06/01/2024
📛 ၄လုံးထိုး ၊ ၆လုံးထိုး ၊ ၈လုံးထိုး ဗားချိန်နည်း/တိုက်ပစ်ချိန်နည်း စုစည်းမှု 📛
💮 အများသုံး ၄လုံးထိုး ဗားချိန်နည်း ‼
၄လုံးထိုးဗားချိန်နည်း မသိသေးတဲ့သူတွေအတွက်ရည်ရွယ်ပါတယ်။
၄လုံးထိုးဗားချိန်နည်းကို နားလည်ခဲ့ရင် ၆လုံးထိုး နဲ့ ၈လုံးထိုး ကိုနားလည်သွားပါလိမ့်မယ်ဗျာ။ ကားအများစုမှာ ဒီဇယ်ဖြစ်ဖြစ် ၊ ဓာတ်ဆီဖြစ်ဖြစ် နောက် ကားကြီး ကားလေး မခွဲပါနဲ့ ၊ အကုန်လုံးသည် ဒီသီအိုရီပေါ်မှာပဲ အခြေခံကြပါတယ်။ တရုတ်ကားလည်း ဒါပဲ ၊ ကိုရီးယားကားလည်းဒါပဲ ၊ ဥရောပကား ဂျပန်ကား အကုန်လုံးက အခြေခံ တစ်ခုတည်းမှာပဲ အခြေခံတယ်။ ကျွန်တော်တို့ ကားတွေမှာပါတဲ့ 16pin DLC ခေါင်းမှာလည်း ဘယ်ကားမဆို 16 ပင်ခေါင်းပေါ်မှာပဲ အခြေခံတယ်။ protocol တွေကွဲလိမ့်မယ်။ CAN လိုင်း ၊ K/L လိုင်း ၊ TC လိုင်း ၊ အပေါင်း ၊ အနုတ် လိုင်းတွေ ကဲှဲပှားတာမှိုးရှိပါလိမ့ှမယှ။ ဒါပေမဲ့ အခြေခံကတော့ အတူတူပါပဲ။
ဒါ့ကြောင့် ဒီနေရာမှာ ၄လုံးထိုး အင်ဂျင်တစ်လုံးရဲ့ အလွယ်ဆုံး ဗားချိန်နည်းအကြောင်းပြောမယ်။ စျေးကွက်ထဲမှာ SOHC နဲ့ DOHC ၂ မျိုးပါတဲ့ အင်ဂျင်တွေ တွေ့ရပါလိမ့်မယ်။ SOHC ဆိုတာ Sigle overhead camshaft ၊ DOHC ဆိုတာ Double overhead camshaft။ တရုတ်ကားတွေက SOHC နဲ့လာကြတယ်။ DOHC ကတော့ ဂျပန်ကားအများစုနဲ့ဥရောပကားတွေဖြစ်တယ်။ ဗားချိန်ဖို့ဆိုရင် ဆလင်ဒါလေးလုံးရှိတယ် မီးပေါက်စဥ်ကို သိရမယ်။ ၄လုံးထိုးမှာက 1 3 4 2 နဲ့လာပါတယ်။ မီးပေါက်စဥ်မသိလည်းဘာမှမဖြစ်ဘူး။ ကရိုင်းရှပ်ကို လှည့်ကြည့်လိုက်ပါ။ 1 အလုပ်လုပ်ပြီးသွားပြီး 3 အလုပ်လုပ်ခဲ့ရင် ဒါဟာ 1 3 4 2 နဲ့သွားတာဖြစ်ပါတယ်။ ၆လုံးထိုး နဲ့ ၈လုံးထိုးမှာတော့ ဆလင်ဒါ ၂လုံး ဇုံတက်ဇုံဆင်းမို့ သူ့မီးပေါက်စဥ်အတိုင်းသွားပါတယ်။ ဒါဆို လုပ်နေကျအတိုင်း 1 ကိုစချိန်မယ်။ 1 မချိန်ဘဲ 2 ကနေ စချိန်လည်း ကိစ္စမရှိဘူး။ ဆလင်ဒါ 1 ၏ inlet နဲ့ အိပ်ဇောကို စချိန်မယ်။ feeler gauge (ဖီလာဂိတ်) ရှိရမယ်။ မရှိရင်လည်း လက်မှန်နဲ့ချလို့ရတယ်။ သိပ်တော့ မတိကျဘူး။ inlet သည် များသောအားဖြင့် ဒီဇယ်ကားတွေမှာ အင်လက်ဗားကို 0.2mm (0.008in) ထားလေ့ရှိပြီး အိပ်ဇောဗားကို 0.36mm (0.014in) ထားလေ့ရှိပါတယ်။ ဒါက အကြမ်းဖျင်း သူ့ မန်နူရယ်နဲ့သူ ဖတ်ပြီး အတျိအကခြြိနျရငျ ပိုပြီးတိကျတယ်။ ဗားချိန်ရာမှာ meterial property (သံဂုဏ်သတ္တိ) ကြောင့်ဖြစ်လာမဲ့ ပြောင်းလဲမှုကြောင့် အိပ်ဇောဗားကို အနည်းငယ်ပိုပေးထားတယ်။ တချို့ကလည်း သောင်နဲ့ပြတယ်။ သောင်ဆိုတာ ဆီတစ်ထုစာဖြစ်ပါတယ်။ ၁၅ သောင် ၊ ၁၇ သောင် စသဖြင့်ထားကြတာရှိတယ်။ သောင်ဆိုတာ ဗြိတိသျှယူနစ်ဖြစ်ပြီး တစ်လက်မရဲ့ တစ်ထောင်ပုံ တစ်ပုံပါ။ နောက်ပိုင်း အမေရိကန်စနစ်ကိုပဲ အဓိကထားလာကြတော့ ဖီလာဂေ့နဲ့အခြားသော ပရက်ရှာယူနစ်တွေမှာ mm ၊ kg ၊ W ၊ Amp ၊ C စသဖြင့် SI ယူနစ်ပေါ်မှာပဲ အခြေခံကြပါတော့တယ်။
💮 ဒီဇယ်အင်ဂျင် {၆}လုံးထိုးဗားချိန်နည်း ‼
ဗားချိန်နည်းတွေ ၄ ၅ မျိုးလောက်ရှိကြပေမဲ့ ကျွန်တော်ကတော့ အတွဲလိုက်ချိန်တာကို ပိုသဘောကျတယ်။ firing order အလိုက်ချိန်လဲ ရတယ်။ ဒါပေမဲ့ fire order ကိုတော့ သိဖို့လိုပါလိမ့်မယ်ဗျာ။ ၆လုံးထိုး အင်ဂျင်တွေမှာ ၂ လုံးတက် ၂လုံးဆင်း ဖြင့် အင်ဂျင်အလုပ်လုပ်ပါတယ်။ ဒါပေမဲ့ ဇုံပါဝါရတာတော့မဟုတ်ဘူး။ ပါဝါကတော့ firing order အတိုင်းဘဲသွားနေတာ။ ဆလင်ဒါ ၂လုံးက ဇုံတက်ဇုံဆင်း အလုပ်လုပ်တာကြောင့် ၆လုံးထိုးအင်ဂျင်တွေက ရုန်းအားကောင်းတယ်။ ခုနောက်ပိုင်း heavy duty တွေမှာ ၆လုံးဘဲလာပါတော့တယ်။ GE13 / GH13 / DC12 / D13 / E13C /6M70 စတဲ့ တွေဟာ ၆လုံးထိုးတွေဖြစ်ပါတယ်။ ကျွန်တော်တို့ မြန်မာတွေက ဖြတ်ထိုးဥာဏ်တအားကောင်းတယ်။ ဂျပန်လူမျိုးတွေပြောသလို မြန်မာတွေက ဖြတ်ထိုးဥာဏ်ကတော့ကွာ ငါတို့ဂျပန်လူမျိုးတွေထက်သာပါတယ်တဲ့။ ဂျပန်စစ်ရှုံးတော့ ဂျပန်ပေးတဲ့ စစ်လျှော်ကြေးတွေနဲ့ မန်းလေးတဖက်ကမ်း ထိုးဖို ပတောင်းမှာ တီအီးကားတွေထုတ်ခဲ့တာ ခုထိ သုံးနေတုံးပဲ။ အဲ့ဒီတုံးက အာရှမှာ ကားထုတ်နိုင်တာဆိုလို့ မြန်မာဘဲရှိအုံးမယ်။မြန်မာနည်းမြန်မာဟန်ဆိုတာ အလကားမဟုတ်ဘူး။ အလုပ်မြန်မြန်ပြီးအောင် ဥာဏ်ရှေ့ပြေးနဲ့ လုပ်ခဲ့ကြတယ်။ အလုပ်တော့ပြီးပါတယ်။ စနစ်နဲ့စည်းနဲ့ လုပ်တဲ့အပိုင်းမှာ အသားကျတော့ အတော်လေးခက်သွားတာမျိုးရှိတယ်။ အလုပ်ပြီးဖို့ဘဲ အာသီသရှိတော့ စည်းစနစ်ပိုင်းမှာ အနည်းငယ်မေ့လျော့ဟန်တူပါတယ်။ ခုလည်း ဗားချိန်နည်းအကြောင်းနဲ့ဆက်စပ်ပြီးပြောချင်တာက နည်းစနစ်ကျကျချိန်မယ်ဆိုရင် ကျွန်တော်တို့ turning tools တွေလိုမယ်။ Richard တှေလိုမယျ။ Feeler guage တွေလိုမယ်။ တကယ့် Tools အပြည့်စုံနဲ့ ချိန်လိုက်ကြတယ်။ နိုင်ငံခြားသားတွေပြောပါတယ်။ ဒါ့ကြောင့် ဗားချိန်နည်းကို နိုင်ငံခြားသား ချိန်နည်းနဲ့ မြန်မာချိန်နည်း ၂ မျိုးပြောမယ်ခင်ဗျ။
မြန်မာ့နည်းမြန်မာ့ဟန်ဗားချိန်နည်း
------------------------------
စက်ဆရာက သူ့တပည့်ကို .... ဟေ့ ကောင်လေး
ဖလိုင်းဝှီးလှည့်ကွာ
၁ ကိုအရင်စချိန်မယ်ဟေ့
၁ ချိန်မယ် .... ၆ကိုကြည့်ဟေ့
၅ ချိန်မယ်ကွာ ... ၂ ကိုကြည့်
၃ ချိန်မယ် .... ၄ ကိုကြည့်
၆ ပြန်ချိန်မယ် .... ၁ ကိုပြန်ကြည့်
၂ ကိုချိန်မယ် .... ၅ ကိုကြည့်လိုက်
၄ ချိန်မယ် .... ၃ ကိုကြည့်လိုက်
(ဖီလာဂေ့ မရှိရင်လည်း စက္ကူ တစ်ထုစာပေါ့ကွာ) ၊ ငါတော့ လာမချိန်တော့ဘူး တပည့်မင်းချိန်လိုက် ... ပြီးမှ ငါလာစစ်မယ်)
နိုင်ငံခြားဗားချိန်နည်း
-------------------
Valve tappet clearance ကို intake အတွက် 0.45mm / exhaust အတွက် 0.70mm ကွက်တိထားပေးရမယ်။ အေးတဲ့ အချိန် ချိန်ရမည်။ ပူရင် တန်ဖိုးပြောင်းနိုင်တယ်။ အကယ်၍ စက်နိုးပြီးမှ ချိ်န်ရင်လည်း မိနစ် ၃၀ အထက်စောင့်ဆိုင်းပြီး အင်ဂျင်အအေးခံပြီးမှ ချိန်ရမည်။
မှတ်ချက် ။ 2400hr မောင်းပြီးတိုင်း tappet clearance ကို စစ်ပေးရမည်။
Firing order က 1-5-3-6-2-4
TDC down (0) = 1 (overlap) - 6 adjust
TDC down (120) = 5 (overlap) - 2 adjust
TDC down (240) = 3 (overlap) - 4 adjust
TDC down (360) = 6 (overlap) - 1 adjust
TDC down (120) = 2 (overlap) - 5 adjust
TDC down (240) = 4 (overlap) - 3 adjust
TDC Up (0) = 1 (overlap) - 6 adjust
TDC Up (300) = 5 (overlap) - 2 adjust
TDC Up (60) = 3 (overlap) - 4 adjust
TDC Up (360) = 6 (overlap) - 1 adjust
TDC Up (300) = 2 (overlap) - 5 adjust
TDC Up (60) = 4 (overlap) - 3 adjust
TDC down ( TDC ကနေ အောက်ကို ကရိုင်းရှပ်အလှည့်တိုင်း) ... Fly wheel ရဲ့ Ring gear မှာ TDC marking ပါပါတယ်။ တချို့ fly wheel တွေမှာ 0 , 120 , 240 စသဖြင့် ရေးထားပါတယ်။ ဖလိုင်းဝှီးကို အပေါ်ကကြည့်ရင် ၎င်းမှာပြထားတဲ့ အပေါက်လေးပါပါတယ်။
နောက်ဆုံးနည်း ကတော့ No.1 ပစ္စတင်နဲ့ No.6 ပစ္စတင် တို့ရဲ့ TDC (compression) မှာဘဲ ထားပြီး ရှိသမျှဗား အကုန်ချိန်သွားတာ။
No.1 ပစ္စတင် TDC (compression) = 1(in) , 1(ex) , 2(in) , 3(ex) , 4(in) , 5(ex) ,
No.6 ပစ္စတင် TDC (com) = 2(ex) , 3(in) , 4(ex) , 5(in) , 6(in), 6(ex) .... ဒီနည်းက အမေရိကန် Detroit series တွေမှာ သုံးတဲ့ နည်းဖြစ်ပါတယ်။ ကွဲပြားမှုကတော့အနည်းငယ် ရှိပါတယ်။ တူညီတဲ့ အချက်က No.1 နဲ့ No.6 ရဲ့ ပစ္စတင် TDC (compression) ကိုဖမ်းပြီး ရဲ့ inlet နဲ့ exhaust ကို အရင်ချိန်ပြီး ကျန် ပစ္စတင်တွေရဲ့ လွတ်နေတဲ့ဗားတွေကို လိုက်ချိန်သွားတာဖြစ်တယ်။ သူကတော့ ကရိုင်း တပတ် လှည့်ရုံဘဲ။
စကားလုံးအဓိပ္ပါယ်များ 👌✅ ,
in(inlet) = အင်းလက်
ex(exhaust) = အိပ်ဇော
com(compression) = ကွန်ပရက်ရှင်း
TDC = Top dead centre
BDC = Bottom dead centre
Firing order = မီးပေါက်စဥ်
💮 V8 engine ( ၈လုံးထိုးဗားချိန်နည်း ) ‼
၈လုံးထိုး V8 အင်ဂျင် ဗားချိန်နည်း အကြောင်း မျှဝေပေးပါ့မယ်ခင်ဗျာ။ အင်ဂျင်တွေမှာ ၁လုံးထိုး (single cyclinder) ကနေ ၁၀လုံးထိုး (V10) tappet clearance လို့ခေါ်တဲ့ အင်လက်ဗား ၊ အိပ်ဇောဗားအကွာအဝေးကို ချိန်ကြရတယ်။ ကားတစ်စီးက ဘယ်လောက် နာရီ သုံးပြီးသွားရင် ဗားတစ်ခါချိန် စသဖြင့် ပရိုစီဂျာ ရှိတယ်။ အဲ့အတိုင်းလုပ်ရင် ရေရှည်မှာ အင်ဂျင်ပိုကျန်းမာမယ်။ မဟုတ်ရင် အင်ဂျင်သက်တမ်းတိုမယ်။ ၈လုံးထိုး အင်ဂျင်တွေက V ပုံစံ အင်ဂျင်လေးလုံးစီကို တဖက်ချက်ထားပေးထားပါတယ်။ ၆လုံးထိုးတွေမှာက inline 6 နဲ့ V6 ဆိုပြီး ၂ မျိုးရှိပေမဲ့ ၈လုံးထိုးမှာကျ V8 ဆိုပြီး တစ်မျိုးဘဲရှိတော့ပါတယ်။ ၈လုံးထိုးအင်ဂျင်တွေမှာ ဒီဇယ်နဲ့ ဓာတ်ဆီ ၂ မျိုးရှိတယ်။ ဓာတ်ဆီမှာဆိုရင်လည်း muscle car တွေ ဆီအုပ်တဲ့ 4.6L အထက် ကားတွေသည် V8 လို့ခေါ်တဲ့ ၈လုံးထိုးတွေ ဖြစ်ကြပါတယ်။ ဥပမာအားဖြင့် Toyota ရဲ့ UZ ၊ UR အင်ဂျင်တွေ ၊ Nissan ရဲ့ VK ၊ VH အင်ဂျင်စီးရီးတွေ ၊ Mitsubishi ရဲ့ 8A8 အင်ဂျင်စီးရီးတွေ ၊ Mercedes AMG Hot V စီးရီး ၊ Cadillac L-head V8 ၊ 390 စီးရီး ၊ Northstar V8 ၊ နာရီမည်ကြီး Twin-Turbo Blackwing V8 စတာတွေဘဲဖြစ်ပါတယ်။ ဒီဇယ်ပိုင်းမှာဆိုရင် V8 အင်ဂျင်တွေက အများကြီးရှိကြပါတယ်။ ဒါဆို ဗားကလီးယားရင့် ဘယ်လိုချိန်ကြမလဲ?
V8 firing order - CW (clockwise) ကရိုင်းရှပ် နာရီလက်တံအတိုင်းလှည့်ရမည်။
Firing order = 1-8-4-3-6-5-7-2 (အများသုံး)
Firing order = 1-5-4-2-6-3-7-8 (Ford ,..... )
✅ ကရိုင်းမလှည့် 0 , 2 အင်းလက်ချိန် / 8 အိပ်ဇောချိန် ( TDC cyl-1 )
✅ ကရိုင်းလှည့် 90 , 1 အင်းလက်ချိန် / 4 အိပ်ဇောချိန် ( TDC cyl-8 )
✅ ကရိုင်းလှည့် 180 , 8 အင်းလက်ချိန် / 3 အိပ်ဇောချိန် ( TDC cyl-4 )
✅ ကရိုင်းလှည့် 270 , 4 အင်းလက်ချိန် / 6 အိပ်ဇောချိန် ( TDC cyl-3 )
✅ ကရိုင်းလှည့် 360 , 3 အင်းလက်ချိန် / 5 အိပ်ဇောချိန် ( TDC cyl-6 )
✅ ကရိုင်းလှည့် 450 , 6 အင်းလက်ချိန် / 7 အိပ်ဇောချိန် ( TDC cyl-5 )
✅ ကရိုင်းလှည့် 540 , 5 အင်းလက်ချိန် / 2 အိပ်ဇောချိန် ( TDC cyl-7 )
✅ ကရိုင်းလှည့် 630 , 7 အင်းလက်ချိန် / 1 အိပ်ဇောချိန် ( TDC cyl-2 )
Tappet clearance သည် ကားတစ်စီးနဲ့တစ်စီး အနည်းငယ်ကွာခြားချက်ရှိပါတယ်။ ပုံသေမတူနိုင်ပါ။ အကြမ်းဖျင်းအားဖြင့် ......
Inlet = 0.2 - 0.3 (mm) , 0.008 - 0.0118 (in)
Exhaust = 0.35 - 0.45 (mm) , 0.0138 - 0.0177 (in)
မှတ်ချက် < > ကားကြီးတွေမှာ အင်ဂျက်တာပါရင် အင်ဂျက်တာပါ တွဲချိန်ပေးရပါမယ်။ ကားကြီး ယူနစ် အင်ဂျက်တာပါ ၈လုံးထိုးအင်ဂျင်ကြီးတွေအတွက် ဗား+အင်ဂျက်တာ တွဲချိန်နည်း သီးသန့် တင်ပေးပါ့မယ်ခင်ဗျာ။
🙇 ကျွန်တော်တို့ရဲ့ ထမင်းရှင်စက်ဆရာများ ကျန်းမာချမ်းသာပြီး ဘေးအန္တရာယ်ကင်းဝေးကြပါစေ 🙏
#စက်ပြင်ဆရာညီအကိုတွေ အားလပ်ချိန်စာအုပ်ဖတ်ချင်တယ်ဆိုရင် ကားနည်းပညာစာအုပ်ကြီး (၆) အုပ်၀ယ်ဖတ်လို့ရပါတယ်🙏
ဒေါ်လာကြောင့်နိင်ငံခြားစက္ကူဈေးတွေ2ဆထိတက်နေပေမယ့်လည်းဈေးနူန်းအသက်သာဆုံးနဲ့လက်တွေ့အသုံး၀င်တဲ့ကားပြင်စာအုပ်တွေဖြစ်ကြောင်းအာမခံပါတယ်ခင်ဗျာ
#ကားစက်ပြင်အခြေခံစာအုပ် (အသစ်ထွက်)
13000ကျပ်
https://m.facebook.com/story.php?story_fbid=766847602150418&id=100064755550366&mibextid=Nif5oz
#အော်တိုဂီယာဗားဘော်ဒီစာအုပ်
13000ကျပ်
https://m.facebook.com/story.php?story_fbid=1013562349431096&id=127119418075398
#ကားဝါယာရိန်း&ECUစာအုပ်
10000ကျပ်
https://www.facebook.com/127119418075398/posts/1109230133197650/
#စက်ပြင်ဆရာလက်စွဲစာအုပ်
12000ကျပ်
https://www.facebook.com/127119418075398/posts/1074605609993436/
#ဒီဇယ်အင်ဂျင်နှင့်ကွန်မွန်းရေးစာအုပ်
12000ကျပ်
https://m.facebook.com/story.php?story_fbid=667128985455614&id=100064755550366&mibextid=Nif5oz
& Sensorကား၀ပ်ရှော့နည်းပညာများစာအုပ်
12000ကျပ်
https://www.facebook.com/100064755550366/posts/551421737026340/
မြန်မာလိုကားစက်ပြင်စာအုပ်ကောင်းများကိုမှာယူမယ်ဆိုပါရင်09796756476 09784710458 သို့ဆက်သွယ်မှာယူနိင်ပါတယ်ခင်ဗျာ
🙏ထမင်းရှင်စက်ဆရာများရဲ့ဂုဏ်ကျေးဇူးကိုအမြဲသတိတရဦးညွှတ်လျက်ပါခင်ဗျာ🙏
📌 အောက်ပါ တယ်လီဂရမ်လင့်ကိုလည်း ဂျိုင်းပြီး အဖိုးတန်ဆောင်းပါး ၊ ပုံတွေ ၊ စာအုပ်တွေ ရယူနိုင်ပါတယ်ခင်ဗျာ
https://t.me/+X2wga8MUZlw4M2Vl (ဂရု)
https://t.me/automechanicsbook14 (ချန်နယ်)
