IAT

IAT Interestingly Amulets & Talismans (Sacred Object)

ဒီအဆောင်ကတော့ အကြမ်းလိုင်း ဆရာတော်လို့ လူသိများတဲ့ ခရူဘာယိုင် ရဟန်းဘဝက စီရင်ထားတဲ့ ပထမအသုတ် ကျားခေါင်းအဆောင်ဖြစ်ပါတယ်။ 🐅...
19/09/2026

ဒီအဆောင်ကတော့ အကြမ်းလိုင်း ဆရာတော်လို့ လူသိများတဲ့ ခရူဘာယိုင် ရဟန်းဘဝက စီရင်ထားတဲ့ ပထမအသုတ် ကျားခေါင်းအဆောင်ဖြစ်ပါတယ်။ 🐅 🏷️

အထူးသဖြင့် ဒီအဆောင်က ကော်မတီဝင်တွေအတွက် သီးသန့် စီရင်ထုတ်လုပ်ပေးခဲ့တဲ့ Titanium အမျိုးအစား ဖြစ်လို့ စုစုပေါင်းမှ (၂၉) ခုပဲ ရှိတဲ့ ရှားပါးတဲ့ limited version လေးပါ။ သူ့ရဲ့ ရောင်စဉ်ပြေး သတ္တုရောင် လန်းလန်းလေးက တကယ်လှပြီး အပြင်သွားလာရင်း ဆွဲထားရင်တောင် အဆောင်လို့မထင်ရဘဲ ဖြစ်နေမှာပါ 🌈💫

ဗူးထဲမှာလည်း ဆရာတော်ရဲ့သင်္ကန်းစနဲ့ ပရိတ်ကြိုးပါ ပါဝင်ပါသေးတယ်။ ဘေးအန္တရာယ်၊ အတိုက်အခိုက်နဲ့ Negative energy တွေကို ကာကွယ်ပေးပြီး မကြာခဏ ခရီးထွက်ရသူတွေ၊ အန္တရာယ်ကြား သွားလာနေရသူတွေ အဓိက ဆောင်ထားသင့်သလို၊ လူအများ လေးစားရတဲ့ ဩဇာအာဏာနဲ့ စီးပွားရေး ပြိုင်ဆိုင်မှုတွေမှာပါ အမြဲ အထက်စီး ရစေပါတယ်။ စတီးကြုပ်ထည့်ပြီးသားမို့လို့ အလွယ်တကူနဲ့ အဆင်ပြေပြေ တန်းပြီးဆွဲသွားလိုက်ယုံပါပဲ ⛓️✨

#ကျားခေါင်း #ကျားခေါင်းအဆောင် #ခူဘာယိုင်
#အကာအကွယ် #အာဏာာစက် #ကာယအဆောင်
#စိတ်ဝင်စားဖွယ်အဆောင်လက်ဖွဲ့များ

ထိုင်းနိုင်ငံရဲ့ နာမည်ကြီး ဆရာတော်ကြီး လုံဖော့ကွေရဲ့ အရမ်းကို လှပပြည့်စုံတဲ့ ခွန်ဖယ်တစ်ဆူ ဖြစ်ပါတယ်။ "ခွန်ဖယ် ခီဟုန်ဖိုင...
16/09/2026

ထိုင်းနိုင်ငံရဲ့ နာမည်ကြီး ဆရာတော်ကြီး လုံဖော့ကွေရဲ့ အရမ်းကို လှပပြည့်စုံတဲ့ ခွန်ဖယ်တစ်ဆူ ဖြစ်ပါတယ်။ "ခွန်ဖယ် ခီဟုန်ဖိုင် ကူမန် နားထေဝဒါ" လို့ ခေါ်ပါတယ်။

ပီယဆွဲဆောင်ညှို့ယူခြင်းအတွက် ချောမောလှပတဲ့ နတ်ဒေဝတာရုပ်သွင်၊ စီးပွားလာဘ်လာဘနဲ့ ကံကောင်းခြင်းအတွက် ကူမန်လေး၊ ဒါ့အပြင် မကောင်းသော အမှောင့်အတိုက်၊ အောက်လမ်းပြုစားခြင်းနဲ့ မကောင်းဆိုးဝါးတွေကို တိုက်ထုတ်ချေမှုန်းပေးဖို့ အောက်ခြေမှာ အရိုးခေါင်းကို စီးနင်းထားတဲ့ ဟန်ဖြစ်ပါတယ်။

ကြုပ်လှလှလေး ထည့်ပြီးသားမို့ လည်ပင်းမှာ ဆွဲထားရင် အဆင်ပြေပြေနဲ့ လှလှပပလေး ဖြစ်နေမှာ အသေချာပါပဲ။

#ခွန်ဖယ် #လုံဖော့ကွေ #ဖခွန်ဖယ်
#စိတ်ဝင်စားဖွယ်အဆောင်လက်ဖွဲ့များ

မြေလျှောက်နတ်သား သို့မဟုတ် လူပုစဝမ် 🙏🏻*****************************************ထိုင်းအဆောင်ဝါသနာရှင် အများစုကတော့ ဒီဆရာတ...
12/09/2026

မြေလျှောက်နတ်သား သို့မဟုတ် လူပုစဝမ် 🙏🏻
*****************************************
ထိုင်းအဆောင်ဝါသနာရှင် အများစုကတော့ ဒီဆရာတော်ကြီးရဲ့ ရုပ်ပုံနဲ့ အဆောင်တွေကို မြင်ဖူးကြပါလိမ့်မယ်။ ဒါကြောင့် စိတ်ဝင်စားစရာကောင်းတဲ့ လူပုစဝမ်ဆရာတော်ကြီးရဲ့အကြောင်းကို ရေးသားတင်ဆက်လိုက်ပါတယ်။

ထိုင်း-ကမ္ဘောဒီးယားနယ်စပ် အီစန်ဒေသတလျှောက် မှာ "လူ့ပြည်က နတ်တစ်ပါး" သို့ "မြေလျှောက်နတ်သား" လို့ အများက ကြည်ညိုမြတ်နိုးစွာ ခေါ်ဝေါ်ကြတဲ့ "လူပုစဝမ်"ဆရာတော်ကြီးဟာ ကမ္ဘောဒီးယားနိုင်ငံဖွား ခမင်လူမျိုး ဆရာတော်တစ်ပါး ဖြစ်ပါတယ်။ ရှေးခေတ် ခမင်နဲ့ ထိုင်းလောကီပညာရပ်ဆိုင်ရာ ရာဇဝင်တွေထဲမှာတော့ အဆန်းကြယ်ဆုံးနဲ့ အထင်ရှားဆုံး ပုဂ္ဂိုလ်တစ်ပါးလည်း ဖြစ်ပါတယ်။

ဆန်းကြယ်လှသော သမိုင်းကြောင်း 📜
ခမင်နွယ်ဖွားဖြစ်တယ်် ဆိုတာကလွဲလို့ ဆရာတော်ကြီးရဲ့ မွေးဖွားရာ ဇာတိနဲ့ အသက်အတိအကျကို ဘယ်သူမှ တိတိကျကျ မသိရှိကြပါဘူး။ နယ်စပ်ဒေသက ဒေသခံ မျိုးဆက် ၃ ဆက်မက (အဘိုး၊ အဖေ၊ မြေး) တို့ဟာ သူတို့ရဲ့ သက်တမ်းတစ်လျှောက်လုံးမှာ ဆရာတော်ကြီးရဲ့ ရုပ်သွင် အိုမင်းမသွားဘဲ ဒီပုံစံအတိုင်းပဲ တည်ရှိနေတာကို တွေ့မြင်ခဲ့ကြရပါတယ်။ ⏳ အီစန်၊ စိစကတ်၊ ပူလီလန်းဒေသတွေကိုမှာ လှည့်လည်သီတင်းသုံးလျက်ရှိပါတယ်။ သမိုင်းသုတေသီအချို့နဲ့ လောကီဆရာကြီးတွေကတော့ ခမင်စကားကိုပဲ အဓိက သုံးစွဲလေ့ရှိတဲ့ဆရာတော်ကြီးဟာ လွန်ခဲ့တဲ့ နှစ် ၅၀၀ ကျော် ခမင်အင်ပါယာခေတ်ကတည်းက သီတင်းသုံးလာခဲ့တဲ့ ဣစ္ဆာသယသိဒ္ဓိရှင်တစ်ပါး ဖြစ်တယ်လို့ ယုံကြည်ကြပါတယ်။ 🏛️

လောကီ သင်ခန်းစာ 🍃
ဆရာတော်ကြီးဟာ ကျောင်းတွေမှာ သီတင်းသုံးတော်မမူဘဲ လယ်ကွင်းတွေထဲက တဲအိုလေးတွေ၊ သစ်ပင်အောက်တွေမှာ သပိတ်တစ်လုံး၊ သင်္ကန်းတစ်ထည်နဲ့ ရိုးရှင်းစွာ နေထိုင်လေ့ရှိပါတယ်။ ဒကာ/ဒကာမတွေ လာရောက်လှူဒန်းတဲ့ ငွေကြေး၊ အဝတ်အထည်နဲ့ အဖိုးတန်ပစ္စည်းတွေကို ချက်ချင်း မီးရှို့ပစ်ခြင်း သို့မဟုတ် ရေထဲ၊ ရွှံ့ထဲပစ်ချပစ်လေ့ရှိပါတယ်။ ဒါဟာ လောကီဥစ္စာပစ္စည်းတွေရဲ့ မမြဲခြင်းတရားနဲ့ အစွဲအလမ်းကင်းဖို့ သင်ခန်းစာ ပေးခဲ့ခြင်းလည်း ဖြစ်ပါတယ်။

ထင်ရှားသော ဆန်းကြယ်ဖြစ်ရပ်များ 🔮
ဆရာတော်ကြီးဟာ နေရာတစ်ခုမှ တစ်ခုသို့ ခဏချင်း ရောက်ရှိနိုင်ခြင်းနှင့် တစ်ချိန်တည်းမှာ နေရာများစွာ၌ ပြိုင်တူ ပေါ်ပေါက်နိုင်ခြင်း။ ⚡

ဆရာတော်ကြီး ရေးခြစ်ပေးလိုက်တဲ့ ကိန်းဂဏန်းများ သို့မဟုတ် သင်္ကေတများမှတစ်ဆင့် ဒကာ/ဒကာမများ စီးပွားရေး တဟုန်ထိုး တက်ခြင်းနှင့် ထီဆုကြီးများ ပုံမှန် ပေါက်ကြခြင်း၊ 6သနတ်၊ ဓား၊ -က်နက်၊ မီးနှင့် သဘာဝဘေးအန္တရာယ်များမှ အံ့ဩဖွယ် ကာကွယ်ပေးနိုင်ခြင်း။

ထင်ရှားလှသော အဆောင်လက်ဖွဲ့များ 📿
နာမည်ကြီး ရွှံ‌‌စေးခွန်ဖယ်၊ ဖပိတာ၊ အင်းဓား၊ ငန်းနဲ့ အင်းပုဝါအပြင် အခြားနာမည်ကြီး အဆောင်များစွာကိုလည်း ဆရာတော်ကြီးကိုယ်တိုင် စီရင်ခဲ့ပါတယ်။

ပျံလွန်တော်မူခြင်းနှင့် ကိန်းဝပ်တော်မူရာ 🛕
ဆရာတော်ကြီးဟာ ၂၀၀၀ ပြည့်နှစ်၊ စက်တင်ဘာလ ၈ ရက်နေ့မှာ ခန္ဓာဝန်ချ ပျံလွန်တော်မူခဲ့ပါတယ်။ သို့သော် ဆရာတော်ကြီးရဲ့ ရုပ်ကလာပ်တော်မှာ ယနေ့ထက်တိုင် ပုပ်သိုးခြင်းမရှိဘဲ မူလအတိုင်းတည်ရှိနေတာလည်း ဖြစ်ပါတယ်။ ယခုအခါ ထိုင်းနိုင်ငံ၊ စိစကတ်ဒေသ၊ ဝပ်ဖိုင်ဖါ့တနာကျောင်းတိုက်က မှန်ခေါင်းအတွင်းမှာ အပူဇော်ခံထားလျက်ရှိပြီး ထိုင်း၊ ကမ္ဘောဒီးယားနဲ့ ကမ္ဘာတစ်ဝန်းမှ ယုံကြည်ကိုးကွယ်သူများ နေ့စဉ်မပြတ် လာရောက်ဖူးမြော် ဆုတောင်းလျက် ရှိကြပါတယ်ဗျာ။ 🙏

(စာသားများကို ကူးယူခြင်းမပြုဘဲ share လိုပါကလွတ်လပ်စွာ share နိုင်ကြပါတယ်ဗျာ)

#လူပုစဝမ် #မြေလျှောက်နတ်သား
#စိတ်ဝင်စားဖွယ်အဆောင်လက်ဖွဲ့များ

အခုဆိုရင် ထိုင်းက စားပွဲတင်ဆရာတော်အကြောင်းကို တော်တော်များများ သိပြီးလောက်ကြပါပြီ။ ဒီသမိုင်းဝင်စားပွဲကြီးက‌နေ ရလာတဲ့သစ်သ...
11/09/2026

အခုဆိုရင် ထိုင်းက စားပွဲတင်ဆရာတော်အကြောင်းကို တော်တော်များများ သိပြီးလောက်ကြပါပြီ။ ဒီသမိုင်းဝင်စားပွဲကြီးက‌နေ ရလာတဲ့သစ်သားနဲ့ ပီယအပွင့်အဆောင်လေးတွေစီရင်ပါမယ်။ အရေအတွက်နည်းနည်းပဲရမှာမို့ လိုချင်သူများ ကွန်မန့်မှာ "ပွင့်ချင်တယ်" လို့မန့်ခဲ့ပါ။ 🤧

#ပွင့်ပြီးမှကျေးဇူးတင်ပါ 🥴🥴🥴 Just for fun

#စိတ်ဝင်စားဖွယ်အဆောင်လက်ဖွဲ့များ

ဟာနုမန်စံမလိဒင်္ဂါးအဆောင်***************************ထိုင်းအဆောင်လောကမှာတော့ 'မျောက်မြို့တော်' လို့ ကြားလိုက်တာနဲ့ ရာမဇာတ...
10/09/2026

ဟာနုမန်စံမလိဒင်္ဂါးအဆောင်
***************************
ထိုင်းအဆောင်လောကမှာတော့ 'မျောက်မြို့တော်' လို့ ကြားလိုက်တာနဲ့ ရာမဇာတ်တော်လာ ဟာနုမာန်စစ်သူကြီးရဲ့ ပိုင်နက်ဖြစ်တဲ့ လွပ်ပူလီ(Lopburi)မြို့ကို တန်းပြီး ပြေးမြင်ကြမှာပါ။ ဒီမြို့ကို တည်ထောင်ခဲ့တဲ့ နာလိုင်မဟာရာဇာမင်းကြီး ကိုယ်တိုင်ကလည်း 'မျောက်နှစ်ဖွား' တစ်ပါးဖြစ်သလို၊ ရာမမင်းဆီကနေ ဟာနုမာန်ဆုအဖြစ် ရရှိခဲ့တဲ့ သမိုင်းဝင်နယ်မြေလည်း ဖြစ်ပါတယ်။

၂၀၁၆ ခုနှစ် (ထိုင်းသက္ကရာဇ် ၂၅၅၉) မျောက်နှစ်တုန်းက လွပ်ပူလီမြို့၊ သမိုင်းဝင် နာလိုင်မဟာရာဇာ ရုပ်တုအဝိုင်းမှာ ထိုင်းနိုင်ငံရဲ့ နာမည်ကြီး ဆရာတော်ကြီးများ စုံလင်စွာနဲ့ ဟာနုမာန်စံမလိဒင်္ဂါးကို အမြင့် ၂.၄၉ မီတာရှိတဲ့ ဟာနုမာန်ရုပ်တုကြီးနဲ့အတူ သွန်းလောင်းစီရင်ခဲ့ပါတယ်။

လောကီပညာအရ ဟာနုမာန်ဆိုတာ မဖြစ်နိုင်တာကို ဖြစ်အောင်လုပ်ဆောင်နိုင်စွမ်း နဲ့ ခက်ခဲလှတဲ့ အတားအဆီးတွေကို အောင်မြင်စွာ ကျော်ဖြတ်နိုင်တဲ့ အစွမ်းသတ္တိကို ကိုယ်စားပြုပါတယ်။ လုပ်ငန်းခွင်မှာ အပြိုင်အဆိုင် များသူတွေ၊ ခက်ခဲတဲ့ စိန်ခေါ်မှုတွေကို ရင်ဆိုင်နေရသူတွေနဲ့ အခက်အခဲတွေကို လျှင်မြန်စွာ ကျော်လွှားချင်သူတွေအတွက် အလွန်အစွမ်းထက်တဲ့ အဆောင်တစ်ခုပါပဲ။

ဒီအဆောင်ဟာ ဘယ်သူမဆို ဆောင်ထားလို့ ရပေမဲ့ မျောက်မြို့တော်ရဲ့ ဓာတ်၊ ဟာနုမာန်ဟိတ်နဲ့ တိုက်ရိုက်ဆုံတဲ့ 'မျောက်နှစ်ဖွား' တွေအတွက်တော့ ဓာတ်တူကံတူ ပိုပြီး အကျိုးပေး ထက်မြက်စေပါတယ်။

🐒 မျောက်နှစ်ဖွားများ စစ်ဆေးရန် ခရစ်နှစ်များ -
• 1932 | 1944 | 1956 | 1968 | 1980
• 1992 | 2004 | 2016 | 2028
(မှတ်ချက် - သင်္ကြန်အပြီး မွေးဖွားသူများသာ ယခုနှစ်များတွင် အကျုံးဝင်ပါသည်။)

မိမိရဲ့လုပ်ငန်းဆောင်တာမှန်သမျှ ဟာနုမာန်လို လျှင်မြန်၊ ကျွမ်းကျင်၊ အောင်မြင်ချင်သူတွေအတွက် သိဒ္ဓိပြည့်ဝတဲ့ အဆောင်ကောင်းတစ်ခုဖြစ်ကြောင်း ဗဟုသုတအဖြစ် ဝေမျှပေးလိုက်ပါတယ်။ ✨

#ဟာနုမာန် #လွပ်ပူလီ
#စိတ်ဝင်စားဖွယ်အဆောင်လက်ဖွဲ့များ

ဖပိတာဖန်ပီ (လုံဖော့စဝန်)***********************ဒီဖပိတာကို နှစ်တစ်ထောင်ဖပိတာလို့ ခေါ်ဆိုပြီး နှစ်တစ်ထောင်သက်တမ်းရှိတဲ့ ပါ...
08/09/2026

ဖပိတာဖန်ပီ (လုံဖော့စဝန်)
***********************
ဒီဖပိတာကို နှစ်တစ်ထောင်ဖပိတာလို့ ခေါ်ဆိုပြီး နှစ်တစ်ထောင်သက်တမ်းရှိတဲ့ ပါဝင်ပစ္စည်းတွေကိုထည့်သွင်းစီရင်ထားလို့ ဒီနာမည်ပေးခြင်းဖြစ်ပါတယ်။ ရှေးဟောင်းဂူ၊ ကျောင်းတွေကနေတူးဖော်ရရှိခဲ့‌တဲ့ မြေအိုးတွေ၊ ပေစာ အင်းတောင့်တွေ၊ သစ်စေးတွေ၊ ကျောက်ဖြစ်ရုပ်ကြွင်း ဆင်စွယ်အမှုန့်တွေ စသဖြင့် ရှေးဟောင်းပါဝင်ပစ္စည်း (မွမ်းစံဘိုလန်)တွေကို ထည့်သွင်းစီရင်ထားတာဖြစ်ပါတယ်။ ထိုင်းလို ပစုံကန်ခေါ် အတွေ့အကြုံရှိပြီးသားအပါးတွေဖြစ်ပါတယ်။ ကားမတော်တဆဖြစ်မှုတစ်ခုမှာ ကားတစ်စီးလုံးကြေမွသွားပေမယ့် ဒီအဆောင်ဆွဲထားတဲ့ ကားမောင်းသမားက ဘာမှမဖြစ်ဘူးဆိုတဲ့အတွေ့အကြုံကောင်းတွေလည်း ရှိပါတယ်။ အကြမ်းလိုင်းဆရာတော်ကြီး လုံးဖော့စဝန်စီရင်ထားလို့ ထွေထွေထူးထူးညွှန်းစရာမလိုတဲ့အဆောင်ဖြစ်ပါတယ်။ အဆောင်ရဲ့အရှေ့မှာ ကျောက်တလုံးပါပြီးတော့ အောက်ခြေမှာအင်တောင့်တစ်ထောင့်ပါပါတယ်။ အဆောင်ရဲ့ နံပတ်က ၅၀ ဖြစ်ပါတယ်။

#ဖပိတာ #လုံဖော့စဝန်
#စိတ်ဝင်စားဖွယ်အဆောင်လက်ဖွဲ့များ

ငန်းတာဒင် (ကြေးနီ)******************ငန်းတာဒင်ဆိုတာလူကြိုက်များတဲ့ ငန်းအမျိုးအစားဖြစ်လို့ ငန်းဝါသနာရှင်တော်တော်များများ‌ဆ...
06/09/2026

ငန်းတာဒင် (ကြေးနီ)
******************
ငန်းတာဒင်ဆိုတာလူကြိုက်များတဲ့ ငန်းအမျိုးအစားဖြစ်လို့ ငန်းဝါသနာရှင်တော်တော်များများ‌ဆောင်ဖူးလေ့ရှိပါတယ်။ သူ့ကို လူငယ်/လူရွယ်တွေကတော့ အချစ်ရေးအတွက် ဆောင်ကြသလို အရောင်းအဝယ်သမားတွေ၊ စီးပွားရေးသမားတွေကလည်း မြန်မြန်ဆန်ဆန်ကူညီလေ့ရှိလို့ လူကြိုက်များတဲ့ ငန်းလည်းဖြစ်ပါတယ်။ ပိုင်ရှင်ကိုခင်တွယ်လာရင် တရားတာ/မတရားတာမကြည့်ပဲ ပိုင်ရှင်ဖြစ်ချင်တာကို တတ်နိုင်သလောက်ကူညီပေးတတ်ကြပါတယ်။

#ငန်း #ငန်းတာဒင် #ကြေးနီ
#စိတ်ဝင်စားဖွယ်အဆောင်လက်ဖွဲ့များ

ငန်းတာပွန်ထာလစ်နိမ် (သို့) ငန်းရန်ရာကယ်ယူး******************************************ဒီငန်းရဲ့ဇာတ်လမ်းကို ကြားဖူတာ ကြာပါပ...
01/09/2026

ငန်းတာပွန်ထာလစ်နိမ် (သို့) ငန်းရန်ရာကယ်ယူး
******************************************
ဒီငန်းရဲ့ဇာတ်လမ်းကို ကြားဖူတာ ကြာပါပြီ။ ဟိုးအရင်က ဒီငန်းကို ပိုင်ခဲ့တဲ့သူဟာ မိန်းမအရမ်းပွေ၊ အရမ်းရှုပ်ခဲ့တာပါ။ သူ့မှာမိန်းမရှိရက်နဲ့ ငန်းအစွမ်းနဲ့ မိန်းမတွေတစ်ယောက်ပြီးတစ်ယောက် ရှုပ်ခဲ့တာပေါ့။ နောက်တော့ မယားကြီးဖြစ်သူက ရိပ်မိသွားတော့ ဒေါသထွက်ပြီး ဒီငန်းကို ဓားနဲ့အားကုန်ခုတ်ချလိုက်သလို၊ အချွန်တွေနဲ့ပါ အထပ်ထပ်ထိုးပစ်လိုက်တာ ပုံမှာကြည့်လိုက်ရင်လည်း ဝမ်းဗိုက်နားမှာ ဓားနဲ့ ခုတ်ထားလို့ ပြတ်ထွက်နေတဲ့ အရာကြီး နက်နက်ရှိုင်းရှိုင်းကျန်ခဲ့တာကို တွေ့ရပါလိမ့်မယ်။ ဒါနဲ့တောင် ဒီငန်းရဲ့အရှိန်ကမသေတာမို့ မယားကြီးက အဆောင်သမားတယောက်ကိုပြပြီး စွန့်ခိုင်းလိုက်တာကနေ ဇာတ်လမ်းပြတ်သွားခဲ့တာပါ။ အဲဒီနောက်ပိုင်း ဒီငန်းရဲ့ သတင်းအစအနပျောက်နေခဲ့ရာကနေ မကြာသေးခင်ကမှ ပြန်မျှမယ်ဆိုတာသိလိုက်လို့ သူများတွေနဲ့ အပြိုင်လုလာခဲ့တာ ဖြစ်ပါတယ်။ နောက်ပြီး ဒီငန်းရဲ့အောက်ခြေအပေါက်ထဲမှာ "စီဖူး" လို့ခေါ်တဲ့ ပီယဖယောင်းအဆီ ထည့်သွင်းထားတာကိုလည်း မြင်ရမှာပါ။ ဒါဟာ မဟာစနေ ခေါ် ပီယဆွဲဆောင်မှုနဲ့ လာဘ်လာဘကို အားထည့်ထားတယ်ဆိုတာ သေချာနေပါတယ်။ ဓားရာတွေ၊ ဆူးရာတွေ ကြမ်းကြမ်းတမ်းတမ်း ကျန်ခဲ့ပေမဲ့... သူ့ရဲ့ ဆွဲဆောင်နိုင်စွမ်းနဲ့ ဆန်းကြယ်နေဆဲပါပဲ။

ဒီကန်အမျိုးအစားဟာ ငန်းတာပွန်ထဲကဖြစ်ပြီး မျက်နှာပြုံးရွှင်နေတဲ့ ငန်းတစ်မျိုးပါ။ ခမင်ငန်းအမျိုးအစားဖြစ်ပါတယ်။ ငန်းရန်ရာကယ်ယူးလို့ ဒီမှာခေါ်ကြသလို ငန်းရဲ့ပလ္လင်ကစာလုံးလေးက ထိုင်းဘာသာနဲ့ No.1 စာလုံးနဲ့မို့လို့လည်း ထာလစ်နိမ်လို့ခေါ်ကြပါတယ်။ ဘယ်လိုပဲခေါ်ခေါ်သူ့ရဲ့မျက်မှာကိုကြည့်လိုက်ရင်ပဲ ပြုံးရွှင်နေတဲ့ vibe ကိုရတဲ့ ဖိုးပြုံးချိုငန်းလေးပါပဲ။ သူ့ကိုဆောင်တဲ့သူကိုလည်း ပျော်ရွှင်စေနိုင်တဲ့ငန်း‌ပါပဲ။ သူ့ကိုဆောင်ထားရင် မျက်နှာပွင့် စန်းပွင့်ပြီး အကာအကွယ်လည်းကောင်းတဲ့ငန်းဖြစ်ပါတယ်။ ဒီငန်းမျိုးကိုအရင်ကလည်းရခဲ့ဖူးပြီး မျက်နှာပွင့်ပီယနဲ့ လာဘ်လာဘရွှင်တယ်ဆိုတာကတော့ feedback တွေအရသိရှိခဲ့ပါတယ်။ ‌အခုနောက်ပိုင်း ဒါမျိုးငန်းအစစ်တွေရှားသွားပြီး ရှာရလည်းခက်လာပါပြီ။

(ငန်းအဆောင်ဝါသနာရှင်များ မည်သည့်နေရာမှဖြစ်စေ ငန်းအစစ်များကိုသာ ပူဇော်နိုင်ကြပါစေ🙏)

#ငန်း #ငန်းတာပွန် #ငန်းရန်ရာကယ်ယူး #ငန်းတာပွန်ထာလစ်နိမ် #ငန်းလစ်နိမ်
#ပီယ #ကာယ #လာဘ
#စိတ်ဝင်စားဖွယ်အဆောင်လက်ဖွဲ့များ

Edit: Sold outနုမလား? ကြမ်းမလား? တောဝက်စွယ် 🐗 နဲ့ ကျား 🐅 #စိတ်ဝင်စားဖွယ်အဆောင်လက်ဖွဲ့များ
31/08/2026

Edit: Sold out

နုမလား? ကြမ်းမလား? တောဝက်စွယ် 🐗 နဲ့ ကျား 🐅

#စိတ်ဝင်စားဖွယ်အဆောင်လက်ဖွဲ့များ

Address

Hanoi

Website

Alerts

Be the first to know and let us send you an email when IAT posts news and promotions. Your email address will not be used for any other purpose, and you can unsubscribe at any time.

Shortcuts

Share