HƏRRACIN ÜMÜMİ QAYDALARI VƏ ŞƏRTLƏRİ
Hərraca çıxarılan əşyanın ilkin qiyməti minimum 1 manat və ya daha çox ola bilər. Hərracda iştirak edənlər üçün ən aşağı artım səhifə tərəfindən müəyyən olunacaq və əşyadan əşyaya dəyişəcək. Hərraclarda qəpiklə artım nəzərə alınmır, minimal artım ən azı 1 manat ola bilər. Hərracın keçirilmə müddəti səhifə tərəfindən təyin olunaraq hər paylaşımda qeyd olunacaq. Bu müddət bitdikdən sonra hərracda ən yüksək məbləğ təklif edən şəxsin təklifi keçərli sayılır və əşya ona satılır. Hərraclar minimum 24 saat davam edir və saat 21:59-a qədər təkliflər nəzərə alınır. 22:00-da edilən təkliflər nəzərə alınmır. Hərracda təklif yazan hər hansı bir şəxslə bu təklifini təsdiq üçün səhifə tərəfindən əlaqə yaradılacaq. Əgər bu əlaqə zamanı təklif edən şəxs təklifini hərracın sonuna kimi təsdiqləməsə təklifi keçərsiz sayılacaq və səhifədən çıxardılacaq. Hərracda qalib gələn və əşyanı alan şəxslə 1 gün müddətində əlaqə saxlanılması mümkün olmadıqda, 2 gün ərzində əşyanı götürməsə, və ya əşyanı almaqdan imtina etdikdə alıcıya xəbərdarlıq edilir. Alıcı bu zaman səhifədən çıxarılacaq və bir daha səhifəyə qayıda bilməyəcək. Hər hansı bir hərrac zamanı bu baş verərsə ən yüksək təklifdən aşağıda olan şəxsə bu əşya təklif olunacaq. Hərrac keçirilərkən qoyulan əşya barədə səhifə istifadəçilərinin mənfi rəylər yazması, hərraca aid olmayan məlumat və ya sual verilməsi, hər hansı bir formada təhqirə yol verilməsi qadağandır və qeyd olunan qadağalara əməl etməyən şəxslərin rəyləri silinəcək. Hər hansı irad və təkliflərinizi səhifənin mesaj bölməsinə yazmağınız xahiş olunur. Hərracda öz əşyanı yerləşdirmək istəyənlərin nəzərinə
Hərraca qoymaq istədiyiniz əşyanın şəkilləri və qısa məlumatlarını səhifənin inbox bölməsinə göndərilməlidir.Əgər əşya paylaşılmağa uyğundursa əşyanın daha keyfiyyətli və tam əks etdirən şəkilləri istənilir. Əşyanın hər hansı defektləri (çat, sınıq, əzik və s.) varsa şəkillərdə bu mütləq görünməlidir və səhifəyə öncədən deyilməlidir. Hərracın müddəti başa çatdıqdan sonra əşyaya ən yüksək məbləğ təklif edən şəxsə əşya mütləq satılmalıdır. Nəzərə alın ki, hərracda hər zaman siz gözlədiyiniz nəticə olmaya bilər. Hərracda olan əşyanın sahibi hərraca müdaxilə etməməlidir. Əşyanın sahibinin hərrac zamanı rəylərdə əşyasını tərifləməsi və ya əşya barədə əlavə məlumat yazması QƏTİ QADAĞANDIR! Qaydalara əməl etməyən əşya sahibi səhifədən çıxardılaraq, blok olunacaq! Hərraclarımızda uğurlar arzulayırıq. Hörmətlə "Hərrac/Auksion"
