Was ist die Webseite?

Seli-Chic

Kreativ-Kurse/Auftragsarbeiten/Märkte/Ausstellungen/kreative Unterstützung

24/06/2026

Fläscha Etikett für a Geburtstag dörfa erstella, d Etikett sind vur Kundin selber ufd Fläscha klebt worda 🥂🍀🩷🥳🎉🥂 Voder-und Hintersita

Viela Dank und alles Guati dr Beschenkta 🤗

22/06/2026

A4 Holzkarta zum Jubiläum 🍀🍀🍀

Herzlicha Dank für dä toll Uftrag und herzlichi Gratulation 🍀

22/06/2026

💜 Idee für Tischkärtli 💜

Zur Konfirmation vu minem Sohn hani 18 Rotwii Gläser und fürd Kind Wassergläser vu Hand (i han kei Lasergravierer 😅) graviert als "Tischkärtli" 🍀 d Gäst hend Freud ka und i han weniger zum abwäscha ka 🤭

Zerst mit ma Acrylstift (i nima immer Posca, finda dia super) dr Nama druf gschrieba vu Hand (ma kann au a Vorlag usdrucka und ins Glas kleba wenns nit freihand goht) und denn mit ma Akku Gravierstift alles nozeichna. Dr Acrylstift kann ma am Schluss eifach aweg putza 🤗

22/06/2026

💜 Kindergarderoba als Geburtsgschenk 💜

Herzlicha Dank für dia 2 Ufträg 🩷🌸🦋 und da Beschenkta viel Freud damit 🤗

21/06/2026

SOMMERFERIEN ☀️🏖️🌊

Vom 27. Juni bis 12. Juli blibt Seli-Chic gschlossa, ebafalls vum 1. August bis 9. August. In dera Zit werdend kei PNs, Mails und WhatsApps beantwortet.

Z Selbstbedienugshüttli isch aber immer göffnet 🥰

Vum 13. Juli bis 31. Juli bini jeda Tag mit diversa Ferienpass unterwegs. Drum bini au in dera Zit nit guat erreichbar, werda aber regelmässig WA, PNs etc aluaga.

Ufträg wia Schilder, Messlatta, Wegwieser, Spezialafertigunga oder andri grösseri Sacha könd erst ab Mitte August wieder bearbeitet werda. Klineri Sacha wia Taufkerza etc. sind aber möglich ab 13.7. Bitte aber früahzitig afroga 🤗

I wünscha eu allna a schöna Summer mit viel Abküahliga 🤗😎👋🏼

21/06/2026

As het 2 XXL Drohtbluama bim Selbstbedienugshüttli z Seewis-Pardisla, sie sind jetz no schwarz, rostend aber dussa 🪷🌺

16/06/2026

Hochziitsgschenk für 2 wundervolli Menscha 🩷🩷🩷

Herzlicha Dank dass i an dem wunderschöna Tag han dörfa drbi si 🍀🙏🏼

11/06/2026

Für as tolls Hoflädali z Davos-Frauenkirch hani dörfa Tafelbeschriftiga macha 🥰 viela herzlicha Dank für eures Vertraua und guati Gschäft 🤗

03/06/2026

Workshop XXL Drahtblume 🌸🪷🪷🌸

Im Mai sind einigi XXL Drohtbluama entstanda an da Kürs. Mega Spass gmacht mit eu dia z werkla 🤗 viel Freud damit und i bin gspannt wias usgsehnd wenns grostet sind 😊

09/05/2026

Herzlicha Dank für dä toll Morga mit eu 🤗🥳 viel Freud mit euerna Drohtreif 🌸🌷🌹🌼

Adresse

Seewis Im Prätigau
7212

Webseite

http://www.seli-chic.ch/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Seli-Chic erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.