27/04/2025
Վերջին շրջանում համատեղելով պրոֆեսիոնալ կոսմետոլոգիական միջամտությունների գծով խորհրդատուի գործունեությունըհատուկ անդրադարձ էի կատարել մաշկի «հյուծվածության» օրեցօր ավելի ու ավելի տարածվող խնդրին։
Սակայն ավելի քան վստահ եմ, որ բացի շուկայի առաջարկի կարգավորումից (մասնագետների հետ աշխատանք) առավել կարևոր է այս ինֆորմացիան հասցնել սպառողներին ևս։
Չէ որ տեղեկացված սպառողը առողջ տնտեսության հիմքն է։
Ի՞նչ է նշանակում «ԱՆՌԵՍՈՒՐՍ ՄԱՇԿ» տերմինը և ինչու է այն հիմա մասնագիտական քննարկումների թոփ թեմա հանդիսանում։
Մաշկի այս վիճակը վերջին շրջանում անչափ տարածված է և առավել հավանական է համարվում իր առաջացումը կոսմետիկ պրոֆեսիոնալ միջամտությունների և պրոֆեսիոնալ միջոցների ինտենսիվ կիրառման հետ, որը շատ հաճախ անգամ դուրս է գալիս մասնագետի կաբինետից և հետևաբար՝ մասնագետի վերահսկողությունից։
Չէ որ ներկայումս պրոֆեսիոնալ խնամքի միջոցների հասանելիությունը այնքան շատ է և բաց, որ անհնարին է դարձնում այն վերահսկել։
Իհարկե այս խնդրի առաջացման գործում առյուծի բաժինը ընկնում է կոլագենախթանիչ ապարատային միջամտություններին։
Չէ որ ցանկացած սինթեզի գործընթաց անչափ ռեսուրսատար է և այդ իսկ պատճառով օրգանիզմի կողմից երկար է պլանավորվում, որպեսզի կանխվի ամենօրյա բազային գործընթացների համար ռեսուրսների բացակայությունը։
ՍԱԿԱՅՆ, ԵՐԲ ՄԵՆՔ ԻՆԴՈՒԿՑՈՒՄ ԵՆՔ ՍԻՆԹԵՏԻԿ ՊՐՈՑԵՍՆԵՐԸ ՕՐԳԱՆԻԶՄԻ ՊԼԱՆՆԵՐԻՑ ԴՈՒՐՍ՝ ԱՐՏԱՀԵՐԹ, ԱՊԱ ՊԱՐԶԱՊԵՍ ԽԱԽՏՈՒՄ ԵՆՔ ՑԱՆԿԱՑԱԾ ԾԱԽՍԱՏԱՐ ՊՐՈՑԵՍԻՆ ՀԱՋՈՐԴՈՂ ԼՐԱՑՄԱՆ՝ ՎԵՐԱԿԱՆԳՆՄԱՆ ԳՈՐԾԸՆԹԱՑՆԵՐԸ, ԲԵՐԵԼՈՎ ԲԱԶԱՅԻՆ ԵՒ ՊԱՀՈՒՍՏԱՅԻՆ ՌԵՍՈՒՐՍՆԵՐԻ ՍՊԱՌՄԱՆ։
Իսկ ի՞նչ նշաններ ունի «անռեսուրս» մաշկը։
➖ Մաշկի ամրության զգալի կորուստ երիտասարդ տարիքում,
➖ Մաշկի հաստության զգալի նվազում երիտասարդ տարիքում,
➖Մաշկի խամրած երանգ, որը հնարավոր չէ փոխել դիմակների կիրառմամբ,
➖ Ծակոտիների արտահայտվածության ավելացում,
➖ Մաշկի վրա մանր կնճիռների զգալի ավելացում՝ կոմբինացված կամ յուղոտ մաշկի պարագայում,
➖ Մաշկի ակտիվ հոսք դեպի ցած և դիմագծերի «լղոզվածություն»։
Այս ԱՆԿԵՆԴԱՆ , ԱՆՎԵԵԵՐՋ ՁԳՎՈՂ ԵՎ ԽԱՄՐԱԾ մաշկի համար չկա մեկ այլ պանացեա, քան ներքին ռեսուրսների աստիճանաբար վերականգնում։
Այստեղ էական է հենց «աստիճանական» վերականգնումը։ Չէ որ երկարատև սովից հետո օրգանիզմի համար չկա ավելի մեծ վտանգ, քան առատ և «դժվարամարս» սնունդը։
Ուստի այսպիսի մաշկի համար անհրաժեշտ է համբերատար, հետևողական և գրագետ խնամք։
