06/09/2026
🐝 منشور للنحالين... ممنوع على أصحاب القلوب الضعيفة! 😅 🍯
واحد قال لصاحبو : علاش وليت نحال ؟ _ حبيت مشروع هادئ ، نعيش مع الطبيعة و نبيع العسل .
بعد عام : _ يا خويا ، الملكة ما راهيش تبيض! 😡 _ النحل راهو يسرق العسل! 😤 _ السكر غلا! 😭 _ الزبون يحب العسل بنص السعر! _ و الخلية اللي كنت حاسبها قوية... طلعت تدير غير في البرستيج . 😅 🐝
و الأغرب من هذا كامل ؟
تدخل للمنحل تقول : " اليوم ما نفتح حتى خلية ، نخليهم مرتاحين ."
بعد 5 دقايق : " خليني نشوف غير خلية وحدة... "
بعد ساعة : " آآه يا ولاد الحرام ! شكون بدل لي الملكة ؟ "
و تلقى روحك في الليل : 📱تبحث : " كيفاش نعرف النحلة واش راهي حاسة ؟ "
ثم يجيك واحد ما يعرفش الفرق بين الملكة و الذكر : " خويا عندك عسل أصلي ؟"
تقول له : عندي _ شحال _ 5000 دج _ " واش بيه؟ فيه الذهب ؟"
تجاوبه : " لا خويا ، فيه عرق النحل... و اللي ما يعرفش قيمة العسل ، يروح يشري سكر و يخلطو مع الماء " 😅
و في الأخير ، النحال يقعد وحدو قدام الخلايا و يقول :
" أنا مانربيش النحل... أنا نربي روحي على الصبر! 😅
🔥 سؤال للنحالين الحقيقيين :
واش هي أكثر حاجة خلاتك تندم نهار دخلت عالم النحل ؟
1️⃣ الملكة ما تبيضش 2️⃣ النحل ما يستهلكش العجين 3️⃣ العسل ما كفاش حتى للمصاريف 4️⃣ الزبون يحب العسل ببلاش 5️⃣ كل ما سبق و زيد عليهم 🤣
👇 أكتب رقمك ، و لا أحكيلنا موقف خلاك تقول : { نحب نبيع المنحل كامل و نرتاح } . 🍯🐝🤣
