Monada Choco

Monada Choco شوكولاتة مصنوعة بحب، لتصنع لحظاتكم الحلوة🤎🤎🍫.

في شوكولاتة عادية وفي Monada Choco 😋🤎🍫
26/06/2026

في شوكولاتة عادية وفي Monada Choco
😋🤎🍫

مونادا شوكو تتمنى لكم عام هجري سعيد🤎🍫بتخفيض 20%لأي طلب😍
15/06/2026

مونادا شوكو تتمنى لكم عام هجري سعيد🤎🍫
بتخفيض 20%لأي طلب😍

21/05/2026

نحن لا ننتج ضيافة تقليدية، بل نصنع تفاصيل تليق بفخامة مجالسكم وتجملكم قدام ضيوفكم..
سيتم إغلاق إستقبال طلبات العيد في اليومين القادمة🤎🍫

ملاحظة: التوصيل مجاني للأماكن القريبة.
المقطع بيد الفنانة: هديل خالد الكبسي

الصحون اللي تشوفوها في الصور مش مجرد ضيافة عادية، هذه قطع فنية صُنعت يدوياً حبة حبة، وبنفس طويل، عشان تضفي هيبة وفخامة ع...
19/05/2026

الصحون اللي تشوفوها في الصور مش مجرد ضيافة عادية، هذه قطع فنية صُنعت يدوياً حبة حبة، وبنفس طويل، عشان تضفي هيبة وفخامة على مجالسكم وتكون هي "حديث العيد".
الكل يعرف إن العين تأكل قبل الفم، وهذا اللمعان والإتقان الذي يبيض الوجه قدام ضيوفكم، خلفه ساعات طويلة من التركيز والشغل اليدوي الدقيق اللي ما يقبل الاستعجال أو الكرف في اللحظات الأخيرة.
*ولأننا نحترم جودة شغلنا، ونشتي كل زبون يوصله صحنه بنفس هذه الفخامة والدقة:
نود تذكيركم إننا على وشك إغلاق إستقبال طلبات لموسم عيد الأضحى.
الحقوا الحجز الصحون محدودة😂
وبمجرد اكتمالها سنكتفي بالعدد الحالي ونتفرغ للتنفيذ والإبداع، عشان نضمن إن ضيافتكم تخرج بالشكل اللي يستاهلكم ويذهل ضيوفكم.🤎🍫
إذا كنتم من الأشخاص الذين يبحثون عن التميز، لا تؤجلوا قراركم واحجزوا الآن
عبر صفحتنا أو عبر رابط الواتس اب في أول تعليق

بعض آراء عملائنا الكرام، نعدكم بتقديم الأفضل.الذي ماقد لحق يلحق.. الحجز محدود🤎🍫
11/05/2026

بعض آراء عملائنا الكرام، نعدكم بتقديم الأفضل.
الذي ماقد لحق يلحق.. الحجز محدود🤎🍫

سلام يا حبايبعيد الأضحى معروف بـ "اللحمة" والوجبات الدسمة.. بس صدقوني، ما بش حاجة عتكسر هذه الدسومة وتعدّل المزاج وتجملك...
08/05/2026

سلام يا حبايب
عيد الأضحى معروف بـ "اللحمة" والوجبات الدسمة.. بس صدقوني، ما بش حاجة عتكسر هذه الدسومة وتعدّل المزاج وتجملكم قدام الضيوف إلا شوكولاتة فاخرة من " MonadaChoco "!🌚
في عيد الفطر، ناس كثير "سَوّفوا" وتأخروا، وراحت عليهم الطلبيات
وغلقنا باب الحجوزات على أيديهم😂 وجلسوا يشوفوا صور زبائننا بحسرة..
وعشان ما يرجع نفس المشهد الحزين، وتكون ضيافتكم في عيد الأضحى هي التحفة اللي يتحدث عنها الجميع..
بدأنا بإستقبال حجوزاتكم من الآن..
ليش بنحجز من ذلحين؟
لأن شغلنا يدوي حبة حبة، وما نرضى نخرج أي طلبية إلا وهي "تبيّض الوجه" طعماً وشكلاً. والعدد دائماً محدود لأننا نهتم بالكيف مش بالكم.
الفرصة ذلحين بين يدكم:
الذي فاته القطار في عيد لفطر يلحق يحجز مكانه في عيد الأضحى..
احجزوا بدري عشان تضمنوا إن ضيوفكم بعد اللحمة يحلّوا بحاجة فنية تنسيهم حتى أسماءهم😁
اضمنوا ضيافتكم واحجزوا الآن عبر صفحتنا أو عبر الرقم:
https://wa.me/770913410

لا تكونوا من أصحاب "ليلة العيد نسينا".. احجزوا وخلوا الباقي علينا🤎🍫

الورد في صنعاء نهايته معروفة..اما ييبس فوق التلفزيون، أو يلعبوا به الجهال ويوقع "فتات" في الصالة! لو "الحكومة" في البيت ...
11/04/2026

الورد في صنعاء نهايته معروفة..
اما ييبس فوق التلفزيون، أو يلعبوا به الجهال ويوقع "فتات" في الصالة!
لو "الحكومة" في البيت قالبه وجهها، والجو مكهرب، لا تسير تشتري باقة ورد بسبعتعشر ألف من ذيّك المحل الذي كلكم تعرفوه وتجي وهي بتقول لك: " يا عبده لو كان خليتها مصروفنا تيه اليومين كان أحسن"
خليك ذوّاق واصدمها بباقة شوكولاتة "مونادا"
ورد يجنن ويبيّض وجهك، يخليها تصور استوريات وتقهر الذي ما بيرتاحينش لها كلهن وتتجمل منك شهرين متتاليين..
شوكولاتة حالية تذوب في القلب قبل الفم، تنسيها حتى ليش كانت قالبه صورتها عليك😆
وبعدين الورد يشتي ماء واهتمام، وشوكولاتة "مونادا" تشتي كتلي شاهي وجلسة هادئة يعني فهنة وراحة بال في نفس الوقت..
نصيحة من "خبير نكد":
المرأة إذا جوعت تقرح فيوزاتها، وإذا أكلت شوكولاتة سبرت طبيعتها.
ادخل بـ "مونادا" وقول لها: "هذا الورد اللي يستاهل فمّش الحالي"
اضحك عليها بكلمتين وهي عتصدق وتنسى كل شي وابسر كيف عيتحول هذا كله ويرجع ضحك..
ولو تشتي تضحك عليها أكثر من هكذا قول لها: "مابش ورد يأكل ورد يا روحي"
وازرطهن عليها وقمت تخزن😂😂😂🤎

عيدكم مبارك وكل سنة وأنتم بألف خير وصحة وسلامة مؤخراً!هذه الصورة اللي تشوفوها هي "الدفعة الأخيرة" من تُحف ( Monada Choco...
21/03/2026

عيدكم مبارك وكل سنة وأنتم بألف خير وصحة وسلامة مؤخراً!
هذه الصورة اللي تشوفوها هي "الدفعة الأخيرة" من تُحف ( Monada Choco ) اللي خرجت من تحت يدنا ليلة العيد.. كنا في سباق مع الزمن عشان نلحق نجهز كل الطلبات ونوصلها لكل بيت قبل ما تشرق شمس العيد..
الزحمة والكرف في التوصيل والتجهيز لآخر لحظة ما خلّت لنا وقت حتى نفتح التلفون ونصور لكم صورة ضخمة، بس أهم شيء عندنا إن كل "علبة" وصلت لصاحبها وجمّلته قدام ضيوفه بالشكل الذي يستاهله.
الآن.. الدور عليكم يا "جيش مونادا المحظوظين":
بما انكم عيّدتوا وذقتوا الطعم الخرافي، نشتي نشوف إبداعاتكم في التصوير! 📸
ورونا صور الشوكولاتة وهي "متشخّصة" في صحون العيد عندكم.
احكوا لنا في التعليقات: كيف كانت ردة فعل الضيوف لما شافوا "التحفة الفنية" هذه؟😉
التعليقات ملككم.. شاركونا صوركم وأجواءكم، وخلونا نفخر ان شغلنا كان جزء من فرحتكم! 🤎🍫.

يا جماعة العيد قرّب، والكل يدور حاجة تبيّض الوجه قدام الضيوف. في ( Monada Choco ) احنا بنجهز لكم "شوكولاتة فاخرة" شغل يد...
08/03/2026

يا جماعة العيد قرّب، والكل يدور حاجة تبيّض الوجه قدام الضيوف. في ( Monada Choco ) احنا بنجهز لكم "شوكولاتة فاخرة" شغل يدوي وبكل حُب، مش من هذاك الصيني أبو 1500 الذي يفتحها الضيف يقحص نصها ويرجم النص الثاني😂
احنا في مشروعنا المنزلي هذا بنهتم بكل حبة، نخلي جعالة العيد حقكم "تحفة فنية" تخلي الضيوف ينسوا يسألوك "ايحين عتتزوج/ي؟" ويركزوا بس في الطعم الخرافي.
وعلى سيرة "النوم في العسل":
احنا نعرفكم كسلين كل يوم تواعدوا انفسكم بهذا الكلام "ذلحين عنحجز"، "بكرة الصبح بنكلمهم".. داريين إنكم ما عتصحوا إلا والناس لبسوا ملابسهم وبيتعطروا للعيد🌚
وعشان هذا وبسبب زحمة الطلبات وهجوم "المسوّفين"، قررنا نمدد فترة الحجز لغاية 25 رمضان.
خلوا هذا الكلام في رؤوسكم:
بعد يوم 25 رمضان، عنغلق التلفونات ونعمل نفسنا ميتين.😂
لحد يجي ليلة العيد ويحلف أيمان انو نسي، ويقول "إحنا زبائنكم ومدري ايش"، لأن الرد عيكون: "عيدكم مبارك.. وكلوا كعك سادة!"
😂😂😂🤎

⚠️ تحذير: هذا "البوكس" للذي قلبه حديد وجيبه دافي! 🍫🔥يا جماعة احنا في " Monada Choco " قررنا انو ما عاد بش لعب لا هنا ويك...
01/03/2026

⚠️ تحذير: هذا "البوكس" للذي قلبه حديد وجيبه دافي! 🍫🔥

يا جماعة احنا في " Monada Choco " قررنا انو ما عاد بش لعب لا هنا ويكفي.. هذا مش مجرد "بوكس" شوكولاتة، هذا "هجوم مسلّح" على الدايت والبرستيج!
أبسروا الفخامة.. أبسروا كيف الشوكولاتة جالسة "تتثيّقل" داخل البوكس ساع الذي بتقول لك : "لو أنت شنب، جرب حبة واحدة وأتحداك ما تخلّصش البوكس كامل!" .

ليش هذا البوكس "ضخم"؟
- لأنه يخلي الضيوف ينسوا ليش جو عندك، ويجلسوا يصوروا البوكس.
- لأنه يرفع هرمون السعادة لدرجة تخليك تسامح حتى اللي تسلف منك زلط قبل ستعشر سنة وما رجع لك الزلط😂

سؤال للذي عندهم "نفس أمارة بالشوكولاتة": 🧐
لو نطرح هذا "البوكس الملكي" قدامك وأنت لحالك.. كم ثانية عيجلس صامد قبل ما يختفي أثره ويتحول لذكرى جميلة في معدتك؟

- ثانيتين (هجوم خاطف).
- دقيقة (لأني عد اجلس أصور وأتأمل الإبداع).
- ما بيوصل للبيت أصلاً (عد اكله في الطريق)!.

Address

اليمن صنعاء
صنعاء

Telephone

+967770913410

Website

Alerts

Be the first to know and let us send you an email when Monada Choco posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Monada Choco:

Shortcuts

Share

Category