What are the opening hours?

Monday 07:00 - 22:00 Tuesday 07:00 - 22:00 Wednesday 07:00 - 22:00 Thursday 07:00 - 22:00 Friday 07:00 - 22:00 Saturday 07:00 - 22:00

https://www.facebook.com/319575941392069/

Fareed Book Stall & Gift Shop, Opp Syeda Aaminah(R. A) Mosque, But chowk , Taj-pura Scheme, Mughal-pura, Lahore (2026)

Q: What is the address?

Opp Syeda Aaminah(R. A) Mosque, But Chowk , Taj-pura Scheme, Mughal-pura

16/12/2025

30/10/2025

ننگے پاؤں درخت کو چھونا ایک تجربہ جو صرف 15 منٹ میں آپ کی زندگی بدل سکتا ہے
کیا آپ نے کبھی ننگے پاؤں زمین پر چل کر کسی درخت کے تنے کو چھوا ہے؟
اگر نہیں، تو شاید آپ نے فطرت کی سب سے گہری طاقت کو ابھی تک محسوس ہی نہیں کیا۔
یہ محض ایک روحانی تجربہ نہیں — بلکہ ایک سائنسی حقیقت ہے کہ درختوں اور زمین سے براہِ راست رابطہ انسان کے جسم، دماغ اور روح پر حیرت انگیز اثرات ڈالتا ہے۔
جب آپ ننگے پاؤں کسی درخت کے نیچے کھڑے ہوتے ہیں، تو آپ کا جسم زمین کی قدرتی توانائی (Earth Energy) کو جذب کرتا ہے۔ یہ وہی توانائی ہے جو صدیوں سے انسان، جانور اور پودوں کے درمیان زندگی کا توازن برقرار رکھے ہوئے ہے۔
درخت نہ صرف ہمیں آکسیجن دیتے ہیں بلکہ وہ ہماری منفی توانائی، ذہنی دباؤ اور تھکن کو بھی جذب کر لیتے ہیں — جیسے کوئی قریبی دوست ہمارے دکھ سن کر بوجھ ہلکا کر دیتا ہے۔
درخت کو چھونے کا عمل صرف جسمانی رابطہ نہیں بلکہ ایک روحانی گفتگو ہے۔
جب آپ اپنی ہتھیلیاں درخت کے کھردرے تنے پر رکھتے ہیں، تو آپ اس کی دھڑکن کو محسوس کر سکتے ہیں — ایک خاموش مگر جاندار دھڑکن جو زمین کے اندر سے آتی ہے۔
یہ دھڑکن آپ کے دل کی دھڑکن کے ساتھ ہم آہنگ ہو جاتی ہے، اور چند منٹوں میں آپ کے اندر ایک غیر معمولی سکون، شکرگزاری اور جینے کی نئی لہر دوڑنے لگتی ہے۔
تحقیقات کے مطابق، ننگے پاؤں زمین سے جڑنے (Earthing) سے جسم میں Cortisol کی سطح کم ہوتی ہے، دل کی دھڑکن متوازن رہتی ہے، نیند بہتر ہوتی ہے، اور انسان کا موڈ حیرت انگیز طور پر خوشگوار بن جاتا ہے۔
اور جب آپ کسی درخت کے ساتھ یہ لمحہ گزارتے ہیں، تو آپ فطرت کے ساتھ وہ بندھن دوبارہ جوڑ لیتے ہیں جو جدید زندگی کی مصروفیات نے توڑ دیا ہے۔
انسان اور درخت کا رشتہ صدیوں پرانا ہے۔
درخت نے ہمیشہ ہمیں سایہ، آکسیجن، لکڑی، پھل اور دوائیں دیں — مگر آج کے انسان نے فطرت سے اپنا رشتہ کمزور کر لیا ہے۔
ہم اینٹوں کے شہروں میں قید ہیں، مصنوعی ہوا میں سانس لیتے ہیں، اور اپنی روح کو اس قدرتی سکون سے محروم کر بیٹھے ہیں جو درخت ہمیں بلا شرط دیتے ہیں۔
اگر آپ روز صرف 15 منٹ ننگے پاؤں درخت کے ساتھ گزاریں تو یقین کیجیے، آپ کا جسم ہلکا، ذہن پرسکون، اور دل شکر سے لبریز ہو جائے گا۔
درخت کو گلے لگائیے، اس سے بات کیجیے، اور محسوس کیجیے کہ یہ فطرت آپ سے کتنی محبت کرتی ہے۔
درخت صرف زمین کے پودے نہیں، بلکہ انسان کے دل کے مرہم ہیں۔

منقول

17/07/2025

Birthday and Party decorative candles available ...
Almost complete range of candles, fancy candles and sparkling candles available

21/06/2025

پنجاب ٹیکسٹ بک بورڈ کی نئی کتب آگئی ہیں
2025-26 کا نیا کورس
ایف اے، ایف ایس سی، آئی کام ، آئی سی ایس
For first-year students in Punjab, new textbooks for the 2025-2026 academic year are available now. These books are published by the Punjab Curriculum and Textbook Board (PCTB) and include changed subjects like islamiat , physics, chemistry, biology , computer, math, English, and Urdu.

#2025 Textbooks.com Forman Christian College Islamia Universty Bahawalpur Punjab College Bahria Town Lahore University of Health Sciences Lahore

21/04/2025

سرود رفتہ باز آید کہ ناید؟
نسیمی از حجاز آید کہ ناید؟
سرآمد روزگار این فقیری
دگر داناے راز آید کہ ناید؟

کھویا ہوا نغمہ واپس اے گا یا نہیں؟
حجاز کی ٹھنڈی ہوا پھر چلے گی یا نہیں؟
اس فقیر کی زندگی کے دن ختم ہوے
کوئی دوسرا رازوں کا سمجھنے والا اے گا یا نہیں؟

ترجمہ و تشریح:
جو سرود چلا گیا پھر آتا ہے یا نہیں آتا؟ عرب کے خطہ حجاز مقدس سے پھر ٹھنڈی ہوا آتی ہے یا نہیں آتی؟
اس فقیر کا آخری وقت آ گیا ہے (زندگی ختم ہوئی) کوئی دوسرا (میرے علاوہ) راز کو سمجھنے والا آتا ہے یا نہیں آتا؟
(پروفیسر حمید ﷲ شاہ ہاشمی)

خدا جانے گذشتہ دور کا سرور (یا سرود یعنی گیت، علامہ کی شاعری میں جو پیغام ہے) آتا ہے یا نہیں؟ حجاز کی طرف سے کوئی بادِ نسیم چلتی ہے یا نہیں؟ یعنی اسلام کی پہلی سی عظمت پھر آتی ہے یا نہیں؟ اس فقیر (اقبال) کی زندگی تو اب اختتام کو پہنچی ہے۔ دیکھیں اب کوئی (میرے جیسا) مصلح شاعر آتا ہے یا نہیں؟ یعنی میں نے اپنی شاعری میں عظمت اسلام سے متعلق جو پیغام دیا ہے، ایسا پیغام دینے والا کوئی آتا ہے یا نہیں، یہ خدا ہی کو معلوم ہے۔
(خواجہ حمید یزدانی)

یہ رباعی علامہ نے اپنی وفات سے چند ماہ پیشتر موزون کی تھی۔ اس رباعی میں وہ ﷲ تعالی سے یہ عرض کرتے ہیں کہ میں عنقریب دنیا سے رخصت ہونے والا ہوں۔ تو ہی بہتر جانتا ہے کہ آئندہ ایسا شخص کب پیدا ہو گا جو مسلمانوں کو عشقِ رسول ﷺ کا پیغام دے گا اور ان کو اسلام کے حقائق و معارف سے آگاہ کرے گا۔
(یوسف سلیم چشتی)

14/04/2025

“اردو کے ضرب المثل اشعار”
۔۔۔۔۔۔۔۔۔۔۔۔۔۔

مرزا غالب
بلبل کے کاروبار پہ ہیں خندہ ہائے گل
کہتے ہیں جس کو عشق خلل ہے دماغ کا
۔۔۔۔۔۔۔۔۔۔۔۔۔۔۔۔
غالب برا نہ مان جو واعظ برا کہے
ایسا بھی کوئی ہے کہ سب اچھا کہیں جسے
۔۔۔۔۔۔۔۔۔۔۔۔۔۔۔۔
دیا ہے خلق کو بھی تا اسے نظر نہ لگے
بنا ہے عیش تجمل حسین خاں کے لئے
۔۔۔۔۔۔۔۔۔۔۔۔۔۔۔۔
جانتا ہوں ثواب طاعت و زہد
پر طبیعت ادھر نہیں آتی
۔۔۔۔۔۔۔۔۔۔۔۔۔۔۔۔
گو واں نہیں ، پہ واں کے نکالے ہوئے تو ہیں
کعبے سے ان بتوں کو نسبت ہے دور کی
۔۔۔۔۔۔۔۔۔۔۔۔۔۔۔۔
دام و در اپنے پاس کہاں
چیل کے گھونسلے میں ماس کہاں
٭٭٭
میر تقی میر
راہِ دورِ عشق میں روتا ہے کیا
آگے آگے دیکھیے ہوتا ہے کیا
۔۔۔۔۔۔۔۔۔۔۔۔۔۔۔۔
سرھانے میر کے کوئی نہ بولو
(مشہورِ عام: سرہانے میر کے آہستہ بولو)
ابھی ٹک روتے روتے سو گیا ہے
۔۔۔۔۔۔۔۔۔۔۔۔۔۔۔۔
میر کیا سادے ہیں،بیمار ہوئے جس کے سبب
اسی عطار کے لڑکے سے دوا لیتے ہیں
(مشہورِ عام: اسی عطار کے لونڈے سے دوا لیتے ہیں)
۔۔۔۔۔۔۔۔۔۔۔۔۔۔۔۔
تدبیر میرے عشق کی کیا فائدہ طبیب
اب جان ہی کے ساتھ یہ آزار جائے گا
۔۔۔۔۔۔۔۔۔۔۔۔۔۔۔۔
اب تو جاتے ہیں بت کدے سے میر
پھر ملیں گے اگر خدا لایا
۔۔۔۔۔۔۔۔۔۔۔۔۔۔۔۔
میرے سنگ مزار پر فرہاد
رکھ کے تیشہ کہے ہے، یا استاد
۔۔۔۔۔۔۔۔۔۔۔۔۔۔۔۔
شرط سلیقہ ہے ہر اک امر میں
عیب بھی کرنے کو ہنر چاہئیے
۔۔۔۔۔۔۔۔۔۔۔۔۔۔۔۔
بہت کچھ ہے کرو میر بس
کہ اللہ بس اور باقی ہوس
۔۔۔۔۔۔۔۔۔۔۔۔۔۔۔۔
مر گیا کوہ کن اسی غم میں
آنکھ اوجھل، پہاڑ اوجھل ہے
٭٭٭
میر درد
وائے نادانی کہ وقتِ مرگ یہ ثابت ہوا
خواب تھا جو کچھ کہ دیکھا، جو سناافسانہ تھا
۔۔۔۔۔۔۔۔۔۔۔۔۔۔۔۔
درد دل کے واسطے پیدا کیا انسان کو
ورنہ طاعت کے لیے کچھ کم نہ تھے کرّوبیاں
٭٭٭
نظیر اکبر آبادی
تھا ارادہ تری فریاد کریں حاکم سے
وہ بھی کم بخت ترا چاہنے والا نکلا
۔۔۔۔۔۔۔۔۔۔۔۔۔۔۔۔
ہشیار یارِ جانی یہ دشت ہے ٹھگوں کا
یاں ٹک نگاہ چوکی اور مال دوستوں کا
۔۔۔۔۔۔۔۔۔۔۔۔۔۔۔
پڑے بھنکتے ہیں لاکھوں دانا، کروڑوں پنڈت، ہزاروں سیانے
جو خوب دیکھا تو یار آخر، خدا کی باتیں خدا ہی جانے
٭٭٭
غلام ہمدانی مصحفی
میں عجب یہ رسم دیکھی، مجھے روز عید قرباں
وہی ذبح بھی کرے ہے، وہی لے ثواب اُلٹا
۔۔۔۔۔۔۔۔۔۔۔۔۔۔۔۔
حسرت پہ اس مسافرِ بے کس کی روئیے
جو رہ گیا ہو بیٹھ کے منزل کے سامنے
۔۔۔۔۔۔۔۔۔۔۔۔۔۔۔۔
بلبل نے آشیانہ چمن سے اٹھا لیا
پھر اس چمن میں بوم بسے یا ہما رہے
٭٭٭
حیدر علی آتش
یہ صدا آتی ہے خاموشی سے
منہ سے نکلی ہوئی پرائی بات
۔۔۔۔۔۔۔۔۔۔۔۔۔۔۔۔
زمین چمن گل کھلاتی ہے کیا کیا
بدلتا ہے رنگ آسماں کیسے کیسے
نہ گورِ سکندر، نہ ہے قبرِ دارا
مٹے نامیوں کے نشاں کیسے کیسے
۔۔۔۔۔۔۔۔۔۔۔۔۔۔۔۔
بندش الفاظ جڑنے سے نگوں کے کم نہیں
شاعری بھی کام ہے آتش مرصع ساز کا
۔۔۔۔۔۔۔۔۔۔۔۔۔۔۔۔
آئے بھی لوگ، بیٹھے بھی اٹھ بھی کھڑے ہوئے
میں جا ہی ڈھونڈتا تری محفل میں رہ گیا
۔۔۔۔۔۔۔۔۔۔۔۔۔۔۔۔
سن تو سہی جہاں میں ہے تیرا فسانہ کیا
کہتی ہے تجھ کو خلقِ خدا غائبانہ کیا
۔۔۔۔۔۔۔۔۔۔۔۔۔۔۔۔
بڑا شور سنتے تھے پہلو میں دل کا
جو چیرا تو اِک قطرۂ خوں نہ نکلا
۔۔۔۔۔۔۔۔۔۔۔۔۔۔۔۔
لگے منہ بھی چڑانے دیتے دیتے گالیاں صاحب
زباں بگڑی تو بگڑی تھی، خبر لیجئیے دہن بگڑا
۔۔۔۔۔۔۔۔۔۔۔۔۔۔۔۔
مشاق درد عشق جگر بھی ہے، دل بھی ہے
کھاؤں کدھر کی چوٹ، بچاؤں کدھر کی چوٹ
۔۔۔۔۔۔۔۔۔۔۔۔۔۔۔۔
فصل بہار آئی، پیو صوفیو شراب
بس ہو چکی نماز، مصلّا اٹھائیے
۔۔۔۔۔۔۔۔۔۔۔۔۔۔۔۔
مری نماز جنازہ پڑھی ہے غیروں نے
مرے تھے جن کے لئے، وہ رہے وضو کرتے
٭٭٭

۔۔۔۔۔۔۔۔۔۔۔۔۔۔۔۔
باز آ تغافل سے ورنہ اہل دل اکثر
جس کو بھول جاتے ہیں، اس کو بھول جاتے ہیں
شکیل احمد ضیا
۔۔۔۔۔۔۔۔۔۔۔۔۔۔۔۔
اب ہوائیں ہی کریں گی روشنی کا فیصلہ
جس دیے میں جان ہوگی وہ دیا رہ جائے گا
محشر بدایونی
۔۔۔۔۔۔۔۔۔۔۔۔۔۔۔۔
گو ذرا سی بات پر برسوں کے یارانے گئے
لیکن اتنا تو ہوا کچھ لوگ پہچانے گئے
خاطر غزنوی
۔۔۔۔۔۔۔۔۔۔۔۔۔۔۔۔
حسن کو حسن بنانے میں مرا ہاتھ بھی ہے
آپ مجھ کو نظر انداز نہیں کرسکتے
رئیس فروغ
۔۔۔۔۔۔۔۔۔۔۔۔۔۔۔۔
دامن پہ کوئی چھینٹ، نہ خنجر پہ کوئی داغ
تم قتل کرو ہو کہ کرامات کرو ہو
کلیم عاجز
۔۔۔۔۔۔۔۔۔۔۔۔۔۔۔۔
گفتگو کسی سے ہو تیرا دھیان رہتا ہے
ٹوٹ ٹوٹ جاتا ہے سلسلہ تکلم کا
فرید جاوید
۔۔۔۔۔۔۔۔۔۔۔۔۔۔۔۔
جن سے مل کر زندگی سے عشق ہو جائے وہ لوگ
آپ نے شاید نہ دیکھے ہوں مگر ایسے بھی ہیں
سرور بارہ بنکوی
۔۔۔۔۔۔۔۔۔۔۔۔۔۔۔۔
شاید کوئی بندۂ خدا آئے
صحرا میں اذان دے رہا ہوں
سلیم احمد
۔۔۔۔۔۔۔۔۔۔۔۔۔۔۔۔
ایک محبت کافی ہے
باقی عمر اضافی ہے
محبوب خزاں
۔۔۔۔۔۔۔۔۔۔۔۔۔۔۔۔
چلو اچھا ہوا کام آ گئی دیوانگی اپنی
وگرنہ ہم زمانے بھر کو سمجھانے کہاں جاتے
قتیل شفائی
۔۔۔۔۔۔۔۔۔۔۔۔۔۔۔۔
وقت کرتا ہے پرورش برسوں
حادثہ ایک دم نہیں ہوتا
قابل اجمیری
۔۔۔۔۔۔۔۔۔۔۔۔۔۔۔۔
صرف مانع تھی حیا بندِ قبا کھلنے تلک
پھر تو وہ جانِ حیا ایسا کھلا، ایسا کھلا
رسا چغتائی
۔۔۔۔۔۔۔۔۔۔۔۔۔۔۔۔
نیرنگیِ سیاستِ دوراں تو دیکھیے
منزل انھیں ملی جو شریکِ سفر نہ تھے
محسن بھوپالی
۔۔۔۔۔۔۔۔۔۔۔۔۔۔۔۔
امیرِ شہر نے کاغذ کی کشتیاں دے کر
سمندروں کے سفر پر کیا روانہ ہمیں
محسن احسان
۔۔۔۔۔۔۔۔۔۔۔۔۔۔۔۔
نہ اِتنا تیز چلے سرپھری ہوا سے کہو
شجر پہ ایک ہی پتا دکھائی دیتا ہے
شکیب جلالی
۔۔۔۔۔۔۔۔۔۔۔۔۔۔۔۔
اُجالے اپنی یادوں کے ہمارے ساتھ رہنے دو
نہ جانے کس گلی میں زندگی کی شام ہو جائے
بشیر بدر
۔۔۔۔۔۔۔۔۔۔۔۔۔۔۔۔
ہم روح ِسفر ہیں ہمیں ناموں سے نہ پہچان
کل اور کسی نام سے آ جائیں گے ہم لوگ
رضی اختر شوق
۔۔۔۔۔۔۔۔۔۔۔۔۔۔۔۔
یہ اک اشارہ ہے آفات ناگہانی کا
کسی جگہ سے پرندوں کا کوچ کر جانا
عالمتاب تشنہ
۔۔۔۔۔۔۔۔۔۔۔۔۔۔۔۔
دیوار کیا گری مرے خستہ مکان کی
لوگوں نے مرے صحن میں رستے بنا لیے
سبط علی صبا
۔۔۔۔۔۔۔۔۔۔۔۔۔۔۔۔
مرے خدا مجھے اِتنا تو معتبر کر دے
میں جس مکان میں رہتا ہوں اُس کو گھر کر دے
افتخار عارف
۔۔۔۔۔۔۔۔۔۔۔۔۔۔۔۔
خود کو بڑھا چڑھا کے بتاتے ہیں یار لوگ
حالانکہ اِس سے فرق تو پڑتا نہیں کوئی
روحی کنجاہی
۔۔۔۔۔۔۔۔۔۔۔۔۔۔۔۔
بچھڑا کچھ اس ادا سے کہ رت ہی بدل گئی
اک شخص سارے شہر کو ویران کر گیا
خالد شریف
۔۔۔۔۔۔۔۔۔۔۔۔۔۔۔۔
اب اداس پھرتے ہو سردیوں کی شاموں میں
اس طرح تو ہوتا ہے اس طرح کے کاموں میں
شعیب بن عزیز
۔۔۔۔۔۔۔۔۔۔۔۔۔۔۔۔
جگنو کو دن کے وقت پرکھنے کی ضد کریں
بچے ہمارے عہد کے چالاک ہو گئے
پروین شاکر
۔۔۔۔۔۔۔۔۔۔۔۔۔۔۔۔
ایسے ویسے کیسے کیسے ہو گئے
کیسے کیسے ایسے ویسے ہو گئے
ہوش چوکوروی
۔۔۔۔۔۔۔۔۔۔۔۔۔۔۔۔
غزالاں، تم تو واقف ہو، کہو مجنوں کے مرنے کی
دوانہ مرگیا آخر کو ویرانے پہ کیا گزرا
(مشہورِ عام: دوانہ مر گیا آخر کو ویرانے پہ کیا گزری؟)
رام نرائن موزوں
۔۔۔۔۔۔۔۔۔۔۔۔۔۔۔۔
در پے ہے عیب جُو ترے، حاتم تو غم نہ کر
دشمن ہے عیب جُو تو خدا عیب پوش ہے
شاہ حاتم
۔۔۔۔۔۔۔۔۔۔۔۔۔۔۔۔
دن کٹا، جس طرح کٹا لیکن
رات کٹتی نظر نہیں آتی
سید محمد اثر
۔۔۔۔۔۔۔۔۔۔۔۔۔۔۔۔
ٹک ساتھ ہو حسرت دل مرحوم سے نکلے
عاشق کا جنازہ ہے ذرا دھوم سے نکلے
فدوی عظیم آبادی
۔۔۔۔۔۔۔۔۔۔۔۔۔۔۔۔
رکھ نہ آنسو سے وصل کی امید
کھاری پانی سے دال گلتی نہیں
قدرت اللہ قدرت
۔۔۔۔۔۔۔۔۔۔۔۔۔۔۔۔
اے خال رخ یار تجھے ٹھیک بناتا
جا چھوڑ دیا حافظ قرآن سمجھ کر
شاہ نصیر
۔۔۔۔۔۔۔۔۔۔۔۔۔۔۔۔
ہم موجد باب فصاحت ہیں
کوئ اردو کو کیا سمجھے گا جیسا ہم سمجھتے ہیں
اصغر علی خاں نسیم دہلوی
۔۔۔۔۔۔۔۔۔۔۔۔۔۔۔۔
پان بن بن کے مری جان کہاں جاتے ہیں
یہ مرے قتل کے سامان کہاں جاتے ہیں
ظہیر الدین ظہیر
۔۔۔۔۔۔۔۔۔۔۔۔۔۔۔۔
ہم نہ کہتے تھے کہ حالی چپ رہو
راست گوئی میں ہے رسوائی بہت
حالی
۔۔۔۔۔۔۔۔۔۔۔۔۔۔۔۔
دیکھا کئے وہ مست نگاہوں سے بار بار
جب تک شراب آئے کئی دور ہو گئے
شاد عظیم آبادی
۔۔۔۔۔۔۔۔۔۔۔۔۔۔۔۔
خلاف شرع شیخ تھوکتا بھی نہیں
مگر اندھیرے اجالے میں چوکتا بھی نہیں
اکبر الہ آبادی
۔۔۔۔۔۔۔۔۔۔۔۔۔۔۔۔
دیکھ آؤ مریض فرقت کو
رسم دنیا بھی ہے، ثواب بھی ہے
حسن بریلوی
۔۔۔۔۔۔۔۔۔۔۔۔۔۔۔۔
افسوس، بے شمار سخن ہائے گفتنی
خوف فساد خلق سے نا گفتہ رہ گئے
آزاد انصاری
۔۔۔۔۔۔۔۔۔۔۔۔۔۔۔۔
توڑ کر عہد کرم نا آشنا ہو جائیے
بندہ پرور جائیے، اچھا، خفا ہو جائیے
حسرت موہانی
۔۔۔۔۔۔۔۔۔۔۔۔۔۔۔۔
کچھ سمجھ کر ہی ہوا ہوں موج دریا کا حریف
ورنہ میں بھی جانتا ہوں کہ عافیت ساحل میں ہے
وحشت کلکتوی
۔۔۔۔۔۔۔۔۔۔۔۔۔۔۔۔
بڑی احتیاط طلب ہے وہ جو شراب ساغر دل میں ہے
جو چھلک گئ تو چھلک گئ، جو بھری رہی تو بھری رہی
بینظیر شاہ
۔۔۔۔۔۔۔۔۔۔۔۔۔۔۔۔
چتونوں سے ملتا ہے کچھ سراغ باطن کا
چال سے تو کافر پہ سادگی برستی ہے
یگانہ چنگیزی
۔۔۔۔۔۔۔۔۔۔۔۔۔۔۔۔
ہر تمنا دل سے رخصت ہو گئی
اب تو آ جا اب تو خلوت ہو گئی
عزیز الحسن مجذوب
۔۔۔۔۔۔۔۔۔۔۔۔۔۔۔۔
اب یاد رفتگاں کی بھی ہمت نہیں رہی
یاروں نے کتنی دور بسائی ہیں بستیاں
فراق گورکھپوری
۔۔۔۔۔۔۔۔۔۔۔۔۔۔۔۔
داور حشر میرا نامۂ اعمال نہ دیکھ
اس میں کچھ پردہ نشینوں کے بھی نام آتے ہیں
محمد دین تاثیر
۔۔۔۔۔۔۔۔۔۔۔۔۔۔۔۔
امید وصل نے دھوکے دئیے ہیں اس قدر حسرت
کہ اس کافر کی ‘ہاں’ بھی اب ‘نہیں’ معلوم ہوتی ہے
چراغ حسن حسرت
۔۔۔۔۔۔۔۔۔۔۔۔۔۔۔۔
کب ہے عریانی سے بہتر کوئی دنیا میں لباس
یہ وہ جامہ ہے کہ جس کا نہیں سیدھا الٹا
صاحب مرزا شناور
۔۔۔۔۔۔۔۔۔۔۔۔۔۔۔۔
پیری میں ولولے وہ کہاں ہیں شباب کے
اک دھوپ تھی کہ گئی ساتھ آفتاب کے
خوش وقت علی خورشید
۔۔۔۔۔۔۔۔۔۔۔۔۔۔۔۔
خدا کی دین کا موسیٰ سے پوچھیے احوال
کہ آگ لینے کو جائیں، پیمبری ہو جائے
(مشہورِ عام:کہ آگ لینے کو جائیں، پیمبری مل جائے)
نواب امین الدولہ مہر
۔۔۔۔۔۔۔۔۔۔۔۔۔۔۔۔
نہیں محتاج زیور کا جسے خوبی خدا دیوے
کہ اُس کو بدنما لگتا ہے ، جیسے چاند کو گہنا
(مشہورِ عام: کہ جیسے خوش نما لگتا ہے ، دیکھو چاند بن گہنے)
شاہ مبارک آبرو
۔۔۔۔۔۔۔۔۔۔۔۔۔۔۔۔
اگر بخشے، زہے قسمت، نہ بخشے تو شکایت کیا
سرِ تسلیم خم ہے جو مزاجِ یار میں آئے
اصغر خان اصغر
۔۔۔۔۔۔۔۔۔۔۔۔۔۔۔۔
برباد گُلستاں کرنے کو بس ایک ہی اُلُّو کافی تھا
ہر شاخ پہ اُلُّو بیٹھا ہے انجامِ گُلستاں کیا ہو گا
شوق بہرائچی
۔۔۔۔۔۔۔۔۔۔۔۔۔۔۔۔
ہزار تشنہ سی حسرتوں کے بوجھ تلے
یہ جو دھڑکتا ہے ، دل کمال کرتا ہے

اظہر ناظؔر
۔۔۔۔۔۔۔۔۔۔۔۔۔۔۔

صرف مصرعے
آثار کہہ رہے ہیں عمارت عظیم تھی
——
میرا وقت آیا تو چلمن ڈال دی
——
وہی رفتار بے ڈھنگی جو پہلے تھی سو اب بھی ہے
——
ہم تو ڈوبے ہیں صنم، تم کو بھی لے ڈوبیں گے
——
باغباں بھی خوش رہے، راضی رہے صیاد بھی
——
وہ شاخ ہی نہ رہی جس پہ آشیانہ تھا
——
ایک ڈھونڈو، ہزار ملتے ہیں
——
اگر اب بھی نہیں سمجھے تو پھر تم سے خدا سمجھے
——
پھر نہ کہنا ہمیں خبر نہ ہوئی
——
ہم کو دعائیں دو، تمہیں قاتل بنا دیا
——
آبرو چاہے تو دریا سے کنواں دور رہے
٭٭٭
نا معلوم
وہ اشعار بھی شامل کیے گئے ہیں جن کے خالقوں کے نام باوجود کوشش بسیار، معلوم نہ ہوسکے، ایسی چند مثالیں ملاحظہ کیجیے۔
ایسی ضد کا کیا ٹھکانہ، اپنا مذہب چھوڑ کر
میں ہوا کافر تو وہ کافر مسلماں ہو گیا
——
بے کار مباش کچھ کیا کر
خون دل عاشقاں پیا کر
(اس شعر کا ایک یہ روپ بھی مقبول ہے
بے کار مباش کچھ کیا کر
پاجامہ ادھیڑ کر سیا کر)
از رشتہ زلف خویش ہر دم
چاک دل عاشقاں سیا کر
——
خط کا مضموں بھانپ لیتے ہیں لفافہ دیکھ کر
آدمی پہچان لیتے ہیں قیافہ دیکھ کر
——
مانیں، نہ مانیں، آپ کو یہ اختیار ہے
ہم نیک و بد حضور کو سمجھائے دیتے ہیں
( پہلا مصرع اس طرح بھی مشہور ہے
مانو نہ مانو جانِ جہاں اختیار ہے)
——
اچھی صورت بھی کیا بری شے ہے
جس نے ڈالی، بری نظر ڈالی
(جس نے ڈالی نظر، بری ڈالی)
——
جان بچی سو لاکھوں پائے
خیر سے بدھو گھر کو آئے
——
ازل سے حسن پرستی لکھی ہے قسمت میں
مرا مزاج لڑکپن سے عاشقانہ ہے
——
نور حق، شمع الہی کو بجھا سکتا ہے کون
جس کا حامی ہو خدا، اس کو مٹا سکتا ہے کون
——
پاپوش میں لگائی کرن آفتاب کی
جو بات کی، خدا کی قسم، لاجواب کی
۔۔۔۔
محبت میں لٹتے ہیں دین اور ایماں
بڑا تیر مارا ، جوانی لٹا دی

#اردوادب #اردوشاعری #اردو
#اردوغزل
#اردوشاعر #اردونثر

06/04/2025

کیلکولیٹر پر موجود خاص بٹنوں کے استعمال اور فوائد کی تفصیل

1. GT (Grand Total) بٹن

یہ بٹن ان تمام نتائج (totals) کو جمع کرنے کے لیے استعمال ہوتا ہے جو آپ نے کیلکولیٹر پر کیے ہوں۔ مثال کے طور پر، اگر آپ نے کئی الگ الگ حسابات کیے اور ان سب کا مجموعہ ایک ساتھ دیکھنا چاہتے ہیں، تو GT بٹن دبانے سے تمام حسابات کا گرینڈ ٹوٹل نظر آئے گا۔

2. M+ (Memory Plus) بٹن

یہ بٹن کسی بھی نمبر کو میموری میں جمع (add) کرنے کے لیے استعمال ہوتا ہے۔
استعمال: اگر آپ نے "50" لکھا اور پھر M+ دبایا، تو یہ نمبر کیلکولیٹر کی میموری میں محفوظ ہو جائے گا۔ اگر آپ بعد میں "30" لکھ کر دوبارہ M+ دبائیں، تو اب میموری میں "80" محفوظ ہوگا (50+30=80)۔

3. M- (Memory Minus) بٹن

یہ بٹن میموری میں موجود نمبر میں سے کوئی بھی نیا نمبر منفی (subtract) کرنے کے لیے استعمال ہوتا ہے۔
استعمال: اگر میموری میں پہلے سے "80" موجود ہے اور آپ "20" لکھ کر M- دبائیں تو میموری میں "60" باقی رہ جائے گا (80-20=60)۔

4. MRC (Memory Recall & Clear) بٹن

یہ بٹن دو کام کرتا ہے:

پہلی بار دبانے سے میموری میں محفوظ کردہ نمبر دکھاتا ہے (Recall)۔

دوبارہ دبانے سے میموری صاف کر دیتا ہے (Clear)۔

5. +/- (Plus Minus) بٹن

یہ بٹن کسی بھی نمبر کی علامت (sign) کو تبدیل کرنے کے لیے استعمال ہوتا ہے۔
استعمال: اگر آپ نے "25" لکھا ہے اور +/- دبائیں، تو یہ "-25" میں بدل جائے گا، اور دوبارہ دبانے سے پھر "+25" ہو جائے گا۔

6. MU (Mark-Up) بٹن

یہ بٹن زیادہ تر بزنس میں منافع (profit margin) نکالنے کے لیے استعمال ہوتا ہے۔
استعمال: اگر کسی چیز کی قیمت 500 روپے ہے اور آپ اسے 20% منافع کے ساتھ بیچنا چاہتے ہیں تو یوں کریں:

1. 500 لکھیں

2. MU دبائیں

3. 20 لکھ کر % دبائیں

4. کیلکولیٹر خود بخود وہ قیمت دکھائے گا جس پر آپ کو وہ چیز بیچنی ہے

✔ دکانداروں اور کاروباری حضرات کے لیے MU بٹن بہت کارآمد ہے۔
✔ M+, M-, اور MRC ان لوگوں کے لیے مفید ہیں جو بڑے حسابات کو میموری میں محفوظ رکھ کر بعد میں استعمال کرنا چاہتے ہیں۔
✔ GT ان لوگوں کے لیے فائدہ مند ہے جو مختلف حسابات کا گرینڈ ٹوٹل نکالنا چاہتے ہیں۔

یہ بٹن کیلکولیٹر کو مزید طاقتور اور کارآمد بناتے ہیں، خاص طور پر کاروباری حضرات اور طلبہ کے لیے

Syed Engineering Bahadur Pakistan School Mall

28/02/2025

حقیقت کا سایہ: کیا ہماری دنیا کسی اعلیٰ جہت کا عکس ہے؟

ہم جس دنیا میں رہتے ہیں، وہ ہمیں تین جہتی (3D) محسوس ہوتی ہے۔ یعنی ہم آگے، پیچھے، دائیں، بائیں، اوپر اور نیچے حرکت کر سکتے ہیں۔ لیکن اگر ہم صرف دو جہتی (2D) ہوتے تو ہماری دنیا کسی کاغذ کی طرح ہوتی، جہاں ہم صرف آگے، پیچھے، دائیں یا بائیں جا سکتے۔ اسی طرح، اگر کوئی مخلوق صرف ایک جہتی (1D) دنیا میں رہتی، تو وہ صرف ایک سیدھی لکیر پر آگے یا پیچھے جا سکتی۔ سوال یہ پیدا ہوتا ہے اگر ہم تین جہتی دنیا میں رہ رہے ہیں، تو کیا کوئی اور، اس سے بھی اعلیٰ جہت (4D یا اس سے زائد) موجود ہو سکتی ہے؟

نیچے موجود تصویر ایک دلچسپ حقیقت کو واضح کرتی ہے۔ اس میں ایک منفرد ساخت والی 3D چیز کو اوپر سے روشنی دی گئی ہے، اور نیچے بننے والا سایہ ایک مکمل 2D جال کی طرح نظر آ رہا ہے۔ غور کریں، یہ جال یا گرڈ درحقیقت اس شے کا سایہ ہے، جو خود تین جہتی ہے، بالکل اسی طرح جیسے ہمارا ہاتھ دیوار پر 2D سایہ ڈالتا ہے، کیا یہ ممکن ہے کہ ہماری پوری 3D دنیا کسی 4D حقیقت کا سایہ ہو؟

یہ صرف فلسفے کی بات نہیں بلکہ جدید سائنس خاص طور پر فزکس میں اس تصور پر تحقیق جاری ہے۔ "سٹرنگ تھیوری" نامی نظریہ کہتا ہے کہ کائنات صرف تین جہتوں تک محدود نہیں بلکہ اس میں اضافی چھپی ہوئی جہتیں بھی موجود ہو سکتی ہیں۔ اس نظریے کے مطابق جو کچھ ہم دیکھ اور محسوس کر سکتے ہیں، وہ زیادہ بڑی حقیقت کا صرف ایک محدود عکس ہو سکتا ہے کیونکہ ہماری فہم اور حواس مخصوص جہتوں تک محدود ہیں۔

یہ نظریہ ثابت نہیں ہوا، مگر جدید طبیعیات میں ایک ممکنہ حقیقت کے طور پر دیکھا جاتا ہے۔ کیا ہم کسی کم جہتی قید میں ہیں، جبکہ اصل حقیقت ہماری فہم سے ماورا ہے؟ شاید ہماری دنیا بھی کسی اعلیٰ جہت کی محض جھلک ہو، جیسے تصویر میں موجود روشنی میں ابھرتا یہ سایہ ایک 3D شے کا 2D عکس ہے۔ اگر ایسا ہے، تو وہ اعلیٰ جہت میں موجود ہستی ہمیں مکمل دیکھ سکتی ہے۔ ہمارے ہر احساس، ہر حرکت سے واقف ہے، مگر ہم اسے چاہ کر بھی نہیں دیکھ سکتے۔ جیسے سایہ اپنی ہی اصل کو چھونے سے قاصر رہتا ہے۔
Thanks OWAIS
wrote this

23/01/2025

Punjab text book board 9th class new edition available now

21/01/2025

پاکستان کی تاریخ ۔۔۔۔
تضادات کا مجموعہ ہے۔ ۔۔۔۔۔
بڑے بڑے عجوبے ملتے ہیں۔ کرنسی نوٹ بھی اس کی ایک بہت بڑی مثال ہیں۔۔!

قیام پاکستان کے پہلے تقریباً دو برسوں میں یعنی 30 جون 1949ء تک پاکستان میں برطانوی ہند کے نوٹ چلتے رہے جن پر کنگ جارج پنجم کی تصویر ہوتی تھی۔ ریزرو بینک آف انڈیا کے جاری کردہ نوٹوں پر انگریزی اور اردو میں "حکومت پاکستان" کی مہر چسپاں ہوتی تھی۔ یہ نوٹ بھارت سے چھپ کر آتے تھے جن کا پاکستان معاوضہ ادا کیا کرتا تھا۔
پاکستانی نوٹ کب جاری ہوئے؟
یکم جولائی 1949ء کو پاکستان نے پہلی بار اپنے کرنسی نوٹ جاری کیے جو ایک ، پانچ اور دس روپے مالیت کے تھے۔ ان نوٹوں کی خاص بات یہ تھی کہ ان پر چاند تارا ، پاکستان کے قومی پرچم ، ڈاک ٹکٹوں اور سکوں کی طرح الٹا تھا یعنی ہلال کی شکل کا نہیں تھا۔ یہ "غلطی" 1952ء میں درست کی گئی جب چاند تارے کو موجودہ شکل میں تبدیل کیا گیا تھا۔

نوٹوں کی زبان
پاکستان میں سکوں اور نوٹوں کی زبان اردو اور انگلش رہی ہے لیکن 1954ء میں پہلی بار اس میں بنگالی زبان بھی شامل تھی جو مشرقی پاکستان کی علیحدگی تک جاری رہی۔

تقسیم سے قبل انگریز دور میں نوٹوں پر ہندوستان کی بڑی بڑی زبانوں میں الگ الگ سے نوٹ کی مالیت لکھی ہوئی ہوتی تھی جو تقسیم کے بعد بھارتی نوٹوں پر بھی جاری رہی لیکن پاکستان میں یہ تکلف صرف ایک مختصر سی مدت میں ہوا جب پاکستان کی دیگر بڑی زبانوں کو اس قابل سمجھا گیا تھا۔

یہ کارنامہ ذوالفقار علی بھٹوؒ ہی انجام دے سکتا تھا جن کے دور حکومت میں پہلی بار 16 مئی 1974ء کو ایک روپے کا جو نوٹ جاری ہوا ، اس پر اردو اور انگریزی کے علاوہ پاکستان کی چاروں بڑی زبانوں یعنی پنجابی ، سندھی ، پشتو اور بلوچی میں بھی نوٹ کی مالیت لکھی ہوئی تھی جو کچھ اس طرح سے تھی:

ایک روپے کے نوٹ پر مختلف زبانوں میں تحریرایک روپے کے نوٹ پر مختلف زبانوں میں تحریر
پنجابی میں "اک روپیہ" ، سندھی میں "ہک رپییوء" ، پشتو میں "یوہ روپےء" اور بلوچی میں "یک روپی"
یہ نوٹ ایک سال بھی نہ چل سکا کیونکہ اس سے "صوبائیت کو فروغ" مل رہا تھا جس سے نام نہاد "قومی وحدت کو خطرہ" پیدا ہوگیا تھا۔ اس لیے بیوروکریسی نے عوامی حکومت کی ایک قابل تعریف کاوش کو ناکام بناتے ہوئے 15 اپریل 1975ء کو اس نوٹ کو منسوخ کروا دیا تھا۔

کون سا نوٹ کب جاری ہوا؟
کسی بھی ملک میں بڑی مالیت کے نوٹ جہاں اس ملک کی اقتصادی حالت کا احوال بیان کرتے ہیں وہاں مقامی کرنسی کی قیمت اور اہمیت کا اندازہ لگانا آسان ہو جاتا ہے۔ پاکستان میں بڑی مالیت یعنی سو روپے کا نوٹ پہلی بار 1953ء میں ، پانچ سو اور ایک ہزار روپے کے نوٹ 1986ء میں جبکہ پانچ ہزار کا نوٹ 2005ء میں جاری ہوا۔ مکمل تفصیل مندرجہ ذیل ہے:
1949ء : ایک ، 5 اور 10 روپے کے نوٹ جاری ہوئے۔
1953ء : 100 روپے کا نوٹ جاری ہوا۔
1957ء : 50 روپے کا نوٹ جاری ہوا۔
1974ء : ایک روپے کا نوٹ اردو اور انگریزی کے علاوہ پنجابی ، سندھی ، پشتو اور بلوچی میں بھی جاری ہوا۔
1986ء : 2 ، 500 اور 1000 کے نوٹ جاری ہوئے۔
2005ء : 20 اور 5000 کے نوٹ جاری ہوئے۔
14 اگست 2022ء کو 75ویں یوم آزادی پر 75 روپے کا نوٹ بھی جاری کیا گیا جس کے ایک طرف مارخور دکھایا گیا ہے!
آپ بھی ان نوٹوں کے ساتھ جڑی پرانی خوبصورت یادیں شئیر کریں ۔۔۔۔۔

Fareed Book Stall & Gift Shop

16/12/2025

30/10/2025

17/07/2025

21/06/2025

21/04/2025

14/04/2025

06/04/2025

28/02/2025

23/01/2025

21/01/2025

Address

Opening Hours

Telephone

Website

Alerts

Shortcuts

Share

Category

Monday	07:00 - 22:00
Tuesday	07:00 - 22:00
Wednesday	07:00 - 22:00
Thursday	07:00 - 22:00
Friday	07:00 - 22:00
Saturday	07:00 - 22:00