاجر برادری کو ایک پلیٹ فارم پر متحد کیا۔
ان شاء اللہ ہم جماعتِ اسلامی اور حافظ نعیم الرحمٰن کے ساتھ شانہ بشانہ کھڑے رہیں گے۔ جب تک تاجر برادری کے مطالبات اور عوام کو ریلیف نہیں ملتا، ہم پُرامن احتجاج کے ذریعے حکومت پر دباؤ ڈالتے رہیں گے۔
ہمارا مطالبہ واضح ہے:
مہنگائی کم کرو، ٹیکسوں کا بوجھ کم کرو، بجلی اور پٹرول کے عوام دشمن بوجھ سے نجات دو، اور تاجروں و عوام کو حقیقی ریلیف دو۔
چاولا مارکیٹ — کراچی کے تاجروں کے ساتھ، عوام کے ریلیف کے لیے! ✊
بند مطلب بند!
