03/05/2023
Die gedig het ek ek geskryf om hulde te bring aan een van my buurvroue hier in ons straat, sy't n pragtige tuin vol vetties.
Ria se tuin
Skrywer: Chantel Vergotine
Haar versameling vetplante
gryp almal se verbeelding aan.
Sommige se blare rooi soos die middernagmaan.
So staan hulle en pronk
in haar tuin.
Die ander plante lyk
baie verleë
wanneer sy die vetplante
al haar aandag gee.
Hulle skitter in haar afwesigheid
en die kleure skree luid
sodat almal vir hulle
kan kom kyk.
Hulle roep die voëltjies om
hulle stroop te kom drink
en daarvan vir die bye te skink.
Hulle saadjies word vrywillig versprei,
want op die wind se rug
kan hulle ry.
