06/02/2023
အချိန်အခါ ဆိုတာ ရှိတယ်...
°°°°°°°°°°°°°°°°°°°°°°°°°°°°°°°°°°
ကုသိုလ် အကုသိုလ်ကံ ဆိုသည်မှာ
အခု ငရုတ်သီးစား၊
အခုစပ်တာမျိုး မဟုတ်ဘူး။
သစ်ပင် စိုက်တာ လိုပဲ ……
ဒီကနေ့စိုက်၊ ဒီကနေ့ပွင့်၊
ဒီကနေ့သီးမှာ မဟုတ်ဘူး။
" အချိန်အခါ " ဆိုတာရှိတယ်။
ကံတရားလည်း ထိုအတူပဲ ……
တစ်ခါတစ်ရံကျတော့
လူတွေက မျက်စိလည်တတ်တယ်။
" ကောင်းတာလုပ်နေလျက်နဲ့
မကောင်းတာတွေ ဖြစ်တယ်၊
မကောင်းတာတွေ လုပ်နေလျက်နဲ့
ကောင်းပြီးတော့ ကြီးပွားတိုးတက်နေကြတယ် "
ဆိုတာတွေကို ကြည့်ပြီးတော့ ……
မကောင်းတာတွေလုပ်ပြီး
ကြီးပွားတိုးတက်တယ်လို့
ထင်ချင် ထင်နေတတ်တယ်။
ကောင်းစားနေခြင်းသည် တစ်ချိန်က
ကောင်းခြင်းရဲ့အကျိုးတရားတွေကို
ခံစားနေရတာ။
မကောင်းစားခြင်း သည် တစ်ချိန်က
မကောင်းခဲ့တာ တွေကြောင့်
အကျိုးခံနေရတယ်လို့ ဒီလိုနားလည်ရမယ်။
ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ နန္ဒမာလာဘိဝံသ
မျှဝေပူဇော်ပါသည်
