Dànďash Store

15/08/2026

ﺍﻟﻨﺎﺱ ﺗﺘﺒﺪﻝ ﻭﺗﺘﻐﻴﺮ....
ﻭﺍﻟﻌﺸﺮﺓ ﺗﻬﻮووﻭﻥ....
ﻭﺍﻟﻜﺎﻧﻮا ﺑﻴﻘﻮﻟﻮا ﻋﻠﻴﻚ ﻋﺎﻗﻞ....
ﺍﻟﻠﻴﻠﺔ ﺑﻴﻘﻮﻟﻮا ﻋﻠﻴﻚ ﻣﺠﻨﻮﻥ!!
ﺍﻟﻮﺍﺣﺪ ﻳﺎﻛﻞ ﻓﻲ ﺑﻴﺘﻚ..
ﻭﻳﻨﻮﻡ ﻓﻲ ﻓﺮﺷﻚ.. ﻭﻋﺎاااﺩﻱ ﻳﺨﻮﻥ....!!
ﻳﻜﺸﻒ أﺳﺮﺍﺭﻙ ﻭأﺣﺰﺍﻧﻚ..
ﻭﻳﻤﺮِّﻕ ﻛﻞ ﺍﻟﻜﺎﻥ ﻣﺪﻓﻮﻥ....
ﻭﻛﻤﺎﻥ ﺑﺎﻟﺒﺎﻃﻞ ﻭﺍﻟﺒﻬﺘﺎﻥ... .
ﻭﻣﻌﺎﻙ ﻳﺘﻠﻮﻥ ﻣﻴﺔ ﻟﻮﻥ..
ﻳﺎ ﺩﻧﻴﺎ ﺩﺭﻭﺳﻚ ﺟﺪ ﻗﺎﺳﻴﺔ..
ﺩﻭﺭﻧﺎ ﻭﺩﻭﺭ ﺑﻴﻨﺎ ﺍﻟﻜﻮﻥ..
ﻻﻋﺮﻓﻨﺎ ﺑﺪﺍﻳﺔ ﻭﻻﻧﻬﺎﻳﺔ..
ﻭلامين في ﺍﻟﻨﺎﺱ ﻣﺨﻠﺺ ﻭﻣﻀﻤﻮﻥ..
ﺍﻟﺪﻣﻚ ﻭﻟﺤﻤﻚ ﻳﻐﺘﺎﺑﻚ..
ﻭتضوﻕ ﺍلذل ﻣﻦ أﺣﺒﺎﺑﻚ..
ﻭﻳﺒﻴﻌﻮا ﺟﻤﺎﻳﻠﻚ أﺻﺤﺎﺑﻚ..
ﻣﺎ ﺗﻔﺘﺢ ﻟﻲ ﻭﺍﺣﺪ ﺑﺎﺑﻚ..
ﺧﻠﻴﻚ ﻓﻲ ذﺍﺗﻚ ﻣﺴﺠﻮﻥ..
ﻋﻴﺐ ﻟﻲ ﺍﻟﻮﺣﺪﺓ ﻭآلامها!
ﻣﺶ أﺣﺴﻦ ﻣﻦ ﻇﻠﻢ ﺍﻟﻨﺎﺱ..
ﻭﻋﻤﺎﻳﻞ ﺭﻳﺪﺗﻚ ﻭأﻭﻫﺎمها..؟!
ﻣﺎ ﺗﻘﻮﻝ ﺍﻟﺪﻧﻴﺎ ﺩﻱ ﻇﻼﻣﺔ..
ﻧﺤﻦ ﺍﻟﻈﺎﻟﻤﻴﻦ أﺭﻭﺍﺣﻨﺎ ﺯﻣﻦ..
ﺑﺎﻟﻄﻴﺒﺔ ﺍﻟﺴﺎﺫﺟﺔ.. ﻭﺣﺴﻦ ﺍﻟﻈﻦ..
ﻭأﻣﺎﻧﻲ ﺣﻴﺎﺗﻨﺎ ﻭأﺣﻼمها..
ﻣﺎ ﺗﻤﺮّﻕ ﺳﺮﻙ ﻟﻲ ﻏﻴﺮﻙ..
ﻭﺣﻘﻚ ﺧﻠﻴﻬﻮ ﺗﺤﺖ ﻳﺪﻙ..
ﻣﻜﻨﻮﺯ ﻟﻠﺪﻧﻴﺎ ﺍلبتضيرﻙ..
ﺍﻟﺰﻭﻝ ﺗﺪﻳﻬﻮ ﻭﺗﺤﻤﻴﻬﻮ..
ﻭﻻ حتى ﻳﻘﻮﻝ ﻛﺘﺮ ﺧﻴﺮﻙ..
ﺍﻟﻨﺎﺱ ﻻ ﺑﺘﺮﺣﻢ ﻻ ﺗﻘﺪﺭ..
ﻣﺎ ﺗﻐﻴﺮ ﺷﺎﻥ ﺯﻭﻝ ﺧﻂ ﺳﻴﺮﻙ..
ﻭﻣﺎ تتذﻟﻞ أبداً ﻓﻲ ﻳﻮﻡ..
ﻣﺎ ﺑﺘﻐﻴﺮ ﺗﺎﻧﻲ ﻣﺼﻴﺮﻙ..
أﻣﺴﻚ ﻓﻲ ﺭﺑﻚ ﻭإﺗﻮﻛﻞ..
ﻳﺎﻫﻮ ﺍﻟﺪﺍيما ليكا ﻧﺼﻴﺮﻙ..
والله.. والله ﺍﻟﻨﺎﺱ ﻳﺎﺥ ﺣﻘﺎﺭة..
أكّالة.. ﻭﺣﺎﺳﺪﺓ.. ﻭﻧﻜﺎﺭﺓ..
ﺗﺪﻳﻬﻢ ﺛﻘﺘﻚ ﻭإﺧﻼﺻﻚ..
ﺗﻠﻘﺎﻫﺎ ﺟﺒﺎﻧﺔ ﻭغدﺍﺭﺓ..
ﺩﻳﻞ ﻧﺎﺱ ﺍﻟﺪﻧﻴﺎ ﻭأﻧﺼﺎﺭها.
ﻋﺸﺎﻕ ﺍﻟﻤﺘﻌﺔ ﻭﺗﺠﺎﺭها..
ﻗﺎﻳﻠﻴﻦ ﺍﻟﻐﺶ ﺑﺒﻘﻲ ﺷﻄﺎﺭﺓ..
ﻣﺎﻛﻠﻴﻦ ﻟﺤﻢ ﺍﻟﻨﺎﺱ ﺑﺎﻟﺒﺎﻃﻞ..
ﺗﺸﻮﻳﻪ ﺍﻟﺴﻤﻌﺔ ﺑﻘﻲ ﻣﻬﺎﺭﺓ..!!
ﻧﺎﺳﻴﻦ ﺍﻟﺤﻖ ﻳﻮﻡ ﺍﻟﻤﻮﻗﻒ..
ﻭﺟﻮﺍﺭﺣﻚ ﺗﺸﻬﺪ أﺧﺒﺎﺭها..
ﻭﻳﺠﻴﻚ ﺗﺎﺭﻳﺨﻚ ﺑﺎلحِته..
ﻓﻲ ﺍﻟﺒﻴﺖ ﻭﺍﻟﻤﺪﺭﺳﺔ ﻭﺍﻟﺤﺎﺭﺓ..
ﻓﻲ ﺍﻟﻠﻮﺡ ﻣﺤﻔﻮﻇﺔ ﻭﻣﺤﺴﻮﺑﺔ....
ﻟﻮ ﻛﻠﻤﺔ ﻭﻟﻮ حتى إﺷﺎﺭﺓ..
ﻻ ﺗﻘﺪﺭ ﺗﻨﻜﺮ ﻻ ﺗﻜﺬﺏ... .
ﻭﻻ تلقى ﻣﻜﺎﻥ ﻓﻴو ﺗﺘﻀﺎﺭى..
ﻣﻔﻀﻮﺣﺔ ﺟﻮﺍﺭﺣﻚ ﻭﻣﺸﺎﻋﺮﻙ..
ﺩﺍﻗﻴﻦ ﻓﻲ ﺭﺍﺳﻚ ﻧﻘﺎﺭﺓ..
ﺍﻟﺮﺏ ﻣﻮﺟﻮﺩ ﺳﺎﻣﻊ ﻭﺷﺎﻳﻒ..
ﻭﻛﺎﺷﻒ ﻭﺟﺪﺍﻧﺎ ﻭأﺳﺮﺍﺭها...
ﻧﺮﻓﻊ ﺍﻳﺪﻳﻨﺎ ﻭنتضرﻉ..
ﺣﻘﻨﺎ ﻧﻠﻘﺎﻭ ﻳﻮﻡ ﺍﻟﻐﺎﺭﺓ..
ﻣﺎ ﺑﻀﻴﻊ ﺍﻟﺤﻖ ﻋﻨﺪ ﺍﻟﻤﻮلى..
ﻓﻲ ﻛﻞ ﺍﻟﺪﻧﻴﺎ ﻭأﻃﻮﺍﺭها..
ﻭﺍﻗﻔﻴﻦ ﻗﺪﺍﻣﻮ ﻭﻧﺘﻮﺳﻞ..
ﺑﺎﻋﺘﻨﺎ ﻧﻔﻮﺳﻨﺎ ﻭأعذﺍﺭها

11/07/2023

0914400807
للطلب واتساب اسعار ف متناول الجميع

08/03/2023

19/02/2023

Dànďash Store
قريبا

12/02/2023

في شارع الوادي في خالتين ببيعوا كسرة وفول مدمس وبهارات فيهم وحدة زبونتي . طوالي بشتري منها وامشي . وكل ما اجي بلقاهم الاتنين مبسوطين وبتونسوا مع بعض ويضحكوا . في يوم وقفت لقيت وحده بس اللهي زبونتي والخالة التانية ماموجودة لكن حاجاتها موجودة . المهم لماجيت اشتري منها كان قدامي زول مشتو وادتوا الحاجات وشالت القروش . جا دوري اديتا القروش . قامت من محلها ومشت للصينية بتاعت صحبتها التانية وجابت لي من هناك وختت القروش تحت الصينية بهناك . سالتها ليه ما اديتيني من هنا ? قالت لي عواطف دي حاجتها سمحة شديد وبتعمل احسن مني كمان . لما اصريت عليها قالت لي عواطف عيانة ومابتقدر تجي انا غشيتها وشلت الحاجات من بيتها وجبتها هنا . انا ببيع مره مني ومره منها لحدي ماترجع طيبة .
يااخي نحن للان بخير ... 💛💛

منقول بحب ...