04/10/2022
Əziz oxucular, yaşanılan kədərin, acının böyüklüyünü sözlə ifadə etmək mümkün deyil. On ilə yaxın müddətdə minlərlə insanın kitab oxumasına vasitə olan, yorulmadan kitab üçün çalışan, bu sahədə böyük əməyi olan Bakumoz Kitab Evinin sahibi Nurəddin Məmmədlinin bu dünyadan qəfil gedişi çox böyük itkidir. Onun gedişi ilə yeri heç zaman dolmayacaq boşluq yarandı. Bu boşluğu festivallarda, sərgilərdə, aksiyalarda, tədbirlərdə, ən kiçik kitab müzakirəsində, hər yerdə görəcəyik. Hazırda kitabçılarımız 8-ci Bakı Beynəlxalq Kitab Sərgisinə hazırlaşır. Biz bu dəfə Nurəddin Məmmədli olmadan onu Bakumoz Books stendində təmsil edəcəyik.
