04/01/2013
കോഴിക്കോട്: സാഹിത്യം ഇന്ന് പഴയതുപോലെ ഫലവത്തല്ലെന്നും ഒരു വ്യക്തിയെയും സാഹിത്യംകൊണ്ട് നന്നാക്കാനാവില്ലെന്നും എം. മുകുന്ദന് പറഞ്ഞു. കാരപ്പറമ്പ് വാഗ്ഭടാനന്ദസ്മാരകത്തില് എന്. പി. മുഹമ്മദ് അനുസ്മരണം ഉദ്ഘാടനം ചെയ്യുകയായിരുന്നു അദ്ദേഹം. വായനക്കാരന് താങ്ങാനാകാത്ത ചിന്തയുടെ ഭാരമാണ് ആധുനികകഥകളിലും നോവലുകളിലും നിറഞ്ഞുനില്ക്കുന്നത്. ആയിരക്കണക്കിന് കോപ്പികള് ഇറങ്ങിയ 'ആടുജീവിത'ത്തെപ്പറ്റി ഇന്നുവരെ ഒരു നല്ലവിമര്ശം ഉണ്ടായിട്ടില്ല. അതൊരു നല്ലകൃതിയല്ലെന്നാണ് ഒരു വിമര്ശകന് അഭിപ്രായപ്പെട്ടത്. വിമര്ശകര് ഉയര്ത്തിപ്പിടിക്കുന്ന കൃതികള് എഴുതണോ വായനക്കാരനെ ആകര്ഷിക്കുന്ന കൃതികള് എഴുതണോ എന്ന് തീരുമാനിച്ചിട്ടില്ലെന്നും മുകുന്ദന് പറഞ്ഞു.
സാഹിത്യ അക്കാദമിയുടെ അധ്യക്ഷസ്ഥാനം പൊള്ളുന്ന കസേരയാണ്. അവിടെ ദൈവം വന്നിരുന്നാലും പൊള്ളും. മദ്യം ലോകത്ത് എല്ലാത്തിനെയും ഒന്നിപ്പിക്കുന്നു. പക്ഷേ, സാഹിത്യകാരന്മാരെ ഒന്നിപ്പിക്കാനുള്ള കഴിവ് മദ്യത്തിനില്ല. ആന്തരികമായി നമ്മള് ദരിദ്രരാണ് -മുകുന്ദന് പറഞ്ഞു.
