17/07/2026
خضدار: نال ہٹرنبو چڑائی چیک پوسٹ پر مبینہ بھتہ وصولی کی ویڈیو وائرل،
عوامی حلقوں میں تشویش،سوشل میڈیا پر گردش کرنے والی ایک ویڈیو میں دعویٰ کیا جا رہا ہے کہ نال ہٹرنبو چڑائی چیک پوسٹ پر ہر گاڑی سے مبینہ طور پر 3,500 روپے وصول کیے جا رہے ہیں۔ویڈیو سامنے آنے کے بعد عوامی حلقوں میں شدید تشویش پائی جا رہی ہے۔ شہریوں کا کہنا ہے کہ اگر ویڈیو میں کیے گئے دعوے درست ہیں تو یہ نہ صرف حکومتی احکامات کی خلاف ورزی ہے بلکہ قانون کی عملداری پر بھی سوالیہ نشان ہے۔شہریوں نے حکومت بلوچستان، محکمہ داخلہ اور اعلیٰ پولیس حکام سے مطالبہ کیا ہے کہ ویڈیو کا فوری نوٹس لیا جائے، غیرجانبدارانہ تحقیقات کرائی جائیں اور اگر الزامات درست ثابت ہوں تو ذمہ دار اہلکاروں کے خلاف قانون کے مطابق سخت کارروائی عمل میں لائی جائے۔
