28/06/2025
📣 ՊԱՇՏՊԱՆԵՆՔ ՄԱՅՐ ԱԹՈՌ ՍՈՒՐԲ ԷՋՄԻԱԾԻՆԸ – ՄԵՐ ՀԱՎԱՏՔԻ ԵՎ ԱԶԳԻ ՍՐՏԱՄԱՍԸ 🇦🇲✝️
Ես, որպես հայ, որպես Հայ Առաքելական Եկեղեցու զավակ, որպես ազգիս և հավատքի մի մասը, պարտք եմ զգում բարձրաձայնելու ու պաշտպանելու այն, ինչ սուրբ է մեզ համար՝ Մայր Աթոռ Սուրբ Էջմիածինը։
Սուրբ Էջմիածինը մեր ժողովրդի հոգևոր սիրտն է։ Այստեղից է հնչել առաջին հայոց աղոթքը, այստեղ է մեր հավատքի արմատը, մեր միասնության հիմքը։ Այսօր, երբ ներսից ու դրսից փորձում են խարխլել մեր եկեղեցու հիմքերը, պառակտել մեր ժողովրդին ու խաթարել սրբությունները, ես հայտարարում եմ՝
Ո՛չ պառակտմանը։
Ո՛չ ապականությանը։
Ո՛չ ստին։
Ես կանգնած եմ Մայր Աթոռի կողքին։ Ես պաշտպանում եմ իմ Եկեղեցին։ Ես հարգում եմ իմ Կաթողիկոսին՝ Ամենայն Հայոց Գարեգին Բ-ին։
Եվ կոչ եմ անում բոլորին՝ միացե՛ք, միաբանվե՛ք, պաշտպանե՛ք։ Որովհետև եթե սասանվի Մայր Աթոռը, կսասանվի մեր ոգին, մեր միասնությունը, մեր Ազգը։
✅ Սատար կանգնենք մեր հոգևոր կենտրոնին։
✅ Պահպանենք մեր հավատքը։
✅ Միաբանվենք մեր եկեղեցու շուրջ։
Սուրբ Էջմիածինը ապրում է մեզանով, և մենք պիտի ապրենք նրանով։ Միացեք և տարածեք:
#ՊաշտպանենքԷջմիածինը #ՀայԵկեղեցի #Հավատք #Հայ #Միասնություն #ԵսԷջմիածնիԿողքինԵմ
