Nagani book store.Korea

01/02/2024

ကိုရီးယားနိုင်ငံအတွင်း အိမ်အရောက် စက်ရုံအရောက်
ပို့ပေးပါသည်....

#မြန်မာစာအုပ်များ

Shoppin in Korea......

Nagani book store.Korea

'စစ်မှန်သောမိမိနှင့်တွေ့ဆုံခြင်း' စာအုပ်မှာ စန်းတစ်မျိုးရှိတယ်လို့ ဆိုရပါမယ်။ အဲဒါကတော့ ဖတ်ပြီးတဲ့သူအများစုဟာ စာအုပ်ကို မိမိချစ်ခင်ရတဲ့သူတွေကို ပြန်ညွှန်းပေးချင်တဲ့စိတ်ဖြစ်လာစေတာပါပဲ။

အခုလဲ စာဖတ်သူတွေရဲ့ အစဉ်တစိုက်အားပေးမှုကြောင့် 'စစ်မှန်သောမိမိနှင့်တွေ့ဆုံခြင်း' စာအုပ်ကို ဒသမအကြိမ်မြောက်ပုံနှိပ်ထုတ်ဝေလိုက်ပါပြီ။

အားပေးမှုကို ကျေးဇူးအထူးတင်ရှိပါတယ်။ 😊

သက်တန့်(မေရီ)

#စစ်မှန်သောမိမိနှင့်တွေ့ဆုံခြင်း
စာအုပ်ဆိုင်ကြီးတိုင်းမှာ ဝယ်ယူရရှိနိုင်ပါပြီ။ အွန်လိုင်းမှ မှာယူလိုပါက Pann Satt Lann Books ပေ့ခ်ျကနေ မှာယူလို့ရပါတယ်နော်။

30/01/2024

အခုတလော မင်မင်အလုပ်တွေများနေလို့ စာအုပ်လေးတွေမညွှန်းနိုင်တာ ခွင့်လွှတ်ကြပါဗျ😊

ပြန်ခါနီး လတွေဆိုတော့ အလုပ်ကနားချင်လည်း ပေလုပ်နေရပါတယ်😀
အခုတလောတွေမှာတော့ အရာရာဟာ အဆင်ပြေဆုံးကာလပါပဲ...ငွေတွေလည်း ဟိုကဝင် ဒီကဝင်နဲ့...
အခွန်ပြန်အမ်းငွေတွေလည်း မရတော့ဘူးထင်ရာက ၂၀ကျော်လောက်ရလိုက်တယ်...သူဌေးကလည်း လစာတိုးပေးတယ်...
အလုပ်တွေကလည်း ပါးနေရာကနေ ရုတ်တရက်ကောင်းလာတယ်....

တိုက်ဆိုင်မှု့သက်သက်မဟုတ်ဘူးဆိုရင်တော့...
ဆရာညီညီနိုင် ဘာသာပြန်ထားတဲ့ #လျှို့ဝှက်ချက် ဆိုတဲ့စာအုပ်ဖတ်ပြီး အတွေးတွေကို ဂရုစိုက်ပြီး ဖြစ်ချင်တာ လိုချင်တာတွေ ဆွဲငင်ခဲ့တယ်...
ပြီးတော့ ဆရာမ မွန်ဟော်စီရဲ့ ... mindset miracles ဆိုတဲ့ စာအုပ်လေးဖတ်ပြီး ငွေကြေးအပေါ် အမြင်တွေ စိတ်ထားတွေပြောင်းခဲ့တယ်.....
တစ်ဖြေးဖြေးနဲ့ တစ်ဖြေးဖြေးနဲ့....အခက်ခဲတွေ အဆင်မပြေမှု့တွေကနေ လွတ်မြောက်လာပြီး အခုတော့....
နေ့တိုင်း တစ်ပြုံးပြုံးနဲ့ လေတချွန်ချွန်နဲ့ စိတ်ကူးကိုတည့်နေတာပဲ😁

မအားတဲ့ကြားကနေ အဲ့ နှစ်အုပ်ကို ညွှန်းပါတယ်...
ဘဝမှာ စာအုပ်မဖတ်တော့ဘူးတွေးထားရင်တောင် အဲ့နှစ်အုပ်တော့ ဖတ်ဖြစ်အောင်ဖတ်ပါ...လူတိုင်းနဲ့တည့်တဲ့ ပါရာစီတမော့လိုပါပဲဗျ😊

စာအုပ်ရောင်းချင်လို့ပြောတယ်ထင်ရင် တစ်ခြားဆိုင်တွေက ဝယ်ဖတ်ကြည့်ကြပါဗျ...

စေတနာအနန္တဖြင့်....

21/01/2024

ကိုရီးယားနိုင်ငံ ဂင်မဲမြို့က ရွှေအလင်းတန်း မြန်မာအသင်း ကို ဒီနေ့ လှူဖြစ်ခဲ့တဲ့ စာအုပ်လေးတွေပါခင်ဗျ...
တိုင်းတစ်ပါးမှာ ကျွန်တော်တို့မြန်မာတွေ အလုပ်အကိုင် အဆင်မပြေတဲ့ အခက်ခဲကြုံဆုံရတဲ့ အခိုက်အတန့်လေးတွေမှာ စာအုပ်စာပေတွေကနေ စိတ်ခွန်အားတွေ ရကြပါစေဗျာ😊

အားလုံး အဆင်ပြေ ကျမ္မာ ပျော်ရွှင်နိုင်ကြပါစေ....
Nagani book store.Korea

21/01/2024

ခေတ်ကာလရဲ့ ရွေ့လျားပြောင်းလည်းလာမှု့အရ
ယနေ့ခေတ်မှာ လိုချင်စရာတွေ လုပ်ချင်စရာတွေပိုပိုများလာပါတယ်...
ယနေ့ခေတ်လူသားတွေဟာ လိုချင်တက်မက်မှု့တွေနောက်ကိုလိုက်ရင်း မသိမသာပေးဆပ်နေရတဲ့ စိတ်ဖိစီးမှု့တွေ၊ပင်ပန်းမှု့တွေနဲ့ စိတ်သောကတွေကိုတော့မေ့နေကြပါတယ်...
လူ့ဘဝခနတာလေးမှာ ရှာကြ၊ဖွေကြ၊ရုန်းကန်ကြနဲ့ ပင်ပန်းနွမ်းနယ် ဆင်းရဲနေတဲ့ မိမိရဲ့စိတ်လေးကိုလည်း ငြိမ်းချမ်းအောင်...မိမိဘဝလေးကိုလည်း အခိုက်အတန့်လေးဖြစ်ဖြစ် ငြိမ်းချမ်းအောင် နေဖို့လည်း နှလုံးသွင်းဆင်ခြင်သင့်ပါတယ်...
နေ့စဉ် အလုပ်တွေနဲ့ ပူပင်လောင်မြိုက်နေကြတဲ့ မရသေးတာတွေရဖို့...ရထားတာတွေ မလွင့်ပျောက်ဖို့ဆိုတဲ့ ခံစားချက်တွေကြားကနေ မိမိရဲ့စိတ်ကလေးကို ဘယ်လိုငြိမ်းချမ်းစေမလည်းဆိုတာလည်း သိထားဖို့လိုပါလိမ့်မယ်နော်....

#ငြိမ်းချမ်းသောစိတ်ငြိမ်းချမ်းသောဘဝ
#ညာဏ

Nagani book store.Korea

20/01/2024

ရသရော၊သုတရော ခံစားရရှိမယ့် စာအုပ်လေး...

ပထမမြန်မာနိုင်ငံတော်ကြီးဖြစ်တဲ့...ပုဂံမြေရဲ့ အငွေ့အသက်တွေနဲ့ ပုဂံရဲ့ ယဉ်ကျေးမှု့ ဓလေ့စရိုက်တွေအပါအဝင်...

ဒီစာအုပ်ဖတ်ပြီးရင် ပုဂံကို သွားချင်စိတ်တွေတစ်ဖွားဖွားပေါ်လာနိုင်မယ်... ပုဂံသွားမယ့်သူတွေကိုလည်း ပုဂံမြေအကြောင်းညွှန်းနိုင်မယ်ဗျ😊

ကကြီးက အာဂျောရှီတစ်ယောက် ပုဂံကို ခရီးသွားပြီး Youtubeမှာ တင်လိုက်တာ အခု ကိုရီးယားတွေပါးစပ်ဖျားမှာ
မီယန်မာ..ဘာဂန်...ဘာဂန်နဲ့ဖြစ်နေကြတယ်...တကယ်လည်း သွားနေကြတယ်လို့သိရတယ်...ကျနော့သူဌေးတောင် ထမင်းစားချိန်ဆုံရင် မြန်မာသွားချင်တယ် ဘာညာတွေလာလုပ်နေတာ😀

အလုပ်အတူလုပ်တဲ့ ကကြီးတစ်ယောက်က Youtubeဖွင့်ပြလို့ အကြောင်းအရင်းသိရတာ ကိုယ်သိသလောက်တော့ ပိုပိုသာသာလေးညွှန်းလိုက်ပါတယ်...ဒီစာအုပ်လေးဖတ်ပြီးရင်တော့ပုဂံမြေအကြောင်း ပိုပြောနိုင်လောက်မယ်ထင်တယ်...

#ပုညခင်
#လက်ကျန်လရောင်

Nagani book store.Korea

20/01/2024

မြို့မှာ ကွန်ပျူတာကျောင်းသွားတက်နေတဲ့ လူငယ်လေးတစ်ယောက်က ရွာမှာ အလှူရှိလို့ ပြန်လာတယ်...သူနဲ့အတူ မြို့ကသူငယ်ချင်းတွေပါပါလာတယ်...
အိမ်ရောက်တော့ အဖေဖြစ်တဲ့လူက သူ့သားနဲ့အတူ ပါလာတဲ့ သူငယ်ချင်းတွေနေဖို့ အခန်းတစ်ခန်းစီစဉ်ပေးထားတယ်...
နေ့လည်ပိုင်းရောက်တော့ အခန်းထဲမှာ သူ့သားနဲ့လူငယ်တွေဝိုင်းဖွဲ့ပြီး စကားပြောနေကြတဲ့နေရာကို အဖေဖြစ်သူကရောက်လာပြီး ဘေးကထိုင်နားထောင်နေတယ်...
ကွန်ပျူတာကျောင်းသားတွေဆိုတော့ ကွန်ပျူတာအကြောင်းတွေပြောကြတာပေါ့...

"ဟျောင့် သူငယ်ချင်း အခုတလောကွန်ပျုတာတွေ ဗိုင်းရပ်စ်တွေ ဝင်နေတယ်ကွ မင်းကွန်ပျူတာသတိထားအုံးနော်" လို့ပြောတော့ ...
ဘေးကနားထောင်နေတဲ့ အဖေဖြစ်တဲ့သူက သားကိုထမေးတယ်
"ငါ့သား ဗိုင်းရပ်စ်ဆိုတာ ပိုးလားကွ...
အဲ့ပိုးက ကွန်ပျူတာထဲ ဘယ်အပေါက်ကဝင်တာလည်း...
ငါ့သားကွန်ပျူတာထဲဝင်ရင် အဖေ့ကိုပြော အဖေလယ်တောသုံးတဲ့ ဩဘာပိုးသတ်ဆေးတွေရှိတယ်ကွ" လို့ပြောလိုက်တော့ လူငယ်လေးတွေ ဝေါကနဲထရယ်ကြပါလေရော...
ပြီးတော့ သူတို့သူငယ်ချင်းကိုလည်းဝိုင်းကြည့်ကြတယ်
ဒီကောင်တော့ သူ့အဖေကြောင့်အရှက်ကွဲပြီဆိုတဲ့ အထာမျိုးနဲ့ပေါ့...

သားဖြစ်တဲ့သူကတော့ ခပ်တည်တည်ပဲ သူ့သူငယ်ချင်းတွေဘက်လှည့်ပြီး "ဟျောင့်တွေ အဲ့ဒါငါ့အဖေပဲကွ...ငါ့အဖေက တောင်သူလယ်သမားကြီးကွ...သူကလယ်တွေလုပ်ပြီး ငါ့ကိုမြို့မှာ ကျောင်းထားပေးတာ ဟောဒီကွန်ပျူတာကလည်း ငါ့အဖေဝယ်ပေးထားတာကွလို့ ပြောလိုက်တော့ ခုနကရယ်နေတဲ့ကောင်တွေ အကုန့်ငြိမ်ကျသွားတယ်...ပြီးတော့ သူ့အဖေဘက်လှည့်ပြီး အဖေဆက်ပြော.. အဖေပြောချင်ရာသာပြောဆိုပြီး သူ့အဖေကိုအားပေးလိုက်တယ်....

အဲ့ဒါကတော့ ဆရာကြီး လယ်တွင်းသားစောချစ်ရဲ့ စာပေဟောပြောပွဲတစ်ခုကနားထောင်ဖူးတာလေးပါ...
မိဘနဲ့ သားသမီးတွေကြားမှာ ဒီလိုမျိုးအခိုက်တန့်လေးတွေက ကြုံလေ့ရှိကြပါတယ်..တကယ်လို့သာ အဲ့ဒီသားက သူငယ်ချင်းတွေကြားမှာရှက်သွားပြီး သူ့အဖေကို အဖေကလည်းဗျာ ဘာမှမသိဘဲဝင်ပြောနေတယ် သွားဗျာ ကိုယ့်အလုပ်ကိုသွားလုပ်ပါ လို့သာပြောလိုက်ရင် အဖေဖြစ်သူရင်ထဲဘယ်လိုခံစားရမလည်း ဘယ်လောက်တောင်များစိတ်မကောင်းဖြစ်လိုက်မလည်း...
အခုခေတ်မှာ မိဘတွေဟာ သားသမီးတွေလောက် ဗဟုသုတ လက်လှမ်းမမှီကြတော့ပါဘူး..လက်ကိုင်ဖုန်းအသစ်တွေ ဆော့ဖ်ဝလ်အသစ်တွေ နည်းပညာအသစ်တွေ ....ဒါတွေကို ကိုယ့်မိဘတွေကနားမလည်လို့ မေးတဲ့အခါ စိတ်ရှည်လက်ရှည်ရှင်းပြပေးလိုက်ပါ...ယနေ့ခေတ်လူငယ်တွေဟာ အရင်ခေတ်လူတွေထက် ခြေလှမ်းတွေကြဲနေကြပါပြီ ...မြို့ပြနဲ့ တိုင်းခြားပြည်ခြားဗဟုသုတတွေ...နည်းပညာတွေနဲ့ ငွေရှာနိုင်မှု့တွေ သာလွန်နေကြတာ ခေတ်ကာလရဲ့ အခြေနေပေးမှု့ကြောင့်ပါ...
ကိုယ်အောင်မြင်လာတဲ့အခါ၊ကိုယ်ကြီးပွားချမ်းသာလာတဲ့အခါ၊ကိုယ်ပညာတွေတတ်လာတဲ့အခါမှာ...ငါကွ ဆိုတဲ့မာန်ကို ထောင်မယ့်အစား...အဖေ့သားကွ..အဖေ့သမီးကွ
အမေ့သားကွ...အမေ့သမီးကွ ဆိုပြီး...ကိုယ့်အပေါ် ကျွေးမွေးစောင့်ရှောက် ထမ်းပိုး တွန်းတင်ပေးခဲ့တဲ့ မိဘတွေကိုပါ
ဂုဏ်ယူနိုင်အောင် ကြိုးစားနေထိုင်ကြရင်း....ကိုယ့်ဘဝ တိုးတက်လာရခြင်းအဆင့်ဆင့်ဟာ မိဘဆိုတဲ့ ကျေးဇူးရှင်အရင်းအမြစ်တွေကြောင့်ဆိုတာ အောက်မေ့ဆင်ခြင်နေခြင်းဟာ မိဘအပေါ်သိတတ်ခြင်းပါပဲ.....

မိဘကျေးဇူးသိတတ်တဲ့ သားသမီးကောင်းလေးများဖြစ်ကြပါစေ😊

Nagani book store.Korea

20/01/2024

ဒီစာအုပ်လေးက မိန်းကလေးတွေအတွက် ပိုပြီး
ဖတ်သင့်တဲ့စာအုပ်လေး အဖြစ် ညွှန်းချင်ပါတယ်....

How to handle between...
Relationship&Career

18/01/2024

ပန်းဆက်လမ်းမှာ ၅ပတ်ဆက်တိုက် ရောင်းအားအကောင်းဆုံး😍
ကျွန်တော်တို့ဆီမှာလည်း ရောင်းအားကောင်းပါတယ်ဗျ..
အနည်းငယ်ပဲကျန်ပါတော့တယ်😊

18/01/2024

"လူတစ်ယောက်ကို ဘဝထဲကိုခေါ်ယူတဲ့အခါ အချိန်ယူပါ။"

ဆိုရိုးတစ်ခုရှိတယ်။ ဘဝမှာ မြန်မြန်လာတဲ့အရာတွေက မြန်မြန်ပြန်ထွက်သွားတတ်တာ ထုံးစံပဲတဲ့။ အောင်မြင်မှုတစ်ခု၊ လူတစ်ယောက်၊ စည်းစိမ်ချမ်းသာတစ်ခု။ အရှိန်ပြင်းပြင်းနဲ့လောင်တဲ့မီးမှန်သမျှက ပြန်ငြိမ်းသွားတတ်တာ အမှန်ပါပဲ။

ဒါကြောင့် သင့်အနေနဲ့လူတစ်ယောက်ကို သင့်ဘဝထဲကိုခေါ်တော့မယ်ဆိုရင် အချိန်ယူပါ( ဒါကတော့ဘဝနဲ့ရင်းပြီးရခဲ့တဲ့ သင်ခန်းစာလေးပါ)။ သင့်အကြောင်းတွေ သူ့ကို ပေးသိပါ။ အဲဒီနောက် သူ့အကြောင်းတွေကိုလည်း သင်သိအောင် ကြိုးစားပါ။ သူ့ရဲ့မကောင်းတဲ့အချက်တွေ၊ သူ့ရဲ့ကြည့်မကောင်းတဲ့ပုံတွေ၊ သူ့ရဲ့တစ်ကိုယ်ကောင်းဆန်တဲ့အကျင့်တွေ၊ သူ့ဘဝရဲ့မအောင်မြင်တဲ့အခိုက်အတန့်တွေကိုမြင်ပြီးတာတောင်မှ သူ့ဘဝထဲမှာ ဆက်ပြီး နေချင်စိတ်ရှိသေးလားဆိုတာ သင့်ကိုသင် သေချာမေးပါ။

နည်းတူပဲ သင့်ရဲ့ ကောင်းကွက်ချည်းပဲလဲ လူတစ်ယောက်ကို မပြပါနဲ့။ ကောင်းတာတွေပဲ ကြည့်ပြးသင့်ဘဝထဲကို မြန်မြန်ဝင်လာတဲ့လူက သင့်ဘဝကိုကာကွယ်စောင့်ရှောက်ပေးမယ့် ပန်းခြံမှူးမဟုတ်ပါဘူး ဒီအတိုင်းပွင့်နေတဲ့ပန်းတွေကို ခဏကြည့်ပြီး ပြန်သွားမယ့် ပန်းခြံလာတဲ့ဧည့်သည်ပါပဲ ။ ဒါကြောင့် ချစ်ရတဲ့လူတွေကို သင့်ရဲ့ perfectဖြစ်တာတွေကိုပဲ ရွေးပြီးမပြပါနဲ့တော့ ချစ်ရတဲ့လူတွေဆိုတာ ဘဝရဲ့ခက်ခဲနေတဲ့အချိန်မှာ ဆုပ်ကိုင်ပေးဖို့လက်တစ်ဖက် နဲ့ ငိုစရာရှိတဲ့အခါ မှီထားစရာ ပခုံးတစ်ခုပါ၊ ပန်းတွေကိုအလှလာကြည့်တဲ့ ဧည့်သည်တွေက သင့်ရဲ့မဖူးပွင့်နေတဲ့ပန်းတွေကို ခံစားပြီးကြည့်ပေးကြမှာမဟုတ်ပါဘူး။

လူတွေကို ဘဝထဲကို မြန်မြန်ခေါ်မိရင် အဲ့လူတွေက သင့်ရဲ့အပေါ်ယံအလှအပတွေကိုမြင်ပြီး သင့်ရဲ့ဆိုးကွက်တွေကို ကဲ့ရဲ့ကြရင် သင်ပဲစိတ်ဒဏ်ရာရမှာမို့ သင့်စိတ်ကလေးကိုစောင့်ရှောက်ပါ။ လူတွေကိုဘဝထဲကို မြန်မြန်မခေါ်ပါနဲ့။

သူအကြောင်းတွေကိုသိအောင်ကြိုးစားပါ။ သင့်အကြောင်းတွေကိုလည်းပေးသိပါ။ ခဏတာကောင်းတာမျိုးကတော့ ဘယ်သူမဆို လုပ်နိုင်ပါတယ်၊ စောင့်ဆိုင်းပေးတာမျိုး အတူရှိနေပေးတာမျိုးက ကောင်းတဲ့လူတွေမှ လုပ်နိုင်တာမိုလို့ပါ။

ဒီစာအုပ်မှာ Relationshipတစ်ခုကို မတည်ဆောက်ခင် မိမိကိုယ်ကို အရင်တည်ဆောက်သင့်ပုံတွေနဲ့ healthy relationship တစ်ခုကိုပိုင်ဆိုင်ဖို့ ကိုယ်တိုင်ကော ဘယ်လိုတွေပြင်ဆင်ရမလဲ၊ ဘယ်လိုလူတွေကို စွန့်လွှတ်ရမလဲ ဆိုတာကို ခေါင်းစဉ်တိုလေးပေါင်းများစွာနဲ့ ရေးဖွဲ့ပြထားပါတယ်။

crd:

◾ ပန်းခြံနှင့် ဥယျာဉ်မှူး
◾ နေဗလ်
◾ စာမျက်နှာ - ၁၉၀................
30.1.2024 မှာ ထွက်ရှိမှာဖြစ်ပါတယ်။
Preorder လာမှာလို့ရပါတယ်ခင်ဗျာ😊
#ပန်းခြံနှင့်ဥယျာဉ်မှူး
#နေဗလ်

16/01/2024

Employee...လုပ်ခစား၊လခစား၊အလုပ်သမားဝန်ထမ်း
Self-employed....ကိုယ်တိုင်လုပ် ကိုယ်ပိုင်လုပ်ငန်း(အသေးစားလုပ်ငန်းရှင်လေးများ)
Business owner...လုပ်ငန်းရှင်ကြီး
Invester....ရင်းနှီးမြှုပ်နှံသူ၊ငွေရှင်

အတိုကောက်အနေနဲ့ ...E.S.B.I. ဆိုပြီး လူတိုင်းလူတိုင်းရဲ့
ဝင်ငွေစီးဆင်းမှု့ လမ်းကြောင်းတွေဟာ...
ဒီ၄မျိုးထဲကပဲ တစ်နည်းနည်းနဲ့ ဝင်ငွေရှာနေကြရပါတယ်...

အဲ့ဒီတော့ ဒီနေ့ ကိုယ်ဟာ ဘယ်လမ်းကြောင်းနဲ့ ငွေဝင်မှု့တွေရရှိနေပြီး..အနာဂတ်မှာ ဘယ်လိုမျိုး ဝင်ငွေလမ်းကြောင်းတွေနဲ့ ရပ်တည်ဖို့ ရည်ရွယ်ထားပါသလည်း...

ဒီစာအုပ်လေးထဲက ဥပမာပုံပြင်လေးတစ်ပုဒ်ကို
အတိုချုံ့ပြီး ပြောပြရရင် ရေကိုလိုလို့ ခပ်ကြတဲ့နေရာမှာ
ကိုယ့်အားကိုယ် သုံးပြီး ရေပုံးနဲ့ ခပ်တဲ့လူနဲ့...
ရေကို ပိုက်တွေနဲ့ သွယ်တန်းချိတ်ဆက်ပြီး ယူတဲ့လူနဲ့...

ဘယ်သူကပိုမြန်မြန် ရမလည်း?
ဘယ်သူက ပိုများများရနိုင်မလည်း?

Employee..က ရေကို ကိုယ့်တစ်ယောက်တည်း ပုံးနဲ့ခပ်နေတဲ့လူနဲ့တူတယ်...
Self-employed..ကတော့ ကိုယ်တစ်ယောက်ထဲတင်မဟုတ်ပဲ မိသားစုလိုက် ပုံးတွေနဲ့ ခပ်နေတဲ့လူနဲ့တူတယ်...

Business ownerနဲ့ Inverstorကတော့ ရေကို ပိုက်တွေနဲ့သွယ်တန်းထားပြီး ကိုယ်အင်အားမစိုက်ရပဲ
အိပ်နေရင်းလည်းဝင်နေမယ့် လမ်းကြောင်းဖန်တီးမှု့တွေပါပဲ..

လူကြီးမင်းတို့အနေနဲ့ ဒီနေ့ဒီအချိန်မှာ ဘယ်လိုမျိုး နည်းနဲ့
ငွေတွေဝင်နေလည်းဆိုတာသိထားသင့်ပြီး အနာဂတ်မှာ
ဘယ်လိုမျိုးငွေကြေးလွပ်လပ်မှု့တွေဖန်တီးချင်လည်းဆိုတာကို စိတ်ကူးယဉ်သက်သက်မျှမဟုတ်ဘဲ..အမှန်တကယ်ရည်ရွယ်ချက်နဲ့ အစီစဉ်တွေချမှတ်ထားတာက အနာဂတ်အတွက်စိတ်အေးရပါမယ်....

အဲ့ဒီအတွက် ကိုယ့်မှာဘာတွေလိုအပ်လည်းဆိုတော့
ငွေကြေးနဲ့ပတ်သတ်တဲ့ ပညာရပ်တွေပါပဲ...
ကျောင်းမှာသင်မပေးလိုက်တဲ့ ငွေကြေးဆိုင်ရာပညာရပ်တွေကို ကျွန်တော်တို့တွေ စာအုပ်တွေကတစ်ဆင့်သင်ယူရပါတယ်..
ငွေကြေးနဲ့ပတ်သတ်ရင်
ငွေကို ကပ်စေးနည်းခြင်း
ငွေမက်ခြင်း
ငွေဖြုန်းခြင်း ဆိုတဲ့ အစွန်း၃ခုကို လွတ်ရပါမယ်...

ကျွန်တော်ကိုယ်တိုင်လည်း မကျွမ်းကျင်သေးပါဘူးခင်ဗျာ😀

ဒါပေမဲ့ စာရေးဆရာRobert T.Kiyosakiရဲ့ Rich dad&Poor dad ဆိုတဲ့ စာအုပ်တွေရဲ့ အပိုင်းတွေ အဆက်တွေကို သဘောကျလို့ လက်လှမ်းမှီသလောက် ရှာဖွေခဲ့ပါတယ်ဗျ...

dad Poor dad(ဆင်းရဲဖေဖေ ချမ်းသာဖေဖေ)
B I S Rich dad's(သူဌေးဖေဖေရဲ့ငွေရှာနည်း)

ဆိုတဲ့ စာအုပ်လေးတွေ instok ရှိပါတယ်ဗျ...

အားလုံးကျမ္မာပျော်ရွှင်ကြပါစေခင်ဗျာ😊
Nagani book store.Korea

15/01/2024

ဘဝမှာ အောင်မြင်ဖို့အတွက်ဆိုရင်
ကိုယ့်ကိုယ်ကိုယ် အောင်မြင်ဖို့လိုတယ်
ကိုယ့်ကိုယ်ကိုယ် အောင်မြင်ဖို့အတွက်ဆိုရင်
ကိုယ့်စိတ်ကို အရင်အောင်မြင်ဖို့လိုပါတယ်....

"စိတ္တေန နိယတိ လောကော"
စိတ်သည် လောကအားလုံးကို လွှမ်းမိုးခြယ်လှယ်နေ၏...လို့
ဗုဒ္ဓမြတ်စွာဘုရားက ဟောကြားခဲ့ပါတယ်...

ကိုအလိုရှိတဲ့အရာကို အရယူဖို့ကြိုးစားကြတဲ့အခါမှာ...

ထိုအရာအပေါ် အရယူဖို့ ပြင်းပြတဲ့ ဆန္ဒ
ထိုအရာကို အရယူဖို့ အစွမ်းကုန် ကြိုးစားအားထုတ်မှု​့
ထိုအရာဟာ အလွယ်တကူမရခဲ့ရင်တောင် စိတ်ဓာတ်မကျသွားတဲ့ စိတ်ဓာတ်ကြံ့ခိုင်မှု့...
အဲ့ဒီအချက်၃ချက်နဲ့ညီနေပြီး မရခဲ့ရင်တော့ ကိုယ်ကြိုးစားနေတဲ့ အနေအထားနဲ့ ကိုယ်လိုချင်တာရဖို့အနေအထားနဲ့ က ကိုက်ညီမှု့ ရှိမရှိဆိုတဲ့ ဆင်ခြင်သုံးသပ်တတ်မှု့(ညာဏ်ပညာ)

ဒီလိုမျိုး အချက်၄ချက် ကိုအခြေခံပြီး
ဆန္ဒာအဓိပတိ၊ဝရိယအဓိပတိ၊စိတ္တာအဓိပတိ၊ဝီမံသအဓိပတိဆိုပြီး အဓိပတိ၄ပါး နဲ့ အလိုဆန္ဒပြည့်ဝမှု့ကို ဟောကြားတော်မူခဲ့ပါတယ်....

အားလုံး ကောင်းမွန်တဲ့ ရည်ရွယ်ချက်တွေနဲ့
ကောင်းမွန်တဲ့ စိတ်ဓာတ်တွေနဲ့
ကောင်းမွန်တဲ့ဘဝခရီးလမ်းမှာ ကောင်းမွန်သော
အောင်မြင်မှု့တွေ ရရှိနိုင်ကြပါစေခင်ဗျာ☺️

Nagani book store.Korea

13/01/2024

ပီတိ(ပေကြီး)ရဲ့

စိတ်၏ငြိမ်းချမ်းခြင်း စာအုပ်လေးလည်း
ပြန်ရနေပါပြီခင်ဗျ😍

Nagani book store.Korea