18/10/2023
• إذا كان الهدف تاعك من الخروج في المسيرة أنك تصور و تحط في السطوريات مع موسيقى.... فغير قعد في داركم صلي ركعتين و ادعي لخاوتك أحسن ...
• و إذا كان الهدف تاعك معاندة وخلاص خارج تدير الحس برا و صاي فغير اقعد في داركم ..أحسن ..
• و نتي أخيتي مادام خارجين الرجال يديرو مسيرة نتي علاه تخرجي و تمشي معاها برا في اختلاط عظيم ..مهما كانت نيتك و لكن ما تروحيش تديري حاجة تدي بيها ذنوب أكثر من أنك تفيدي بيها روحك. .المسيرة يلا داروها يخرجو رجال نتي اقعدي في داركم ولا روحي تقراي ما تقعديش مزاحمة الرجال و توغي في وسطهم هكذا لا حياء يبقى لا انوثة لا ولا شي ..تفسدي روحك و تجي هذا مكان ...
• الحماس الزايد هذا ما ينفعش دايما ...مهما كان الهدف نبيل الى أنو لازم تديرو شرع الله و حدوده بين عينيكم ..خاوتك لي راهم في غبينة عاونيهم بالدعاء مش بالخروج متبرجة و مزاحمة الرجال في مسيرة مخلطة رجال ..و تصوري و تحطي سطوريات بالغناء ..عيب هكذا ..راكم تزيدو الطين بلة أكثر والله المستعان .
