26/08/2026
نحب نوضّح للأولياء مرة أخرى بخصوص الغياب: النادي غير مسؤول على غياب الطفل لأي سبب كان، سواء كان نوم، خرجة، بحر، عرس أو أي ظرف شخصي. أنا موجودة في مواعيدي، نوجد للحصص ونلتزم بالبرنامج، وحتى أنا حرمت روحي من برشا حاجات باش نكون موجودة ونقدّم الخدمة متاعي على أحسن وجه. لذلك، اللي يختار يغيب، يتحمّل مسؤولية غيابه. النظام واضح من البداية: تنجموا تختاروا الحضور بالحصة، والحصةب10 دينار، أو الاشتراك الشهري بـ60 دينار، وفي كل الحالات الغياب ما ينقصش من قيمة الاشتراك وما يتعوضش، خاطر أنا نخدم بالشهر وبالبرنامج، موش بعدد الحصص اللي حضرها الطفل. ما نجمش كل مرة نقعد نراعي غياب هذا وذاك ونعاود نحسب ونبدّل في الخلاص، خاطر هكاكة أنا زادة ما نجمش نخدم ونقدّم بالشكل المطلوب. لذلك نرجو منكم احترام النظام: أنا موجودة، والحصة موجودة، والغياب مسؤولية الولي والطفل، وما نتحملش مسؤولية الغياب
