ManusFaktur

09/09/2026

Wemmer nüma schlofa kann und dr Sunnaufgang ned ganz so früah isch wia im Summer 🤩😍

27/08/2026

25/04/2026

Iar Liaba
Ab am 1. Mai, 12.00 -bis denn bin i no am schaffa- nimmi wieder Bstelliga a. Allerdings gits a grossi Änderig.
I nimma nu no 5 Bstelliga pro Wucha a. Bstella kann ma jewils am Fritig. Dafür isch min Plan, d Lieferzit mit Usnahm für d Küssi uf max 1 Wucha ds reduziera.
I vermuata, dass dia 5 Plätz amigs ziemlich schnell werdand weg si, drum gilt: dr Schneller isch dr Gschwinder.
Warum i das macha:
d Nochfrog noch mina Sacha isch afeng riesig worda. I freu mi sehr darüber und bin au mega dankbar dafür. Glichzitig het d Nochfrog mittlerwila a Usnass erreicht, wo für mi nüma stemmbar isch und i nüma allem und allna kann grecht werda. Aso KANN un will i nüma witermacha, wega dem isch aso a Reduktion einfach nötig. I han miar scho sit x Mönat Gedanka drüber gmacht, wia is am besta macha söll und bin zum Entschluss kho, dass as aso am besta sötti funktioniera. I hoffa sehr, as wiitd aso könna funktioniera.
I bin miar bewusst, dass i vieli vo enntüscha werda muass und zum Teil viellicht au verärgera, das tuat miar scho jetzt leid. D Alternativa isch jedoch, ganz ufdshöra, aber das möchti im Moment no ned.
Danka für eures Verständnis, euri Geduld und euri Unterstützig 🫶🏼

27/03/2026

Iar Liaba
I melda mi wieder amol us dr Versenkig.
Do i im ganza Monat April sehr vieli privati Termin han, kann i leider kai Ziit ufbringa, zum euri Bstelliga ds macha. Drum hani mi entschieda, dass i an Bstellstop im ganza Monat April ilegga.