14/05/2026
✨️✨️✨️قصتي مع الخبز ... ✨️✨️✨️
خلقت بعيلة و مجتمع فيه مهارات متعددة و بالنسبة الي كانت هو العادي.
لما بلشت اول شغل رسمي، خارج نطاق الواجبات او المفروض او الطبيعي ...بلشت لصابون الطبيعي
حضرت وصفة اساسية بعدها مياات الوصفات
و مع الزمن عرفت و اتعرفت عحالي اكتر ...
و فهمت اني ما بقدر اخد وصفة معينة( سواء اكل او اي مهارة تانيه) واطبقها بحذافيرها حتى لو كانت نتيجتها perfect!
و منها عرفت انه هادي انا.... الي بتعلم و بتنور يمين يسار وكل الاتجاهات بس بالنهاية بخلق توليفتي بضيف بصمتي لمستي ...
و عسيرة الخلق، كلمة "خلق" خوفونا منها كتير ...
واوهمونا عدم قدرتنا وانه مين احنا لنخلق.
فرصة هون لنتفكر شوي نتامل ....
الله الخالق الاعظم ، خلقنا واوجدنا نفحة من روحه ووضع فينا كل القوه والابداع وطاقات الخلق و اكثر. ازا طالب منا اشي 》》بده منا نعبر عن روحنا و عن ذاتنا بتجسيد الخلق اللي جواتنا...مين اللي خوفنا، او نساننا او شككنا بقدراتنا، مين اللي زعزع قوة الخلق اللي فينا..
فرصة نتفكر ونتذكر و نحرر حالنا منمعتقدات قيود افكار تبنيناها و سمحنالها تتغلغل فينا و تنسينا لشو روحنا اجت عالارض ، و الهتنا و تعبتنا....
اجا الوقت لنخلع كل هالقيود و نشيل هالطبقات
لا ننسى الله الخالق الأعظم وضع فينا القوة القدرة و كل السحر والابداااااع....
و خبزتي حاليا تم تطويرها وعمل اضافات الها
دمج الماضي العتيق الأصلي مع الرغيف المنمق. اضافة نكهات ومطيبات متميزة لخليط متميز.....
و في ثنايا العشق لخبزة مقدسة ، اتحد فيها الخلق والتمازج ، الرقصة واللحن و النغمة و الانفاس،،،
وهي قصة، رواية. حكاية، حلم في رحلة لا تنتهي ...
في ثناياها... في طياتها طبقات و رموز ...نكهات ولمسات... في ثناياها نظرات رقصات و حكايات...
في كل رغيف ارى معزوفة. رقصة و هي وتر وهي صفحة من قصتي.
وهي قطعة من احجية رحلتي .وهي حلمي و روايتي. فيها التقي بروحي عندما تتوه... روحي الخفية السرية السحرية و عندما القاها ....القي مرساتي و نلتقي ... ⚓️✨️✨️✨️
