11/10/2026
Sträng ghaim!
Warum derfsch dr Larvebauer nur uff Vooraamäldig in sim Atelier go bsueche?
Waisch - s isch wie an dr Wienacht mit em Wienachtsbaum.
Bi uns sin scho vyyl Larve umme vo Clique. Und die die welle, wie du au, dass nit die ganzi Wält iiri Larve scho gseet wyt vor dr Fasnacht. Es soll e groosi Iberraschig wärde fir d’Mamme, dr Bappe, d Frind und nadyyrlig au fir di.
Doorum - wenn d Sujet wisse wilsch waardsch uff dr Rädäbäng und wenn ds Goschdyym und d Larve gsee wilsch uff dr Morgestraich - fir die aine oder uff dr Mäntig Noomidaag - fir die andre.
Sträng ghaim!
Mir hän das Joor scho sauglatti Ydee vo unsere Kunde bikoo und schaffe flyssig an däne. Aber wie d’Wichteli bim Wienachtskindli verrootemer nyt. Also fraiet eich - wie mir - uf dr 15. Februar wenn dr alli die dolle Massge uff dr Strooss derfet aastuune. Ebbe - wie an dr Wienacht.
Kunsch jetzt druss, warum d nit aifach so verbyykoo sotsch.
Aber darfsch mr gäärn voraane fungge. Drufaabe derfsch koo 078 725 92 50.
