Al fatxi Books

Al fatxi Books Maktabadda Al fatxi books

Busayna ayaa u soo gashay Cabdilmalik Ibnu Marwaan. Kolkaasuu ku yidhi: "wallaahay Busaynay in aanay iiga kaa muuqan ari...
03/06/2026

Busayna ayaa u soo gashay Cabdilmalik Ibnu Marwaan. Kolkaasuu ku yidhi: "wallaahay Busaynay in aanay iiga kaa muuqan arimihii uu Jamiil kugu sheegi jiray!"
"Amiirkii Muuminiintow; waxa uu igu eegayay indho aan madaxaaga ku oollin!"

Buugga: 50 qaanuun ee jacaylka
Al fatxi Books
Maxamuud Cabdullaahi Bowlad
Axmed Cabdullaahi Bawlad

“waa kuma gacaliyaha koowaad ee aad jeceshahay?”“Gacaliyaha koowaad ma aha qofka ugu horreeya ee aad qalbigaaga siiso, e...
02/06/2026

“waa kuma gacaliyaha koowaad ee aad jeceshahay?”

“Gacaliyaha koowaad ma aha qofka ugu horreeya ee aad qalbigaaga siiso, ee waa qofka ugu horreeya ee aad awoodi weydo in aad qalbigaaga ka soo ceshato!”

BUUGGA: waan ku salaamay saaxiib

Maxamuud Cabdullaahi Bowlad
Axmed Cabdullaahi Bawlad

Luqmaan ayaa wiilkiisii ku yidhi: “Aabbo; iska jir arrinka halista ah ee mudan in laga digtoonaado, ee ah in aad dadka u...
24/05/2026

Luqmaan ayaa wiilkiisii ku yidhi: “Aabbo; iska jir arrinka halista ah ee mudan in laga digtoonaado, ee ah in aad dadka u muujisato Alle-ka-cabsi, qalbigaagana uu faajir noqdo!”

Marka aad u fiirsato waayeellka iyo waayaha ay ka sheekeynayaan, si kasta oo aanay caddayn iyo tixraac u lahayn, haddana waxa ay leeyihiin macne dhab’abbaar ah oo sax ah.

Shinbir ayaa waayihii Nebi Saleebaan NKHA damcay in uu jidhaan (haro yar) biyo fadhhiyaan ka cabbo, markaasuu arkay in carruur yaryari ay ku ag ciyaarayaan, kolkaasuu is yidhi: “wallaahay in aanan ka ammaan helaynin ciyaalkaas, ee halkan ayaan iskaga sugayaa inta ay ka kala dareerayaan meesha, markaas ayuun baana aan ka cabbayaa jidhaantaas oo aan ka dhergayaa!”
Markii ciyaalkii way tageen, koodii u danbeeyay markii uu dhaqaaqay ayuu biyihii yimi oday gadh weyn oo astaamo suubanaan iyo dunwanaag ahi ay ka muuqdaan.
Markaasuu haddana shinbirkii isyidhi: “odaygan maamuuska leh k**a cabsi qabo oo gadhkiisa dheeri waxa uu u eg yahay kii caabidiinta iyo saahidiinta.”
Biyihii ayuu ku soo duldegay. Odaygii ayaa dhagax ku soo tuuray oo il kaga dhuftay!
Shinbirkii nebi Saleebaan ayuu u yimi oo uu uga soo dacwooday.
Nebi Saleebaan nkh’e waxa uu amray in odaygaas loo keeno, labadii darafna wuu isu dhegaystay, waxana uu amray in odaygaas ishaas uu shinbirka ka riday isheeda isagana laga rido.
Se shinbirkii ayaa ku yidhi: “Nebi Saleebaanow; u daa ishiisa iyadu denbi ma laha’e, oo ka xiir gadhka, isaga aya sababey in aan dhagartiisa aamino oo aan isku hallayn biyaha ugu dego’e!”
Saaxiib; diintu inta aanay muuqaalka guud noqon waa johoradda gudaha.
Waamuran-ma-doon in labada dhanba ay muhiim yihiin, se waxa ugu foolxun qofka muuqaalka sare in ay diinta ka muuqato, qalbigana uu faajir ka noqdo!.
Waxa se ugu door roon qalbiga saafiiga ah ee badhax tiran, xataa haddii aanay muuqaalkiisa guud wax diin ahi ka muuqanayn!.
Saaxiib; inta aadan gadhka dheerayn gacmahaaga ka laabo hantida dadka iyo xuquuqdooda.
Inta adan ilkahaaga cadayga ku nadiifin, maanka ku hay in ay xaarantaahay in aad ilkahaaga u soo fayso cunista hilibka dadka!.

Saaxiib; Luqmaan ayaa wiilkiisii ku yidhi: “Aabbo; iska jir arrinka halista ah ee mudan in laga digtoonaado, ee ah in aad dadka u muujisato Alle-ka-cabsi, qalbigaagana uu faajir noqdo!”
Nabadino saaxiib.

Buugga: Waan ku salaamay saaxiib.
Maktabadda: Al fatxi Books
Maxamuud Cabdullaahi Bowlad

Degaanka Khuraasaan waxa joogay macallin ardaydiisa bara xikmadda. Waxa uu weydiinayay: “mid wax jeceli ma idinku jiraa?...
18/05/2026

Degaanka Khuraasaan waxa joogay macallin ardaydiisa bara xikmadda. Waxa uu weydiinayay: “mid wax jeceli ma idinku jiraa?!”
“Mayal!” Ayay ugu jawaabeen.
Kolkaasuu ku yidhi: “ardaydaydaay; wax jeclaada, jacaylku ka doqonka ah firfircooni ayuu geliyaa, ka damiinka ahna maanka ayuu u furaa, dhabcaalka (bakhaylka) deeqsi ayuu ka dhigaa, nadaafaddana qofka wuu ku xoojiyaa, muuqaalkiisa guudna wuu hagaajiyaa, tamar iyo garaad-badnina wuu u horseedaa, han iyo sharafna tuurta ayuu u saaraa, ee xaaranta uun iska jira!”

Buugga: 50 qaanuun ee jacaylka
Al fatxi books

Imaam Axmed Binu Xanbal [Calayhi raxmatullaah] waxa uu arday u ahaa Imaamu Shaafici, Imaam Axmed waxa uu mar walba ehelk...
08/05/2026

Imaam Axmed Binu Xanbal [Calayhi raxmatullaah] waxa uu arday u ahaa Imaamu Shaafici, Imaam Axmed waxa uu mar walba ehelkiisa iyo asxaabtiisa ku hor amaanni jiray Imaamu Shaafici. [Calayhi raxmatullaah]
Maalin maalmaha kamid ah ayaa Imaamu Shaafici waxa uu booqasho ku yimid guriga ardaygiisa Imaam Axmed, si aad ah ayaa loo marti qaaday meel uu seexdana waa loo diyaariyay markii salaadda subax la gaaray waxa uu salaadda la tukaday ehelka Imaam Axmed kadibna sariirtiisa ayuu ku laabtay.
Markii uu waaga baryay ayaa gabar uu dhalay Imaam Axmed waxa ay aabaheed ku tiri “Aabe qofkaan ma Shaaficiga aad nooga sheekeyn jirtay baa?”
Waxa uu yiri: Haa gabdheyda!
Waxa ay tiri; “waxa aan ku arkay adiga oo qadarinaya, xalayna kuma aanan arkin salaadda badan iyo xus badan iyo wardi badan!”
Waxa ay tiri; “saddex arrimoodna waan ku arkay” Imaam Axmed ayaa yiri: “maxay yihiin?!”
Waxa ay tiri; :markii cuntada la inoo keenay sidii aan ka maqlay si aan aheyn ayuu wax u cunay oo wax badan ayuu cunay , Habeenkana salaad uma uusan istaagin, salaadii subaxna waxa uu nala tukaday isaga oo aan wayso qaadan!”.
Imaam Axmed ayaa u sheegay imaamu Shaafici waxa ay gabadhiisa ku tiri.
Imaamu Shaafici ayaa waxa uu yiri: “Axmedow wax badan ayaan cunay waa run waayo waxaan ogaa in cuntadaadu ay tahay xalaal, cuntada xalaasha ahna waa daawo, aniguna xanuun ayaa i haayay!. Cuntadaada ayaan wax badan ka cunay taasna dhargo uma yeelin, ee caafimaad ayaan ka rabay. Salaad uma istaagin xalay taasna waxaa u sabab ah markii aan damcay inaan seexdo oo aan madaxa dhulka dhigay ayuu Alle igu soo riday 72 mas'alo oo fiqi ah, ka fikirkooda iyo qoriddooda ayay salaadda iiga tagtag, midda kale ee ah inaan salaadda idinla tukaday aniga oo aan weyso qaadan Alle ayaan ku dhaartaye xalay ma aanan seexan,
Sidaas awgeedna maba jirin wax igu qasbayay in aan markale weysa qaato, salaadda subax waxaan idinkula tukaday weysadii cishaha!”
Imaamu Axmed ayaa sagootiyay markaas!
Imaam Axmed ayaa gabadhiisa ku yiri: “Shaafici camalka uu qabto isaga oo fadhiya ayaa ka wanaagsan midka aan qabto aniga oo taagan.”

Buugga: Waxaad tahay saxaabiyad
Diyaar ku ah: Al fatxi Books
Kala xiriir: +2520906904852
Whatsapp: +2520907082515

WAXAAN DHUUXAY QURAANKAWaxa uu diyaar ku yahay maktabadda
09/01/2026

WAXAAN DHUUXAY QURAANKA
Waxa uu diyaar ku yahay maktabadda

QIRAALLADA MUCAASHAQIINTAWaxa uu diyaar kuyahay maktabadda
09/01/2026

QIRAALLADA MUCAASHAQIINTA
Waxa uu diyaar kuyahay maktabadda

Buugta maktabdda diyaarka ku ahQiimo jaban..
01/01/2026

Buugta maktabdda diyaarka ku ah
Qiimo jaban..

Address

Garowe

Website

Alerts

Be the first to know and let us send you an email when Al fatxi Books posts news and promotions. Your email address will not be used for any other purpose, and you can unsubscribe at any time.

Shortcuts

Share

Category