30/01/2026
«اسمعيني يا فاطمة، نكون واضحين… إنتي خربتي طبعي، وبعد ما اتعاملت معاك ما بقدر أرضى بشغل أقل من شغلك»..
مع كامل احترامي لكل عملائي وزبايني الغاليين 🤍
والله ما بفرز زول على زول، كلكم على قلبي زي العسل 🍯
لكن… صراحة العميلة دي غير 😔🤍
الاء من ألطَف الناس الاتعاملت معاهم في حياتي 🌻
خلّوني أحكي ليكم القصة من الأول…
تقريبًا أول مرة تطلب مني كانت وأنا في شندي.
جاتني عن طريق واحدة صحبتها، وهي نفسها كانت في مصر، فطلبت بوكسين، وجزء من الحاجات اتشحن لي من مصر
(حاخلي الصور في التعليقات 👀).
جهزت ليها الهدية بكل حب، ومن هناك بدأت علاقتنا اللطيفة دي 🤍
بعدها لمن جيت بحري وانقطعت عن الشغل فترة، رسلت لي مرة تانية وكانت عايزة تطلب.
بالفعل تواصلت مع واحدة من بنات شندي، وجهزنا ليها بوكس فيهو شوكولاتة، ومشى الحال الحمد لله ✨
آخر مرة بقى قالت لي جملة كسرتني:
«اسمعيني يا فاطمة، نكون واضحين… إنتي خربتي طبعي، وبعد ما اتعاملت معاك ما بقدر أرضى بشغل أقل من شغلك»
(ما بشكر في روحي والله 🙈🤍، لكن هي قالت كدا)
أنا هنا رسميًا أخدت درديقتي في الواطة وقمت 😭🤍
المهم…
طلبت ليها ولي صحبتها هدايا عشان مناقشتهم،
قعدنا نخطط للمحتويات، وننسق التفاصيل، وطلعنا بالحاجات الظاهرة في الصور دي 💛
بعدها دخلنا في حكاية التوقيت:
نرسل مع آخر امتحان؟
ولا يوم المناقشة؟
ولا نخليها للتخريج؟
وفي النهاية اتفقنا على يوم المناقشة، وفعلاً…
(الكلام دا كان قبل شهر كامل من الموعد 🙂)
جهزنا الهدية، وكانت متابعة معاي خطوة خطوة، مهتمة بأدق التفاصيل،
لحد ما طلعنا بالشكل الختشير دا 🌚💛
الهدية وصلت شندي بسلام وأمان قبل المناقشة بحوالي أسبوع…
وهوووب 💥
قرروا فجأة إنو المناقشة اتأجلت، بدون تحديد موعد.
بقينا محتارين:
نرسلها طوالي؟
ولا ننتظر شوية؟
قلت ليها:
«يا زولة، دامنا انتظرنا الزمن دا كلو، ما مشكلة ننتظر شوية ونشوف»
A few days later…
(بصوت الراجل البتاع سبونج بوب 😭)
المناقشة اتلغت كلو كلو 🙂💔
وفي النهاية…
وصلنا ليهم الهدايا ساي، بدون مناسبة رسمية.
لكن؟
الهدية كانت كتكوتة شديد،
وتفاصيلها أحلى من أي مناسبة 💛💛
لأنو فعلًا…
كل هدية بتحكي قصة ✨
