09/07/2026
«باش تشري أرض؟ رد بالك يدخل بيناتكم سمسار!» ⚠️
يا جماعة، لازمنا نحكيو في مصيبة قاعدة تنخر في سوق العقارات في تونس وتغلي في الخبزة على الزوالي: فوضى السماسرة.
توة بربي عادي تلقى سمسار يدخل في بيعة أرض، كل ما يعمله إنه يهبط منشور (ستاتي) على الفيسبوك، والمصيبة يطلب ربح وعمولة قد صاحب الأرض اللي شقى وتعب عليها سنين ربي؟!
والمضحك المبكي، تلقاه يطالب بملايين زرقة وهو حتى «الكتيبة» وعقد البيع ما يعرفش يكتبه، والكلمة يكتبها بغلطتها! لا يفهم في قانون، لا يحمي حقوق، الفايدة عنده ياخذ تفتوفة من عند الشاري وتفتوفة من عند البايع ويغلي السوق على الناس الكل.
يا توانسة لازمنا نفيقوا:
يا صاحب الأرض: ما تخليش السمسار يبركلك على أرضك ويغلي سومها لين تبور وماد عاد يشريها حد.
يا شاري: ما تدفعش دم قلبك لواحد يبيعلك في الريح للمراكب.
شعارنا من اليوم: تعاملوا مباشرة «من الملاّك للشاري» وقطعوا الطريق على الاستغلال والتمكميك! ⛔
#تونس
