04/07/2026
الليلة ضيف الشرف عندنا هو عطر هوس كوبرا🔥
طبعا هو معروف عند الكل...وفي ناس بتعتبرو عطر مفضل بالنسبة ليهم..بس للناس الما بتعرف العطر دا حنتكلم ليكم عنو😎
ببساطة يا عزيزي المتابع عطر هوس كوبرا يعتبر من افضل العطور الشرقية..طيب العطر الشرقي دا شنو يا مركز كويم ؟🥲
العطور الشرقية دي هي البتعتمد على مكونات تقيلة وفخمة زي العود،العنبر،المسك،التوابل الحارة زي القرفة والفانيليا...وروائحها دايما بتكون قوية وفواحة..وعشان نزيد ليكم المعلومة اي زول يقول ليك العطر دا فخم معناها دا عطر شرقي وبتكون من نوتات ثقيلة😎
هل بكون في منو تقليد؟ اكيد في منو تقليد وعادي تلقى المقلد منو اكتر من الاصلي👌
والعطور زي ما قلنا بتتكون من ثلاث مراحل..طيب الثلاث مراحل دي شنو؟
هي افتتاحيه العطر..قلب العطر..الخاتمة يعني ممكن تتخيل العطور دي بتتكون من ثلاث فقرات زي التعبير...وهي المقدمة ...لب الموضوع والخاتمة😎
المقدمة او الافتتاحيه حيكون في ريحة حمضيات..زي البرغموت والليمون ( البرغموت دا نوع م من الحمضيات زي الليمون بتشبه البرتقال الصغير او الليمون)..مع انها بتختفي في ربع ساعة لكن بتساعد انو تعدل المزاج في اقل من تلت ساعة🔥
عندنا لب العطر او قلب العطر بعد تتم ربع ساعة الريحة حقت الحمضيات بدات تهدأ وتظهر ريحة أزهار ناعمة زي الياسكين وزهر البرتقال ودا بيدي احساس بالانتعاش والنضافة.
اما قاعدة العطر ودي البتكون الخاتمة والبتثبت وبتلصق فيك🫡وهي الروائح الشرقية الثقيلة زي العنبر..خشب الأرز..وحبه مسك.
وخلاصة الموضوع انو العطر دا يعتبر من العطور الصيفية الممتازة..وبتتميز بي فوحانها وثباتها عالي وقعت ليكم؟😉
