صور كأنها لكي

12/11/2024

تشيشة مرمز
زوج حبات طماطم 🍅كبار
نص راس ثوم🧄
فول اخضر
خردل (لفت)
فلفل 🫑عربي
دبشة🍀
ملح 🧂
زيت
بوفجوخ
قطعي لفت حطيه يطيب زيدي فول 5د وحطي نص مغرف مرمز خليهم يطيبو
جيبي ثوم وفلفل هرسيهم مع شوي ملح زيدي ارحي طماطم 🍅لازم تكون حمرة وطايبة وقطعي دبشة كي قريب يطيب مرمز نتاعك حطي لاصوص نتاعها وخليها طيب وزيدي حطي فلفل حتى تخثار لاصوص زيدي مغرف بوفجوخ طفي عليها كي تسقيها حطي من فوق زيتون ودبشة وفلفل طرشي

12/11/2024

كسرة_رخساس😍??
المكوّنات
1 كغ سميد 1 كغ الفرينة
كوب زيت
01 ملعقة كبيرة خميرة خبز
0.1 ملعقة كبيرة سكر
ملح(الملح حسب الرغبة)
ماء
الطريقة
نخلط السميد مع الزيت مليح ونضيف الملح والخميرة والسكر يمكن نضيف ونضيف الماء ونعجن نشكل كرات نخليهم يرتاحو نحلهم ونطيبهم فطاجين ،وبصحة وهناء

12/11/2024

04/10/2024

بان كيك:
4 ملاعق كبيرة زيت
2 ملاعق كبيرة سكر
فانيلا
ملعقة صغيرة خميرة الحلوى
نصف كاس حليب
كاس فرينة
بيضة
شوي ملح
طريقة :
نخلط بيضة مع حليب و سكر و زيت جيدا ثم نضيف باقي المكونات
في مقلا نضع قليل من زبدة و نضع دوائر و عند الطهي نقليها على جهة ثانية
وللتزيين نضع شكلاطة وبنان اذا مان متوفر يزيد فالذوق
وبالصحة والراحة

25/07/2024

سفنج ناجح من أول تجربة
الطريقة
3كؤوس فرينة
ملعقة كبيرة ونصف خميرة الخبز
نصف ملعقة كبيرة سكر
2كؤوس ماء دافئ ناقص ربع
ونخلط جيدا
ملعقة صغيرة ملح نخلطها مع قليل من الماء ونخلطها
ونخليها تختمر

25/07/2024

لي تعاوني بزوج نقاط ربي يعطيها زوج فرحات هاذي سمانة يارب❤️❤️❤️

25/07/2024

شكشوكة الباذنجان بنة متتشبعش 😋😋:
_4 حبات باذنجان 🍆متوسط الحجم،4 حبات طماطم🍅،4 سنات ثوم🧄،2_3 بيضات🥚:
_نقشر الباذنجان و نقطعة مربعات متوسطين نضيف عليه مغرفة كبيرة ملح و ننقعو في الماء 20 دقيقة نحط عليه طبسي ، مبعد نصفيه من الماء و نعصرو مليح مليح ، هنا لكم الاختيار تحبو تقلوه في الزيت على نار متوسطة ، تحبو تقليوه في الفرن جبت بلاطو فرشت فيه زرق الطهي حطيت الباذنجان ضفت عليه 5 مغارف زيت،فلفل اسود شوي كروية و سنة ثوم نخلط جيدا و ندخلو للفرن على 250° يطيب ل 25 دقيقة
في مقلة درت مغرفة مارغرين و قليت 3 سنات ثوم تحبو تسكرفجوهم تحبو تقطعوهم قطع صغيرة مبعد ضفت 4 حبات طماطم قشرتهم نحيتلهم زرؤعو و قطعتهم مربعات نقص للنار نغطي المقلة بعدما طابت نعبزها بالفرشيطة نضيف شوي ملح و قرصة سكر ، كي يطلع الزيت من فوق نضيف الباذنجان نخليه يتشرب طماطم مبعد نفقس عليه 2_3 بيضات خلطتهم من قبل مع شوي معدنوس و شهية طيبة

25/07/2024

لي كورني مالحين😍😍
#طريقةالتحضير 🌸
العجينة
في ايناء نحط 2 كيسان فرينة+كأس إلا ربع ماء 3 ملاعق كبيرة زيت +ملعقة صغيرة خميرة فورية ملعقة صغيرة خميرة كميائية ملعقة صغيرة ملح نخلط جميع المكونات نتحصل على عجينة متماسكة ندخل فيها ملعقة كبيرة زبدة طرية ندلكها 3 دقائق نغطيها ونخليها ترتاح نبسط العجين رقيق ونقطع شرائط 1 سم نلف على المول وندهن بصفار البيض ونرش جلجلان والسانوج ندخلهم الفرن يطيبو على 180 درجة حتى يحمارو نخليهم يبردو وننزع الكورني من المول ونعمرهم بالحشو

🍂صلصة الجبن : في كاسرونة ندير كاس حليب ملعقة كبيرة مايزينة فلفل اكحل رشة ملح قطع جبن طري جبن مبشور نخلط بارد في بارد ونحطها فوق النار مع التحريك المستمر حتى يعقد الخليط نطفي عليه ونخلط معاه علبة تون مع زيتون اخضر مقطع رقيق ونغمس الراس في الجبن المبشور
🌸شهية طيبة 🌸

20/07/2024

عصير الليمون والزنجبيل🍋🫚🍋:
المكونات:
عصير ليمونتين
قطعة صغيرة من الزنجبيل الطازج المبشور
1 كوب ماء بارد
مكعبات ثلج
اختياري: ملعقة كبيرة من العسل أو السكر
الطريقة:
في الخلاط، اخلط عصير الليمون مع الزنجبيل والماء حتى يتمازج الخليط جيدًا.
أضف العسل أو السكر الاستيفيا إذا رغبت. اخلط مرة أخرى.
أضف مكعبات الثلج واخلط حتى يبرد العصير تمامًا.
صب العصير في أكواب التقديم وزيّن بشريحة من الليمون.

20/07/2024

وصفة خبز السندويتش
زوج كيسان و نصف فرينة
ملعقة اكل خميرة الخبز ( مش معمرة بزاف)
ملعقة صغيرة سكر
ملعقة صغيرة ملح
ثلاث ملاعق كبار زيت
حليب تلمي بيه العجينة
الطريقة :
خلطي النواشف وحدهم زيدي الزيت. و مبعد لمي بالحليب خلي العجينة ترتاح. حوالي نصف ساعة و مبعد شكلي كريات افتحيهم قرصات صغار ( كيما الكسرة) ادهنيها بالزيت و مبعد عاودي سكريها يعني تتحصلي على نصف دائرة و خليهم يرتاحو يخمرو شوية و طيبيهم و صحة و عافية ❤️