26/05/2026
Camalka ugu weyn ee maalinta Carafo waa ducada. Waxa ugu habboonna waa in qofku camallada kala beddelo si aanu u daalin ama uga caajisin ducada; tusaale ahaan:
Toban daqiiqo ducayso,
dabadeed Qur’aan akhri,
haddana duco ku noqo,
markaas dikri samee,
haddana istiqfaar badi,
sidaasna maalintaada ku wada qaado.
Jadwal lagu taliyey maalinta Carafo
1. Akhriska Qur’aanka
Akhri ugu yaraan shan juz.
Ama ku celi Juzciga Camma ugu yaraan shan jeer haddii aanad Qur’aan badan xafidsanayn.
2. Istiqfaarka
Badi istiqfaarka.
Naftaada ugu yaraan ka dhig:
1000 jeer ama ka badan.
3. Salaadda Nabiga ﷺ
Badi inaad tiraahdo:
اللهم صل وسلم على نبينا محمد
Kana dhig:
1000 jeer ama ka badan.
4. Tahliilka
Badi inaad tiraahdo:
لا إله إلا الله وحده لا شريك له له الملك وله الحمد وهو على كل شيء قدير
Kana dhig:
1000 jeer ama ka badan.
5. Dikriga waaweyn
Badi inaad tiraahdo:
سبحان الله، والحمد لله، ولا إله إلا الله، والله أكبر
Kana dhig:
1000 jeer ama ka badan.
Ducada ay tahay inaan la illoobin
U ducee waalidkaa.
U ducee carruurtaada haddii aad carruur leedahay.
U ducee macallimiintaada iyo cid kasta oo kheyr kuu samaysay.
U ducee walaalahaaga iyo walaalahaa Muslimiinta ah.
U ducee qaraabadaada dhammaantood.
U ducee Muslimiinta iyo Muslimadaha guud ahaan.
Faa’iido Muhiim ah
Ha ka dhigin himiladaadu tiro keliya, balse ku dadaal:
qalbi joog,
khushuuc,
iyo inaad Alle si run ah ugu baahato.
Ducada ugu wanaagsan waa tan ka soo baxda qalbi jaban oo Alle rajaynaya naxariistiisa iyo dambi-dhaafkiisa.
Xigasho: Dr Maxamed Sh Cabdikariim
