Veyseloglu Group of Companies

13/08/2026

Azərbaycanın FMCG sektorunda ilk: Veysəloğlu Şirkətlər Qrupu BMT Qlobal Sazişinin üzvü olaraq CoP hesabatını təqdim edib

Veysəloğlu Şirkətlər Qrupu BMT-nin Qlobal Sazişinə üzvlüyünün ilk ili çərçivəsində özünün illik İrəliləyiş hesabatını (CoP) hazırlayaraq BMT-yə təqdim edib. Bununla da Şirkətlər Qrupu Azərbaycanın FMCG sektorunda BMT Qlobal Sazişinin prinsiplərinin icrası üzrə sözügedən hesabatı hazırlayan ilk şirkət kimi çıxış edir.

CoP sənədi Veysəloğlu Şirkətlər Qrupunun BMT Qlobal Sazişinə üzvlüyünü uzunmüddətli biznes strategiyasının və korporativ idarəetmə yanaşmasının tərkib hissəsi kimi qəbul etdiyini və bu prinsipləri fəaliyyətinə sistemli şəkildə inteqrasiya etdiyini nümayiş etdirir.

Hesabatın hazırlanması çərçivəsində Şirkətlər Qrupunun fəaliyyətində insan hüquqları, əmək münasibətləri, ətraf mühitin qorunması, şəffaf idarəetmə istiqamətləri üzrə mövcud proses və prosedurlar geniş şəkildə təhlil edilib.

Eyni zamanda, həyata keçirilmiş təşəbbüslər və əldə olunan nəticələr qiymətləndirilib, ESG üzrə (ətraf mühit,sosial məsuliyyət, korporativ idarəetmə) uğur hekayələri sənədləşdirilib və qarşıdakı iki il üçün prioritet fəaliyyət istiqamətləri müəyyənləşdirilib.

Daha ətraflı məlumat üçün linkə daxil ola bilərsiniz - https://lnkd.in/dSwRJRQq

30/07/2026

Veysəloğlu Şirkətlər Qrupunun sponsorluğu ilə, “Zəfər” Şəhid Ailələrinə Dəstək İctimai Birliyinin və Azərbaycan Respublikasının ABŞ-dəki Səfirliyinin birgə təşkilatçılığı, Azərbaycan Respublikasının Gənclər və İdman Nazirliyinin və Azərbaycan Respublikasının Diasporla İş üzrə Dövlət Komitəsinin dəstəyi, ADA Universitetinin tərəfdaşlığı ilə 15–26 iyul tarixlərində şəhid övladları üçün keçirilən “Zəfər” Amerika Yay Düşərgəsi uğurla yekunlaşıb.

“Zəfər” Amerika Yay Düşərgəsinin əsas məqsədi şəhid övladlarının beynəlxalq təcrübə qazanmalarına, liderlik və akademik bacarıqlarının inkişafına, dünyagörüşlərinin genişlənməsinə, eləcə də onların beynəlxalq təhsil və əməkdaşlıq imkanları ilə yaxından tanış olmalarına töhfə vermək olub.

İki həftə davam edən proqram çərçivəsində iştirakçılar ABŞ-nin siyasi, tarixi və akademik mühiti ilə yaxından tanış olmaq imkanı əldə ediblər. Düşərgə iştirakçıları Ağ Ev, ABŞ Kapitolu, ABŞ Ali Məhkəməsi və Konqres Kitabxanası kimi ölkənin mühüm dövlət institutlarını ziyarət edib, Corc Vaşinqton Universiteti, Amerika Universiteti və Vaşinqton şəhərində fəaliyyət göstərən ADA Evində keçirilən təlim, seminar və mühazirələrdə iştirak ediblər.

Proqram çərçivəsində iştirakçılar Smitsonian İnstitutu, Milli İncəsənət Qalereyası, ABŞ-nin ilk prezidenti Corc Vaşinqtonun tarixi Mount Vernon malikanəsi və Arlinqton Milli Məzarlığını da ziyarət edərək ölkənin tarixi, mədəniyyəti və dövlətçilik ənənələri haqqında ətraflı məlumat əldə ediblər.

Qeyd edək ki, proqramda cari tədris ili ərzində ali təhsil müəssisələrində ingilis dilində təhsil alan və yüksək akademik göstəriciləri ilə seçilən ADA Universiteti, Xəzər Universiteti və Azərbaycan Tibb Universitetinin ümumilikdə 10 nəfər şəhid övladı iştirak edib.

Veysəloğlu Şirkətlər Qrupu sosial məsuliyyət strategiyası çərçivəsində şəhid ailələri və onların övladlarının təhsilinə, şəxsi inkişafına və gələcək uğurlarına töhfə verən layihələrə davamlı dəstək göstərir. Şirkət gənclərin beynəlxalq bilik və təcrübə qazanmasını, onların potensialının inkişafına xidmət edən təşəbbüslərin həyata keçirilməsini özünün prioritet istiqamətlərindən biri hesab edir.

28/07/2026

YAP Nizami Rayon Təşkilatının Yay Məktəbi layihəsi çərçivəsində 33 nəfərlik nümayəndə heyəti Veysəloğlu Şirkətlər Qrupunda maarifləndirici infotur və seminarda iştirak edib.

Tədbirin məqsədi gəncləri Veysəloğlu Şirkətlər Qrupunun fəaliyyəti, biznes istiqamətləri, istehsal imkanları, korporativ dəyərləri və karyera perspektivləri ilə yaxından tanış etmək, onlarda müasir biznes mühiti barədə praktiki təsəvvür formalaşdırmaq olub.

Qonaqları salamlayan Veysəloğlu Şirkətlər Qrupunun Korporativ Kommunikasiya Direktoru Sənubər Nəzərova iştirakçılara şirkətin 30 illik inkişaf yolu, fəaliyyət istiqamətləri, korporativ dəyərləri və insan kapitalının inkişafına verdiyi önəm barədə geniş təqdimatla çıxış edib.

Daha sonra "Ulduz" Şokolad Fabrikinin İdarə Heyətinin üzvü Türkan Həsənova müəssisənin istehsal gücü, müasir texnoloji imkanları, məhsul çeşidləri və ixrac potensialı barədə məlumat verib. Ardınca "Veysəloğlu Distribusiya"nın Korporativ Kommunikasiya və Marketinq şöbəsinin müdiri Zərri Allahverdi şirkətin fəaliyyət istiqamətləri, ölkə üzrə geniş distribusiya şəbəkəsi və logistika imkanlarını təqdim edib.

Veysəloğlu Şirkətlər Qrupunun Mətbuat Xidməti Direktoru Məhəmmədəli Qəribli çıxışında bildirib ki, Veysəloğlu Şirkətlər Qrupu üçün insan kapitalı ən böyük dəyərdir və şirkət gənclərin peşəkar inkişafına hər zaman xüsusi önəm verir. O qeyd edib ki, bu kimi görüşlər tələbələrin gələcək karyera planlamasına müsbət təsir göstərir, onların böyük şirkətlərdə formalaşan iş mühiti və inkişaf imkanları barədə təsəvvürlərini genişləndirir.

Tədbir çərçivəsində Adilə Məmmədova tərəfindən şirkətin korporativ mədəniyyəti və dəyərlərinə həsr olunmuş interaktiv təlim keçirilib. Təlim zamanı Veysəloğlu Şirkətlər Qrupunda formalaşmış korporativ mühit, komanda ruhu və əməkdaşların peşəkar inkişafına yanaşma barədə ətraflı məlumat verilib.

Seminarın sonunda YAP Nizami Rayon Təşkilatının sədr müavini Rəşadət Xalıqov çıxış edərək gənclərin ölkənin aparıcı şirkətləri ilə yaxından tanış olmasının onların peşə seçimi, dünyagörüşünün formalaşması və gələcək karyera planlaması baxımından mühüm əhəmiyyət daşıdığını bildirib.

Tədbir çay süfrəsi və "Ulduz" şokoladlarının dadımı ilə davam edib. Sonda qonaqlara "Ulduz" Şokolad Fabriki tərəfindən hazırlanmış xüsusi hədiyyə paketləri təqdim olunub, xatirə şəkli çəkdirilib.

28/07/2026

Veysəloğlu Şirkətlər Qrupunun nümayəndələri Qəbələdə yeni tədris-istehsalat emalatxanasının açılışında iştirak ediblər

Qəbələ Dövlət Peşə Təhsil Mərkəzində qida emalı və qida məhsullarının qurudulması üzrə müasir tədris-istehsalat emalatxanasının açılışı olub.

Tədbirdə Elm və Təhsil Nazirliyinin Aparat rəhbəri Mətin Kərimli, Qəbələ Rayon İcra Hakimiyyətinin başçısı Səbuhi Abdullayev, Peşə Təhsili üzrə Dövlət Agentliyinin direktoru İlqar Bayramlı, Peşə Təhsilinin İnkişafı Fondunun direktoru İdris Musayev, eləcə də tərəfdaş qurumların nümayəndələri iştirak ediblər.

Veysəloğlu Şirkətlər Qrupu tədbirdə dörd nümayəndə ilə təmsil olunub. Şirkəti Korporativ Kommunikasiya Direktoru Sənubər Nəzərova, Mətbuat Xidməti Direktoru Məhəmmədəli Qəribli, Araz Supermarketlər Şəbəkəsinin İdxal Direktoru Elvin Zeynalov və OBA Marketlər Şəbəkəsinin Quru Qida Departamentinin Müdiri Mahir Əliyev təmsil ediblər.

Tədbirdə çıxış edən Elm və Təhsil Nazirliyinin Aparat rəhbəri Mətin Kərimli, Peşə Təhsili üzrə Dövlət Agentliyinin direktoru İlqar Bayramlı və Peşə Təhsilinin İnkişafı Fondunun direktoru İdris Musayev peşə təhsilinin inkişafı, dövlət–özəl sektor əməkdaşlığının genişləndirilməsi və əmək bazarının tələblərinə uyğun ixtisaslı kadr hazırlığının əhəmiyyətindən danışıblar.

Tədbirdə çıxış edən Veysəloğlu Şirkətlər Qrupunun Korporativ Kommunikasiya Direktoru Sənubər Nəzərova bildirib ki, Veysəloğlu Şirkətlər Qrupu əmək bazarının tələblərinə uyğun peşəkar kadr hazırlığını, təhsil–istehsalat əməkdaşlığını və gənclərin praktik bilik və bacarıqlarının inkişafını fəaliyyətinin mühüm istiqamətlərindən biri hesab edir. O qeyd edib ki, Qəbələ Dövlət Peşə Təhsil Mərkəzində yaradılan 642 kvadratmetrlik müasir qida emalı texnologiyaları tədris-istehsalat sahəsi tələbələrin nəzəri biliklərini praktik bacarıqlarla möhkəmləndirməsinə geniş imkan yaradacaq.

Sənubər Nəzərova vurğulayıb ki, belə layihələr təhsil ilə istehsalat arasında əməkdaşlığın güclənməsinə, əmək bazarının tələblərinə cavab verən peşəkar kadrların hazırlanmasına, regionlarda məşğulluğun inkişafına və ölkənin qida sənayesi üçün ixtisaslı mütəxəssislərin yetişdirilməsinə mühüm töhfə verir.

Tədbirin sonunda iştirakçılar yeni yaradılmış emalatxana və laboratoriyalarla tanış olub, qida məhsullarının emalı və qurudulması prosesini izləyiblər, hazırlanan məhsullarla tanış olublar.

25/07/2026

24/07/2026

“Veysəloğlu–Rossmann” rəhbəri gömrük–biznes əməkdaşlığına həsr olunmuş paneldə çıxış edib

Veysəloğlu Şirkətlər Qrupuna daxil olan “Veysəloğlu–Rossmann”ın İdarə Heyətinin sədri Məmmədqulu Süleymanlı AHK Azerbaijan, PwC Azerbaijan və Dövlət Gömrük Komitəsinin birgə təşkil etdiyi “Azərbaycanda gömrük sisteminin modernləşdirilməsi: cari prioritetlər, biznesin hazırlığı və beynəlxalq təcrübə” mövzusunda keçirilən tədbirdə iştirak edib.

Tədbirin yekununda baş tutan panel müzakirəsində Dövlət Gömrük Komitəsinin sədri Şahin Bağırov, Məmmədqulu Süleymanlı və “STP Polymer” şirkətinin direktoru Nazim Məmmədov çıxış ediblər.

Daha ətraflı - https://www.veyseloglu.az/media/post/veyseloglu-rossmann-sirketinin-rehberi-gomruk-biznes-emekdasligina-hesr-olunmus-panel-muzakiresinde-cixis-edib

22/07/2026

22 İyul – Milli Mətbuat Günü

1875-ci ildə Həsən bəy Zərdabinin nəşr etdirdiyi “Əkinçi” qəzeti ilə əsası qoyulan Azərbaycan milli mətbuatı bu gün də cəmiyyətin inkişafına mühüm töhfə verməyə davam edir.

Milli Mətbuat Günü münasibətilə bütün media nümayəndələrini təbrik edir, fəaliyyətlərində uğurlar arzulayırıq.

14/07/2026

"Araz" Supermarket mağazalarının təmiri, yenidən qurulması və yeni mağazaların tikinti-quraşdırma işlərində iştirak etmək istəyən podratçı şirkətləri əməkdaşlığa dəvət edirik.
Tələblər:
• Tikinti və təmir sahəsində minimum 1 il iş təcrübəsi mütləqdir.
Tenderdə iştirak etmək istəyən şirkətlərdən müraciətlərini və şirkət məlumatlarını [email protected] elektron poçt ünvanına göndərmələri xahiş olunur.

09/07/2026

Binəqədinin yeni ticarət məkanı – Araz Mall.

Müasir memarlıq, geniş satış sahələri və 200 avtomobillik parkinq ilə biznesiniz üçün ideal seçim.

Araz Mall-da müxtəlif təyinatlı kommersiya sahələrinin icarəsi üçün müraciətlər açıqdır.

Biznesinizi insanların hər gün ziyarət etdiyi dinamik ticarət mühitində inkişaf etdirin.

İcarə üçün əlaqə: (+994) 55 251 65 85

Araz Mall – biznesiniz üçün doğru ünvan.

19/06/2026

Ölkəmizin ev sahibliyi etdiyi tədbir dövlət qurumlarının, beynəlxalq maliyyə institutlarının, inkişaf təşkilatlarının və özəl sektor nümayəndələrinin iştirakı ilə baş tutub. Toplantı çərçivəsində davamlı inkişaf, regional əməkdaşlıq, ticarət, investisiya və maliyyələşdirmə imkanları ətrafında müzakirələr aparılıb.

Veysəloğlu Şirkətlər Qrupunu tədbirdə Qrup İcraçı Direktorunun maliyyə və inzibati idarəetmə üzrə müavini, İcra Komitəsinin üzvü Könül Kərimova, Qrup Maliyyə Nəzarəti və Xəzinədarlıq direktoru Fərahim Hacıyev, Qrup Maliyyələşmə və Portfel İdarəetməsi şöbəsinin müdiri Xalis Məmmədov təmsil ediblər.

Tədbir çərçivəsində Veysəloğlu Şirkətlər Qrupunun nümayəndələri İslam İnkişaf Bankı Qrupunun üzvü olan Beynəlxalq İslam Ticarətinin Maliyyələşdirilməsi Korporasiyasının (ITFC) nümayəndə heyəti ilə görüş keçiriblər. Görüş zamanı ticarət və investisiya layihələrinin maliyyələşdirilməsi, eləcə də potensial əməkdaşlıq imkanları müzakirə olunub.

ITFC tərəfindən görüşdə Əməliyyatlar üzrə Baş Direktor Nazeem Noordali, Özəl Sektor Bölməsinin rəhbəri Hamady Soma Ba və Özəl Sektor üzrə Baş Menecer Hojamurod Hojaev iştirak ediblər.

Veysəloğlu Şirkətlər Qrupunun nümayəndələri həmçinin İslam Özəl Sektorun İnkişafı Korporasiyasının (ICD) nümayəndələri ilə də görüşüblər. Görüşdə potensial maliyyələşdirmə imkanları və gələcək əməkdaşlıq perspektivləri ətrafında fikir mübadiləsi aparılıb.

Şirkətlər Qrupumuzun beynəlxalq maliyyə institutları ilə görüşlərdə iştirakı strateji tərəfdaşlıqların genişləndirilməsinə, eləcə də ticarət və investisiya layihələri üzrə yeni imkanların dəyərləndirilməsinə verdiyi önəmi əks etdirir.