07/07/2026
Komunikatë
Të nderuar,
Pas vendimit të Gjykatës Supreme për shfuqizimin e pjesshëm të Rregullores për organizimin dhe shfrytëzimin e parkingjeve, N.P.L. "Prishtina Parking" Sh.A. ka rifilluar operimin e saj të rregullt më 10 shtator 2025, duke vazhduar ofrimin e shërbimeve për qytetarët.
Pezullimi i aktivitetit për një periudhë të caktuar ka ndikuar drejtpërdrejt në gjendjen financiare të Ndërmarrjes, duke shkaktuar vështirësi në realizimin e të hyrave dhe, si pasojë, krijimin e obligimeve financiare.
Për shkak të kësaj situate, ka pasur vonesë në ekzekutimin e pagave të punëtorëve. Megjithatë, ju njoftojmë se pagat e punëtorëve të Ndërmarrjes do të ekzekutohen pjesërisht gjatë ditës së sotme. Ndërsa, pjesa e mbetur do të ekzekutohet gjatë ditëve në vijim.
Ndërmarrja mbetet e përkushtuar në stabilizimin e gjendjes financiare dhe vazhdimin e ofrimit të shërbimeve cilësore për qytetarët.
Me respekt,
N.P.L.”Prishtina Parking” Sh.A.
