Նվագարան // Nvagaran

Home
United States
Los Angeles, CA
Նվագարան // Nvagaran

�Handcrafted Armenian frame drums.
�DM us for questions and pre-orders.
•
�Based in Los Angeles �

08/16/2026

«Արևածին»

Այս դափի գույները հենց բնական նյութերից են գալիս։ Թթենու ջերմ, ոսկեգույն երանգները համադրվում են դեղին արույրից պատրաստված արևաձև օղակների հետ։ Փայտն ու մետաղը՝ երկուսն էլ հողից ու արևից ծնված։

Թափանցիկ կաշին թույլ է տալիս, որ այդ ամենը շողա նաև առջևից։

Շրջագծով՝ դեղին գործվածք, Վանի խաչկարով։

Տրամագիծ՝ 35 սմ
Խորություն՝ 51 մմ
Քաշ՝ 747 գ
Շրջանակ՝ թթենի
Թաղանթ՝ թափանցիկ այծի կաշի
Գործվածք՝ դեղին/սև խաչկար
Օղակներ՝ ավանդական դասավորությամբ, դեղին արույրից
Տեղափոխելու պատյան՝ ներառված

🔗 www.nvagaran.com

08/12/2026

Կաշիների մեծ մասը մազը հեռացնելուց հետո կորցնում է իր անհատականությունը։

Այս մեկը՝ ոչ։

Մորթին հեռացվել է, կաշվի ստորին շերտերը՝ քերվել, մինչև մնացել է միայն բարակ թաղանթը։ Բացվել է մի պատկեր, որը կենդանի այծի վրա երբեք տեսանելի չէր՝ մազապարկերի ու գունանյութի հետքեր, մարմնի վրա մնացած արձանագրությունը այն տեղերի, որտեղ մազը ժամանակին աճել է կենդանի հյուսվածքից։

Դափի շրջանակի վրա ձգված ու չորացած՝
կենդանու մեջքը պահպանվում է մարմնից ավելի երկար,
իսկ նրա անատոմիան դառնում է թմբուկի բնավորությունը։

08/09/2026

Աշխատանքը կրկնվում է։ Արդյունքը՝ երբեք։

🔗 www.nvagaran.com

08/03/2026

Թառի վրա լադերը, ի տարբերություն շատ ժամանակակից լարային գործիքների, մետաղից չեն, այլ կապվում են վզին։ Դրա շնորհիվ զգալիորեն հեշտանում է դրանց տեղադրումը, կարգավորումն ու փոխարինումը։ Լադերը կարելի է ճշգրտորեն տեղադրել՝ ըստ տվյալ գործիքի չափերի և առանձնահատկությունների։ Կարելի է նաև ավելացնել լրացուցիչ լադեր՝ քառորդ տոների և այլ միկրոտոնային ինտերվալների համար։

Ավանդաբար լադերը կապվում էին աղիքաթելով, սակայն այսօր օգտագործվում է ձկնորսական թել՝ իր ամրության, միատեսակ հաստության և կայունության շնորհիվ։ 🎣

07/30/2026

Թառը, ի տարբերություն լարային շատ գործիքների, փայտե ձայնատախտակ չունի։ Դրա փոխարեն ձայնը ստեղծվում է գործիքի վրա ձգված երկու բարակ թաղանթների միջոցով։

Երբ լարերը տատանվում են, դրանց էներգիան կամրջակի միջոցով փոխանցվում է մեծ թաղանթին, որն իր հերթին շարժման մեջ է դնում գործիքի ներսի օդը, երկրորդ թաղանթը և արձագանքարանները։ Հենց այս կառուցվածքն է թառին տալիս նրա արագ արձագանքը, հստակ հարվածն ու յուրահատուկ հնչողությունը։ Ինչպես դափի դեպքում, խոնավության կամ թաղանթի ձգվածության նույնիսկ փոքր փոփոխությունները կարող են զգալիորեն փոխել գործիքի ձայնը։

Ավանդաբար թառի համար օգտագործվում է կովի կամ եզի սրտի🫀 շրջապատող պարկը։ Այն բնականորեն բարակ, միատեսակ և ամուր նյութ է, որը պահանջում է համեմատաբար քիչ մշակում և հեշտությամբ հասանելի է, քանի որ մսի մշակման ընթացքում սովորաբար չի օգտագործվում։ Հենց այս հատկությունների շնորհիվ այն դարեր շարունակ մնում է թառի ամենաբնորոշ առանձնահատկություններից մեկը:

07/29/2026

Թառի փոքր հենակի ակոսների ձևն ու ուղղվածությունը մեծ ազդեցություն ունեն՝

• Հեշտ լարման
• Լարվածքի պահպանման
• Ճիշտ ինտոնացիայի
• Բաց լարերի մաքուր և հնչեղ արձագանքի
• Փոքր հենակի մոտ հարմար նվագելու
• Լարերի երկարակեցության վրա

07/29/2026

What are these small holes drilled for? 👀

Address

Los Angeles, CA

Website

http://www.nvagaran.com/

Alerts

Be the first to know and let us send you an email when Նվագարան // Nvagaran posts news and promotions. Your email address will not be used for any other purpose, and you can unsubscribe at any time.